السلس

[Bo Rashed]

كاتب الرسالة الأصلية : النوخذة
http://jubailnet.com/web/kmuh/Garfish1.jpg


وهي التي يسمونها بالإنجليزي Needle Fish - Gar Fish ..

http://jubailnet.com/web/kmuh/needlefish.jpg

http://jubailnet.com/web/kmuh/Garfish2.jpg

صيدها سهل جداً و ممتع بخيط دقيق و ميدار (سناره) صغيرة جداً و يستعمل طفاحة لكي يظل الخيط طافحاً و لا يغطس فهي تتغذى على سطح الماء.. و أفضل طعم يستعمل لصيدها هو الربيان.. الصعوبة الوحيدة في صيدها هي أين تجدها!!! و لكن بقليل من الزفر في البحر ترى أنها قدمت ولو من أماكن بعيده .. و البعض يحب أكلها و لكن البعض الأخر يصيدها لغرض إستعمالها كطعم لصيد سمكة الكنعد المشهورة ( King Fish ) ..



م
ن
ق
و
ل

[العديد]

يعجبني تناولك للمواضيع يا بوراشد .. وما ننسى أخونا النوخذة .. وبالنسبة للسلوس فأنا زهقت من كثر ما أصيدها في راس أبو قميص عند محدق الشعري (لسان صخري يمتد داخل البحر ومليان شعري) اللي يبي يصيد يروح هناك .. والا اقول ترى الكيلو ب6 ريال فلا تعذب نفسك

[سمٌاري]

موضوع حلو جدا
لكن عندي سؤال يابو راشد هل تستخدم أيضا في صيد السبيطي

[akhan]

مشكوووووووووور

[Bo Rashed]

العديد

بارك الله فيك... وصدقت ان ما تسوى تعنى راس بو قميص عشان تصيد شعري لكن السلس صيده اذا خلص عليك الييم او شفت لك جنعده ناشه من البحر قط لها السلس او سو لها كيس وربطه بالخيط وخله يروح بعيد

سمٌاري

اكيد بتصيد عليها سبيطي واللي يقولك ان السبيطي بس يضرب على شي معين كذاب لان السبيطي ما يخلي شي الا ويضرب عليه حنا نصيده على ( ميد-منجوس-يواف-زمارير-حاسوم-سلس-مصارين دجاج-قباقب-ربيان-خثاق ) عاد وانت وحظك لكن اكثر شي انا استعمله للسبيطي هو الميد لكن لازم يكون جديد

[فـ(الجـوف)ـتى]

مشكووووووووووووووووووور

وجزاك الله خير 0

[Abu Saleh 40]

أبو راشد ولا يهونون الربع ويش رايكم اللي يصيد السبيطي على تميز ( خبز تميز وتوصي الخباز يخليه شوي عجين ) ;)

[Bo Rashed]

قديمة يا بو صالح :D

ما خلينا شي ما حدقنا فيه حتى الدجاج ما سلم

واخبر اني مع خوالي كنا نروح القرية نحط غزول واذا قل الشعم نقعد نصيد الصافي والبدح بالخيط طبعا على عجين لانهم ما ينقدون على الربيان

وحياك الله يا بو صالح معانا في ديوانية الحداقه :D

[العابر الثالث]

مشكورين على موضعكم الطيب واحب افيدكم بان السلس يحب العجين طفاحي طبعاً ولك جزيل الشكر

[شعور]

نسميه قمبروه

وهو طعم جيد لما يكون حي

طريقة صيده المثاليه هي الخداجه زي السردين ويطلع على العيش والعجين بس بسنانير صغيره مره

[صياد السبيطي]

ماشاء الله تبارك الله

موضوعاتك يبو راشد دايم صخريه من النوع الصعب

وهدا يدل عليك يانوخدتنا الصعب

ومشكووور مرة اخرى على الموضوع الجميل ولا حرمنا منها يارب

[صياد السيف]

مرة يا شباب الهواء طير على مالبحر بطاطس ليز تهولت من كمية السلس اللي هجم عليه مما يوضح حب هذه السمكة للنباتات وقلة حبها للحوم

[ashig2007]

موضوع شيق للغايه ..... بالنسبه للسلس والميد من الطعوم الممتازه للصيد اما بالنسبه للسبيطي فقد صته بخبز تميز مخلوط بجبن + موينيز جربوه فهو طعم ممتاز....
عاشق2007

[سامي العنزي]

مشكووور وما قصرت على المعلومات الحلوه

ماقصرت موفق خير:)