يا اصحاب الباث فايندر خبرتكم مع هالمشكلة.!.!.

[جول قميري]

السلام عليكم ورحمه الله وبركاته

معي باث فايندر 2004 تماتيك اليوم وانا امشي ولعت اللمبه حقت المكينة واعطية بنزين ولا يدوس ولا شي ؟!؟!؟!

وقفت وكان يشتغل اصنصير تمام مافيه اي مشكله واذا دست تسارع المكينة مع الدوس بطئ بطيئ جدا ..

طفيت السيارة وشغلت مرة ثانية مشى تمام...

اللي عنده خبره بالموضوع لا يبخل علينا رحم الله والديكم

[جول قميري]

للرفعup Up Up

[أبو فهد11]

أخوي ما عندي علم عن هذه المشكله

لكن إ شاء الله يفيدونكــ الشباب

والشيء الآخر خل الموتر على حاله إلا

إذا طلعت المشكله مره ثانيه

وإن شاء الله ما تتكرر المشكله

[عزوبي]

يالغالي مساء الخير كلمني على جوالي والحل عندي انشاء الله 0558911912
من الساعه 10 صباحا الى 2 ظهرا

[جول قميري]

أخوي ما عندي علم عن هذه المشكله

لكن إ شاء الله يفيدونكــ الشباب

والشيء الآخر خل الموتر على حاله إلا

إذا طلعت المشكله مره ثانيه

وإن شاء الله ما تتكرر المشكله


الله يجزاك خير ويسمع منك والله انه صدق ضيق صدري

[جول قميري]

يالغالي مساء الخير كلمني على جوالي والحل عندي انشاء الله 0558911912
من الساعه 10 صباحا الى 2 ظهرا


ان شاء الله بكلمك الصبح ..بس وش يصبرني للصبح ضيق صدرس الموتر والله ...وش رايك اتصل الحين ( ودي اريح بالي) امزح

[جول قميري]

للرفع..........

[غضنفر]

ما ودي اضيق صدرك
لكن يبدو ان مشكلتك من حساس الهوا
بادي يخرب
احيانا بتلقى السيارة تمام واحيانا بتحصلها ما تقبل دعسة البنزين واللمبة والعة
نظف الحساس
ان نفع ولا غيره (بعد التأكد من فحص الكمبيوتر بأن الخلل منه)

[أبو بندر 2005]

وانا تصير لي المشكلة بعد
وأن شاء الله الأخوان بيفيدوننا

[الساهر2003]

اخواني اود ان تفيدونا بحل هذه المشكلة بعد التاكد منها
واتوقع انها من حساس الهواء ممكن يحتاج تنظيف او تغيير وتاكد من طرمبة البنزين
اخواني للافأدة فقط لماواجهته من الوكالة والموزعين المعتمدين من الوكالة
اذا طلبت فلتر هواء فيوجد فلتر اصلي خاص بالباث ويوجد فلتر خاص بالمكسيما ويطبق على الباث ويتم بيعه على اصحاب الباث ب 40 الى 60 ريال وفلتر الباث الاصلي اكثر صفأح كرتون ب90 ريال وكذلك يوجد التجاري
ولم اواجه المشكلة ولله الحمد
مع اطيب تحية للجميع

[badr2011]

السلام عليكم اخوي هذي المشكلة صارت لي مع موتري 2003 عادي اول شيء طرمبة البنزين بس ماادري مع العوامة ولا بدون وبعدين اذا صلحتها فالله يعينك على برمجة الكمبيوتر على شان اللمبة الصفراء وماادري ايش بعد وفيه قطعة تستهين فيها وهي كانت خربانة وهي اللي خربت كل هالأشياء في الكهرب وهي منظم الهواء قطعة صغيرة بس قيمتها 450 تقريباً وبرمجة الكمبيوتر لحالها كلفتني حدود الـ800 بس في ورشة الوعلان اللي في الفريان كانك تعرفها بس في الصناعية القديمة ناس ارخص يمكن يبرمجونها لك بـ300-400 وانشاالله اكون غلطان ...

[Abo Fhad]

اتوقع انه حساس الهوا والله العالم .. للأن اكثر الناس يشتكون منه ..

بالتوفيق والله يسهل امرك وامر جميع المسلمين .

[جول قميري]

ما ودي اضيق صدرك
لكن يبدو ان مشكلتك من حساس الهوا
بادي يخرب
احيانا بتلقى السيارة تمام واحيانا بتحصلها ما تقبل دعسة البنزين واللمبة والعة
نظف الحساس
ان نفع ولا غيره (بعد التأكد من فحص الكمبيوتر بأن الخلل منه)

مشكور اخوي غضنفر بس وين مكان الحساس؟ وبكم سعرة؟

[غضنفر]

مكانه بعد الصندوق الاسود الي فيه الفلتر
تجيك مثل الماصورة بلاستيك توصل الهواء للمكينة
الحساس راكب على هالماصورة
عبارة عن فيش كبس
وعليه سلك كهرب

[.أبوعبدالرحمن]

هلابك اخوي فرتس قميري


المشكلة ان شاء الله يسيرة


لكن اعتقد انه من احد هالحاجتين


الاولى قد يكون من حساس الهواء وهو من الاشياء اللي يسبب هذي الحركات

والثانية قد يكون من طرمبة البنزين واتوقع انه هو السبب الاكيد لانه معروفه بعض الطرمبات اذا خربت
تطفي السيارة وتشتغل ترجع تشتغل لكن بعض الاحيان تطفي السيارة وانت تمشيء وهذا خطر وتصير الفرامل
ثقيلة وهنا تقع المشكلة الله يستر عليك وعلى كل مسلم ومسلمة


فلذلك شيك على طرمبة البنزين وبعدين على حساس الهواء

[badr2011]

يارجال انا جالس اقولك وش الخراب وانت الله يهديك ماعطيتني وجه وهذا وجهي ان ماكانت طرمبة البنزين ولا المنظم

[جول قميري]

الله يجزاكم خير جميع ..

الله يجزاك خير اخوي بدر ما قصرت و ان شاء الله ما يطلع اللي قلت..

لان للحين ما طلعت المشكلة ولله الحمد.

لقت شداد (قفيز) الخرطوش الهواء اللي يربط بالثلاجة منحل مررة عقب يوم الحم مسامير الثلاجة

[الماشال]

تكفون نفس المشكله موتري ونا ماشي ادعس ما يمشي وينزل عداد الدعسه على الواحد لين وقف وطفى والحراره طبيعيه اشغل ما يشتغل فتحت الكبوت لقيت السير ماهو في مكانه دخلت يدي ابي اعدله الى وتطلع معي المكره مع العلم اني اشغله الحين ولا يشتغل له ثلاثه ايام واقف تكفون ساعدونا والله الواحد تحطم من تقول للميكانيكي باثفاندر يقول ما ادري ولو عرف المشكله قالك ما عندي مفاتيح للنيسان الله لا يبارك فالنيسان حتى مفاتيحهم تختلف تكفون ترا تكفى تهز الرياجيل ساعدوني

[عبدالرحمن السالم]

تكفون نفس المشكله موتري ونا ماشي ادعس ما يمشي وينزل عداد الدعسه على الواحد لين وقف وطفى والحراره طبيعيه اشغل ما يشتغل فتحت الكبوت لقيت السير ماهو في مكانه دخلت يدي ابي اعدله الى وتطلع معي المكره مع العلم اني اشغله الحين ولا يشتغل له ثلاثه ايام واقف تكفون ساعدونا والله الواحد تحطم من تقول للميكانيكي باثفاندر يقول ما ادري ولو عرف المشكله قالك ما عندي مفاتيح للنيسان الله لا يبارك فالنيسان حتى مفاتيحهم تختلف تكفون ترا تكفى تهز الرياجيل ساعدوني
مهنا الا الخير ان شاء الله واتوقع انه من الحساس طيب انت مادقيت على ابو ابراهيم .. ابو ابراهيم عنده ورشه ومتخصص بالباثفندر عموماً بعد اذن الادارة هذا رقمه اتصل عليه وان شاء الله يحل لك المشكله جوال 0554889337

موفقق خير

[ابومحيميد]

اذا كان حساس الهواء سعره عند الموزعين 300 ريال تزود او تنقص

وتركيبه سهل هي مسمارين بس اقرب سكروب فك القديم وركب الجديد .. بالتوفيق

[صقر ولد صقار]

1-غير فلتر الهواء من الوكالة اومن بن ماضي راح يضبط الموتر ان شاء الله.
2- واذا اردت ان تنظف الحساس افصل البطارية وفكة وفيه في ساكو بخاخ الكتروني بخه علية وراح ينظف باذن الله.

[الماشال]

يعطيك العافيه اخوي دحيم و الله يوفقك دنيا و اخره وان شاء الله راح اتصل فيه

[ابوياسمين]

تأكد من الثروتل مدري وش اسمة بالعربي وتراه به حساس القير انتبه اي تعديل بالوزنية يبدأ القير يفلت تغييراته تحسبه خبط
على العموم الثروتل اذا خرب لو تطلع رجلك من دواسة البنزين مايدعس

[راعي البهقا]

السلام عليكم ورحمة الله ،،،

حياكم الله ياشباب ،،،

المشكلة هذه مرت على وابشركم أني حليت اللغز وهو حساس الهوء الي بعد صندوق الهوء والسبب في خراب هذا الحساس هو الفلتر الغير اصلي اي الي ياخذ فلتر من عند البناشر يطيح في هذه المشكله الان ولا بعدين وما يطلع هذا الخراب الى بعد ما تدعس على الدعسه كامله والحل هو :
اولا: اشتر فلتر من الوكالة او اي محل ثقه ،،،
ثانيا: اشتر حساس الهوا من الوكاله أيضاً ،،،
ثالثا: بعد ما تركبها اذهب الى واحد عنده كمبيوتر لكي يخفي عندك لمبة المكينة ،،،
رابعا : لا تنسى راعي البهقا من الدعاء ،،،
خامساً: أسأل الله ان لا يريك مكروه ،،،

ولكم تحياتي ،،،