تانكي المويا

[ZIAD_KSA]

معي في اكس ار هل ممكن التانكي الاحتياطي للبنزين اخليه للمويا لا ويكون الامبير اللي في الطبلون حقه شغال

[أبو مسفر]

لا مهوب ممكن ولا تعبث بموتر وتوانكه ةتخرب على نفسك
لكن اذا كان موترك استبنة علاق حط تانكي استيل ياخذ حوالي 70 لتر تحت اوذا كانت الاستبنة تحت حط التانكي في الشنطة خلف المرتبة الثانية

[عاشق السيل]

مجرد ماتضغط على زر التانكي الاحتياطي الطرمبة تبي تسحب الماء الموجود بالتانكي وتصبه على المكينة !!!!!

خذ بنصيحة أخوي أبو مسفر وركب تانكي خارجي أكبر وآمن وأريح ،،،

[ZIAD_KSA]

يا اخوان انا قلت استفيد من تانكي الوكاله واختصار وافضل من ناحيه القوه والاداء وامبير في الطبلون فله بصراحه

[عاشق السيل]

طيب علشان ماتزعل أقدر أقولك ممكن بس بشروط ،،،

1 ـ إنك تفصل الطرنبة اللي بالتانكي نهائي علشان ماتشتغل لو أحد ضغط الزر ،،
2 ـ إنك تشيل لي البنزين اللي رايح للمكينة علشان تضمن أكثر إن الماء مايروح للبخاخات ،،
3 ـ إنك تنتبه لعامل المحطة إذا جاء يعبي بنزين إنه يحط المضخة في مكانها المناسب لأن أي قطرة بنزين تبي تحوس عليك الماء ،،
4 ـ لازم تفتح فتحة بأسفل التانكي علشان تركب حنفية وتستخدم الماء إذا احتجته ،،
5 ـ لاتنس إن سعة التانكي صغيرة وراح تتعب نفسك على كمية ماء ماتستاهل التعب !!

هذا اللي عندي وتقبل مروري والله يوفقك .....

[سطام vip]

انا مع اخوي ابو مسفر

واعجبني كلام اخونا عاشق السيل

وابضيف عليه بعد فتره بيصدي التانكي وبتبلش بعمرك تدور له تانكي وشوف كم بتدفع فيه

يا تركب تانكي خارجي او داخلي

او يمدحون الجراكل

والله يوفقك ويسهل امرك

[السفير2006]

مانصحك لائن التنك الثاني سعة تقريباا 40لتر

[(مواصل)]

اخوي بمجرد ماتشبك على التانكي الثاني يسحب من التانكي الثاني للتانكي الاول
فطريقتك هذي غير ناجحه وتخرب سيارتك
خذ لك تانكي مسدوح تحت يكون مفروش وريح بالك
وتراي خابر لك تانكي فرش يركب على سيارتك