ياهل الاختراعاات والترهيييم ممكن دقاااايق/ استبنة الاند السفليه

[شامخ ألهيلا]

السلام عليكم

طاال عمركم انا معي GX-R
كان استبنه علاق وغيرة الخلفيه الى خلفية لكزس وكل شي سهل وتماااام بس المشكله ؟؟؟؟

الاستبنه وين اوديهااا ؟؟

بركبها تحت

رحت التشليح قالوا لي نعطيك اغراض الاستبنه من ونش وكمر والقاعده والمضبات لللاستبنه بي 1500 ريااال

ورحت الوكااله قالو كامل رااح يكلفك 1200 ريااال وطلبيه وانا رجاالن بسافر خلال هالصيف

المهم ابي منك الفزعه دلووني على اووفر الطرق واسهلها

اخوك شامخ

[NISSAN 94]

مساك الله بالنور شامخ الهيلا
روح للوكالة وريح نفسك واترك التشليح

[شامخ ألهيلا]

حيلك الله نيسااان

طال عمرك ابي اشووف احد قد صارة معه هالمشكله علشان استفيد منها

[monsixnet]

_

شكل الوكاله ارخص

[ابوبدران]

السلام عليكم

شف شيال استبنه الونيتات يمكن تنفع مع مراعت فرق وزن الكفر بين الونيت والجيوب بحكم الجيب
اكبر واثقل

[أبو مسفر]

انا ادلك على أوفر الطرق وأسهلها
انت قلت بلسانك التشليح بـ 1500 مع الدنفسة وشين الاخلاق وعدم الضمان ومع ذلك كله يبقى مستعمل ما تدري وش جاه قبلك

والوكالة بـ 1200 شغل صح وجديد وتمشي وانت مطمئن

والخيار لك

[khalidmib]

الحل عندي وانا ابو هندي
اعطيك ونش الاستبنة اللي عندي بكامل مساميره وعدته ببلاش وتركبه بسيارتك بس بشرط اخذ كرسي الاستبنة حقك ( اذا كان اصلي ويركب على جيب جي اكس 91)
رقمي 0506332413

[ابوعقل]

خلك على الوكاله اضمن

((الوكاله مع التركيب ولا بدون))

واذا انت مستعجل خل الأستبنه داخل السياره

لين ما تجيب الوكاله اغراضك

[ناصح]

إذا أنت راعي سفرات ورحلات

فقد ارتكبت خطأ فادح


لأن الإطار الأحتياطي العلاق عملي جدا


أما السفلي فله مشاكل كثير خاصة في البر والغراز والمناطق الوعرة

ويتعبك عند تبدليه ..

[الروقي2]

كلام ناصح صحيح -انا عندي لاندكروزر اسبيره تحت ورهمت اسبيرعلاق عشان مشاكل البر والتغريز واعجل بعد-وصار عندي اسبيرين

[شامخ ألهيلا]

ربي يعطيكم العافيه ماقصرتوا والله

انا ناووي اركب بالون خلفي لرفع الموتر وقت اللزوم

الاستبنه العلاق مشاكلها كثير لان اي ضربه عليها لو طفيفه تعفج البيبان وهذا الشي الي خلاني اغير الخلفيه

[الذهب الأبيض]

مساك الله بالنور شامخ الهيلا
روح للوكالة وريح نفسك واترك التشليح

[ابولولو]

اخوي شامخ كان معي فكس ار2003وغيرت الاستبنه العريضه باستبنه سخيفه وركبت كعكات والله تغير الحال كثير ملاحظه استبنه تحت الشباب مركبين بلونات الي قال افقعت والي قال غاليه هذي وجهت نظري

[M o b d a]

إذا انت ما لقيت لك حل ..

أنصحك تروح تشتري جنط 16 سخيف اللى يجي على الهدد والجي مع كفره

وتحطه داخل الموتر ..

وهمن لا رجعت عاد دبر عمرك

سير عل إحدى هالورش ..

وزبط وضعك

وبالتوفيق لك يالغالي

وترجع بالسلامه

[شامخ ألهيلا]

الذهب
وابو لولو
مبدع

لاهنتم على مرووركم وارااكم
ولاكن الاسعار خياليه
التشليح غالي حيل
والوكاله يقوولن طلبيه وسعرهم بعد غالي

والتشليح فيه انواع الدنفسه والخبث والطمع اذا يبيعك القطعه بيحسب عليك مساميرها بسعر

انا اسبوع كامل في تشليح الحاير والنظيم
والله ماتتوقعون كم اسعارها ناار في التشليح

[العرّاب]

مساك الله بالخير يالشامخ جيتك بالخبر اليقين . البارح الي هو يوم الجمعة رحت التشليح واشتريت الكمر والونش 400 ريال فقط لا غير . وازيدك من الشعر بيت المكانيكي الي فكة ركبة لي بـــ 50 ريال . ولا احد ينصب عليك . بس للمعلومية انا سيارتي بيبان والاستبنة على الباب . بس رحت ركبتة منظر . واشتريت لي استبنة تجاري مع كفر مستخدم نظيف بــ450 ريال . يعني الدعوة كلفتني كلها 900 ريال فقط لا غير .

[شامخ ألهيلا]

اخوي العراب ياليت تفيدني اكثر من اي تشليح اخذته هل من الريااض
واذا تخبر لي بعد ثاني لاهنت

[العرّاب]

اخوي انا شريتها من تشليح تبوك . وانا عارف ان تشليح الرياض نصابين وكمان حتى الي عندنا هنا . الونش تاخذه اصلي من الوكالة بــ 145 ريال . وانا لاقية لحاله هنا في التشليح 200 ريال . لاكن انا خميته واشتريت الكمر والونش 400 . مع العلم ترى الكمر غالي في الوكالة لاكن ما يحضرني سعرة . ترى هم دايمن يبيعونة هنا مع بعض ومتوفر . والحل الوحيد لك انك تعرف واحد هنا في تبوك يدبرة لك او تشوف تشليح النهدي في جده ترام مره رخيصين متوفر عندهم القطع حتى بعض السيارات الي ما تخطر على بالك.واذا تبغانا نخدمك بشي فانا حاظر تحت امرك .