إلى أهل القصيم وحائل والمدينة وينبع مع التحية ,,

[النوخذة الأحسائي]

بسم الله الرحمن الرحيم

السلام عليكم ورحمة الله وبركاته

بارك الله فيكم..
وغفر الله لكم ,,
لدي استفسار مهم جدا جدا جدا في رحلة العمر الأولى والتي ستكون بإذن الله تعالى خلال هالصيفية وبالتحديد في شهر شعبان " بلغنا الله وإياكم شهر رمضان وبارك لنا في رجب وشعبان " ولدي استفسار مهم ,,
وش وضع الشقق في هذه الأماكن :
1- القصيم وبالتحديد بريدة وخاصة بالقرب من معرض السنيدي للوازم الرحلات
2- حائل ,, وخاصة الأماكن الحلوه مادري بالتحديد
3- مدينة الرسول صلى الله عليه وسلم
4- ينبع وبالتحديد مكان قريب من البحر ..
معلومات ,,
** الرحلة عزابية
** العدد تقريبا 7 أشخاص يمكن ينقصون يمكن بس ماراح يزيدون..
المطلوب يارعاكم الله ..
أنا الأمير في هالرحلة بإذن الله تعالى والمناطق هذي جديدة علي ولا أعرف فيها شي فقلت أشوف الأحبة هنا وأهل المنطقة في هالأماكن يمكن يفيدونا من ناحية الأسعار و أسماء الشقق ..
طبعا أبي أكون على بينة من هالحين عشان أحدد الميزانية وإن طحت اطيح على بر مثل مايقولون .. من ناحية
الأسعار وتحدد الشقق..
معلومة : في كل منطقة من هالمناطق ولله الحمد لي ربع فيها وكلهم أجاويد والله ,,شراوكم .. لكن إن كلمتهم راح يحرجوني 100% وأنا ‘رفهم فأبي أفاجئهم ولا أكلف عليهم ,,

إن شاء الله الأحبة ما يخيبون الظن فيهم هنا ويعطون ألأسعار وأسماء الشقق في الأماكن المذكروة
غفر الله لمن قرأ هذا الموضوع وغفر لمن رد عليه بالدعاء والتوفيق وغفر لمن ساهم في إثراء الموضوع لنا وخدمنا وغفر للجميع إنه جواد كريم ..

أخوكم بو فهد

[المشكل]

بالنسبه للقصيم
في على طريق الملك خالد
الي عليه السنيدي وانت متجه شمال يجي على اليمين اليرنس الذهبي
قريب للسنيدي حوالي 3 كيلو شمالً ا
لصراحه مادري كم سعره لاكن محترم ونضيف


والله يحييكم

[قصيمي محترم]

مرحبا بأهل الحسا كلهم

أول شي ياعزيزي توقيت الرحلة في أغسطس تقريبا ومعروف ان بريدة والمدينة وينبع بشدة الحر

ولا أدري عن حايل بصراحة

ثانيا .. ببريدة خصوصا راح تتعب من ناحية الشقة لأن أغلب الشقق عوائل والبرنس الذهبي الي قال عنها الأخ المشكل أعتقد ما تأجر شباب
أذكر ان فيه شقق اسمها أطلس صحيح بعيدة شوي عن السنيدي لكن أعتقد ما قدامكم الا هالخيار أو خيار ثاني يأتي لاحقا..
عندها قسم للشباب وإذا تبي رقمهم أبشر فيه لأني أمر من عندها شبه يوميا..

الخيار الثاني تشوف لك استراحة بأحد طوالع بريدة أعتقد أرخص وأفضل خصوصا إذا صارت بأحد الخبوب "بين المزارع" علشان تسلمون من شيء من الحر الشديد..

وعندي معلومات عن ينبع لكن لعله يتفضل أحد الإخوة من أهل ينبع علشان يعطينا صورة أوضح وأفضل

وإذا ما جاك معلومات كافية أبشر باللي عندي

وأي استفسار أنا جاهز..

تحياتي

[الغواص البري]

بالنسبة لبريدة ذكر لك الأخ بعض ما تريد أما حائل فالشقق كثيرة وأغلبها عوايل بس ما فيه تشديد مرة والاسعار تختلف من شقق لأخرى يحكم ذلك الخدمات المقدمة والتجهيزات تتراوح الأسعار بين 700-200 المهم تكون وصلتكم بالنهار تأخذ لك لفة بحائل وتختار وفي سنتر البلد أكثر شقق وأرخص ملاحظة:-
إذا رحلتكم شباب ما أحلى ولا أروع من نومة البر وما حولك ولا نور وتشاهد النجوم وأنت مستلقي من أول الليل والله شي جميل تحياتي وموفق بالرحلة وإذا أي خدمة من حائل أو القصيم او الرياض آمرررررررررررر

[سيف الظفير]

في حاااايل لا تاخذ شقه ابد

وبخصوص الجو بإذن الله بتنااام بدون مكيف في ديار طئ لأنها باردة وتختلف كلياُُ عن القصيم

نم في البر وانا اخوووووووووك تراها زينة نومة الشباب


وعسى الله يوفقك ويسدد خطاااااااااااك

[النوخذة الأحسائي]

غفر الله لكم جميعا .. وسدد خطاكم ,,

الله يعنينا مع بريدة ..

حقيقة حائل بكذا ضمنا النوم في البر .. وياحبنا لنوم البر ويازين نسيمه ..

.. ننتظر الأحبة ..

يا أهل حائل وش الأماكن اللي ما أفوتها مع العلم أني جالس في حائل تقريبا 2-3 أيام ,, والله ودنا نتونس ونوسع صدورنا ..

ننتظركم

[ابومحمد vtc]

السلام عليكم اخوي
ودي انكم ترحون لهذي الديار في وقت يكون الجو حلو ويكون فيه امطار بس ان كنتم معزمين الا في هذا الوقت فالله يسهل اموركم القصيم حر شديد اما حايل فحلوه نوعا ما

[الفايد]

وحياك الله في ينبع
تعال وابحث عن استراحات في طريق الشرم وهو (طريق الي البحر) و انا في خدمتك في ينبع

[النوخذة الأحسائي]

لا عدمانكم .. وغفر الله لكم

[vito12]

اخوي عندك في المدينه معروفه الفنادق الي حول
الحرم غاليه واحتمال مافي شباب ..
بس عندك ثلاث اماكن تحصل فيها الي تبغاه من ناحيه سعر مناسب واحجام
الشقق ...
الشارع الاول قربان الثاني الزاهديه والثالث العنبريه الشقق حولك ياكثرها وواضحه
وصدقني اول ماتطب المدينه والا وانت في واحد من هالخطوط
وان سالت ماراح تضيع لانها قريبه من الحرم وكلها من 10 الى 5 دقايق مسافه للحرم ... وان شالله اكون افدتك واي خدمات ثانيه تحت امرك

[امبارك]

بالنسبة لحائل..
فجوها خلال الصيف جاف بشكل عام.. لطيف ليلا.. حار نهارا..
وللسكن أفضل البحث عن استراحة في بلدة عقدة غرب حائل 10 كم داخل جبل أجا.. أو على طريق الخطة شمال مدينة حائل..
أما المطاعم الشعبية.. فهناك مطعم شراف الجديد خلف فندق الجبلين.. وهناك المطعم التراثي غرب برج حائل.. وللاسف لا استطيع الفتوى كثيرا في هذا المجال.
أما الأماكن الجديرة بالزيارة عديدة منها:
سوق البياعات بالكبرة.. تتوفر فيه الكليجا والبهارات والخضار والفاكهة البلدي والمشغولات اليدوية.
قلعة عيرف.. أثر تاريخي.
بقايا قصر برزان.. السوق الداخلي.
جبل السمراء.. لمشاهدة الديرة من قمة الجبل.
منتزة المغواة.. للعروض والتسوق.
بلدة عقدة.. مكان جدير بالزيارة.
بلدة نقبين.. مكان آخر جدير بالزيارة.
طريق الجوف.. لمشاهدة جمال النفود الكبير.
مزارع الخطة.. للإطلاع على معالم النهضة الزراعية.
الدوران على جبل أجا.. بالإتجاه مع طريق المدينة جنوبا ثم طريق العلا غربا ثم مدينة موقق شملا ثم قرية التفيهي ثم طريق الحفير حائل شرقا ثم الدخول إلى حائل من جهة الشمال.
زيارة شركة هادكو.. لشراء زيت الزيتون.
السياحة في براكين جبال سلمى.. قرية النعي القديمة -فوهة بركانية-.. مدينة فيد التاريخية -فوهة بركانية- مع زيارة متحف الاثار.. قرية طابة القديمة -فوهة بركانية-.. فوهة بركان الهتمة.
السياحة في بلدة جبة المشهورة بكرم أهلها.. وزيارة متحف النايف.
السياحة في مدينة بقعاء.. لمشاهدة البحيرة الجافة التي تقع شرقها.

هذا ما أسعفتني به ذاكرتي.. مع تمنياتي لكم برحلة سعيدة وعودا حميدا

[النوخذة الأحسائي]

فتح الله عليك اخوي مبارك ,, معلومات مهمة جدا بالنسبة لنا

[أمطار الخريف]

لاتنسى مكان يسمى (( عقده )) مكان جميل جدا في فترة ما بعد العصر إلى فترة الصباح فيه على ما اعتقد شقق وغرف للأيجار.... اما بنسبه لكم كشباب انصحكم تنامو في البر لان البر حلوووو وجميل في حائل خاصه في ظل طلحة ............

منتزه مشار : جميل ويحتوي على اشجار جميله بأمكانك الأستتظلال بها في فترة النهااااااااااااار ...روووووعه.

والمطاعم كثيرهـ :
ماكدنلز ـ هرفي ـ الطازج ـ هني ـ
بنسبة مطاعم الأرز بلمررررررره حلووو في حائل ــ عندك مثلا:
مطعم الزعفران طريق أبو نمر ـ مطعم التراثي على اسمه تراثي مقابل لمعلم وبرج حائل ـ مطعم القصرين طريق النقره جميل ورائع ــ مطعم التل بس تراه شوي غالي .
الشقق ـ
يتوفر في حائل الكثير من الشقق ولاكن تتفاوت الأسعار كحد أدنى 180 ريال .
المنتزهات :
مشار ـ عقده ـ منتزه السمراء ـ منتزه المغواة ـ حديقة السلام ـ حديقة الزيتون ـ قلعة أعيرف الاثريه ـ

الاسواق :
بنده ـ سوق سماح ـ سوق برزان ـ سوق الجامعيين ـ

أن شاء الله اني افدتك
ورحله سعيده وموفقه
برعاية الله وحفظه.
بس لاتنسى تنزل تقرير عن حائل

[راعي الصطحه]

يعطيك العافيه ورحله موفقه

[سوبر152]

توقيت الرحلة في أغسطس تقريبا ومعروف ان بريدة والمدينة وينبع بشدة الحر