المساعد الشخصي الرقمي

مشاهدة النسخة كاملة : اهل الباثفايندر


جردان
11/06/2008, 08:55 AM
الظاهر ان هذي اول مشاركة لي وتحملوني
ياهل الباثفايندر 2005 فضلاً لا امراً عندي بعض الاستفسارات

اولا السلة الزينة بالرياض وين القاها ومن اللي يضبطها
ثانياً فلتر القير الاوتوماتيك من يركبه غير الوكاله لان الوكاله يبون يلهفون الباقي من الراتب
رقبة حاشي
11/06/2008, 09:10 AM
انتبه ترا بعض السيارات بدون فلتر
جردان
12/06/2008, 12:55 AM
مشكور اخوي على الرد فعلا فيه سيارات بدون فلتر بس الباثفايندر اوتوماتيك فيه فلتر قير وفيه عندي مشكلة ان القير احيانا يحصله مثل الكتمه وسألت هل الخبره قالو من الفلتر عشان هيك ماودي اصلحه عند الوكاله لانهم قاهريني باسعارهم
سحابه
12/06/2008, 01:44 AM
اخوي جردان
فيه ورشه كتاكيت في معارض النسيم إذا كنت على طريق خريص وجتك المعارض على اليمين ووقفت عند الإشارة خذ يمين وإمش لين تجيك على اليسار أنا مركب الفلتر عندهم وإذا ماعرفت الوصف اتصل على الاستعلامات وخذ رقمهم ودق عليهم يوصفون لك
إرجو أن اكون افدتك
لاتنساني من دعاك
جردان
12/06/2008, 02:39 PM
سحابه
الله يجزاك يخير وماقصرت انا عرفت الوصف وابروح باقرب فرصه ان شاء الله بس مدري وشلون شغلهم والعمال اللي عندهم ياليت يكونو فلبينيين
وماعليش ابثقل عليك اذا تعرف وين اللي يضبطون السله حقت التنده
escape_man
12/06/2008, 02:47 PM
الظاهر ان هذي اول مشاركة لي وتحملوني
ياهل الباثفايندر 2005 فضلاً لا امراً عندي بعض الاستفسارات

اولا السلة الزينة بالرياض وين القاها ومن اللي يضبطها
ثانياً فلتر القير الاوتوماتيك من يركبه غير الوكاله لان الوكاله يبون يلهفون الباقي من الراتب

فائدة لك وانا اخوك

فلتر القير حق الباث مايغير ابداَ ابداَ الا اذا كان عندك مشكلة بالقير

هذا كلام الوكالة

الزيت حق القير يزود اذا هو ناقص
جردان
13/06/2008, 12:21 AM
بن غيثان جزاك الله خير انا غيرت زيت القير بعد مامشى 90 الف والآن ماشي 108 الف وفيه احيانا ثقل عند التغيير وسألتك اهل الخبره بالنيسان قالو من الفلتر وسألت مره واحد يبيع بقطع غيار نيسان قال مثل كلامك لاتغيره وانا محتار الان مدري وش الحل
ابوعبدالعزيز4
13/06/2008, 02:10 AM
اخوي جردان بالنسبه للسله فيه المميز في الرياض في صناعية الدائري بس اسعارهم غالية
الساهر2003
13/06/2008, 02:46 AM
هلا ومرحبا اخوي ,,

انا سبق ونويت اغير الفلتر ورحت لفني فلبيني معامله لاكثر من 8 سنوات << يعني الميانه طايحه بيننا ..

الزبدة اني رحت لمه ابغى اغير الفلتر وقال الفلتر حق الباث الاتوماتيك مايتغير الا اذا خرب القير او جاه صدمه ,, لانه فلتر حديد .. يعني مايغير ابد مثل الهوندا الاكورد ,,

فأنت جرب غير الزيت واستخدم زيت مايحضرني اسمه الان لكن علبته سودا وقيمة العلبه الوحده 10 ريال ,, هذا تقريبا افضل نوووع استخدمه

تقبل مروري
جردان
14/06/2008, 08:23 AM
ابو عبدالعزيز4
الساهر 2003
جزاكم الله خير وماقصرتو الساهر اجل نبي نتوكل على الله وننسى الفلتر
ابو عبدالعزيز ولا عليك امر اذا عندك وصف او تلفون للورشة
الساهر2003
14/06/2008, 04:09 PM
اخوي راجع الخاص
جردان
14/06/2008, 11:31 PM
الساهر 2003 بارك الله فيك ممكن اذا ماعليك كلافه ترسل صور السله علشان نتفاهم لاني قريت الرساله متأخر وما حبيت اكلمك

تحياتي
الساهر2003
15/06/2008, 09:41 AM
اخوي ممكن تتصل اوترسل رقم جوالك حتى ارسلها وسائط لك
مع اطيب تحية
العـابر
15/06/2008, 05:44 PM
اخوي زيت القير يغير كل 50000 الى 60000 كيلو
زي زيت المكينة لانه فيه صرة بالكارتير حق القير
والفلتر يغير كل150000 الى 200000 كيلو وقيمته 75 ريال عند بن ماضي
وغيرة عند اي ورشة تثق فيها وعلى شغلها طلب لان الشغلة ماهي صعبة
ولاتنسى تركب وجه معجون حق تويوتا الاصلي بـ 60 ريال لان معجون نيسان غالي


خبرة اكثر من خمس سنوات بالباثفندر
تقبل تحياتي
جردان
15/06/2008, 08:15 PM
العابر
انا عاجز عن الشكر والله لايخلينا من ملاك الباثفيندر وغيره بس بن ماضي وين مكانه
تحياتي