ازالة التضليل

[استشاري]

اخواني في منتدى مكشات السلام عليكم
ابغى رايكم و مشورتكم
حطيت تضليل للسياره نوعية لزق على الزجاج الخلفي من كم سنه. حاولت اشيله من كم يوم لقيته لازق على الزجاج مثل البويه. استخدمت ماء حار و ماء يغلي قلت يقبقب و اشيله بس بدون فايده.
اخيرا حاولت اكشطه كشط (حك) بالسكين، بس الشغله ماهي عمليه ( استخدمت الماء الحار مع السكين ) ويمكن تجرح الزجاج.
هل فيه طريقه اسهل و عمليه؟؟
هل فيه ماده تحطها على التضليل تسهل عملية فصله و شيله؟؟؟
تحياتي للجميع

[dugaish]

السلام عليكم
بسيطه رح للغرابي عند العليان عندهم امواس خاصه لازالة التضليل والافضل انك تشوف لك واحد من الي يظللون السيارات في الغرابي وحبذا لو كان من السودانيين ترى شغلهم نظيف بينظف لك القزاز كامل ب 10 ريال وفك على نفسك من التعب ووصاخة التظليله

[عاشق الفرفشة]

زي ما قال عزيزنا dugaish

روح لحقون التظليل وهم يعرفون تنزيلها وسعرهم رخيص واذا تبغى تنزلها بنفسك ما عليه غير تجيب فيري وموية و رش على الزجاج و اكشط بالموووس

ولا تخاف على الزجاج ترى ما ينخدش بإذن الله ولا يصيبه شيء لأنك حاطط فيري ومويه وربنا معاك وبالتوفيق

[استشاري]

الاخوان
داقش
عاشق الفرفشه
مشكورين

[سسته]

اخوي استشاري لاتروح لا للغرابي ولا شي ولا امواااس وجع راس
اشتر عطر دور ارخص شي ..... وبخ .... وخل معك منديل او فوطة .... منشفة .... ابد بخ وامسح .... الطريقة مجربة 100%
وللمعلومية : التضليل من ورا او ازالة التضليل .. يبغاله دقة لان لو الموس لمس لمسة بسيطة خطوط الحرارة اللي وراء ... على طوووول تتشعر القزازة .... لانها صارتلي

[alzaim]

تقدر تستخدم زيت البريك مع مشرط لحك التظليل

[&أبوخالد&]

طريقه مجربه
خذ الموس حق التضليل ومويه وفيري وحطها في البخاخ حق القزاز
ورش على القزاز وحكها بالموس بس أنتبه الخطوط الحمر لا تجرحها لاني سويتها عندي وماصارت تشتغل الخطوط الحمراء شكلها أنعدمت بسبب الموس
وانصحك تروح عند حقون التظليل وهم يشيلونها

[الرهدن]

وعليكم السلام ورحمة الله وبركاته



رح للغرابي وأنا أخوك وش لك بوجع الراس
بشرط
خلك فوق راسه وهو يكشط


وإلا غير القزاز :D


المهم مثل ماقلت لك0


0

[فارس العمور]

انتبه اذا التظليل داخلي من خطوط الحراره والباقي سهل مثل ماتفضلو الاخوان ماء وفيري وموس وبس مايحتاج غرابي ولا سوداني الشغل خرطي