المساعد الشخصي الرقمي

مشاهدة النسخة كاملة : اخواني بعد شراء سيارة باث 2008 واجهتني ...!


فارس العمور
12/06/2008, 11:16 AM
السلام عليكم

http://www.mstaml.com/files/4190-1213257749.jpg

اخواني بعد شراء سيارة باث 2008 واجهتني بعض الاستفسارات :

1- القير كما بالصورة اتوماتيك وعادي بنفس الوقت والسؤال اذا جيت احول من اتوماتيك للعادي هل يجب اوقف اسيارة واحوله ام لايوجد مشكلة وهي متحركه حتى بسرعات عالية !!

2- في حالة كان القير على التحكم العادي وعلى النمرة 5 مثلا وخففت السرعة جدا هل يتحول من نفسه الى النمرة الاقل ام يجب تحويلة يدويا ً .

3- ماهي افضل طريقة لحماية الاجزاء الداخلية من الخدوش ونحوها

4- هل حماية وجه السيارة عند زيبارت او غيرها بالتجليدة الشفافة جيد وهل يمكن فكها بسهولة بعد سنتين او حولها ؟

5- لمبة ضغط الهواء (للكفرات ) ولعت عندي بعد صيانة الالف وزودت الهواء اليوم الى 37 ومشيت على السيارة مازالت والعة ... وش الحل ؟

6- والاهم هل يحتاج هذا المديل فرارات للكفرات الاماية وهل تنصحون بها لان في بالي انها للسيارت الي فيها دفرنس قدام صح ولا انا غلطان !!

ولا تبخلون علينا بأي نصائح اخرى
وسلامتكم
سحابه
12/06/2008, 11:31 AM
تمنيت اني افيدك ياخوي
لكن الاخوان مايقصرون إن شاء الله
أبوناصر
12/06/2008, 11:53 AM
بالنسبة للتحويل للعادي ما يحتاج تتوقف


الغيار في العادي على طلبك


لكن لو وصلته للخامس هو لحاله يرجع لنمره أقل مباشره


فلو وقفت دايركت يرجع لنمره أقل


وأنصحك اذا واجهتك مشكله تقرا الكاتالوج وراح يفيدك كثير


باقي استفسارانك ما عندي لها جواب
صياد مبتدئ
12/06/2008, 12:47 PM
السلام عليكم و رحمة الله و بركاته

مبارك عليك الموتر، الله يرزقك خيره و يكفيك شره

أخوي أنصحك تقرا دليل المالك، فبلاقي فيه جميع الأجوبة على أسئلتك و أكثر إن شاء الله
عاشق السيل
12/06/2008, 01:03 PM
وعليكم السلام ورحمة الله وبركاته ،،

ألف مبروك ماشاء الله تبارك الله عسى الله يطعمك من خيرها ويكفيك شرها وعقبال عشرين سنة بدون مشاكل وخير ماسويت باختيارك الموفق ،،،،

1 ـ ممكن تحول القير من التماتيك للعادي وتلقائي راح يختار النمرة المناسبة لسرعتك ،،

2 ـ إذا هديت القير تلقائيا يبي يرد نمرة تكون أفضل لسرعتك لكن إذا زدت السرعة ماراح ينتقل للنمرة اللي بعدها إلا باختيارك يدويا ،،

3 ـ بالنسبة للأجزاء الداخلية مالها إلا إنك تكون منتبه لأي شي ممكن يخدشها وخاصة الأطفال الله يصلحهم ،، والطريقة الثانية إن تلبس اللي ممكن يتلبس لكن الديكور يبي يخرب شكله بعض الشي ،،

4 ـ التجليدة الشفافة ممتازة لكن فكها بعد سنتين ممكن يؤثر على البوية لأنها مدة طويلة فأنصحك تجدد التجليدة كل ست شهور مثلا ،، وإذا كنت قليل تمشي على الخطوط فيكفيك الفيري ،،

5 ـ لمبة ضغط الهواء ماعندي بها علم لكن أتوقع لو تزيد الهواء أكثر ممكن تطفى !!

6 ـ الفرارات ( حسب علمي القاصر ) لايمكن تركب على الفليورات لأنها مخصصة للدفرنس فقط ،، وعني ماأنصحك تركب حتى لو كان موترك دفرنس لأن الموتر جديد ماشاء الله وليس بحاجة للفرارات وماراح تشوف فرق لوركبتها ،،

هذا اللي عندي وأتمنى أكون قدمت المفيد وإن شاء الله يجي اللي أبخص مني ويفيدك أكثر ،، وتقبل مروري يالغالي ......
جلاد الصحراء
12/06/2008, 02:04 PM
الف مبروك على الجيب
وبصراحه يستاهل قيمته
انا ودي اسئلك عن الجلنط-hand prek يفصل من حاله ولا لازم تفصله يدوي لاني بصراحه دائم انسى افصل
وثانيا الكمره هل يمكن التحكم بها
على فكره شريت امس بـ12500 انت بكم شريت
وسلامتك
turkiq
12/06/2008, 02:10 PM
مبروك الموتر ما شاء الله تبارك الله ... اختيار موفق

بالنسبة للاستفسارات الاخوا ن جاوبوك .. لكن فيه نقطتين ما وفقوا في الاجابة عليها :

- تجليد حماية مقدمة السيارة عند زيبارت سبق واستخدمته ..
وانصحك فيه وبشده وهو افضل حل لمشاكل الخطوط السريعة
وانا استخدمته على سيارتي وفكيته بعد استخدام لمدة ثلاث سنوات .. والنتيجة كانت روعة
ما اثرت على البويه مطلقا ومظهر السيارة بقي جديد.

لكن بتلاحظ بعد تقريبا سنه ونص الي سنتين انه بدا يتاكل وعندها انت بالخيار اما انك تجدده او تخليه لمدة اطول شوي... وفي ملاحظة مهمة ... اطلب منهم انهم يسوونه على المرايات الجانبية ... راح يقولون لك ما يصير
قلهم سووه على مسئوليتي ... واطلب امهر واحد يركبها ...
حتى على الشمعات الامامية واي مساحة في الواجهة ترى انها ممكن تركب ... الموضوع راجعلك

واما ضغط الكفرات حافظ على الضغط الموصى فيه يكون اما بجانب الباب او في الدرج
ولا تتجاوزه ابدا (قيس الضغط والكفرات باردة).

واما التحذير اللي يظهر ... جرب تفصل البطارية لمدة 5 دقايق واعد شبكها ...
اذا استمرت... راجع الوكيل ... وخلي الضغط لا تلعب فيه لاترفع ولا تنزل ..
بدوي جنوبي
12/06/2008, 03:52 PM
السلام عليكم و رحمة الله و بركاته

مبارك عليك الموتر، الله يرزقك خيره و يكفيك شره

أخوي أنصحك تقرا دليل المالك، فبلاقي فيه جميع الأجوبة على أسئلتك و أكثر إن شاء الله

اسمع كلام اخوي صياد وأقرا الكتالوج بالكامل وكبر المخده http://www.mekshat.com/pix/upload02/images72/mk32037_36_1_50%5B1%5D.gif


ولا يهونوا بقية الشباب
فارس العمور
12/06/2008, 04:41 PM
الله يبيض وجيهكم جميع ..

الساهر دائما ردودك وافيه ولا يهونون الشباب

تركي ماقصرت انا توقعت تضليل الوجهية بيمسك مع الوقت ويصير اصفر وايطلع !!

جلاد انا شريته 113 الف se

انت وش نوعة ومواصفاته ؟