يا اهل القلوب الطيبة وش رايكم في جيب ارمادا (وشكرا)

[محب الماحي]

السلام عليكم ورحمة الله وبركاته


اخواني الاعزاء ما كتب في هذا المنتدى إلا يوم شفت رجاجيل قلوبها طيبة


و رجاجيل مجالسهم تنشرى و المنتدى يشهد على ذلك


سؤالي الله لا يهينكم هو:


وش رايكم في جيب ارمادا من ايجابيات وسلبيات و تجارب منكم و خبرة وسلامتكم؟




http://tbn0.google.com/images?q=tbn:b70slMDko1ghlM:http://www.alriyadh.com/2006/03/03/img/033090.jpg




http://tbn0.google.com/images?q=tbn:-vBPNegHdwYrxM:http://www.modernracer.com/features/ny2003pics/ny2003pic21.jpg


http://www.al3nabi.net/upload/show.php?pic=17754

[شقران نجد]

حياك الله اخوي ويامرحبا بك بين اخوانك........

بالنسبه للموتر المنشود عنه انا والله ماجربته انشدني عن التايوتا ابشر بولد ولكن سافرت فيه مع واحد من الربع كان مريح جداَ وراسي على الخط وعزمه خيالي ولا تسمع له حنه ابد يعني النموتر يبدو ان مكينته كبيره لذلك يريح على الخط ولا يحن ولكن عند ذهابي للمعارض وجدت انه ليس من السيارات اللي تمسك قيمتها ......

هذا مالدي وان شاء بيجيك من جربه ويزودك بالعلم ولا هم مقصرين باقي الربع

تحياتي لك واتمنى لك التوفيق بموتر يحبه قلبك

[مساير الليل]

مديل 2008 تغير تغيرات جميله جدا

واصبح أفضل من منافسية

جودة المواد الداخليه تغيرة

أضيفت له بعض المواصفات

سعره جميل جدا مقارنه بمنافسية


العيب الوحيد إذا كنت من السعودية أن وكيله الحمراني حسبي الله على الضالم

[لن أمل من العطاء]

سيارة جميله جدا
فهي تجمع بين المواصفت الامريكيه من ناحية الحجم والقوة الشكل وتجع بين المواصفات اليابانية كالجودة ونظام التكييف وحرارة المحرك


استخير وتوكل على الله

[MyName]

سياره ممتازه وعندنا موديل 2006 مع سواق ولله الحمد ماأشتكينا من شي و2008 فيه تغييرات روعه ...

تحياتي

[فارس العمور]

مديل 2008 تغير تغيرات جميله جدا

واصبح أفضل من منافسية

جودة المواد الداخليه تغيرة

أضيفت له بعض المواصفات

سعره جميل جدا مقارنه بمنافسية


العيب الوحيد إذا كنت من السعودية أن وكيله الحمراني حسبي الله على الضالم

كلاااااااااااااااااااااااام 100%

[ابوعقل]

والله انه حلو

بس يقولون انه يصرف بنزين

داخل الديره

بس بالخطوط ممتاز

وتكفيك المراتب حقته

تحس انك راكب موتر صح

والمرتبه الوسطيه عريضه

يعني وساع من داخل

استخر وان شاء الله خير

[شورت]

السلام عليكم

السياره جيده بس اقل نوع دون المستوا
عندي بس مهو دفع رباعي جيد في الخط وقومتو حلوه ومشيت فيه ل180 بكل راحه بس افضل الجمس مع ان الارماده اوسع شويه بل نسبه للمقاعد الي خلف السائق

[monsixnet]

_

صراحه شكله رهيب و اكشخ من البترول

[jaber280]

ممتاز للسفر والديره بس للبر ما يصلح بسبب انه يطب من الامام .

[ابوعبدالهادي]

اذا كانت طلعاتك للبر قليلة أو تكون طلعاتك قريبة من المدن توكل على الله الموتر كشخة وقوة وراحة واهم شي لاتنسى صلاه الاستخارة
وبالتوفيق

[ابووولجين]

يقولون انه بالبر وليده ويعطيك عمره عند التطعيس
وعليك بصلاة الاستخارة

[m1m]

عيبه وكيله ..!!

[aljthab]

الموتر شكل وعزم وفخامة وراحة ممتاز جدا

لكن من ناحية قطع الغيار نار نار نار

[مواسي الطعوس]

يقولون انه بالبر وليده ويعطيك عمره عند التطعيس
وعليك بصلاة الاستخارة


<<< كلام جميل >>> تدري ليش بالتطعيس وليده : لان وزنه مهب ثقيل وزنه قريب من الباترول لان الشاسي حقه مقوى بفولاذ (قوه بدون ثقل)

** وكذلك عزمه مهب صاحي لان عزمه (60) واللكزس الجديد (55) والبترول (46) واللاند (42) فعزمه مقارنه بوزنه يعتبر انشط موتر (يطلع الطعوس من قريب مره )

** والموديل الجديد عليه تحسينات حلوه مثل : الرفارف الجانبيه / ارتفاع الوجه مقارنه بالموديل اللي قبله /اختلاف موخرة السياره /الشكل الداخلي لاتكلم ابداع وراحه مهب بالسيارات / بالبنزين في الخط افضل من السفاري واللاند ومثلهن داخل الديره او احسن شوي ( مايدرون عنه الناس لانه ماياخذ بنزين ياخذ 105 لتر فقط)

[وقيان]

ولد عمي عنده واحد...ما اشتكى منه أبد...قوة و رساوة...لكن فيه مشكلة بسيطة...جنوطه 18....سأل عن كفراته...أرخص شي قيمته 1000 ألف ريال...هذي الملاحظة اللي عندي...

لكن الحق يقـــال..في نظـري هو المنافس الوحيد للسوبر بان.. واليوكن اكس ال حاليآ..سيارة عائلية من الطراز الأول...

[محب الماحي]

الله يجزاكم خير على ما ابديتوا به من تجارب

و نعم بكم من رجال

و لا مانع بالمزيد

وشكرا