{ طيـــــــر راكـــــــد للبيــــــــع . . : ) . . }

[التميمي 2009]

السلام عليكمـ جميعاً . .


ومساكم الله بالرضا والـسـرور . .


/
*
/
*


طيــر راكد . . ’’


يطلـــــلع . . ’’


ذابح ثنــ 2 ــتين . . ’’


شـــرط على الذبح / واللحق . . ’’


مسيــ 20 ألف ـــوم . . ’’


http://www.y1y1.com/u/uploads1/742e304089.jpg (http://www.y1y1.com/u/)


http://www.y1y1.com/u/uploads1/f05c648ab0.jpg (http://www.y1y1.com/u/)



http://www.y1y1.com/u/uploads1/75bfe69509.jpg (http://www.y1y1.com/u/)


http://www.y1y1.com/u/uploads1/444f77eee7.jpg (http://www.y1y1.com/u/)



وبالتوفيق للجميــــــــــع

[طرح السعودية]

ماشاء الله تبارك الله
نبي سن الطير واطواله

[النـادر]

اخوي

وش قرناسه هالسنه اللي بتجي

وش مقاسه بالفوت

ووش باقي عليه من الريش

ووين معروض عشان نشوفه

[التميمي 2009]

الطير ينقل خامس
وطوله 17*17
في الرياض
وباقي اربع , اربع

[alajmi110]

الله يرزقنا ويرزقه طير طيب ما شاء الله تبارك الرحمن

[نايف الخالدي]

يستاهل
طير طيب لون وعون ان شاء الله

[التميمي 2009]

جزاكم الله خير

[الطبشي]

الله يرزقك البيعه الطيبه00000

[بوخالد الكعبي]

فراج بالتوفيق ان شاءالله

ولكن قرناس خامس و ذابح ثنتين فقط ...

[التميمي 2009]

الله يجيب الحباري الي نذبح لما نمل منهن دعوه للجميع بالفال الزين

[بوخالد الكعبي]

جزاك الله خير

[ابرق العزاف]

الله
يرزقك
وخامس سنه ما شاف الا ثنتين
وينه من يومه فرخ!!!!!!!!!!!

[Turki1]

طيرك طيب ياخوي فراج وانت أطيب باذن الله واسأل الله لك البيعه الطيبه اللي تسمح خاطرك.
بعض الاخوان كأنهم يستقلون ماصاد الطير المعروض من اخونا فراج.يااخوان فيه ناس واجد تقنص موسم كامل وتفلس ولاتشوف حتى الجرة،وناس تقنص موسم كامل ولاتصيد الا حبارى او حباروين.
هذي ارازق من رب العباد.
اسأل الله ان يرزق الجميع من خيرة.

[راعي شرار]

يالربع الرجال يقصد السنه هاذي ذابح ثنتين مهب من يومه فرخ ماذبح الاثنتين بوخالد الكعبي وابرق العزاف ياليت تعلمون الصقاره زين وبعدين بعض الكلام لقافه عاجبك اشتر موهب عاجبك اترك القافه

[ماجد الهلالي]

الله يرزقك بالسومه الطيبه الي تطيب خاطرك والطير شيخ ويستاهل

[لعّاب المنايا]

ما شاء الله طير طيب

والله يرزقك بالبيعه الزينه والطيبه ,,

ويمكن يالربع الثنتين هذي الموسم اللي راح بس معه هو لانه شوف عينه ومع غيره ما يقدر يقول وهو ما شاف طيره وهو يصيد,,

وهنا صقاقير ناقلين الطير من 12 سنه ما صادها ولا شاف ريشتها باع وشرا من ذا الطيور بس حظه سئ هو مع الطير ,,

فكل شي جايز يا أخوان ,,,

[المان العرب]

الله يرزقك بالبيعه الطيبه

[طيرالحمــــاد]

طير طيب وعلومه طيبه
الله يرزقك البيعه الطيبه

[طارق الحربي]

يعني الطير اذا ماذبح الا ثنتين وهو قرناس خامس عيب في الطير ؟


اذا الطير والله مايلحق الحبارى والثنتين اللي صادهن بالارض يمكن تقول عيب ان الطير مايلحق ولا مهو سبوق

بس يمكن الرجال ماتوفق مهو عيب ولا معناه ان الرجال لازم كل موسم يطرح حبارى او ثنتين

بالتوفيق يافراج تستاهل ويستاهل الطير

[قلب شاهين]

الله يرزقك بالبيعه الطيبه ،،

و20 حلوه والله يباركلكم ،،

تحياتي / قلب شاهين ،،

[الطير الاسود]

الله يرزقهم بالبيعة الطيبه

[قناص بالفطره]

يالربع الرجال يقصد السنه هاذي ذابح ثنتين مهب من يومه فرخ ماذبح الاثنتين بوخالد الكعبي وابرق العزاف ياليت تعلمون الصقاره زين وبعدين بعض الكلام لقافه عاجبك اشتر موهب عاجبك اترك القافه

راعى شرار الله يصلحك انت تعاتب الناس وانت تبيلك اللى يعاتبك

وش دراك ان الرجال يقصد هالسنه ؟ انت تعلم الى فى قلوب الناس؟

وبعدين تتكلم عن اللقافه !! وين اللقافه ؟

الموضوع بيع ومشترى

والى يبى يشرى من حقه يسأل ومن حقه يستغرب اذ قيل له صايد 2 وعمره خمس\

وحتى الى ما يبى يشرى من حقه يستغرب والسؤال مو حرام

والعتب عليك يوم تتهم رجاجيل باللقافه ويمكن الواحد منهم من عمر ابوك

[hawwamT]

ياأخوان واضح من الكلام ان الطير صاد مع راعيه اللي يملكه ألحين ثنتين...وواضح من الكلام ان هذه الثنتين العام... هذه شفرات مايعرفها الا الصقارين والا الكلام واضح ما يبي له كلام

[ابرق العزاف]

قناص بالفطره
مشكور يابعدي

[التميمي 2009]

شكر للجميع على الردود الطيبه الله يجعل فل الجميع الحباري المخاريش
والمعروف للي يبي يبيع يذكر ما حصل معه في الموسم الذي هو فيه ولا يذكر الماضي لان الطير في كل سنه يتغير من سيء الى احسن والعكس :no2: وهذا هو سلم الصقاره وشكراً

[طير طاير]

أخوي فراج


الله يرزقك البيعة الطيبة



راعي شرار :no2:


الحلم الحلم الحلم

وكلام الأخوان يفهم منه التعجب وهذا أظن شي عادي!!!

وأتمنى تتقبل كلامي بصدر رحب

ودمتم بود،،،

[سمح المحيا]

مشالله تبارك الرحمن
كم عدد صيد الطير في عمره او صيده الثنتين المذكورااات فقط

وطير ماسيم


وتقبلوا تحيات

اخوكم:سمح المحيا

[ماجد الهلالي]

السلام عليكم اخوي فراج اصل الطير يوم يشبك فرخ او وحش الله لا يهينك

[بو هاشم]

الله يكتبله البيعه الي يستاهلها

[التميمي 2009]

السلام عليكم
شكر للجميع على المرور الطير مشري نص الموسم الماضي وشكراً

[ذهال]

الله يرزقك البيعه الطيبه ،

[عادل الجابر]

السلااااااام عليكم ورحمة الله وبركاااااته

الله يرزقك البيعه الطيبه اللي أطربك


رااااااعي شراااار أشهد أني معك في كلااااامك الصقااااره ماااهي فشخره وغشااااامه

اللي ماااله في الصقاره وكلام الصقاااقير ومفاااهيمهم لا يتكلم مجرد تسجيل حضوووور


وبــــــــــــــــــــــــــــــــــــــــــــــــ ـس

[بوخالد الكعبي]

يالربع الرجال يقصد السنه هاذي ذابح ثنتين مهب من يومه فرخ ماذبح الاثنتين بوخالد الكعبي وابرق العزاف ياليت تعلمون الصقاره زين وبعدين بعض الكلام لقافه عاجبك اشتر موهب عاجبك اترك القافه

يابوشباب مب انت اللى بتعلمي الصقاره يالغالي
وانا اذا سالت مااطيح من قيمه الطير شي بالعكس ابغي له الخير بالى عنده

وعيب الكلام هذا يطلع من رجال يعرف السنع وهذه مب لقافه مجرد سوال عن مصيد الطير فقط لاغير

والخير واجد يالغالي


اسال الله ان يسامحك على كلامك هذا

[بوخالد الكعبي]

راعى شرار الله يصلحك انت تعاتب الناس وانت تبيلك اللى يعاتبك

وش دراك ان الرجال يقصد هالسنه ؟ انت تعلم الى فى قلوب الناس؟

وبعدين تتكلم عن اللقافه !! وين اللقافه ؟

الموضوع بيع ومشترى

والى يبى يشرى من حقه يسأل ومن حقه يستغرب اذ قيل له صايد 2 وعمره خمس\

وحتى الى ما يبى يشرى من حقه يستغرب والسؤال مو حرام

والعتب عليك يوم تتهم رجاجيل باللقافه ويمكن الواحد منهم من عمر ابوك

جزاك الله خير

شكر للجميع على الردود الطيبه الله يجعل فل الجميع الحباري المخاريش
والمعروف للي يبي يبيع يذكر ما حصل معه في الموسم الذي هو فيه ولا يذكر الماضي لان الطير في كل سنه يتغير من سيء الى احسن والعكس :no2: وهذا هو سلم الصقاره وشكراً

اخى العزيز الله الموفق ان شاءالله
ومعا عليك من كلام الناس الله عالم بالنيات وانا اخووك



السلااااااام عليكم ورحمة الله وبركاااااته



الله يرزقك البيعه الطيبه اللي أطربك



رااااااعي شراااار أشهد أني معك في كلااااامك الصقااااره ماااهي فشخره وغشااااامه


اللي ماااله في الصقاره وكلام الصقاااقير ومفاااهيمهم لا يتكلم مجرد تسجيل حضوووور




وبــــــــــــــــــــــــــــــــــــــــــــــــ ـس


اى فشخره يالجابر !!!!!!!!!

الله يسامحك بس

[الهواوي0]

ماشاء الله تبارك الله

[وقاااااد]

الله يوفق البايع والشاري

[وَسَام!]

الطير سيم ياراعيه او لاء؟
ولاهنت!!!!!!!

[جو الشيخ]

ماشاء الله الله يرزقك بالبيعه الطيبه

[التميمي 2009]

الطير مسيوم بــــــــــ 20000 الف ريال سعودي
والطير مشروط على الذبح والاحق والركادة
واطير مسيوم العام مع راعيه الاول 30000الف وشكرا على المشاركهِِ

[أبو فيصل]

أخي فراج الله يبارك لك في طيورك

متى شريته في نصف الموسم؟
هل كان باقي معه ريش ما صك بالكامل يوم شريته؟
وهل الطير من النوع اللي يهد وريشه أخضر؟
أطوال الطير لو تقريبآ؟
هل أنت متأكد من سن الطير؟
تقدر تذكر شىء عن مجسّه أو وزنه اذا تعلم بارك الله فيك؟
هل الركاده على التكيه ولاّ على اليد وهل تقصد ركاده و السياره ماشيه؟

سألت لأن لي رغبه في الطير بعد ردك على أعلاه وأعتقد أنك تدري ما يسأل هاذي الأسئله ألاّ شرّاي. ولكن لازم أشوفه و أنقله على يدي لذلك ما أقدر أسوم شىء ما شفته ولو أن الشرع له رأي في ذلك.

[افزعواله]

الله يرزقك بالسومه الطييييييييبه

[فداع]

مشالله يستاهل ينهقابه الحوق مواميه طوال وريشه دقاق وله ثندنه طيبه الله يرزقك ب القيمه الطيبه

[التميمي 2009]

شكرا يا ابوفيصل على المرور والطير اذا قيل راكد يعني في السيارة
والطير ما يشرى الا بعد المعينه واخذ المقاس الصحيح والطير انا شارية وهو مشروط على الذبح والطرد والطلع والطير زين ومعروف عن كثيرمن الصقاقير
وشكر لـ افزعواله
وشكر لـ فداع على المشاركه :good:

[بوخالد الكعبي]

بالتوفيق اخوى

[أبو فيصل]

الله يبارك لك اليوم و دوم يا فراج

[التميمي 2009]

وين الي يدور على الطير الي يطرب العين والقلب ،،،
اوط على خشم الدولار واطرب نفسك :good:
يراعي الولع قرب الفرج :cool:

[التميمي 2009]

هذا رقم راعي الطيرالي يبي ياخذ العلوم من راسة 0504935666

[جو مناخ]

ماشاء الله تبارك الله والله يرزقك البيعه الطيبه

[راعي ستان]

ماشاء الله تبارك الله

[abohatm]

يالربع للمعلوميه فقط

انا اعرف راعي الطير الي قبل وصايد معهم واجد من الحباري ويمدحونه باللحوق والطلع

وللمعلوميه ان الطير قد سيم الموسم الماضي 30000 وسيم بعده 25000 وهم قانصين

والله اعلم

[فداع]

سراحه يستاهل ويستاهل الله يرزق راعيه

[قرناس ارامكو]

الله يرزقك البيعه الطيبه

[زناد1]

ماشاء الله طير طيب