تفضلو علي بالإفادة على سؤالي

[أبو بتال]

يالربع الله لايهينكم انا عندي gxr 2003 الحمد لله مايشتكي من عله . بس القصه ومافيها ان الوالد معاه باجيرو 2004 فل كامل. ومبسووووط فيه لكن مايبغى انوار الباجيرو الأماميه لأنها زينون . وانا ماصدقت على الله طلبتها منه ووافق يعطيني شمعات الزينون. بس السؤال هنا هل تركب شمعة الباجيرو على gxr اللي عندي.بالله عليكم جاوبوني وريحوني .هل أحد منكم يالرجال يخبرلي أحد ركبها وايش الأمور اللي لابد من تغييرها مع الشمعة . (الله يرزقنا الجنه جميعآ ووالدينا وجميع المسلمين والمسلمات الأحياء منهم والأموات الى يوم الدين ويجيرنا من النار يااااااااااااارب).قولوا آمييييييييييييين ياجماعة الخير

[أبو بتال]

ليه ياشباب أنا مزعلكم فشي 21 مشاهدة لموضوعي ومافي ولا رد واحد . الظاهر والله أعلم إني غاااااااااااااااااااااااالي عليكم كثيييييييييييير.

[أبو فهد11]

أخوي ابو بتال السلام عليكم

وبالنسبة لموضوعكــ ما عندي علم أكيد لكن على ما أتوقع أنه ما يركب

لكن اذا كنت في الرياض فيه محل جيد في البديعه

ومكانه في الشارع اللي خلف اسواق الرياض الدولي من جهته الشمال

يسمونه شارع الهيئه أمسكـ هذا الشارع ووجهكــ شرق يجيكــ على اليمين

بعد مركز الهيئه على ما أظن

وأي خدمه انا مستعد

أخوكــ أبو فهد11

[ابوشجاع911]

اللي اعرفه يابوبتال ان الزينون الاصلي شغل المصنع يكون على شكل نظام متكامل (سستم) شمعات وكتاوت ومنظم جهد . .. الخ فانصحك اذا تبي زينون مضبوط تشيل النظام بالكامل واحرص على الفني الفاهم واذا تبي نصيحتى لاتفك حق الباجيرو اشتر جديد واحرص على النوعية الممتازة
تحياتي

[عاشق السيل]

مثل ماقالك أخوي أبوشجاع ،،

الزينون محتاج لنظام كامل ويفضل الأصلي لكنه غالي جدا جدا جدا ،، أما اللي عند حقين الزينة تراه تعبان ومشاكله كثيرة ،،

وإذا تبي نصيحة من القلب لاتغير أنوار الموتر وخله على وكالته ترى الزينون حق الوكالة متعب جدا فكيف حق الترهيم ؟؟؟!!!!!!

وعساك موفق وتقبل مروري يالغالي .....

[سطام vip]

بسم الله الرحمن الرحيم

اخوي ابو بتال كلام اخوي ابو فهد صحيح

ولا يهونون الباقين اكيد لازم تشيل السستم مثل ما قالوا الاخوان

واذا على الورشه شوف المحل الي وصفه لك ابو فهد هذا ولد شباب سعودي

اول واحد اشتغل زينون في ظهرة البديعه ويعطيك الخبر اليقين

لانه كان يولف زنون اللاند كروز على سيارات ثانيه

وان شاء الله تتسهل الامور

(سؤال الوالد وش بيسوي عقب الزينون؟؟ وش بيركب في سيارته وانت بتشيل السستم كامل)

واذا الامور صعبت عليك ياخوي ركب لك زينون من الغرابي وبس

ما يكلفك 350 ريال وارتح من الدوخه

[لن أمل من العطاء]

انصحك بعدم تغيير انوار الباجيرو او ازالتها وتركيبها على الجي اكس ار لان حرام تنزلها غاليه وحلوه على الباجيرو وانوار الزينون التي تأتي مع اي سيارة من مصنعها تكون ميزتها انها تعطي اضاءة قوية على الطريق ولا تجهر الناس الاخرين المعاكسين لك
بعكس الذي يركب في في محلات الزينه فهو مجهر للعيون ويكون غير موزون

انصح تذهب للتشاليح او لوكالة تويوتا وتشتري لك شمعه كامله قزاز ولمبات وجهاز زينوت تأتي قطعه واحده اتذكر قيمتها الحبه الواحده 1400 ريال فقط لاغير ويكون موزون ومضبوط ويكون بالنور العالي افضل (انتبه يقولك الموظف في قطع الغيار انها تاتي كل قطعه لوحدها هكذا ستكلفك اكثر من 3000 ريال للواحده انت اطلبها كقطعه واحده)

وتذكر ان الباجيرو يألأتي النور الواطي والعالي في شمعه واحده مو شمعتين يعني عالي وواطي مع بعض




تحياتي لك

[أبو بتال]

والله انا عاجز عن شكركم جميعا . والظاهر يااخوان اني اباخذ بشوركم واترك الأمور كما هي عليه.واسف على تأخير الرد لأني والله قبل ساعتين راجع من القاهره سافرت لعمل لمدة يومين وجيت طاااااااااااير.شاكر لكم اهتمامكم (لا خلى ولا عدم ان شاء الله)