صار معي هالمشكله فكتبتها كي تكون عبرهـ

[معاند الريح]

السلام عليكم ورحمة الله وبركاتهـ .,

احبابي اعضاء ومشرفين منتديات مكشات ,,

والا امسيكم بالخير جميعا وثانيا وابختصار

صارت معي سالفه قبل امس وحبيت ان اكتبها هنا كي تكون عبرهـ للجميع ,,

http://www.mekshat.com/vb/************** (http://www.mekshat.com/vb/**************)


8

88


قريت الموضوع المكتوب في الاعلى ,, وانا كنت ابحث عن سياره مثيله لها ,,

فأتصلت على صاحب الرقم الموجود بالاعلان وسمت السياره وقالي ارد عليك بكرا

جا بكرا واتصلت فيه فرفض سومتي الاولى وزدت السومه عن سومتي الاولى الى 3 الاف ريال

فقال شوي وارد عليك دق علي قالي بعتك قلتله تراني اخذت كلمه منك قال ابد خلاااص الموضوع تم

علما باني ساكن بالرياض وهو في الشرقيه الكلام هذا المغرب قلتله اليوم انا بالليل سوف امشي للشرقيه علشان
نتقابل بكرا النهار في الدمام فقال تم وقال ترى الموتر مع ولد عمي الحين في الجبيل بس بكرا راح يجي على موعدنا قلتله اوكيه


ما مشيت الامتأخر وانا بنصف الخط ويتصل علي رقم فيوم رديت طلع طلع ولد عمه الي معه الموتر وقال ترى هونت عن البيعه قلتله انا بنص الطريق قال اجل خلاص تعال

يوم وصلت الحمد لله بالسلامه اخذت شقه ونمت يوم صحيت في النهار دقيت على صاحب السياره وواعدته

وفحصت السياره ودفعت فلوس الفحص وطلع فيها بعض العذاريب وتغاضيت عنها فقلت هيا لنذهب للمعرض فقال ترى ما راح ابيعك بسومتك

قلت كيف ذلك قالي هونت ابيع بهالقيمه فطلب زوود حول 3500 ريال ,؟؟؟؟؟؟؟؟؟؟؟!!!!!!!!!!!!!!!!


خسرت تكاليف الطريق وانا شاب في الجامعه وعندي اختبارات خسرت بعض الوقت وخسرت تكاليف السكن وهذا الي صار معي بالاخير ,,,,,,


ولكن اقووول ,, الله سبحانه وتعالى راح ياخذ حقي منهم وانا والله ما اسامحهم ,,

والله يشهد على مصداقية كل كلمه قلتها ,,


واتمنى منكم ان اسمع ارائكم ,,

والله يجزاكم خير واسف على الاطاله

تم تعديل الرابط بواسطة المشرف

[Magellan]

أخوي معاند الريح
كان الله في عونك والحقيقة أنا أرى أنك إنظلمت كثيرا إلا أن يأتي الطرف الآخر ليبرر موقفه ...
طبعا نصيحة لاتاخذ سيارة من المنتديات مع إحترامي لمكشات وأعضاؤه وزواره ..
ولكن الموضوع للعموم وليس خاص لمكشات ..
برأيي من يعرض في المنتدى ويساوم على سيارة هو من باب المجازفة ،
وأنا مثلك سبق أن ساومت على ربع تايوتا قبل سنتين موديل 94 وساكن بالرياض ووصلته لل32 الف
علما بأنها سيارة شركة سابقا ولكن إتضحت المصداقية معدومه
وعليك بالسوق وأنا أخوك اللي يساومون تشوفهم قدام عيونك وتعرفهم بأسماؤهم
أما هنا فالجميع يٌساوم تحت أسماء مستعارة وبالإمكان التناجش بالسلع بسهولة لعدم وجود رادع يردعهم ...
أضف لذلك هناك من يحاول تصريف سيارته بأعلى من ثمنها التي تستحقها بطريقة عرضها في السوق وبعد ذلك يعرضها بالمنتدى وكل فترة يرد ويقول جاني إتصال وسامها بمبلغ كذا (أي أعلى من سومتها السابقة)..
طبعا كله بعيد عن نظر المشتري فيسوم من بعيد لبعيد وقد يحصل تلاعب من البائع برفع السلعه من نفسه ...
أخوي نصيحة خذ ماتشوفه بعيونك وتلمسه بيدينك أو من قريب تعرفه ويعرفك
والمنتديات أبعد عنها قدر المستطاع إلا من رحم ربك

تحياتي

[ابوعقل]

معاند الريح

((احمد ربك على كل حال ))

وانا كنت نشارك بالموضوع

ولي ردود

والله يعينك

وتلقا موتر احسن منه

ان شاء الله

[بواسامه]

الحمد لله
لعل الامر فيه خيرة لك
وهذا درس لك مستقبلا
لا تتعامل الا مع رجال مايغير كلمته
وارسله واحد عنده يحجز الموتر بمعرض حتى تفحصه
اما اللف والدوران ابشر به
وياكثرهم في المنتديات

[الشملاني1]

يارجل لعلها خيره لك
الله يرزقك بخير منها

[بيضا القاع]

الصراحه السالفه صارت باكثر من منتدى وبعضهم يسجل بنك نيم ثاني ويزود على سيارته عشان يرفع السعر السومه ويزيد ويساوم وهذا مخالف للشريعه والاسلام ولكن الله يمهل ولا يهمل وحسابه عند ربي

[عاشق الرفاليو]

الحمدلله علي السلامه الله يرزقك بي اخير منها نصيحه للشباب لااحد يشتري اي سلعه او بضاعه عن طريق النت الا اذاكان من نفس مدينتك ولاحد يتوهق دفع عربون سوا عن طريق حواله بنكيه اوغيره الحذر من الشرا عن طريق النت حتي لو سمعت كلام معسول من صاحب البضاعه سمعنا قصص غدر كثيره عن طريق النت ربما تكون طيبتك دفعتك للوثوق بغيرك لكن صدقني انت اقل ضرر من غيرك والله يعوضك

[المستجيربالله]

أخي الكريم معاند الريح


السلام عليكم


بداية يطيب لي أن أشاركك فيما أصابك


وأود أن أهمس في أذنك بكلمات


إعلم أن ماأصابك لم يكن ليخطئك


وما أخطأك لم يكن ليصيبك


هذه تجربه والمرء لايكون خبيرا إلا من التجارب


يستفيد من سلبيات وإيجابيات الأمور


واعلم أخي الكريم أن الخيرة فيما اختاره الله


والله لو كتبت لك لما كان ماكان


ولكنها إرادة الله


ومن أركان الإيمان ( الإيمان بالقضاء خيره وشره)


قد لاتعلم أنك لو اشتريتها وسافرت بها راجعا أن يحصل لك مكروها لاقدر الله فكانت إرادة الله ألا تشتريها


هون عليك أخي الحبيب


فوالله ماأصابك معشار ماأصاب الأنبياء والسلف الصالح


واعلم أن الله إذا أحب عبدا ابتلاه






أما والله إن الظلم لؤ م= ومازال المسيء هو الظلوم



إلى ديان يوم الدين نمضي=وعند الله تجتمع الخصوم




ستعلم في الحساب إذا التقينا =غداً عند الإله من الملوم




لهوت عن الفناء وأنت تفنى=وما حي على الدنيا يدوم


تروم الخلد في دار المنايا =وكم قد رام غيرك ما تروم


سل الأيام عن أمم تقضت=ستخبرك المعالم والرسوم








يا صاحب الهم إن الهم منفرج = أبشر بخير فإن الفـارِج الله







اليأس يَقْطَع أحيانا بصاحِبِه = لا تيأسَنّ فإن الكـــافي الله






الله يحدث بعد العُسْر مَيسرة = لا تجزعنّ فإن الصَّـانِع الله






وإذا بُلِيتَ فَثِقْ بالله وارضَ به = إن الذي يَكْشِف البلوى هو الله






والله ما لَك غير اللهِ مِن أحَدٍ = فَحَسْبُك الله .. في كلٍّ لكَ الله

[سوبر152]

قد لاتعلم أنك لو اشتريتها وسافرت بها راجعا أن يحصل لك مكروها لاقدر الله فكانت إرادة الله ألا تشتريها

هون عليك أخي الحبيب

[حلال المشاكل]

حسبي الله ونعم الوكيل على هؤلاء الناس المجرمين
يااخي المفروض ما يقدّر سفرك ويستضيفك بحكم ان غريب على البلد
يستغل ظروفك بريالات لاتنفعه يوم القيامة
لكن يا اخي لا تندم ربي له بالمرصاد ولن يبارك له مادام هذه نيته

[.أبوعبدالرحمن]

اخوي الغالي اولا


الله يحييك في هذا المنتدى الطيب


ثانيا تكفى وتكفى وتكفى انك تسامح الرجال



وفي الاول والاخير نقول قدر الله وماشاء فعل


ولعلها خيرة لك وله



لكن سامحه (( ومن عفا وأصلح فأجره على الله )) الاية



جعل ربي يوفقك في اختباراتك وييسر امورك

[((( الحر)))]

تحية الى اخي الغالي معاند الريح والى جميع الاعضاء المشاركين في هذا الموضوع...

اولا ... اخي معاند الريح ماشفت لك ردود او سومات في الموضوع ... ويمكن الامر صار بينكم على الخاص..

ثانيا.... كل المسألة انك استعجلت في الذهاب فلو انك اتصلت براعي السيارة الاساسي واخذت من راسه وتبايعت انت وياه قبل تكلف نفسك الذهاب الى الشرقيه....

ثالثا .... لا ارى فيه شي من الظلم فكثير ممن يرغب بشراء سيارة يذهب الى دول الخليج ويتكلف طيران وسكن وغيره.. ومع ذلك مايلقى شي ويرجع .. وانت الحمد لله مافيه خساره بينه...

رابعا ... اسال الله ان يجعل الخيره فيما اختاره الله لك فانت لا تعلم اين توجد الخيره .. فادع الله ان يعوضك خير منه...

اخي الغالي Magellan ...
كلامك فيه كثير من الاجحاف في حق منتدى مكشات ...

فكثير من الاعضاء باعوا واشتروا سيارات واجهزه كثيره من اعضاء اخرين بالمنتدى.. وانا واحد منهم .. حيث انني اشتريت سيارة من احد الاعضاء يسكن بمدينة الخفجي وانا بمنطقة السر وتقابلت انا واياه بعد اسبوع في الخرج .... ووجدت الرجل صادق فيما يقول عن سيارة وتبايعنا..

ومثل مايقولون اصابعك ماهيب سواء ..
فارجو عدم التعميم..

تحياتي للجميع

[شامخ ألهيلا]

ان شاء الله الامر خيره اخووي

وان شاء بتلقى افضل منه بالسوق بس شوري عليك ابتعد عن عروض المنتديات
انا سبق وسمت من واحد جيب لاند كروزر في موقع مستعمل واجهته وموديل الجيب 99 جس اكس ار اقل درجه قير عادي وبدون دفلك وبدون فتحه يعني الموتر ستتاندر اعتبره ولما جربت الموتر وانا وياها متفقين على 70 الف قلت تم وانا مالي خاطر على موتره قالي تبيه بي 85 الف طلع الرجااال راعي تجارب في السوماات ومو بيااع وطلعت انا رقم 5 في السومااات
والحمدلله نزلت السوق وشريت 2002 فل كاامل وانظف من سياارته بي 80 الف

واشوور عليك عليك بالسوق ولا وص نااس لك بسعي يدورون لك

اخوك شاامخ

[غضنفر]

ما له حق
صاحب الجيب ابد
يبيعك بالتلفون ثم يهون
يبدو انه طمع فيك يوم انه درى انك جاي من الرياض
ما نقول الا حسبنا الله ونعم الوكيل
الله يعوض عليك

انا بكل صراحة
متعاطف جدا معك
لأني ايضا فكرت جديا في شراء تلك السيارة بالذات
بصراحة خدعني وصف السيارة وممشاها
فكرت اني اسوي مثلك واروح لمه بديرته واشتريها منه
لكن الحمد لله اني شاورت من هو اكبر و اعقل مني
وشارو علي بترك تلك السيارة
مما قالوه لا تسوم ولا تشري شي ما بعد شفته


كان لي اكثر من تجربة
1- شراء عن طريق هذا المنتدى
2- بيع عن طريق منتدى آخر
وكلها كانت ناجحة ولله الحمد لأن أصحابها كانوا رجالا بمعنى الكلمة
اذا قال شريت فهو عند كلمته واذا قال بعتك فهو ايضا عند كلمته



على العموم اخوي
ولا يهمك ولا يكون بصدرك شي
جعلها خيرة
وعلى فكرة ترى الجيب الخليجي خاصة اذا كان مستعمل ما عاد يصلح
تدري ليه لان ضمانه فقط 60,000
اما السعودي فضمانه 100,000 اللف كلم
اخوي
عندي لك
جيب ربع سعودي جديد 2008
بسعر خيالي جدا
ارخص من الربع الي كنت بتشتريه
كود انه يعوض عليك
اذا لك رغبة
راسلني على الخاص ادلك على المعرض

[معاند الريح]

ماجلان

بو عقل

بو اسامه

شملاني

راعي عراوي

سوبر152

عاشق

المستجير بالله

حلال المشاكل

ابوعبدالرحمن

شامخ الهيلااا

الحر << انا دقيت عليه على الجوال لانه حاط رقمهـ

غضنفر << تصدق عاد ياخوي وش الي كان مظيق خلقي اني مالي وجه اقابل ابووي لانه نبهني قالي يا وليدي لا تخااطر بنفسك وتسافر علشان سياره وانت موب ظامنها

وقال يا ولدي ترى الناس الحين موب مثل اول الحين الواحد يحلف ويحط بذمته وهو موب صاادق يا وليدي انتبه

وانا كنت حرييص قلت لا يا يبه الرجال باين انه صاادق وانشالله بتشووف اذا رجعت قال انشالله وانا اتمنالك هالشي بس ما انصحك ,,

يوم رجعت ما كان لي وجه اني اقابله بس ابوي الله يحفظه ويطول بعمره هون علي وقال ما تدري يمكن هذا درس لك والله يعوضك ,,
وربي يخليك يالغالي على اهتمامك وانا والله ما اقدر ارسلك رساله خاصه لقلة مشاركاتي اتمنى منك ان ترسلي على الخاص طريقه كي اتواصل معك



وانا والله ثقتي بمنتدى مكشات غير كل المنتديات ليست مجامله بس اقرا المواضيع والردود احسهم نااس كبار العقل المنتدى تقريبا يخلو من صغار العقووول بالنسبه للمنتديات الثانيه


دعائكم ووقفتكم معي هذا اكبر دليل على صدق كلامي ,,


ما اقووول الا الله يجزاكم خير والله انكم خففتو علي ,, والله يجزاكم الجنه انشالله ,,

[نمر بن حثلين]

كل والدك الله يحفظه صحيح ما كان له داعي تسافر لان النكبات بالانترنت واجد ومافيه شي مضمون

وان حصل شي حولك ولا لا تعنى

[غضنفر]

معاند الريح
شيك على الخاص

[Magellan]

اخي الغالي Magellan ...
كلامك فيه كثير من الاجحاف في حق منتدى مكشات ...


فكثير من الاعضاء باعوا واشتروا سيارات واجهزه كثيره من اعضاء اخرين بالمنتدى.. وانا واحد منهم .. حيث انني اشتريت سيارة من احد الاعضاء يسكن بمدينة الخفجي وانا بمنطقة السر وتقابلت انا واياه بعد اسبوع في الخرج .... ووجدت الرجل صادق فيما يقول عن سيارة وتبايعنا..


ومثل مايقولون اصابعك ماهيب سواء ..
فارجو عدم التعميم..



تحياتي للجميع


أخي العزيز الحر بارك الله فيك وأجزل الله لك العطاء
آسف جدا إنني عممت على مكشات ..
لكن أخي العزيز ذكرت بأن مواقع الإنترنت تعج بالزين والشين
وخصوصا مواقع البرية ومستعمل ،،،
طبعا أنا أقصد من يأتي ليعرض سلعته هنا وفي نفس الوقت في عدة مواقع ولاحظتها كثير ، ولايخفاك هذا الأسلوب، ومن ثم ينقل سومة موقع آخر هنا أو ينقل سومة هذا الموقع إلى هناك وهذا خطأ كبير ولايصح بأن يعرضها على أكثر من محل حتى ينتهي،،
النقطة الثانية: لو أخذت إطلاله سريعه على منتدى بيع السيارات المستعملة لوجدت أكثر من 2000 إعلان، فكم نسبة البيع مقابل ماتم عرضه ، بالتأكيد نسبة ضئيلة وهذا يؤكد أن البيع عن طريق الإنترنت تنقصه المصداقية والوثوقيه...
النقطة الثالثة: بارك الله في سيارتك والله يعطيك خيرها ويكفيك شرها ، وطحت في واحد إبن حلال وأجودي وإن شاء الله إن الناس لازال فيهم خير..

ومشكورين وتعقيبي للإيضاح فقط ...

[أبو فهد11]

اخوي معاند الريح السلام عليكم

هون على نفسكــ ولعل هذا الامر خيرة لكــ

والشيء الآخر
ومن عفى واصلح فأجره على

أسئل الله أن يرزقك بسيارة أفضل منها

[بومعطش]

هونها وتهون ياغالي
وإن شالله فيها خيره لك أن هالبيعه ماتمت
قال تعالي((وعسى أن تكرهوا شيئا وهو خير لكم))صدق الله العظيم
وبالبنسبه للرجال اللي باعك ثم هون سامحه ولك الأجر إن شالله قال تعالى(( ومن عفى وأصلح فأجره على الله)) صدق الله العظيم
وكان الله في عونك وأسال الله أن يعوضك بالسياره اللي أطيب منها

[محمد الصرير]

الله يعوضك وأنا خوك ، والله يلقونها في هالحركة والله لو غيرهم وهذا العلم أنه ليبيعك لو بأقل من السعر اللي اتفقتم عليه لو حق ذبيحتك كضيف عليهم ، ياخوي السلوم وعلوم المرجلة راحت من الناس ، والله بعضهم يخسر عشان يبيض وجهه مع قبيله لو كان ما يعرفه ، لكن لا تتحسف جعله لك خيره إن شاء الله ودفعت بلاء عنك . ودمتم سالمين

[بدوي جنوبي]

لا تحزن اخي الكريم
شر صرفه الله عنك

وان شاء الله يعوضك الله خير منه

[gsb]

الرياض مليان معارض وسم على عينك اخوي
ولو رحت لشرقية تمشى وتشوف الموتر اعجبك اخذته ما أعجبك خله ويكون تنسيقك وتصالك مع صاحب السيارة مباشرة بدون وسطاء يغرونك ولايمكن تعتمد عليهم وبعض الناس طماع وجشع ولا يلتزم في كلامه ولوعلى حساب ريال واحد.
على العموم خيره لك إن شاء الله

[مقلع الرمث]

احتسب وانا اخوك

[مدمن فتك]

هونها وتهون ياغالي
وإن شالله فيها خيره لك أن هالبيعه ماتمت
قال تعالي((وعسى أن تكرهوا شيئا وهو خير لكم))صدق الله العظيم
وبالبنسبه للرجال اللي باعك ثم هون سامحه ولك الأجر إن شالله قال تعالى(( ومن عفى وأصلح فأجره على الله)) صدق الله العظيم
وكان الله في عونك وأسال الله أن يعوضك بالسياره اللي أطيب منها

خيره يارجال

[ابوعقل]

قال يا ولدي ترى الناس الحين موب مثل اول الحين الواحد يحلف

ويحط بذمته وهو موب صاادق يا وليدي انتبه

والله ان ابوك كلامه صحيح


الناس مهم زي اول

[معاند الريح]

الله يجزاااكم خير ,,

مشكورين والله وما قصرتو والله انكم ريحتوني من الغبنه ,,

[SuLTaN.M]

والله الحال من بعضه


طال عمرك انحن شباب في جامعة الملك فهد في الظهران

وانا من اهل الرياض

استفزع بي واحد قال ننشوفه ونرجع صد برد
قلت له يالله
طبعأً المعروض هنا في مكشات

دقيت على العيال ابيهم يشوفونه قبل ما نجي
ما لقيت احد يروح له
الزبده مشينا ووصلنا
يوم شفناه كلامه غير اللي في المنتدى

طلعت فيه بلاوي وهو ما قال لنا عنها

طلعت كارونه ويقول لنا فيه رمانه

الموتر مفجور ويقول نظيف
نزلت اشوفه من تحت

عرفت ماضي الموتر كله
من هدرزات وتعديلات
مسامير المكينه محكوكه << يعني منفك ومرجع (حق الهدرز)

الدبه اللي عليه ميب حقت البلد

الزبده ان كلام الرجال متناقض بقوه
لكن ما بان التناقض إلا يوم دخلنا الرياض

والسعر غالي
والمشلكله انه ملتزم

الزبده اننا رجعنا مثورين ن القهر

بغيت اكتب موضوع كامل عن السالفه عشان ما يطيح غيرنا فيها
لكن اللي مستفزع(ن) بي رفض قال الله يستر عليه
ومنها وانحن ما عاد ندور في النت شي ينشرا


ما اقول إلا الله يهدي الجميع
ويستر عليهم

[SuLTaN.M]

والله الحال من بعضه


طال عمرك انحن شباب في جامعة الملك فهد في الظهران

وانا من اهل الرياض

استفزع بي واحد قال ننشوفه ونرجع صد برد
قلت له يالله
طبعأً المعروض هنا في مكشات

دقيت على العيال ابيهم يشوفونه قبل ما نجي
ما لقيت احد يروح له
الزبده مشينا ووصلنا
يوم شفناه كلامه غير اللي في المنتدى

طلعت فيه بلاوي وهو ما قال لنا عنها

طلعت كارونه ويقول لنا فيه رمانه

الموتر مفجور ويقول نظيف
نزلت اشوفه من تحت

عرفت ماضي الموتر كله
من هدرزات وتعديلات
مسامير المكينه محكوكه << يعني منفك ومرجع (حق الهدرز)

الدبه اللي عليه ميب حقت البلد

الزبده ان كلام الرجال متناقض بقوه
لكن ما بان التناقض إلا يوم دخلنا الرياض

والسعر غالي
والمشلكله انه ملتزم

الزبده اننا رجعنا مثورين ن القهر

بغيت اكتب موضوع كامل عن السالفه عشان ما يطيح غيرنا فيها
لكن اللي مستفزع(ن) بي رفض قال الله يستر عليه
ومنها وانحن ما عاد ندور في النت شي ينشرا


ما اقول إلا الله يهدي الجميع
ويستر عليهم

[monsixnet]

_

الله يعوض عليك...... واحتسبها عند الله فما عند الله خيرا وابقا

[معاند الريح]

SuLTaN.M (http://www.mekshat.com/vb/member.php?u=77018)

انا والله وانا اخوك ما كنت ناوي اكتب بس قلت ابي اخواني الاعضاء ينتبهووون ,, وياخذون حذرهم

مشكور على المرور والرد يالغالي

[معاند الريح]

وشكرا لجميع الي ردو والله ناااس طيبين وردود طيبه ,,

الله يجزاكم خير ,, ويرزقكم الجنه

[الذهب الأبيض]

الصراحه السالفه صارت باكثر من منتدى وبعضهم يسجل بنك نيم ثاني ويزود على سيارته عشان يرفع السعر السومه ويزيد ويساوم وهذا مخالف للشريعه والاسلام ولكن الله يمهل ولا يهمل وحسابه عند ربي

خطيرة ذي ، لكن ما تلاحظون إن المزاود والسوم على مجهول ومن مجاهيل من باب المجازفة وإحراق المال ؟ إذا ماصارت السيارة قدامك وإلا يا أخي ليش تسوم ؟

[معاند الريح]

الذهب الابيض

اخو انت تسووم السياره على كلامه صااحبه واذا اتفقتوو وذهبت وشفت السياره وطلعت موب على كلامه

طبعا تقدر تهون او ترفض


زي المعارض تروح وتشووف سياره على نظرك همن يقوول ما فيها شي وتسومها وتعطيه عربون همن

اذا فحصتو يمكن يصير فيها شي واذا طلع فيها شي مجبور يرجعلك عربونك

النت نفس الشي ,,

شكرا لك يالغالي على مرورك

[turkiq]

ثالثا .... لا ارى فيه شي من الظلم فكثير ممن يرغب بشراء سيارة يذهب الى دول الخليج ويتكلف طيران وسكن وغيره.. ومع ذلك مايلقى شي ويرجع .. وانت الحمد لله مافيه خساره بينه...





كل ذا ومافيه ظلم!!!!!
عجيب امرك...
طيب ممكن تقول لي لو حصل معك نفس الموقف وش بتسوي?
بترجع فرحان من اللي صار?
واحد يوعدك ثم يخلف وهو عارف انك متعني الا ظالم لنفسه ولاخوه وما عنده نخوة او ذرة احساس

[بيبسي]

الحمدلله وش دراك يمكن انها خيره لك

[سيف الظفير]

عسى الله يعوضك بالجديد وبالموتر اللي يدسم شاربك وانا اخوك ماهوب كل من نبت في وجه شعر صار رجل,,

المرجلة صعبه وطواريق الرجال صعبه بس اهلها موجودين وبكثرة في هذا المنتدى ,

عدا ابو مشاركتين ثلاث ......

اللى جايين يبيعون ويمشوون ويتناجشون بالبيع حتى .......


هذا درس وعسى الله يعوضك خير بالاحسسن

ولا فيه يا الذيب احسن من السوق تشوف الموتر وتشووف اللي يسوم واللي يسوم ماهوب سام الا الجاد لأن البياع بياقف في حلق الشريطي النصااااب .



واللي قابلتهم


للأســـــف ,,,,,,,,,,,




بلغهم يسلمون عهده المرجلة ,,,,,,,,,

[معاند الريح]

يعطيكم العافيه

لا خلا ولا عدم