ملاحظة على اللاندكروزر الجديد من يشاركني فيها ؟

[بن درويش]

مرحبا ومسهلا بالجميع . .

لاحظت ان اللاندكروزر الجديد 2008

التكييف فيه ما يبرد الخاطر الصراحة

لا من ناحية قوة دفع الهواء او من ناحية برودة الهواء نفسه

طبعا بارد ما قلت شي بس قصدي مهوب زي الموديلات السابقة ابدا ً

اخبر الموديلات السابقه لو تحط الهواء على الفل تحصل غترتك تتحرك تهفهف

من قوة الهواء ..

لكن هذا لأ ..

شكيت قلت يمكن موتري بس جربت موتر صديقي نفسي ونفس المشكلة والملاحظة

مدري شرايكم وتعليقاتكم على التكييف

مع العلم انني جربت يوكون 2007 الجديد اول ما نزل وكان تبريده رووووووعه

وبرضو الالماني وخصوصا ال بي ام دبليو في تقديري تبريدهم افضل

من الكروزر الجديد

عشان كذا مصنف في راسي اصفق اللي عندي واطق لي يوكون على هالـ حر



تحياتي لكم
بن درويش

[سيف الظفير]

وش ترجي من سيارة تمر على خمس دوووووووووول كل دووولة ترقع فيه شئ !!!!!!!!!!!!!!!!!!

[ffahad]

كلامك سليم ولاكن شغل الي وراء والي قدام

[هـدد]

وازيدك من الشعر بيت
ماتلاحض اذا شغلت الثلاجة يشتغل المكيف ويجيك هوا لو ماودك

[ابو صقر 111]

افعل ولا حرج

[.أبوعبدالرحمن]

ايه ترووح تبيعه وتخسر اللي تخسره



انتبه تبيع


مافيه سيارة الا وفيها عيب


ولكن هذا اشوف انه غير مبرر لبيع السيارة جديدة وموديلها اخر موديل عشان دفع الهواء للتكييف


وايضا غير معقول ان اللاند كروزر ما فيه اي مميزات تمحي عيب التكيف



والخيار لك اخي الغالي

ولكن ما ودي انك تخسر نفسك

[سفير الصمان]

يابن درويش
المكيف تبريده ما فيه أزين منه ومافي أقوى منه
ودايم أشغله على أول درجة أو ثاني درجة ويثلج حتى الظهر
وإذا عليته على آخر شي يمكن يطير شماغك إذا فتحت الدريشة ...
ملاحظة في غير محلها

[السارحي]

شوف يالغالي انا عندي GX 2008 V6 والحمد لله ماشفت عليه الا ملاحظه وحده فقط

اذا شغلت الثلاجه غصب يشتغل المكيف ولكن اذا فكرت فيها عدل انت ما راح تحتاج الثلاجه الا في الصيف على الاغلب
وان شاء الله الشباب يلقون حل للمشكله هذي

لكن التكييف ممتاز ولا عليه اي ملاحظه وفي عز القايله

[السفير2006]

يشباب راجع دليل المالك الي يجي مع الوكاله وتلقون الحل النشألله

[فهد-بوعبدالله]

بنسبه للاندكروزر 2008 الحمدلله مافي عيب في التكييف او غيره وهو نفس المكيف في 2006/2007 يمكن في السعودي وارد عبداللطيف جميل مادري عنه لانه بنسبه لي اخذته من وكاله خليجيه غير السعوديه صحيح دفعت زياده حوالي 35000 الف ريال بس شفت الفرق بين الاثنين
الخليجي لفت انتباهي انه الانوار والجنوط واشي اخره جميهامكتوب عليها صنع في اليابان يعني مافيه اي تجميع بعكس ابوجميل الانوار والجنوط ليس عليه اي كتابه وبعضها مكتوب صيني والدعسات كل قطعه من مكان حتى الجناح الخلفي والدعسات تم تركيبها في جده وينقص بعض الازرار الداخليه

[ممتر البران]

ايه ترووح تبيعه وتخسر اللي تخسره



انتبه تبيع


مافيه سيارة الا وفيها عيب


ولكن هذا اشوف انه غير مبرر لبيع السيارة جديدة وموديلها اخر موديل عشان دفع الهواء للتكييف


وايضا غير معقول ان اللاند كروزر ما فيه اي مميزات تمحي عيب التكيف



والخيار لك اخي الغالي

ولكن ما ودي انك تخسر نفسك


ليت العالم مثله يالربع
تحيتي لكم
ابو سعد

[حان الرحيل]

السلام عليكم ورحمة الله
بالنسبه لمكيف اللاند كروزر ياجماعه مافيه كلام
لكن حسب وجهة نظري هناك عوامل تتحكم في الحكم على الاشيا منها
1درجة الرضا عن السياره بعد الشراء
2مستوى التكييف في سياره اخرى لدى المالك وخصوصا اذا كان حجمها صغير او سياره سابق
3حالة الشخص قبل ركوب السياره وكذلك المنطقه الموجود فيها قبعض المناطق الاوكسجين فيها قليل فينتج عنه ضعف عزم السياره لعدم اكتمال الاحتراق وكذلك ضعف قوة التكييف
اما بالنسبه لسيارات ابو جميل وهذا الكلام اكرره دائما في اكثر من منتدى لا شي يركب في جده على الاطلاق ماعداgxr-j والذي فشل وله قصه لايوجد مجال لذكرها
الجنوط المسجلات بعض الانوار الكفرات لا تركب في جده ابدا ولا يوجد سياره في العالم تشحن بجنوط مثلا ثم تفك ثم تعود الى بلد المصدر الحاصل
تشحن جميعالاشياء مثل الجنوط والمسجلات وغيرها وغيرها من بلد المصدر كالصين وتيلند وجنوب افريقيا الى خطوط الانتاج في البلد المصنع للسياره وتركب هناك فيصبح تكلفتها اقل ب20%تقريبا ...والباقي انتوا فاهمينه..ولكم وافر التحيه واعذروني على الاطاله

[مقلع الرمث]

ياخوي العيوب راح تحصل واجد لكن اتوقع الموديل القادم يتلافون اغلب الخربااات

[monsixnet]

_

بغض النظر اذا فيه عيوب او مافيه

دائما لا تشرى اول دفعه او موديل فى الشكل الجديد من اى نوع...اقل شئ تصبر سنه او سنتين

[فارس العمور]

المكيف صار من اهم النقاط في كل سيارة

الحمد لله الباثفندر تبريده خياااااااااالي وعلى سبع (7) سرعات وبرودة عجيبة صراحه (ماشاء الله)

بالنسبة لسيارتك تأكد ان غاز الفريون مليان واصلي والكمبرسور لان ابو جميل كان يركب كبرسسورات لبعض السيارات ويصير المكيف مش حالك

بس صعب يركب لهذه السيارات !! قووووويه

[مواسي الطعوس]

** وانت ما لاحظت الا هذه واجد لكن اسالوا اللي يقولون وهقونا العالم وشرينا يقولون لك العيوب منها

** واحد باع سفاري رقم 2 يقول فقنا اشياء من ضمنها الفرامل يقول مافيه فرامل مقارنه بالسقاري واليوكون
** الثاني يقول فقدت خفة الدركسون ( يازين اليوكون)
** واحد يقول اسوقه واهون غير راحة اليوكون وممسك دركسونه المريح لاتدور

**** وانا اقول رايح تفقد التلفت في البر عيونك دايم على الطريق (الدفرنس هو الدفرنس التقليدي)

[هارون97]

هل يا أخي ما فية ألا هذا المشلكة تري ناوي أشتري قير عادي