أعضاء مكشات في رحلة جماعية

[جبال الهملايا]

أية الأحبة الكرام..

منذو بدياتي بهذا المنتدى الكبير وبالرغم من قصر المدة في هذا المنتدى الا أني أجد راحة عجيبة فيه أشعر بأني أعرف جميع الأعضاء فيه منذوا زمن. فهذا المنتدى فعلا غير . على وزن جدة غير ( تراي ماأعرف وش معناها ولكن أسمع الشباب )
والشكر كل الشكر للقائمين عليه .

وأقول وش رأي الأعضاء الكرام برحلة جماعية يقوم بها الأعضاء الى أحد الأودية المعروفة . منها نتعارف أكثر ومنها نشوف وش أخبار الدخل .
وأن كانت الأجواء لاتساعد في هذا الوقت بالذات بسبب الحر اللي يشوي كبود البعارين . ولكن لابد من مجابهة هذا الحر وأخذ البروفات لأن الصيد على الأبواب .
هذه دعوة عامة من جبال الهملايا لجميع الأعضاء الكرام . ولاأعتقد بأننا سوف ننسى الأخ الكبير الحبيب : أحمد العبودي . فهو سيكون في المقدمة والقائد الأعلى للرحلة .

[فتى البراري]

ما عندنا مانع..
بس المشكلة نبي نختلف على وين..
المكان اللي نبي نطلع له..
لأن في منتدانا ناس من الشمال والجنوب..
والشرق والغرب..
والأغلبية الوسطى..
بس ان جزمتوا تلاقونا قدامكم..
نتعرف على احبائنا رواد المنتدى..

ايه هين :p

مع تحيات..
أخوك..نهاش..
فتى البـــــــــــ :p ــــــــراري والقفار..

[طير البر]

الصراحة إقتراح جيد وممتاز لكن مثل ماقال أخوي نهاش كل واحد في صوب وأنا معكم وموافق ورحبوا فيني
جزاكم الله خير::cool: [CODE]

[عاشق البر]

شعور طيب ياجبال واقتراح ممتاز لكن على قول اخونا فتى البراري المكان هو المشكلة لكن

عندي اقتراح اذا يوافق عليه الاخ احمد العبودي وهو ان يرسل لكل عضو تذكرة سفر درجة اولى بالطائرة الى المكان المتفق علية :D :D

وش رايك يابو سليمان اقتراح طيب

[miokly]

السلام عليكم ورحمة الله وبركاتة

اسعد الله مساء الاعضاءبالخيرات

عند اخوك اقتراح عن كيفة اقتراح الموقع بحيث يكون بين الرياض والقصيم لانهم الغالبية العضمى ومن ناحية تحديد الموقع فيتولاها صاحب الفكرة بحيث يرسل رسالة الى الاعضاء عن طريق البريد الالكترونى وللى يبى يجى يحط ايميلة

ونشكرك ياجبال الهملايا على الاقتراح على وللمعلومية فان بريدى الالكترونى هو:

miokly@yahoo.com

وهذا بريدى ومستعد ان اتكفل لكم بجميع انواع العزبة من الملقة الى القدر

[miokly]

عفو شباب

تحديد الموعد عن طريق ارسال رسالة الى البريد الالكتونى اما العزبة من الملعقة الى القدر

وعذرا على الاخطاء المطبعية

[مكشات]

هلا وغلا بكل الاعضاء الكرام
فكرة حلوة لكن انا يمكن اقضب القش هنا لارحتوا :D وماتدرون يمكن اطب عليكم وقت العشاء :p
صراحة فكررررة حلوة لكن حررررررررر :( انا بروح معكم بطلعة الشتاء ، ولأي مكان .
أما انت ياعاشق البر شكلك بتورطني بالفلوس :( تبون تذاكر قطار مايخالف .. لكن طيارات :o غالية
اقتراحك ذبح مخباتي ذبح :(
وبالتوفيق لكم يارب .
تحياتي لكم

[عاشق البر]

مادام فيه موافقه من الاعضاء الفاعلين فهذا شي طيب مابقي الا التنسيق وهذا امره بسيط

اما بالنسبة للعدة فانا مستعد بالذبيحة ( بربري )

على طاري البربري كم باقي على القميري:D

[مشفر]

هلا ,,:)

وش السالفة سنكم ودكم تروحون عن :)

اقول ,, بريد يهو

mr_mushfr@hotmail.com

أنتم حددوا موقعكم ,, و عطون احداثياته ,,:)

و ازهلون ,, يعني مسافة الطريق و انا عندكم ,,:) و العزبة اعتبروه بحجوركم ,,:)

سلامي لكم يالغالين :)

أخوكم مشفر :)

[راعي الشاص]

فكره منتاززززززززززززززززززززززززه ياجبال الهملايا (موجعه راسه مايدر وشلوه مسمي بجبال الهملايا):confused:


وبالنسبه لي انا مستعد بتامين دبة الغاز ===========> متكلف

دقيزه جبال الهملايا
-
-
-
-
-
-
-
-
-
-
-
-
-
-
-
-
-
-
-
-
-
-
-
-
من كم القطيه:D

[الحساس]

والله انههههههههههه فففففكرة حللللوة

ولا لقاها الا راعي الشاص:rolleyes:
















من كم القطيه ؟؟؟؟ :confused:

[miokly]

السلام عليكم ورحمة الله وبركاتة

اخوانى اعزئى الكرام جميع الاعضاء مساء سعيد للجميع

اخى الكريم جبال الهملايا تحية طيبة
انت تكرمت وادليت باقترح الموضوع فنود ان تكمل مشوارك وتكمل معروفك ونحن بدورنا نشكرك على اقتراحك الميمون ،،،،،،

ونامل ان نرى ردك قريبا :D
ولك من اخوك ابلغ سلام وازين كلام :D