الكفر انسلخ وباقي من الضمان

[جاروود]

بسم الله الرحمن الرحيم
السلام عليكم ورحمة الله وبركاته
اهم شي السلامه بس الكفر توني شارية وباقي من الضمان خمس شهور وانسلخ علي وانا امش 155 الحمد لله على السلامه مع ان الموتر رفيع هايلكس دفرنسين الا انه رااكد يوم انفقع الكفر مع انه تيبلس الا انه انفقع مره وحده مع أني يوم بغيت امسك الخط معاير الكفرات المهم
وشلي وش علي هل الضمان ابستفيد منه
وبعدين وش يبي للوكاله الكفرات يبيلهم طوالة السان ولا يبون يعطون حقي على طول
وبعدين وين وكالة كفرات تويو

[Abu-Sulaiman]

الحمد لله على السلامة.

بالنسبة للضمان اي كلام عندنا في هالديرة

انا بنفسي صار لى الموقف ثلاث مرات مع ثلاث وكلاء مختلفين (ميشلان-الجفالي)،(هانكوك-بن شيهون)
(شاهين)

وكلهم كانوا يقولون لي انت مخطئ يا انك ضارب رصيف وصعرر الكفر او ماشى عليه وهو منسم وانسلخ.
يعنى بالنهاية لا تاخذ حق ولا باطل.

فنصيحة انك اذا رحت لهم وردوا عليك بالمور هذى انك تهددهم بالشكوى للوكالة الام والكتابة بالجرايد. ممكن تستفيد من هالحركة لاني ماجربته

والله يعوضك خير

[فـ(الجـوف)ـتى]

الحمدلله على السلامه اخوى والله مادرى وش اقول غير الحمدلله على سلامتك

[الحاتمي]

الحمد لله على السلامه وعساها ان شاء الله سلامه دايمه
للاسف الضمان ماله اي دور عندنا الا قبل الشراء
وبعد ماتشتري ويضرب الكفر هذا سؤاستخدام
هذي ضربة رصيف هذا اهمال!!!!
لكن عليك بتهديدهم وورهم العين الحمراء وخلك واثق من اي خطوه تتخذها!!
انا مره شريت كفرات بضمان وضرب علي الكفر بعد شهر!! وبدون اي اهمال اونقص بالهواء او رصيف
رحت للي باع الكفرات علي اببدل الكفر قال ماتقبله الشركه هذا اهمال منك وبعد شيل وحط معه يالحبيب ياللبيب
معي ضمان وانا مااهملت رفض انه يبدله لي؟؟؟
سويت طريقه ماتكلفك الا جلسه وحطت رجل على رجل وسعة صدر ونجحت الطريقه والآن ارى انها افضل طريقه لحماية نفسك منجشع وتلاعب التجار اللي مايخافون الله
بلا حماية مستهلك بلا خرابيط!! لان مافيه شي اسمه حماية مستهلك عندنا!! فيه شي اسمه حماية تاجر!!
الطريقه اللى انا سويته قلت لراعي المحل ((ابوريك هالحين وش لون اخلي الزباين يوصلون باب محلك ويجنبون عنه ويروحون للمحلات اللي يمينك ويسارك!!!!!
قال سو اللي تقدر عليه..
جبت لي كرسي من عند محل قريب وجلست على باب محله وكل من جاء يبي يدخل محله خليته يشوف الكفر ونصحته انه يروح لمحل غير النصاب هذا
اكثر من5 زبائن طفشتهم وطيرتهم عليه وهو يشوفهم بحسره قال لي ابعد عن محلي قلت انا على الرصيف والرصيف ماهب ملكك..
واخيرا جاء يتوسل اني ارجع الكفر بدون مايخصم مدة الاستعمال. ويقول اللي تبيه انا مستعد بس تتركني اترزق الله.. ولاتطفش زبايني..وبهذه الطريقه حميت نفسي من غش وجشع الغير.. واشوف انها طريقه مفيده للي يتعرض للغش والخداع مع اي محل ماهب شرط انه يكون بياع كفرات مع اي نصاب اخر
والسلام
الحاااااااااااااااااااااتمي