Bo Rashed
18/12/2003, 12:22 PM
السلام عليكم ورحمة الله وبركاته،
كم اتمنى ان يكتب لنا الاخوه الاعضاء حكاياتهم والمواقف اللتي مروا بها مع البحر والحداق واسمحوا لي ان ابدا انا بهذه القصه واللتي فعلا فيها حكمه استفدت منها كثيرا، واسمحلوا ان اسرد عليكم هذه القصه باللهجه العاميه حتى يتسنى لي وصف ما حدث بالضبط...
بسم الله نبدا
من عيب على الناس ابتلي
عزمنا في مره مع اثنين من الربع نروح نحدق في ميناء الملك عبد العزيز بالدمام وكان عمري تقريبا 16 سنه... المهم شرينا الربيان والخثاق وتاكدنا من الميادير والبلود (الثقالات) وتوكلنا على الله... وصلنا تقريبا الساعه 2 ظهرا وعلى بداية الرشه يعني السقي (المد)...
قعدنا نتشاور وين نحدق وين...وين... قلنا ما في الا الحفره وهي حفره كبيره في البحر تكونت من تفجير ديناميت عندما كان الميناء ينبني...وفيها تتجمع اسماك كثيره وكبيره بسبب عمق المياه...جلسنا على طرف الحفره وفلينا الخيوط وييمناها (وضعنا الطعم)...وبسم الله قطينا اول قطه ودار بينا هذا الحوار...
انا:ها احمدوا (صديقي اسمه احمد) ينقد عندك
احمدوا: على خفيف الظاهر ان المحل متروس مجواه (نوع من السمك الصغير يزهق الحداقه لانه ياكل الطعم بسرعه)
انا: دحوم (صديقي الثاني اسمه عبد الرحمن) شفيك ساكت
دحوم:شوف اللي بطلعه الحين
انا و احمدوا: ها ها ها شكله زمرور اللي ينقد عليك (زمرور: سمكه صغيره تصدر صوتا عند اخراجها من الماء)
وبعد نص دقيقه الا ونشوف دحوم يسحب الخيط بسرعه ومستانس...وطلع فسكره (بنت النوخذه) كبيره وهو مبسوط ومتشقق
شوي الا احمدوا صايد شعم
وبعدهم انا صايد بالول (هامور صغير)
وجلسنا سحب في الشعوم والبواليل والفسكر والقرقفان والمزيزي(سبيطي صغير) وصدنا والحمد لله نص ثلاجه في ساعتين...
بالقرب مني شفت سمك صغار يسبحون واجد وملونين اول مره اشوفهم...لونهم اسود وفيهم خط ابيض بالنص...ومن لقافتي حبيت اخوفهم...فحركت يدي فوق الماي لكنهم ما خافوا ولا تحركوا...انا استغربت وزادت لقافتي قلت ليش ما يخافون مني...فحاولت امسك منهم في سمكه وحده وطلعتها من الماي وجلست اشوفها...قطيتها في البحر...وزادت اللقافه فيني وقلت خلني امسك واجد بطبقه وحده...مسكت ثنتين وقبل ما افتح يدي حسيت بنغزه وحراره في صبعي من داخل...واصرخ ذيك الصرخه اللي نقزت الشباب واشوف يدي الا والسمكه الصغيره متعلقه في صبعي وفيها شوكه في ظهرها داخله في صبعي...نفضت يدي وطاحت السمكه...بس الالم بدا يزيد وصبعي بدا ينتفخ...
وفي الوقت اللي انا قاعد اتالم وقطيت الخيط وخليت الحداق...احمدوا ودحوم قاعدين يضحكون علي ويعلقون علي لين ارفعوا ضغطي وزادوا الالم فيني...وانا اصرخ عليهم يا جماعه ودوني المستشفى خلاص ما اقدر اتحمل الالم...وما في فايده هم متسدحين من الضحك ...
رحت عند السياره وانا اترجى احمدوا لانه هو راعي السياره ودني المستشفى تكفى وهو يضحك علي ويقولي انت ما فيك شي...
المهم بعد ترجي يمكن نص ساعه وداني المستشفى وغزوني ابر وعطوني ادويه ولفوا صبعي الوارم...وعلى طول اروح البيت واسال جدي عن السمكه واقوله لونها كذا وكذا...قال هذي فرياله يا الث....... وشبهني بنوع من الحيوانات له قرون (جدي حار وعصبي) وقالي في البحر والبر لا تمسك شي ما تعرفه والفرياله سمكه سامه صغيره شكلها ما يدل على سميتها فاحذروها...
وابات ذاك الليل وانا اتالم من صبعي وكل ما تالمت زدت قهر على احمدوا ودحوم ...وخصوصا احمدوا لانه اكثر واحد ضحك علي وعيا لا يوديني المستشفى الا يوم طلعت روحي وشافني خلاص بصيح...
بعد اسبوع تقريبا طاب صبعي والحمد لله ورحت انا واحمدوا نتمشى على السيف في كورنيش الدمام جهة حي المباركيه...وكانت المايه ثبر (جزر)...الا ونشوف سمك صغار راح عنهم البحر وبقوا هم في حفره صغيره بعضهم مات وبعضهم فيه حياه...انا رق قلبي لهم وقلت ما اقدر اخليهم يموتون قمت قلت لاحمدو خلنا نشيل هالمساكين اللي لا حول لهم ولا قوه ونرجعهم البحر...نوع الاسماك هذي بعد كان اول مره نشوفها وهي بيضاء وفيها خطوط برتقاليه على الجنبين ولها مثل الشنبات يمكن تكون جم او شم صغير...قمنا نشبلهم ونقطهم في البحر انا شلت وحد ووقفت...احمدوا جلس يشيل واجد في يده مره وحده...والا وحده منهم تضربه بشوكتها في يده وتخلي صبعه يصب دم وهو يصرخ من الالم ويقول جاني اللي جاك...وانا في قمة السعاده ومتشقق لان الله انتقم منه واذاقه اللي انا ذقته...وجلس يترجاني اوديه المستشفى لان السياره كانت سيارتي في هالمره وانا مخليه واضحك عليه وهو يتالم مسكيييييين...وانا اقوله بالعاميه الله ما يطق بعصا ومن عيب على الناس ابتلى...المهم ما قدرت اخليه واخذته وديته المستشفى والحمد لله جات سليمه هالمره...
نخلص من هذه القصه الى امر مهم وقاعده مهمه لكل بحار او من هواة البر: لا تلمس او تمسك ما تجهله فقد يكون خطرا...
اخير اسف على الاطاله وتقبلوا تحياتي
والسلام ختام
اخوكم/ Bo Rashed
كم اتمنى ان يكتب لنا الاخوه الاعضاء حكاياتهم والمواقف اللتي مروا بها مع البحر والحداق واسمحوا لي ان ابدا انا بهذه القصه واللتي فعلا فيها حكمه استفدت منها كثيرا، واسمحلوا ان اسرد عليكم هذه القصه باللهجه العاميه حتى يتسنى لي وصف ما حدث بالضبط...
بسم الله نبدا
من عيب على الناس ابتلي
عزمنا في مره مع اثنين من الربع نروح نحدق في ميناء الملك عبد العزيز بالدمام وكان عمري تقريبا 16 سنه... المهم شرينا الربيان والخثاق وتاكدنا من الميادير والبلود (الثقالات) وتوكلنا على الله... وصلنا تقريبا الساعه 2 ظهرا وعلى بداية الرشه يعني السقي (المد)...
قعدنا نتشاور وين نحدق وين...وين... قلنا ما في الا الحفره وهي حفره كبيره في البحر تكونت من تفجير ديناميت عندما كان الميناء ينبني...وفيها تتجمع اسماك كثيره وكبيره بسبب عمق المياه...جلسنا على طرف الحفره وفلينا الخيوط وييمناها (وضعنا الطعم)...وبسم الله قطينا اول قطه ودار بينا هذا الحوار...
انا:ها احمدوا (صديقي اسمه احمد) ينقد عندك
احمدوا: على خفيف الظاهر ان المحل متروس مجواه (نوع من السمك الصغير يزهق الحداقه لانه ياكل الطعم بسرعه)
انا: دحوم (صديقي الثاني اسمه عبد الرحمن) شفيك ساكت
دحوم:شوف اللي بطلعه الحين
انا و احمدوا: ها ها ها شكله زمرور اللي ينقد عليك (زمرور: سمكه صغيره تصدر صوتا عند اخراجها من الماء)
وبعد نص دقيقه الا ونشوف دحوم يسحب الخيط بسرعه ومستانس...وطلع فسكره (بنت النوخذه) كبيره وهو مبسوط ومتشقق
شوي الا احمدوا صايد شعم
وبعدهم انا صايد بالول (هامور صغير)
وجلسنا سحب في الشعوم والبواليل والفسكر والقرقفان والمزيزي(سبيطي صغير) وصدنا والحمد لله نص ثلاجه في ساعتين...
بالقرب مني شفت سمك صغار يسبحون واجد وملونين اول مره اشوفهم...لونهم اسود وفيهم خط ابيض بالنص...ومن لقافتي حبيت اخوفهم...فحركت يدي فوق الماي لكنهم ما خافوا ولا تحركوا...انا استغربت وزادت لقافتي قلت ليش ما يخافون مني...فحاولت امسك منهم في سمكه وحده وطلعتها من الماي وجلست اشوفها...قطيتها في البحر...وزادت اللقافه فيني وقلت خلني امسك واجد بطبقه وحده...مسكت ثنتين وقبل ما افتح يدي حسيت بنغزه وحراره في صبعي من داخل...واصرخ ذيك الصرخه اللي نقزت الشباب واشوف يدي الا والسمكه الصغيره متعلقه في صبعي وفيها شوكه في ظهرها داخله في صبعي...نفضت يدي وطاحت السمكه...بس الالم بدا يزيد وصبعي بدا ينتفخ...
وفي الوقت اللي انا قاعد اتالم وقطيت الخيط وخليت الحداق...احمدوا ودحوم قاعدين يضحكون علي ويعلقون علي لين ارفعوا ضغطي وزادوا الالم فيني...وانا اصرخ عليهم يا جماعه ودوني المستشفى خلاص ما اقدر اتحمل الالم...وما في فايده هم متسدحين من الضحك ...
رحت عند السياره وانا اترجى احمدوا لانه هو راعي السياره ودني المستشفى تكفى وهو يضحك علي ويقولي انت ما فيك شي...
المهم بعد ترجي يمكن نص ساعه وداني المستشفى وغزوني ابر وعطوني ادويه ولفوا صبعي الوارم...وعلى طول اروح البيت واسال جدي عن السمكه واقوله لونها كذا وكذا...قال هذي فرياله يا الث....... وشبهني بنوع من الحيوانات له قرون (جدي حار وعصبي) وقالي في البحر والبر لا تمسك شي ما تعرفه والفرياله سمكه سامه صغيره شكلها ما يدل على سميتها فاحذروها...
وابات ذاك الليل وانا اتالم من صبعي وكل ما تالمت زدت قهر على احمدوا ودحوم ...وخصوصا احمدوا لانه اكثر واحد ضحك علي وعيا لا يوديني المستشفى الا يوم طلعت روحي وشافني خلاص بصيح...
بعد اسبوع تقريبا طاب صبعي والحمد لله ورحت انا واحمدوا نتمشى على السيف في كورنيش الدمام جهة حي المباركيه...وكانت المايه ثبر (جزر)...الا ونشوف سمك صغار راح عنهم البحر وبقوا هم في حفره صغيره بعضهم مات وبعضهم فيه حياه...انا رق قلبي لهم وقلت ما اقدر اخليهم يموتون قمت قلت لاحمدو خلنا نشيل هالمساكين اللي لا حول لهم ولا قوه ونرجعهم البحر...نوع الاسماك هذي بعد كان اول مره نشوفها وهي بيضاء وفيها خطوط برتقاليه على الجنبين ولها مثل الشنبات يمكن تكون جم او شم صغير...قمنا نشبلهم ونقطهم في البحر انا شلت وحد ووقفت...احمدوا جلس يشيل واجد في يده مره وحده...والا وحده منهم تضربه بشوكتها في يده وتخلي صبعه يصب دم وهو يصرخ من الالم ويقول جاني اللي جاك...وانا في قمة السعاده ومتشقق لان الله انتقم منه واذاقه اللي انا ذقته...وجلس يترجاني اوديه المستشفى لان السياره كانت سيارتي في هالمره وانا مخليه واضحك عليه وهو يتالم مسكيييييين...وانا اقوله بالعاميه الله ما يطق بعصا ومن عيب على الناس ابتلى...المهم ما قدرت اخليه واخذته وديته المستشفى والحمد لله جات سليمه هالمره...
نخلص من هذه القصه الى امر مهم وقاعده مهمه لكل بحار او من هواة البر: لا تلمس او تمسك ما تجهله فقد يكون خطرا...
اخير اسف على الاطاله وتقبلوا تحياتي
والسلام ختام
اخوكم/ Bo Rashed