كفرات الدنلوب وسيارتي الباث فندر ؟؟ ارجو الفزعه ؟؟

[ابوعبيده]

السلام عليكم ..

مساكم الله بالخير ..

ياشباب قدر الله علي والحمد لله وشريت كفرات دنلوب من الغرابي وسيارتي با ث فندر , اول شهرين والامور لاباس لكن بعد شهرين انواع الازعاج بهالكفرات اذا لفيت يمين او يسار او اسرعت او هديت ازعاج كفرات .. والله فشلت من الناس يقولون وش هالي يفحط .. الكفرات لي سته اشهر

وش الري والمشوره ياشباب هل كفرات الدلوب كله ازعاااااااااااااااج او السبب عندي ؟؟

حقيقه افكر جاد اني ابيعهن واشتري غيرهن ..

[سحابه]

ابو عبيدة مساك الله بالخيرات
كنت مركب هذا النوع من الكفرات لكن على موتر صغير الحقيقة ماكان احسن منه هذا الي اقدر افيدك فيه

[عاشق السيل]

وعليكم السلام ورحمة الله وبركاته ،،

مرة وديت سيارتي عند مغسلة وبعد ماطلعت منهم ولأكثر من ستة شهور وأنواع الإزعاج بالكفرات حتى جاء فصل الشتاء وبديت أطلع على النفود وراح الإزعاج ولله الحمد !!

لذلك أتوقع يالغالي إن الإزعاج بسبب تغسيل الكفرات بنوع من أنواع الصابون اللي تخليها تصرصر ،،

والتوقع الثاني إن الكفرات ناقص هواها !!

هذا اللي عندي وتقبل مروري يالغالي .....

[.أبوعبدالرحمن]

اخوي الان في هذا الجو الحار كل الكفرات تطلع صوت


انا مركب يوكوهاما وفيها صوت عند اللفات وعند الفرامل


ايضا اذا مشيت على طريق الملك فهد في الظهر او في العصر

اسمع السيارات اللي بجمبي في الطريق كلها تطلع صوت


وهذا بسبب ان حرارة الزفلت وانتم بكرامة تلين الكفرات وتسبب الشيء هذا



وانا ما اخفيك ان الدنلوب فيه زود شوي عن الكفرات الثانية لكن الصراحة الكفر ما عليه كلام

يتحمل الحرارة والحمل كذلك تمام في الخطوط الطويلة والوعر والنفود

[ابوعبيده]

اخوي سحابه ماقصرت ..

اخوي عاشق السيل نصائح وفوائد غاليه اما التغسيل فسيارتي يغسلها يماني ب50 ريال وسوف اقوله يترك تغسيل الكفرات لمدة 4 ايام واشوف ..
اما الهواء اتوقع فوق 35 .. شاكر لك ..

[ابوعبيده]

اخوي ابو عبدالرحمن .. وفيت وكفيت ... لكن ازعاجه مايتحمل ولو كنت ادري عن ازعاجه ماشريتهن ..

كان معي كفرات فالكون ثلاث سنوات لاصوت ولا ازعاااااااااج ..

[محب الماحي]

ابو عبيدة اخاف إن الكفرات شريتها و هي مخزنة يعني قديمة

و تاريخ التصنيع موجود على الكفر

وشكرا

[خالدعبدالعزيز]

انا ما اغسل سيارتي الا كل ثلاث اسسا بيع مره وانواع الصرصره طب وتخير
يبي لك تحط فقس ابو فاس باذانك
المهم الدنلوب مشكلته الصرصره وخصوصا مع الحر والهواء نازل
ولكن افضل شي شفته على الجيوب ولا يصورخ ابد التويو والهنكوك وكلها مجربه ومشت معي زي الحلاوه
لاستخدام اكثر من 60 الف كيلو متر بس ماعمري نزلت هواهن

[ابوعبيده]

اخوي محب الماحي الكفرات تاريخهن جديد

الاخ خالد عبدالعزيز شكر لك ..

يعني ياشباب مافيه حل !!!!!!!!!!!!!!!!!

[المحترف800]

مثل ماقال أبوعبدالرحمن ماقصرا والله ... لكن عاير الكفرات يمكن الهواء ناقص ...

[راعي طويلات]

شيء طبيعي أخوي في الدانلوب أنها تزعق لان الكفر لين وخصوصا في الصيف بحكم حراره الجو وغالبيه الكفرات تزعق بالجو الحار
ومثل ماقال أبو عبدالرحمن الدانلوب مامثله في التحمل والنفود واليونه وفي الخطوط وهو من أفضل الكفرات على الجيوب

[عاشق السيل]

عندي لك حل قد يكون ناجح ،،

اطلع للنفود وخض الموتر خض بين هالسيوف وإن شاء الله يروح الصوت ،، لأن الرمل عبارة عن صنفرة ممتازة للكفرات ،،

جرب منت خسران شي وتقبل تكرار زيارتي ......

[مساير الليل]

أخوي معنا لاندكروزر عليه دنلوب ونفس الحال إذا ديورت أنواع الأصوات

وكانت على الددسن دنلوب ونفس الحال صوت إذا ديورت

[بن محفوظ]

ابو عبيدة ... عندي لك حل بس لاحد يضحك علي ..

كنت ملاحظها ايام المراهقة على الددسن ويوم طلعت للبر مره مسكت معي على تفحيط ويوم رجعت للديرة
راحت الاصوات ...

يعني فحط بالبر لين تقول بس ههههههههههه

[خ الفياض]

افضل الكغرات بالترتيب للباث فنتدر
ميشلان
برجستون
دنلوب
يو كوهاما
تويو
اما ميشلان ورفع يدك والله ان قيمته فيه

[باث 2004]

السلام عليكم ورحمة الله وبركاته
أخوي أبو عبيده
كل كفرات الدولنوب تطلع أصوات -أقصد اللي للباث-
خصوصا اذا كانت أكبر من حجم كفرات الوكاله
والعرض للكفر له دور أكيد
ولا اعتقد ان مسألة صيف وشتاء لها دخل بالموضوع
صار لي سنه مركبهم ومن أول ما ركبتهم ولهم أصوات
طلعت فيهم للنفود ألف مرة والصوت هو الصوت


تحياتي...

[ابوعبيده]

ماقصرتوا يالربع والله يعطيكم الف عافيه ..
وفيتوا وكفيتوا ..

[Abo Fhad]

تويو وبس

تصدق اني ركبت الدنلوب جديده ومن ثالث يوم بعتها بخسارة 400 ريال

واعتقد ان المشكلة في حجم الكفر ( 265/65/17 ) والمناسب للباثفندر ( 245/65/17 )

طبعاً يا اخوان هاذا رأي الشخصي ومن خلال تجربه .... المقاس الكبير للباثفندر غير مريييييييييييييح

نصيحه خلك على مقاس الوكاله وبس .......... وانصحك بال تويو وبس ..

http://www.bbccymru.co.uk/toyo%20logo.jpg

[الشقردي]

بخصوص الدنلوب
الهواء الطبيعي على اللاند 30 اذا ما كنت واهم (تلقاه على الباب أو غطا البنزين )
واذا ما تبي صوت عاير الهواء على 40 لكن الله يعينك على قساوة الكفر والمطب.

قالوها من أول في هالمنتدى
اذا سمعت هالصوت تدري انك راكب مركب عز (والكلام هنا عن اللاندكروزر).

[ابوعبيده]

ياشباب هل الفحمات له دخل في قضية الصوت ..؟؟؟

[مقام البدر]

من وجهة نظري الشخصيه الدنلوب اسوأ انواع كفرات بالعالم

حسنتها الوحيده بس بالنفود نسم الكفر الى 10 - 15 وامش كنك تمشي على زفلت

وغير كذا ماتنفع ولا بقرش

[escape_man]

افضل الكغرات بالترتيب للباث فنتدر
ميشلان
برجستون
دنلوب
يو كوهاما
تويو
اما ميشلان ورفع يدك والله ان قيمته فيه

اخوي بن فياض

هل كلامك من واقع تجربة او معايير تخص الكفرات الي ذكرت

على العموم من واقع تجربتي الشخصية ومناقشتي مع حقين الكفرات او ربعي وخوياي

ارى ان آخر كفر بالتقييم الي ادرجته هو الافضل

التويو TRACTION A
TEMP A
SPEED H

يعني ضد الانزلاق وبالحرارة وبالسرعة هو الافضل وزد عليها انه مايجي من دبي مثل اليوكوهاما والبرجستون

بعده مباشرة البرجستون BB ولكنه جيد اذا اخذته من الوكالة مباشرة

بعده الدنلوب ايضا B ولكنه معروف بعدم تحمله خصوصا اذا انت راعي خظ وبر بالاضافة انه ثقيل وبيعدم عليك صوفة العكس مثل ماحصل مع اخوي.

بعده الماكسس الكوري وهذا من واقع تجربة مقارنة بسعره لكن لا تستعمله اكثر من سنة

يوكوهاما وميشلان مايحتاج اتحدث عنها لانها اثبتت فشلها .. لينة جدا جدا وانزلاقها مافي اسرع منه وسريعة التفسخ فانا شايلها من قاموسي.

[ابوعبيده]

شكرا وبارك

[بيبسي]

الصوت طبيعي في الدنلوب انا جربتها كفرات الوكاله بالباترول واالاند واللكزس والحين معي اف جي 2008 مامشى الا25000 وتطلع صوت شككتني قي نفسي كل شوي اعاير الهواء ... هذا شي طبيعي بس الكفرات نوعها جيد وصبوره والحمد لله مع كثر استخدامها في اكثر من جيب ياباني على مدى 10 سنوات تقريبا ... ماقد انضرب علي منها شي ولله الحمد مع اني كنت مااغيرها الاكل سنتين...