عطني رايك لا هنت

[ماجد الهلالي]

السلام عليكم


ياشباب واحد من الربع شراء شاص جديد ويبي يشيل المرتبه كامل ويركب مراتب فصل بحيث يكون في الوسط ثلاجه جي اكس ار وفي نفس الوقت تكون تكايه هل فيه احد منكم سواء هذي الطريقه من قبل او عنده فكره ممتازه في هذا الموضوع وهل في محل يسوي هذي الشغله عطوني رايكم لا هنتوووووووووو

[ابولولو]

والله فكره طيبه بس اذا حط الثلاجه يبي يقل عدد الركاب بالغماره فيه محل البريه بحي الروابي ابوصالح يمكن يفيدك وفيه ورشه النويصربالصناعيه القديمه متخصين بالترهيم وصفه شمال شارع الجمعيه خلف باقادرلقطع السيارات

[ماجد الهلالي]

الله لا يهينك يابو لولو وما قصرت بس هو حاط الشاص خاص للبر ومعه سياره ثانيه ومشكور على مرورك

[طارق الحربي]

خابرك صقار :) فاذا تبي تحط لك تكايه للطير فيه عضو اسمه راعي ام عشر يقول انه سواها وعنده الطريقه كامله تقدر تسأله


اما اذا قصدك بس ثلاجه وتكايه عاديه فعندك طريقتين اما تثبت التكايه على نفس الكرسي ولا تغيره او تغير الكراسي كلها وتركب 2 مفصولات وترهم التكايه بالنص

بالنسبه للطريقه الاولى ما اعرف محل يسويها لانها شغله جديده اتوقع

اما الثانيه شف لك كراسي تركب على الشاص وركبها وبالنص فصل قاعده للثلاجه والتكايه

تحياتي وتراها مجرد توقعات ومحاولة ايجاد حل

[ماجد الهلالي]

الله لا يهينك يا طارق صحيح انا صقار والشاص شاريه الرجال للمقناص سواء في الصيف او في الشتاء اي هجره طيور حنا وراها هههههههههههههه لان الرجال ما يركب معه احد الانادر فيفضل انه يفصل المراتب ويحط بينهم ثلاجه وفي نفس الوقت تكايه للطير متحركه على شان كذا ابي افضل طريقه واشوف ارئكم لا هنتووو

[شاص&نص]

بالنسبة للمراتب المفصولة فيمكنك أنك تشيل مرتبة الراكب و تركب محلها مرتبة سواق تأخذها من التشليح و هي تطبق مباشرة لأن القواعد موجودة وبعد ذلك تشوف لك ثلاجه على مقاس الفراغ اللي حصلته

أتمنى أني أفدتك
أخوك أبو عبدالكريم

[ماجد الهلالي]

مشكور يا شاص &نص والله يعطيك العافيه

[شامخ ألهيلا]

الله يعطيكم القووه

شل المرتبه الثانيه او قصها عن التنجيد وترا فيه انواع ثلاجات تكايه عند الرمايه بتطبق بدون تخريم

اخوك شامخ

[سوبر VTC]

فكرة ممتازة لكن وش رايك بثلاجة الطمرة:D يمكن تناسب الفراغ الكبير :confused:

الشغلة تستاهل بس يبي له سعة صدر روقان الى الاخر

تحياتي:)

[ماجد الهلالي]

الله لا يهينكم شباب بس المقصد في محل متخصص لهذي الشغله على شان يكون مثل الشد بلد

[طارق الحربي]

جابها اخونا شاص ونص

بالفراغ اشتر لك ثلاجه نفس المقاس

[ماجد الهلالي]

مشكورين يا شباب