هل سبق إن أحدكم قابلته نفس المشكلة!!! مع Dvd

[عرق رملان]

السلام عليكم
يا إخوان السيارة يوكن 2007 مركب فيها
dvd
تقريباً من ثلاثة شهور
المهم اني يوم جيت اشغل السيارة الصباح لم تشتغل ولا حتى تدك سلف
اتصلنا على الخدمة السريعة او ما تسمى بخدمة الطريق
وما قصرو 30 دقيقة الا وهو عند الباب معه السطحة
وخذاها الى الوكالة (( ابو جميح))
اتصل علي المهندس من قليل ويقول ان توصيلات
dvd
هي سبب المشكلة يجب إعادة التوصيل من جديد
هل منكم سبق وان صارت معه مثل هذه المشكلة ؟؟؟
وش الحل
علماً سعر
dvd
ريال 2500

[دايم العز22]

نعم اخوووووووووووووي صارت معي انا حيث ان ابو يمن اللي ركبها لي وصلها مباشرة بالبطارية واصبحت تسحب منها حتى تفضي ولا تشتغل الا باشترااااااااااااااااك نصيحتي لك اخي انك تركب له فاااااااااااااااااااااااااصل



واسال الله العظيم رب العرش العظيم ان يشفي والدتك ووالدتي وان يغفر لوالدي ووالدك

[عرق رملان]

يا سلام عليك
نفس الكلام الي يقولة المهندس ان الجهاز موصل للبطارية مباشرة
ويقول يجب انك تفصلها
استفسار/ كيف اركب لها فاصل ؟ والفاصل هذا وشو ؟ وهل تنصحني بكهربائي جيد ؟
وشكراً لكم

[ناصح]

وكذلك حصلت مع قريب لي


جيب نيسان سوبر سافري


وفي الصباح البطارية مودعة

[عرق رملان]

يا شباب
واين المهندسين واين اهل الخبره

الله لا يحرمك الاجر

[عرق رملان]

الاخ ناصح
اشكرك على المشاركة
والله لا يهينك توصط لنا عند الشباب عشان يفيدونا!!

[ناصح]

الحل أرجع لمن ركب الجهاز

وخله يجيب واحد فاهم ويصلحه على حسابه ..

[صليب الراي]

انا مركبها من سنه تقريباً وسيارتي سوبر شفر ولله الحمد ما حصل معي مشكله .. وللعلم الي مركبينها Red Cab اكيد ان لها فرع عندكم راجعهم وخلهم يركبونها لك مره ثانيه بصراحه ممتازين جداااااااااااااً
.. ونصيحه لا ترجع للي ركبها لك ويجيب العيد في سيارتك .. خسارة 150 ولا حتى 200 افضل من خسارة كبيرة في السيارة او تتعطل عليك في مكان سيء

[ابوعمر1397]

ارجع للمحل وقله يخلي ال dvd تشتغل مع دقة السلف فقط اي مع تشغيل السيارة

[عرق رملان]

المشكلة اني ضعت في الطوشة بين الوكالة والمؤسسة الي مركبة الجهاز .. بتقولون وشلون:

انا طلعت السيارة من الوكالة وإفادوني انه من الجهاز وانه موصول مباشرة على البطارية علماً ان الجهاز يطفى اذا طفيت السيارة
يوم اني نشت المهندس كيف موصولة في بالبطارية والجهاز يطفى قال عارفين ولكن بعد تتبع الاسلاك وجدناه موصول بالبطارية ..( اخذت المعلومة وانا لست مقتنع )
يوم رحت للمؤسسة قالو وشلون انها موصلة مع البطارية وتطفى مع السيارة !! قلت لا حول ولا قوة الا بالله
يجماعة خلصونا .. قالو راح نفك الجهاز ونعيد تسليكة مره اخرى ونتأكد من الوضع بالنسبة للجهاز ..
واذا رجعت نفس المشكلة يقولون تعال لمنا واحنا نودية للوكالة ونتفاهم معهم على المشكلة وانت اطلع منها قلت بيض الله وجيهكم .
علماً ان المؤسسة وجهت نظرها ان البطارية خربانة وتحتاج تغيير ( اخذت المعلومة وانا لست مقتنع من سالفة ان البطارية تعبانة )
قلنا نشوف وشنهايتهم .
الله يوفقك
واذا احد الاخوان عنده شور اخر لا يبخل علينا

واتمنى ان السمح يشارك لكي يعطى اهتمام الموضوع اكبر من اصحاب الخبره هههههههه

[شامخ ألهيلا]

اخوي لاتخسر مشاوير وتخلي سيارتك بين هالورش والوكاله

دوور لك على هندي ولا فلبيني شاطر وقله السالفه وقلة تظمن البطاريه ماتنسحب

وعليك تشوف تاريخ البطاريه احتمال انها قديمه في السياره من الوكاله ومخزنه

[دايم العز22]

اخوي انا صلحت هالمشكلة عند ورشة السواااااااااااااااااااااافي بالرياض بصناعية الفوزان شغل 100%

[عرق رملان]

بارك الله في الجميع