نصايحكم ياهل القمري عن ترهيم ثلاجه في جيب.

[عاشق الصحراء]

كل عام وانتم بخير
رجاء افيدونا عن كيفية تبريد القمري لمده اسبوع في سياره مثل ا لجيب
سمعت ان في القصيم ورش متخصصين في تركيب ثلاجه في داخل السياره.
و اذا امكن ذكر اماكن الورش............... و كثر الله الف خيركم.....






يا بو عبد الله نزلنا وسط فيضه **** فيضة خضرا اتداعبها الخباري
في طرف وسمية ما هي عريضه****بس فيها الظبي الاشقح و الحباري
صيدها يا جا الاعصير يهيض هيضه**لو معك شوزن اتحمّلك لواري

[الخبير]

السلام عليكم
وش السيارة إلي عندك يا الحبيب ؟
فيه ثلاجة ممتازه للتبريد تشبك على طفاية السيارة و تخلي إلي بوسط الثلاجة ثلج ، قيمته حول 3000 ريال ، عاد انت و رايك ;)

[عاشق الصحراء]

مسّاك الله بالخير يا الخبير
تره غاليه بالحيل.....3000ريال
لا يالغالي اريد اولف توليف (مثلا ثلاجه قديمه تحول الى ثلاجة سياره )
وش تنصح به او وين القاه.و تر السياره بترول.

[الخبير]

السلام عليكم
و الله يا الحبيب انا عطيتك احسن ما شفت ، لكن فيه غيرها انواع تبريد تصلح تبرد اغراضك لكن إلي علمتك عنها تتحكم في الدرجات حتى التجمد ، على العموم انت سيارتك باترول يعني المساحة صغيره ، انا انصحك بالثلاجات ( الحافظات ) إلي تحط فيها ثلج .
انت مرت الرماية ؟؟؟؟؟؟؟؟؟

[عاشق الصحراء]

شكرا يالخبير على الاهتمام و الرد.
جزاك الله خير. كلامك صحيح , كثرالله الف خيرك.

[ااابوعابد]

اقوووووول اذا وصلت ل 3 الاف

لاتعدى ويكو ال 60 لتر كمبروسر الماني

[الشيخ900]

انتم الي شغالين ردود ترى الموضوع له 10سنوات

[علي العساف]

ههههههههههه
شكل الموضوع قبل الثلاجات
الله يرحمك يا عاشق الصحراء

[أبو سهيل]

سبحان الله
يحي العظام وهي رميم
الموضوع له عشر سنين
ربما رفع لأجل الدعاية

[هولوكس2005]

الله مستعان قبل 10سنين ال3000تهرج له أعرى
ايعني ام وحده ستفينز ب1100و صباره جوت 2ب 400ريال وصندوق فشق ب 1000ريال
و1000ريال لمشوار الساحل

[ابو وليد999]

الله المستعان

[نبيل المقاصد]

الله المستعان ايام القميري كان له ذكر
الله يرحم ذيك الايام البر قليلة دواجته ، والصيد وافر