صرفية الهايلكس مو معقولة

[جاروود]

بسم الله الرحمن الرحيم
السلام عليكم ورحمة الله وبركاته
ياشباب موعقول الهلي ياجماعة صراحة وجع قلبي يوم الربوع رايح للقصيم مودي معي واحد يبيي يلحق على دائرة حكومية ونشب فيني الا اسرع وانا منيب راعي سرعه بس عشان رفيقي اسرعت ومشيت من 140الى 155 ولا انا عادة اذا سافرت ماحب اسمع صوت حق السرعه المهم كني طولت عليكم معبيه عند جامعة المللك سعود في الرياض واعبيه عند جامعة الأمام في بريدة 55 وش الحل ياشباب
افزعولي وحتى وانا مهدي قدر رحت لشرقية واما امشي 120 ويوم وصلت عبيته 45 شوفو لي حل
سيارتي هايلكس 2003 دفرنسين
مركب فررارات
البواجي مالها الى 15 الف مغيرها

[ابومراكي]

السلام عليكم ورحمة الله وبركاته
اخوي جارود لا تنسى ان سيارتك دفرنسين يعني الوجه رفيع وبالتالي مقاومة الهواء شديده
ولا تنسى السرعه له دور ايضا خذ مثال سريع طبعا هايلكس عادي السرعه 180 مايوصلك
لام سدره السرعة 160 تعبي اول محطه ببريده .
واضف لذالك الحمل اذا كنت محمل الصرفيه تكون مضاعفه .
وانا الصراحه شايف ان صرفيه الموتر طبيعيه جدا ولا يمكن تقليله الا بالسواقه الراكده
والسرعه المناسبه يعني 120 -130 اعتقد انه مناسبه جدا .
وتقبلوا تحياتي ..

[Bader-M]

8
8
8
مثل ما قال
ابو مراكي
تقبل تحياتي