ماذا يتطلب وقوف السيارة مدة طويلة

[السنع كله]

عندي سيارة بر كنت استعملها حتى في البلد والان عندي سفر وستقف قرابة السنة فماذا اعمل هل افصل البطارية هل ارفعها عن الارض بحيث تكون الكفرات ماتلمس الارض كم الافضل يكون الهواء هل تحتاج غطاء هي في مظله لكن حفاظا على البوية وغير ذلك شوركم دام عزكم

[monsixnet]

_

-فصل اصابع البطاريه
-رفع السياره علشان التحبيل.. الضغط صفر
-فض الرديتر والماكينه من الماء
-عبى الماكينه زيت الى غطاء الزيت (تطفح) علشان البلوف لاتصدا وجلد الراس ماتجف

[بن داود]

بعها
ولا شمع بديه وافصل البطاريه وعلى ماقال اخونا

فصل اصابع البطاريه
-رفع السياره علشان التحبيل.. الضغط صفر
-فض الرديتر والماكينه من الماء
-عبى الماكينه زيت الى غطاء الزيت (تطفح) علشان البلوف لاتصدا وجلد الراس ماتجف

وسلامتك

[فارس العمور]

وابعدها من الشمس نهااااااااائياً

[بارق تميم]

إذا بتسوي زي ماقالوا الشباب حط اي شي يذكرك بالي انت سويت علشان لا رجعت من سفرتك سالم وغانم إن شاء الله تذكر وش انت مسوي بالسياره مهب تجي تشبك البطاريه وتشغل وتروح عليك المكينه (تخبط)

اتمنى اني أكون افدتك بشي

تقبل مروري
هدد2007

[ناصح]

عندي سيارة بر كنت استعملها حتى في البلد والان عندي سفر وستقف قرابة السنة فماذا اعمل هل افصل البطارية هل ارفعها عن الارض بحيث تكون الكفرات ماتلمس الارض كم الافضل يكون الهواء هل تحتاج غطاء هي في مظله لكن حفاظا على البوية وغير ذلك شوركم دام عزكم


أولا نسأل الله لك التوفيق في سفرك وترحالك

وقوف السيارة مدة طويل لها عناية خاصة

لكن لا داعي لتفريغ جهاز التبريد من الماء لأنه ماء الإديتر الأصلي يمنع تكون الصدأ

أما رفع السيارة عن الأرض فلا بأس به لمنع تلف الإطرات تلفا كليا لكن لا بد من تغيرها بعدما تعود ..

لكن المهم في الموضوع هو حماية السيارة من الشمس قدر المستطاع

أما من ناحية المحرك يفضل أن تتفق مع شخص يقوم بتشغيل السيارة بين فترة وآخرى لضمان دوران زيت المحرك وماء التبريد ويفضل تشغيل المكيف كذلك حتى لو في الشتاء .


نسأل الله أن ترجع سالما غانما موفقا

[سحابه]

ترجع سالم إن شاء الله

[ابولولو]

السلام عليكم جميعا كلام الاخوان طيب وجميل والزود اخو النقص في كل شي الا الصلاه والعباده

[لن أمل من العطاء]

ارفع السيارة عن الارض
السيارة كما ذكرت في مظله اذن لا تحتاج الى غطاء يحمي اللون
الاتفاق مع شخص يقوم يتشغيلها تقريبا كل اسبوع
مع انني ارى انك اذا تثق في هذا الشخص جدا
اجعله يقوم بدورة للسيارة لمسافةلا تقل عن 20 كم مع تشغيل المكيف وجميع اجهزة السيارة حتى الدبل اذا يوجد بها دبل



اخوك



لن امل من العطاء

[السنع كله]

اشكر الجميع والله ماقصرتوا وهو الظن فيكم يامال العافيه والنعمة الظافيه والبنت الدافيه

[سطام vip]

ما قصروا الاخوان صراحه وانا اتفق مع مشرفنا ناصح

والله يردك بالسلامه

[مفخرة الارض 0666]

مادامك تدعي لشباب بالبنت الدافيه لازم أشارك أظن تشملني الدعوه الموتر غطه بشرع أزرق

[ابو عبدالله1]

والله ما قصروا الاخوان لكن لاجييت ترفع الموتر ارفع من الشاص مب من الدفرنس
عشان المساعدات

[السنع كله]

اهلا بالكل واثني دعوتي لكم ان يرزق كل واحد مايتمناه _ابوعبد الله اشكرلك تواجد ومشاركتك لكن الاترى ان رفعه على الشاص خطر من السقوط وانت تعرف ماعندي بالبيت حملات متخصصه

[بارق تميم]

البلك(طابوق) شايل بيوت سنين بيعجز عن سياره سنه

تقبل مروري

هدد2007

[محمد الصرير]

ما بغيت اكتب لأن ماعندي زود على الشباب الله يجزاهم خير أهل فزعات وطيب الله يعطيهم العافية والاجر والمثوبه ، لكن يوم سمعت دعوتك بالبنت الدافية قلت اكتب هالكلمتين عسى تشملني هالدعوة من رب يعم الخير على الجميع ووسعت رحمته كل شيء . ودمتم سالمين

[السنع كله]

يااخ هدد الله يحفظك الطابوق شايل بيوت لكن ممكن مايشيل جمس بسبب ان الطابوق يحتاج تربيط باسمنت والشغله طويله 0000اشوف الاخوة جازت لهم الدعوة بالبنت الدافيه رزقكم الله الحلا والغلا والزين والدلع والدلال والحياء والملاحة وحسن الطبايع حورية

[بليزر]

ابشارك ليش محنا مستغنين عن الدعوه حط عليها شراع اخضر
والله منا داري وش يسوي الشراع الأخضر لكن الدعوه زينه وجايزتلي
وترجع بالسلامه و موتر سالم

[السنع كله]

اللهم وفق واعن وارزق وزوج كل من مر على موضوعي يارب العالمين

[Magellan]

أخوي السنع
نصيحه مادامه جمس وقديم أجره بالصيفيه للي يبي يقضون إجازتهم بالجنوب

[السنع كله]

اهلا بالغالي ماجلان _والا وش رايك ابن ماجد وتراه اسنع_على يدك اجار منتي بالتوريط او شراء منتهي بالسموحه

[Magellan]

هههههههههه
تراي مافهمت من هو ابن ماجد
بس واحد حولي اليوم وعنده عائلة كبيرة وسيارته كامري وده يسافر لمكة والطايف والجنوب
تذكرتك وقلت الموتر جيد للتأجير ...يمكن يطلع قيمته

[السنع كله]

ابن ماجد رحالة مسلم وهو من الكتشف راس الرجاالصالح وله اكتشافات كثيره افاد منها اهل الخراطين (هذا اسم من يعنى بالخرائط والامر جد وليس مزحا)ولكن الاستعمار اشهر واظهر ابناء جلدته وات معرفك ماجلان هذا كل الامر

[القرناس911]

عندي سيارة بر كنت استعملها حتى في البلد والان عندي سفر وستقف قرابة السنة فماذا اعمل هل افصل البطارية هل ارفعها عن الارض بحيث تكون الكفرات ماتلمس الارض كم الافضل يكون الهواء هل تحتاج غطاء هي في مظله لكن حفاظا على البوية وغير ذلك شوركم دام عزكم


الله يعطيك عافيه