على ذكرى شارع الحبابي (الله يرحمه)

[وَسَام!]

اغلب الصقاقير يعرف من هو شارع الحبابي(رحمة الله) واللي مايعرفه اكيد سمع به ويعتبر انه رمز من رموز
الصقاره والطيور واعطاء الطير حقه بغض النظر عن صاحبه .
المقصود من الموضوع ورجاءا ان لايكون هناك تعصب من الذي تتوقع انه خليفة لشارع الحبابي في
سوق الطيور بالمملكه ؟ او من ترشح؟

انا عن نفسي ارشح نايف بن جزأ الدعجاني

[الفيتو]

بسم الله الرحمن الرحيم
السلام عليكم ورحمة الله وبركاته
مساءالخير ياخوي / وسام11
أنا برشح ثلاثه وأنت اختر واحد .
* عاصم ابو العلا * نايف بن منيس النفيعي * محمد الشيحه
*
والسلام
الفيتو
الحجاز
6/5/1429هـ.

[المان العرب]

وانا معك ياوسام11
نايف بن جزا الدعجاني يستاهل ابو جزا صقار معروف وقديم
تقبلو تحياتي

[قلب شاهين]

نايف بن منيس النفيعي

مشكوور على الموضوع ،،

تحياتي / قلب شاهين ،،

[ابوالجازي]

الله يغفر له ويرحمه شارع الحبابي قليل جنسه ويعطي الطير حقه ولا يبخس الناس اشيائهم
لكن بالنسبه للترشيح جا متأخر فشارع له اكثر من عشر اوخمسة عشرسنه متوفي رحمه الله
لكن انا اخبر اللي كان ينافس شارع الحابوط
لكن هالحين ماادري لاني مانيب اروح للسوق من سنين
لك مني جزيل الشكر ياوسام 11 لذكر مثل هذا الرجل

[بعيد الشوح]

انا ارشح ابن منيس ويستاهل وفاله المليون؛؛؛؛؛؛ و ابو جزاء وبس يتنا فسون على البيرق وارجو من الاخوان التصويت ههههههههههههههههه

[][ الأصيل ][]

فيصل ابن عطيشان

[نبع الدموع]

الله يرحمة و يغفرلة. و بن منيس كم لة عن الساحل؟ و الحابوط نفس الشئ
نسمع طارية و مبطي ما شفناهـ. و اعتقد ترشيحك يابو صالح في محلة ولا
يهونون الباقين.

[وَسَام!]

حياكم الله يااخواني
وانا مااقصد من نرشح محله انا اقصد البديل له في وقتنا الحاضر يعني يعتبر مرجع للصقاقير وفي معرفة الطيور وملازم للسوق . بعض الاسماء اللي ذكرت هم صقاقير ومانقول في اشخاصهم شي ولا في شراهم للطيور الطيبه لكن بعضهم انا شخصيا مااعرفه او شفته في السوق.

ولاتحسبون اني متحيز او متعنصر وللمعلوميه انا دوسري

[fhbabi]

في اعتقادي انه لايوجد ولن يوجد خليفة
لشارع الحبابي
والدليل انه متوفي من اكثر من 16 سنه وكل من اتى بعدة ياخذ فترة ثم يختفي
اذكركم ب ناصر بن معباد و الحابوط و الجدعي رحمةالله و حسن الفهادي
واشكر الاخ / وسام 11 على طرح الموضوع

[فرخ الشياهين]

انا أقول مافيه شكه ارشح نايف بن جزء

[ذراع الذيب]

والنعم فيهم كلهم..........

[أبو رداد]

الله يرحم شارع الحبابي واموات المسلمين
وهذا اكبر مكسب للانسان
(عقب موته الناس تمدحه وتطريه في الخير)

[ابن الشايب]

السلام عليكم ورحمة اله وبركاتة
اسماء لها بصمه فى التاريخ
شارع الحبابي رحمه الله
الحابوط مختفي عن الصقاره
منيس بن صلهام النفيعي رحمه الله
على بن جدعي الحارثي رحمه الله
محمد بن عبدالرحمن بن عون ( طميه)
سطام بن ضواحي المطيري
نايف بن جزاء الدعجاني
عبدالله بن منيس القحطاني
بن عباد
الفهادي حمود وحسن
اسماء انتهت واسماء باقي فى معرفت الصقور
اما الان نلاحظ كثرت الاسماء ويوجد منهم من يعرف شخوص الطير ومنهم ماحولك احد على قولت القايل مع الدبكه ياحماد بس وانا ارشح عبدالله بن منيس القحطاني ونايف الدعجاني فى الرياض ولا قصور فى الباقين

تحياتي لكم ولى رجعه

[ابوفارس 5350]

ارشح نايف بن جزأ الدعجاني

[وقاااااد]

الله يرحم شارع الحبابي ا
رشح ابن منيس

[أبو رداد]

السلام عليكم ورحمة الله وبركاته

اخواني هذا الموضوع (حساس)
وتبنى عليه (سمعة ناس تترزق الله على سمعتها)
ارجو من الجميع ذكر الطيب فقط ... الي يفوز بطيبه يستاهل
والابتعاد عن ذكر المساوئ لاني اعتبرها (كيديه)
والسلام

[أبو فيصل]

أنا أرشح اللي اذا جيته عّينت الطيور الطيبه وأرتاحت له نفسي

وأن جيت بيّاع شرى طيري بسعر منافس

وأن جيت أدوّر الزين عيّنته عنده و على كلامه أو من معرفته لهله يطمئن القلب

وأبعد عن اللي ينتقد الآخرين وعينه على الدراهم وألاّ يكثر الحلوف اللي مالها داعي...... وذكر الحيا والطيبين يبين

[طارق الحربي]

الله يرحم الحبابي

ان كنتوا تبون بالرياض انا اقول ابن منيس ونعم والله عز الله انه حكم في مشكله حكم عادل

ولا يهونون البقيه

[راعي جلمود]

السلام عليكم
اسمحولي لو اني صريح شوي انا متواجد في السوق كل سنه اول الوقت وقت الوحوش
بعد شارع الله يغفر له
اهل السوق كلهم الا ما ندر
اذا جاء الطير الوحش الطيب واللي جالبه غير معروف تغامزو وصار اللي يزاود واحد او ثنين وبخسوه حقه
واذا جابه واحد له مكانه بينهم تزاودو فيه لين يتعدى حقه
واذا صار عناد بينهم ياحض اللي طيره مع المحرج
واذا جاء جلاب والسوق مهنا زود والناس شويين اخذوه الى احد المحلات واخذه واحد منهم
واذن الله يرحم شارع ماكان عنده لف ودوران اللي يستاهل ياخذ حقه وافي
وعذرا على الاطاله
والصراحه جارحه احيانا

[تواق]

دعوني اشاركم بهذه القصه

كنت صغير السن مولع بصقور اقصد الرياض وبذات سوق الطيور لشراء الطيور ويحالفني الحظ احيانا

بمرافقه احد افراد اسرتي الاكثر خبره لشراء الطير ولكن يحصل ان لايسعفهم الوقت ولايستطيعون الذهاب

وانا لااعذر ولااريد اصلى ان اعذر فتكون هناك كلمتين فقط ( ان جيت السوق انحر شارع الحبابي )

وبعدها اذهب واسال اجده متكي رحمه الله بجوار سيارته المجهزه بهاتف السيار الجمس الحمر والابيض

واخبره الخبر من دون ان اذكر اسماء او اي شي ويجلس يتفقد الطيور التى تفد الى السوق ويفاصل فيها

ويفاوض وكانه يشري لنفسه ثم ينادي على ويسلمني الطير وبعدها لم انتظر احد من اسرتي يرافقني الى الرياض

في كل موسم فقد عرفت ان هناك شارع الحبابي رحمه الله

ترى لو ذهب الان صغير سن الى السوق هل سيجد مثل ماوجدت ؟؟؟؟

ملاحظه / انا لست من قبيله شارع رحمه الله ولا يوجد لي علاقه معها سوى ماذكرت لكم والله يشهد علي

ولكن اردت فقط من خلال هذا الموضوع ان اظهر معروف الرجل علي والفرق الحاصل الان وقبل

[القرناس المهاجر]

دخلت لسوق الطيور بالرياض جالب لي شيهانه فرخ .. وهي المرة الأولى .. لقيت ثلاثه أو أربعه شيبان والله ماني عارف واحدٍ منهم .. الوقت بدري والجو بارد وانا حجازي (بكرتوني) :D المهم حطيت الطير على الأرض ولاوصيت احدٍ منهم عليه .. ورحت للبوفيه ابي فطور :) وافطرت وعينت من الله خير ورجعت لمهم .. يعني الآن عرفتم إني غشيم وصداق هههه عاد يوم جيت وطيري ماشوفه اتلفت يمين شمال .. اللون إللي أنا خابره ماشفته .. قال واحد من الشيبان وراك تدور وش انت مضيع قلت طيري حاطه عندكم من هو اللي شاله ؟ قال طيرك عانه على الوكر .. والا والله طيري أزين من اول سبوق جديده ووكر جديد .. ماعرفته بالمره .. احذني واحدٍ منهم على جنب قال الطير بخمسه ؟ قلت يفتح الله :mad: فيه شايب جالس حول الدله قال وش اعطاك في الطير قلت عطاني خمسه .. قال إلا بعت بالعشره قلت يفتح الله :mad: رجع لي الشايب الأول قال بعت بإحد عشر قلت يفتح الله قال انت ماتدري من هو إللي سامك بالعشره ؟ قلت إلاّ .. قال من هو ؟ قلت شارع الحبابي :D ونا والله يإخوان ماقد شفته لكن رميتها من غير رامي .. قال إيوالله وترى هو اللي سبقه وعطاك الوكر.. وراح من عندي وهو يكلمه إلا وهو جايني وزادني لين 20الف وبعته بنفس طيبه لانه كان تالي الوقت.. شوفوا كيف الأمانه والطيبه :)

بالنسبة للترشيح .. ماعندي ترشيح لآحد لان السوق متأرجح والطيب من طيب الله مذهبه وزانت نيته :good: :j

[hawwamT]

شارع الحبابي رحمة الله عليه
عبدالله بن منيس
الدعجاني
أما أبو العلا اللي ذكره الفيتو فوالله انه يشبه شارع كثيرا غير انه ماهو معروف لدى الكثيرين لانه يشتري ويبيع في الشعيبة ومجيرمة فقط

[ساري_1]

وانا ارشح نايف بن جزا

والله يرحم شارع الحبابي

ومشكور على فتح هذا الموضوع

وتقبلو تحياتي

[فيصل الحبابي]

السلام عليكم ورحمه الله وبركاته ........
مشكورين على الموضوع,,,,,,,,,,,,,,,,,,,,,,,,,,,,,,,,,,, انا حفيد شارع الحبابي مشكورين على الاطراء
اما خليفه شارع الحبابي رحمه الله كل الصقاقير خليفه شارع كلهم مافيهم قصور وكلهم فيهم الخير
والسوق انشالله بخير يوجد كثير من الصقاقير في السوق معروفين ولهم كل الاحترام والتقدير وحنا نستفيد منهم امثال / ابوشاكر عبدالله الحميداني و احمد الحسن و الدكتور خالد العويدي وحمود بن لبدة وسلطان المواش وعلي اليماني وعايض بن محمد المهداني وغيرهم الكثير.............................
عندي مشاركه بقصيدة في شارع الحبابي رحمه الله من الشاعر عايض المهداني له الشكر والعرفان على المشاعر الطيبه
هاذا محل الي علي لى الطير طلاع ..............الي لاشاف الوحش حال دونه
الي سراويله على الارض كباع .............وحجاجه ابيض من براجم امتونه
من زاد فيه يزيد مهوب يرتاع .................ويشريه واهل السوق مايشترونه
مرحوم ياعودأعلى الصدق يبتاع ........الي مقلبت الحكا يكرهونه
عساه في الجنه ميادينها وساع ....الي على العليا طوالن غصونه ....الله يرحمه ويرحم جميع اموات المسلمين

[القرناس المهاجر]

السلام عليكم ورحمه الله وبركاته ........
مشكورين على الموضوع,,,,,,,,,,,,,,,,,,,,,,,,,,,,,,,,,,, انا حفيد شارع الحبابي مشكورين على الاطراء

عندي مشاركه بقصيدة في شارع الحبابي رحمه الله من الشاعر عايض المهداني له الشكر والعرفان على المشاعر الطيبه
هاذا محل الي علي لى الطير طلاع ..............الي لاشاف الوحش حال دونه
الي سراويله على الارض كباع .............وحجاجه ابيض من براجم امتونه
من زاد فيه يزيد مهوب يرتاع .................ويشريه واهل السوق مايشترونه
مرحوم ياعودأعلى الصدق يبتاع ........الي مقلبت الحكا يكرهونه
عساه في الجنه ميادينها وساع ....الي على العليا طوالن غصونه
الله يرحمه ويرحم جميع اموات المسلمين

أبيات جميلة .. وجزلة من جزل :good:
اخي فيصل .. رحم الله جدك واموات المسلمين
ذكرناه بما عرفناه عنه .. وقد كان لي شرف معرفتة وإبنه عبدالله رحمهم الله ..منذ مدة طويلة .. وآخر لقاء جمعني مع ابنه قبل الحادث بمده وجيزة جدا ً:( :(

اخوكم .. القرناس المهاجر

[أبو فهد العيد]

السلام عليكم
اسمحولي لو اني صريح شوي انا متواجد في السوق كل سنه اول الوقت وقت الوحوش
بعد شارع الله يغفر له
اهل السوق كلهم الا ما ندر
اذا جاء الطير الوحش الطيب واللي جالبه غير معروف تغامزو وصار اللي يزاود واحد او ثنين وبخسوه حقه
واذا جابه واحد له مكانه بينهم تزاودو فيه لين يتعدى حقه
واذا صار عناد بينهم ياحض اللي طيره مع المحرج
واذا جاء جلاب والسوق مهنا زود والناس شويين اخذوه الى احد المحلات واخذه واحد منهم
واذن الله يرحم شارع ماكان عنده لف ودوران اللي يستاهل ياخذ حقه وافي
وعذرا على الاطاله
والصراحه جارحه احيانا
هذ اللي اشوفه انا وواقع صاير في السوق..
وصار لي شخصيا, ومن دون ذكر اسماء..
لكننا نبي نحسن الظن.
وان كان فيه ترشيح.فانا ارشح ابو شاكر.

[ماجد الهلالي]

السلام عليكم الله يرحم الوالد ( شارع الحبابي ) ويسكنه جنه الفردوس

انا عن نفسي ارشح الصقار الدكتور خالد بن عبدالله العويدي ولا قصور بالباقين

تقبلو مروري ... ابو تركي ...

[صقر20]

الله يرحم شارع الحبابي واموات المسلمين
وهذا اكبر مكسب للانسان
(عقب موته الناس تمدحه وتطريه في الخير)
أمين ،،، وهو أكبر مكسب بلاشك


السلام عليكم ورحمه الله وبركاته ........
مشكورين على الموضوع,,,,,,,,,,,,,,,,,,,,,,,,,,,,,,,,,,, انا حفيد شارع الحبابي مشكورين على الاطراء
اما خليفه شارع الحبابي رحمه الله كل الصقاقير خليفه شارع كلهم مافيهم قصور وكلهم فيهم الخير
والسوق انشالله بخير يوجد كثير من الصقاقير في السوق معروفين ولهم كل الاحترام والتقدير وحنا نستفيد منهم امثال / ابوشاكر عبدالله الحميداني و احمد الحسن و الدكتور خالد العويدي وحمود بن لبدة وسلطان المواش وعلي اليماني وعايض بن محمد المهداني وغيرهم الكثير.............................
عندي مشاركه بقصيدة في شارع الحبابي رحمه الله من الشاعر عايض المهداني له الشكر والعرفان على المشاعر الطيبه
هاذا محل الي علي لى الطير طلاع ..............الي لاشاف الوحش حال دونه
الي سراويله على الارض كباع .............وحجاجه ابيض من براجم امتونه
من زاد فيه يزيد مهوب يرتاع .................ويشريه واهل السوق مايشترونه
مرحوم ياعودأعلى الصدق يبتاع ........الي مقلبت الحكا يكرهونه
عساه في الجنه ميادينها وساع ....الي على العليا طوالن غصونه ....الله يرحمه ويرحم جميع اموات المسلمين
وعليكم السلام ورحمة الله وبركاته
الله يحييك يافيصل بين ربعك وأخوانك
والله يرحم جدك رحمة واسعة ،،،،
أخي فيصل أردت رأيك بهذا الموضوع (الرابط أسفل) وإن كان عندك صور للمرحوم
زودنا وفرصة إنك من اليوم وطالع موجود بيننا
من هنا
V
V

ހِޓๅހƴϞރ من يعرف منهو هاللحية الغانمة...؟!! ހِޓๅހƴϞރ (http://www.mekshat.com/vb/showthread.php?t=95799) ‏

الله يحييك مرة ثانية

[طير طاير]

دعوني اشاركم بهذه القصه

كنت صغير السن مولع بصقور اقصد الرياض وبذات سوق الطيور لشراء الطيور ويحالفني الحظ احيانا

بمرافقه احد افراد اسرتي الاكثر خبره لشراء الطير ولكن يحصل ان لايسعفهم الوقت ولايستطيعون الذهاب

وانا لااعذر ولااريد اصلى ان اعذر فتكون هناك كلمتين فقط ( ان جيت السوق انحر شارع الحبابي )

وبعدها اذهب واسال اجده متكي رحمه الله بجوار سيارته المجهزه بهاتف السيار الجمس الحمر والابيض

واخبره الخبر من دون ان اذكر اسماء او اي شي ويجلس يتفقد الطيور التى تفد الى السوق ويفاصل فيها

ويفاوض وكانه يشري لنفسه ثم ينادي على ويسلمني الطير وبعدها لم انتظر احد من اسرتي يرافقني الى الرياض

في كل موسم فقد عرفت ان هناك شارع الحبابي رحمه الله

ترى لو ذهب الان صغير سن الى السوق هل سيجد مثل ماوجدت ؟؟؟؟

ملاحظه / انا لست من قبيله شارع رحمه الله ولا يوجد لي علاقه معها سوى ماذكرت لكم والله يشهد علي

ولكن اردت فقط من خلال هذا الموضوع ان اظهر معروف الرجل علي والفرق الحاصل الان وقبل



اللهم أني أسالك بأن أشهد بأنك أنت الله لا أله إلا أنت الأحد الصمد الذي لم يلد ولم يولد أسالك بأن تغفر لشارع الحبابي وتجعل مثواه إلى الجنه

ونذر على بأن أول طير اقنيه أسمه شارع

أظن حق على الي يحب الرجال يدعيله بدعوة في ظهر الغيب

وتقبلوا مروري،،،

[عفتان]

الحبابي الله يرحمه و يغفر له و الله ما لحقت عليه لكن صيته يكفي

اما اللي بعده

انا اقول يا الحابوط يا ابن جزا

[فيصل الحبابي]

اللهم أني أسالك بأن أشهد بأنك أنت الله لا أله إلا أنت الأحد الصمد الذي لم يلد ولم يولد أسالك بأن تغفر لشارع الحبابي وتجعل مثواه إلى الجنه




ونذر على بأن أول طير اقنيه أسمه شارع


أظن حق على الي يحب الرجال يدعيله بدعوة في ظهر الغيب



وتقبلوا مروري،،،

مشكوروجزاك الله خيرأ اخي طير طاير والله يرزقك بطير وافي

[فيصل الحبابي]

أمين ،،، وهو أكبر مكسب بلاشك


وعليكم السلام ورحمة الله وبركاته
الله يحييك يافيصل بين ربعك وأخوانك
والله يرحم جدك رحمة واسعة ،،،،
أخي فيصل أردت رأيك بهذا الموضوع (الرابط أسفل) وإن كان عندك صور للمرحوم
زودنا وفرصة إنك من اليوم وطالع موجود بيننا
من هنا
V
V


ހِޓๅހƴϞރ من يعرف منهو هاللحية الغانمة...؟!! ހِޓๅހƴϞރ (http://www.mekshat.com/vb/showthread.php?t=95799) ‏



الله يحييك مرة ثانية

الله يبقيك اخوي صقر 20 ........
الصورة قديمه وانأ حفظتها في جوالي الشخصي وسوف يطلع عليها صقاقير كبار في السن أكيد عندهم الجواب

[فيصل الحبابي]

أمين ،،، وهو أكبر مكسب بلاشك


وعليكم السلام ورحمة الله وبركاته
الله يحييك يافيصل بين ربعك وأخوانك
والله يرحم جدك رحمة واسعة ،،،،
أخي فيصل أردت رأيك بهذا الموضوع (الرابط أسفل) وإن كان عندك صور للمرحوم
زودنا وفرصة إنك من اليوم وطالع موجود بيننا
من هنا
V
V


ހِޓๅހƴϞރ من يعرف منهو هاللحية الغانمة...؟!! ހِޓๅހƴϞރ (http://www.mekshat.com/vb/showthread.php?t=95799) ‏



الله يحييك مرة ثانية

http://www.mekshat.com/pix/upload/sign/images/mk73394.gif[]http://www.mekshat.com/pix/upload/sign/images/mk73394.gif[صورة الصقار شارع بن عبدالله الحبابي رحمه الله

[الطبشي]

نايف بن جزا الدعجاني

[صوعان]

في اعتقادي انه لايوجد ولن يوجد خليفة
لشارع الحبابي
والدليل انه متوفي من اكثر من 16 سنه وكل من اتى بعدة ياخذ فترة ثم يختفي
اذكركم ب ناصر بن معباد و الحابوط و الجدعي رحمةالله و حسن الفهادي
واشكر الاخ / وسام 11 على طرح الموضوع

هذا الكلام الصح

[فيصل الحبابي]

0"]http://www.mekshat.com/pix/upload/sign/images/mk73394.gifhttp://www.mekshat.com/pix/upload/sign/images/mk73394.gif
هذي صورة للصقار شارع بن عبدالله الحبابي رحمه الله وهو جدي

[بن قرمله]

الله يرحم شارع ويسكنه في الجنه واعتقد على نفس كلام اخواني مافي احد خليفة شارع

[القرناس المهاجر]

نعم هذا هو شارع الحبابي رحمه الله .. مشكور أخي فيصل .. واعذرني فقد قمت بتعديل الصوره وحفظها باسم منتديات مكشات :good: :)


http://www.mekshat.com/pix/upload02/images72/mk1068_2222.jpg

[وَسَام!]

حيالله الجميع واخص اخونا فيصل الحبابي وشرفني مروره للموضوع
بعد ان تشرفت بادراج الموضوع الذي عموده جده رحمة الله عليه وعلى
كل مسلم (((( وعزالله ان هذا الصالون موتره احمر وبيج وكان دائما
يجلس في المشراق في جنبه الله يرحمه بسوق الطيور.

[صقر20]

الله يبقيك اخوي صقر 20 ........
الصورة قديمه وانأ حفظتها في جوالي الشخصي وسوف يطلع عليها صقاقير كبار في السن أكيد عندهم الجواب
الله يرضا عليك ،،، كلك بركة يافيصل
وهاذي صوره للمرحوم شارع بن عبدالله الحبابي
بعد التعديل
http://www.mekshat.com/pix/upload02/images72/mk18662_shab73394.jpg

[ابرق العزاف]

انا تعاملت كثير مع ابو جزاء
اخرها العام الماضي اذا باعلك يتوصى
وحقه ياخذه 000 وارشحه

[أبو رداد]

رحم الله الصقار شارع الحبابي
وكل اموات المسلمين
اكراما للسيرة الطيبه لهذا (الصقار التاجر )
وحتى يستفاد
(تجار الصقور)
وكل الاخوه الذين يبيعون و يشترون الصقور
كيف يبقى الذكر الطيب
للناس الذين يصدقون بهذه التجاره
سوف نثبت نسخه في خيمة بيع وشراء الصقور
ونضع للموضوع رابط مع (فنجال وعلوم رجال)
,,,
للمشاركه في الموضوع تفضل من هنا (http://www.mekshat.com/vb/showthread.php?t=136535)