يااهل الشرقيه ...سؤال!!!!!

[تميمي0555]

السلام عليكم


اخواني الاعزاء في المنتدى ارجو افادتي بموضوعي هذا
يوم الاثنين ااخر اختبار لي (الله يوفقني ويوفقكم)ومسكت معانا طلعه يوم الاربعاء وحنا من اهل الشرقيه فاتمنى انكم تنصحوني في مكان بالشرقيه زين لهلوقت من السنه حنا فكرنا نروح نضبب فهل هذا موسم التضبيب واي نصايح عن هالموضوع ممكن تفيدنا وهل فيه ناس كاشتين هناك لان الروحه مكونه من اربعه بموتر واحد يعني ما ندري شيصير وحنا عليميه ......


افيدوني واكون شاكر لكم اخواني الاعزاء

[ابن الصحراء]

هلا اخوي

اولا الله يوفقك ويوفق الجميع , بعدين كلمة يضبب خطأ .

على العموم شموس وحر وين انتم رايحين

وترى صيد الضبان يعدم التكوينه البيئيه الحيوانيه ويلخبط التوازن البيئي .

كبر المخده احسن لك .

خاصه وانتم عليميه وغشم :d

[تميمي0555]

حياك الله اخوي ابن الصحراء ماشاءالله عليك صاير مدرس نحو انت كبرت المساله اخوي انا من الرياض وادرس بالشرقيه ولا اعرف بالشرقيه شي انا قصدي ب(عليمي)اي عليمي بالمنطقه وبس الصراحه ماافدتنا بشي
ارجو من الاخوان اللي يفهمون الرد على سؤالي شاكر لكم ولك اخي ابن الحراء

[طحنون]

الاخ العزيز تميمي
انت الحين شايف الجو بالشرقيه غبار وعجاج واذا خف العجاج صار هواء ورياح متقلبه يعني ماينفع الجوحتى انك تطلع من البيت
.................................................. .................................................. ....
اذا تغير الجوار وراحت البوارح يصير الف حل
وبعدين حاول انك تتعلم صيد البحر

[مرقاب الشرق]

بالصيف مالك إلا الهاف مون ولا الكرنيش تهفهف بالهاف مون وتكرنش بالكرنيش احسن لك .

[جسساس]

يمدحوووون المكيف والله مافيه مثله بها الصيف 0
وعلى العموم الجبيل بهامحميات زيينه 0
وبالتوفيق

[ابوعبدالهادي]

جهز عزبتك وتوكل على الله ولا يردك الا مدينة الاحساء واسئأجر لك مزرعة حسب المدة التي ترغب البقاء فيها وحاول تكون المزرعة بالاطراف وتمتع بصيد القماري أفضل لانها موجودة بكثرة وما احد يصيدها اهم شي الساكتون
أفضل لك من الضبان واسعار حلوة هناك والاجواء براد في المزارع وفية مناطق سياحية كثيرة عيون وجبل القارة وشاطي العقير حلو وبكر 000 أتمنى لك رحلة سعيدة

ملاحظة : المسافة من الدمام تقريباَ 100 كيلو

[ولدصقر]

انا اوافق اخوي ابوعبدالهادي

استاجروا لكم استراحة من صبح
وسنعوا الفطور مع احلى كبدة
واذا كان فيه مسبح والله ولا أحلى
وبعده المندي الي يحبه قلبك.....

لكن اختصر عليك الطريق واقول لك

اي كشته وين ما كانت والله لو وسط دوار
وكان معاك اخوياك والغالين على قلبك

تسوى الدنيا وما فيها..

[ابومحمد vtc]

نصيحتي لك ياخوي لا تروح لضبان غبار وهواء قوي

[أبوالحسن]

وأنا أضم صوتي لصوت الاخوان أبو عبدالهادي وولد صقر
الاحساء أحسن لك من الضبان
عندك جبل القارة يوجد به مغاير باردة في الصيف أحسن من المكيف هذا اذا بغيت البراد واذا بغيت التجوال والتطعيس والمغامرة عندك منتزه الاحساء الوطني وبحيرة الأصفر شرق الأحساء واذا تبي تسبح عندك عين الحارة بالمبرز والجوهرية ببلدة البطالية وكذلك شاطئ العقير 45 كيلو تقريبا شرق واحة الأحساء واذا تبي صيد القميري فعندك جبل الأربع جنوب بلدة الطرف
حياك الله ومية هلا فيك

[ريمون]

شالية على الهاف مون تراة طيب خاصة في هالوقت !!!!

[Abo Nader]

أضم صوتي لصوت الإخوان...الأحساء ممتازه وفيها بعد أماكن أثريه مثل مسجد جواثا وقصر إبراهيم..والإستراحات تارسه الأحساء..الجيد والوسيع تلقاه على طريق قطر..كبيره مره وحلوه..والفخمه تلقاها بالديره..وإذا بغيت العقير يبعد عن الهفوف 75 كيلو وفيه بقيا من اثار العثمانين..وفيه مكشات طيب على طريق العقير القريه...

بس ياشباب هالوقت وقت قماري؟؟

تونا ولا؟؟

[عين الداب]

عليك بجوده انكان تبغا المقناص واقرب موقع من عندك

[راعي الصطحه]

الله يعطيكم العافيه شتتوا مخه يبي ضبان وانتوا قلبتو مخه قماري

لاعدمنااااكم

وتقبلوا تحياتي

[فارس الجافورة]

الجافورة فاتحها بابها وضبانها تارسة الأرض وسمان مصوفرة من النعمة عليك بها وأا أخوك

[cute]

شف يابعدي رح لمنيفه على طريق الخفجي هناك الضبان بالهبل لا ولاهي مذيره ولا شي يعني يقعد يتفرج عليك مايدري وش السالفه بس على فكره ياخي مدري ليش احس ضبان ها المنطقه طعمهن مو زي ضبان نجد
ابن الصحراء يضبب وش الخطأ اللي فيها ؟؟؟

[الركبي]

شف طال عمرك

عليك بضبان النعيرية ( اكلها حمض و رمث ) طريق السفانية القديم

طعم ومربعة ودايم اروح واصيد اللي يكفيني خلوب وبيض على كيفك

بس انصحك خل الجو يزين وتضبط الطلعة لكن هله الله على الصيد اللي يكفيك وارجوك عدم الاسراف

وان بغيت الفزعة باي سؤال انا جاهز وانشاء الله انزل بعض الصور اللي تخلي اهل الضبان يطلعون حتى في هذا الجو المغبر

عسى الله يوفقك باختباراتك

مع التحية

[وسيم بس احول]

اهااااااااااااااااااااااااااااا

[الركبي]

اخوي تميمي اربع خمسات والاخوة الاعزاء في منتدانا العزيز مكشات

السلام عليكم ورحمة الله وبركاته

ارفق لكم بعض الصور لصيدي من الضبان علما بان الصور هذي قبل حوالي شهر لكن تراني طلعة بعدها وفي كل مرة احاول اخذ حاجتي بس مع العلم ان الصيد وفير ووافي ولله الحمد


الصورة الاولى :

http://www.mekshat.com/pix/upload02/images73/mk64334_‏‎20080501131‎.jpg


الصورة الثانية :

http://www.mekshat.com/pix/upload02/images73/mk64334_‏‎20080501132.jpg


الصورة الثالثة :

http://www.mekshat.com/pix/upload02/images73/mk64334_20080501133.jpg



الصورة الرابعة :

http://www.mekshat.com/pix/upload02/images73/mk64334_‏‎20080501136‎.jpg


الصورة الخامسة :

http://www.mekshat.com/pix/upload02/images73/mk64334_‏‎200805011134.jpg

الصورة السادسة :

http://www.mekshat.com/pix/upload02/images73/mk64334_‏‎20080502138‎.jpg


الصورة السابعة : مرق ضبان مطبوخ بحليب خلفات + خلوب +مريس او بقل او نجيش الطبخة بدون بهارات
http://www.mekshat.com/pix/upload02/images73/mk64334_20080508140.jpg

اخيرا والله ياجماعة ان الصور طلعت عيوني وترى اخوكم غشيم وعليمي بس اتمنى ان تحوز على رضاكم

واتمنى اخونا تميمي يتوفق بطلعته

والسموحة على القصور

الركبي

[القرناس911]

المكيف والله مافيه مثله بها الصيف

[الركبي]

للمعلومية وانتم اخبر مني

ترى اللي يبي يصيد ضبان وخصوصا بالشرقية ( الجو الحار ) فيه فترتين باليوم يكون الصيد فيها سهل وبكثرة حتى ما تحتاج للصيد بالسلاح الطرد يصير على كيفك لان الضبان بتكون سارحة بعيد عن جحورها

الفترة الاولى : من الساعة الثامنه صباحا وحتى الحادية عشرة ظهرا ومن ثم ريح يابعدي يعني دور لك ظل وعليك بالمرطبات والعصيرات والمثلجات حتى تجي الفترة الثانية لان اغلب الضبان في هالفترة بتقيل وتكون داخل جحورها ماغير مطلعة بس روسها ويصعب عليك صيدها

الفترة الثانية : من بعد صلاة العصر ( يعني عند بداية برودة الجو وخفة حرارة الشمس )الى قبل المغرب بساعة تقريبا

تبدأ الضبان بالخروج وتسرح بعيد عن جحورها

كثير من الاخوان يضرب مشوار من مكان بعيد وما يوصل الا عند الظهر يعني بين الفترتين ويتفاجأ بصعوبة وجود الضبان وبعد ما يقعد يدور لمدة ساعات يبدأ يمل ويتعب وتطقه الشمس ومن ثم يوم تجي الفترة الثانية الا وهو ماسك خط العودة

هذى نصيحة للاخوان لانني كنت في السابق اقع في نفس المشكلة لين اكتشفت السر

مع التمنيات لكم برحلة ماتعة


ملاحظة : انا نزلت سبع صور بس ما اشوف طلعت الا ثنتين ( هل تواجهون نفس المشكلة )


اخوكم الركبي

[تميمي0555]

الله يعطيكم الف عافيه وما قصرتوا جميعا
وللركبي ماقصرت اخوي صايد وفايد ماشاء الله عليك اجل وشلون طعم المرقه مع الحليب

[الركبي]

اخوي تميمي 0555

الطعم ما يحتاج ولوتجربه صدقني ما تطبخ غيرة لكن حاول تحط الحليب أو لبن المخيض اذا قربت المرقة على الانتهاء يعني قبل ماتطفي النار حط الحليب او اللبن وخله يفور خمس دقايق وبعدها طف النار

وعليك بالعافية

اخوك الركبي

[طير ماوان]

للمعلومية وانتم اخبر مني

ترى اللي يبي يصيد ضبان وخصوصا بالشرقية ( الجو الحار ) فيه فترتين باليوم يكون الصيد فيها سهل وبكثرة حتى ما تحتاج للصيد بالسلاح الطرد يصير على كيفك لان الضبان بتكون سارحة بعيد عن جحورها

الفترة الاولى : من الساعة الثامنه صباحا وحتى الحادية عشرة ظهرا ومن ثم ريح يابعدي يعني دور لك ظل وعليك بالمرطبات والعصيرات والمثلجات حتى تجي الفترة الثانية لان اغلب الضبان في هالفترة بتقيل وتكون داخل جحورها ماغير مطلعة بس روسها ويصعب عليك صيدها

الفترة الثانية : من بعد صلاة العصر ( يعني عند بداية برودة الجو وخفة حرارة الشمس )الى قبل المغرب بساعة تقريبا

تبدأ الضبان بالخروج وتسرح بعيد عن جحورها

كثير من الاخوان يضرب مشوار من مكان بعيد وما يوصل الا عند الظهر يعني بين الفترتين ويتفاجأ بصعوبة وجود الضبان وبعد ما يقعد يدور لمدة ساعات يبدأ يمل ويتعب وتطقه الشمس ومن ثم يوم تجي الفترة الثانية الا وهو ماسك خط العودة

هذى نصيحة للاخوان لانني كنت في السابق اقع في نفس المشكلة لين اكتشفت السر

مع التمنيات لكم برحلة ماتعة


ملاحظة : انا نزلت سبع صور بس ما اشوف طلعت الا ثنتين ( هل تواجهون نفس المشكلة )


اخوكم الركبي


ماشاء الله تبارك الله اخوي الركبي
كلام خبير يالغالي أما المرقة بالخلوب بالحليب والتمر والبقل مصيبة أشهد بالله ان هذي الطبيعة والعافية
وطريقتي المفضلة قبل الطبخ
أجمع الخلوب وأحمسهن لين يذوبن مع شوية ملح
ثم أجيب التمر السكري ودلة 10 لتر ونغط التمر بالحميس مصيبة وياكبرها من مصيبة :D
ونتقابل أنا والربع وسمن وتمر وقهوة ولو تقعد شهر ماتمل الله يجعله بالعافية على الجميع
سلامي لك ولتميمي والحاضرين
ألف شكر

[الركبي]

بيض الله وجهك يا طير ماوان انشهد اك راعي مخمخه وطبخ

تراك ياخوي شجعتني وشكلى قانص الخميس انشا الله لان المخزون عندي بالفريزر قضى ويحتاج تعبئه

بارك الله فيك وعليك بالعافية

http://www.mekshat.com/pix/upload02/images73/mk64334_‏‎20080502137.jpg


http://www.mekshat.com/pix/upload02/images73/mk64334_‏‎20080501138‎.jpg

http://www.mekshat.com/pix/upload02/images73/mk64334_‏‎20080501139.jpg

http://www.mekshat.com/pix/upload02/images73/mk64334_‏‎20080501142.jpg

http://www.mekshat.com/pix/upload02/images73/mk64334_‏‎20080502141‎.jpg




اشوف اخونا تميمي مافيه اخبار هو قنص والا لا

باالتوفيق

[ابوسعدبدر]

مثل ما قالواالأخوان اقظب ارظك بلا ضبان بلا هم .

[khid20002]

الاماكن كلها مشتاقه لك السيح مطيوي الجافورة الثوير خشم الزين الدغيمية الزيدية عجايب فضيلة ويسة شجعة كلها فيها ضبان