الباترول هبل بي ؟؟ ارجو المساعده

[العناء]

بسم الله الرحمن الرحيم
السلام عليكم ورحمة الله وبركاته

المشكله
انا عندي جيب باترول ربع موديل 91 وعندي مشكله في الكربريتور ( يلهم بنزين لهم العذاب ) لا ويدخن بعد دخنه الله لايوريكم الي يشوفه يقول ديزل دخنه لونها اسود ورحت لكذا ورشه وشريت اصلاح للكربريتر اكثر من مره ولا فيه فايده ؟؟؟؟ ساااااااااااااااااااااااعدوني

الي يعرف حل لايبخل علينا وانا ابي ادعي له كل ما طلعت للبر ( يعني ابي ادعي له كل يوم ) <<< مسوي فيها راعي بر الله يخلف:cool: :cool:







العنـــــــــــــــــــــــــــاء

[الحاتمي]

اخوي العنا الغالي
تاكد ان الاصلاح اصلي..
وترى الكاربريتر يبي واحد خبير يفكه ماهب اي واحد يضبطه
واذا استمرت المشكله معك حتى بعد ماتركب اصلاح اصلي
غير الكاربريتروتاكد انه اصلي..
لاتنسى تنضيف الخزان وتغيير الفلاترمع تغيير الاصلاح
والسلام
الحااااااااتمي

[العناء]

اخوي الحاتمي انا ما اشري قطع الجيب الا من الوكالة الحمراني ( باشة)

ولا خليت مكنيكي الا تعلم على كربريتر موتري حتي السباك الي في حارتنا صلحة ولا فيه فايده .

اما اشتري كربيرتر جديد الصراحه غالي قيمتة 1850 ريال بعد الخصم عند الباشة الحمراني .

اشكر لك ردك ومساعدتك :( :( :( :( :(




العنـــــــــــــــــــــــــاء

[صقر]

فيه ورشة متخصصة ببريدة (ورشة المقيطيب) بالشارع التجاري ... متخصصين كربيترات الباترول.

[ابو راشد]

اخوي اعتقد ان المشكله في الكهرباء الذي توصل الى الكربريتر ,,, حاول انك تفحص الوصله الكهربائيه
انا عندي نيسان من نفس النوع بس الحجم الطويل وقد حصلت لي نفس المشكله ,,,,, تحياتي:)

[أبن النخيل]

مرحبـــا
انا من مستخدمين البترل و عندي ربع 91 حصلى نفس ماتقول و تعبني كثير و الحل
أنك أنت أدرى بموترك اذا كان يستاهل مو خساره فيه كبريتر جديد وبنسبه لصرفيت البانزيل
البترل كله يصرف ماعدا الوديلات الجديده من2000وطالع

[الهلالي]

وعليكم السلام ورحمة الله وبركاته
أخي العزيز العناء
لاتحاول تصلح فيه . أناقبلك غيرت إصلاح أكثر من مرة ولا فاد . الحل التشليح شفلك واحد نظيف بتلقاه حول800 ريال وريح بالك .

[عاشق الشروكي]

اخي العزيز العناء الله يعينك على الباترول وصرفيته وياصبرك على الصرفيه كب عنك الباترول واشتر شروكي
:D

[العناء]

صقر
ابو راشد
أبن النخيل
الهلالي
عاشق الشروكي

مشكورين على تجاوبكم معي ::

الهلالي انا خايف من التشليح والقطع الي فيه مع العلم انه يعطيك ضمان لكن ابتسم انت في السعوديه يعني كيف الحال :eek: :eek: :eek:

والصراحه ابن النخيل دخل الجديد في راسي وهو يقول يستاهل ولا لا انا اقول يستاهل ونص :good: :good:

اخوي صقر الصراحه بريده بعيده واخاف اطق المشوار على فشوش ( فشنك) :mad:

عاشق الشروكي اترك الباترول عشان يجلدني الشروكي بقطع غياره الي مثل الناااااااااااار:confused:

ابو راشد وين القاء الكهربائي الجيد الي يكشف عليه ولا يطلع لي مية عذروب :eek:

[ذيب حضن]

السلام عليكم ورحمة الله وبركاته
أنا أسمع أن الرس فيه ورش جيده وتركب مامات مازدا او غيرها للباترول الاول اسألهم

[راعي الفزعه]

:D الاخ العناء :
انا عندي باترول م91 سفاري يلهم بنزين ويدخن والبواجي فحمة غيرت له كربريتر جديد وكالة وما نفع
باصدفه وقفت عند ورشه في صناعية الرياض وقلت له ان سيارتي تصرف بنزين وبواجيها سود عليها سنو
قال عرفت السبب دخل السيارة الورشة ..
تبي تعرف السبب انزل تحت :
>>>>







>>>>>




>>>>>





>>>>>



>>>>>




>>>>>




>>>>>


السبب هو :
قالي هو الكمبيوتر حق صرفية البنزين خربان ...... وقالي اصلحه لك وعليه ضمان 6 شهور بس بيكلفك
شوي حوالي (1600 ريال) من تغيير جهاز الصرفية وبرمجته من جديد وتغيير الضفيره ووزن بلوف ودلكو.. وتغير بواجي كله من عنده .
.. قلت له اتكلنا على الله .. مادام عليه ضمان






وبعد الاصلاح :
تمام .. تمام ... تمام صار ما يصرف الا نقطه نقطه ....


الان وش رايك .. اذا تبغى اسم الورشة في الرياض اعلمك ...

[راعي كيف]

بسم الله الرحمن الرحيم
اخواني كان معي باترول موديل 92 سوبر ربع وكانت صرفيتة مهبلة بالعالم اعبي التانكي فل يمشي بالديرة مابين 450 ال 500 كلم اما إذا مسكت خط يمشي 650 الى 700 كلم مع العلم إن السرعة 140 كلم مع المكيف بالصيف .
السبب بعدم الصرف وهو راجع لعدة اسباب ومن اهمها إذا جيت تقوم السيارة طال عمرك لا تدوس لخر شي دس شوي شوي وعشق بالركادة .
2- وزن البلوف .
3- وزن البليتين خاص القديم ( او تركيب منضم الكتروني للبليتين يخلي البليتين مايلذع ابد ويقلل من الصرفية )
4- على شان تنضف التانكي انصحك بطريقة ربما تستغرب منها شوي بس انا جربته مع اكثر من سيارة وكان يستخدمونها في القديم مع السيارات الفرت وهي انك تحط زيت عشرة او زيت عادي مثل زيت المكينة مكينة السيارة تنفع مع الكلبليتر المعطوب كثير الخراب .
4- اسلاك البواجي والبواجي .
5- وزن الديلكو ويعتبر من اهم الأشياء التي يجب عملها بعد تغيير البواجي والبليتين مع مراعاة وزن الهواء الذي يغفل عنة الكثير .
6- تغيير الفلاتر والصفاية لتنقية الهواء والبنزين .


هذا ماكنت ان انبة عنة والله اعلم
( اسئل مجرب و سئل ميكانيكي )
من واقع التجربة طبعاً




مع اطيب الأماني ( راعي كيف )
أخوكم المحب ابو ناصر:row:

[العناء]

راعي كيف / راعي فزعة

اشكركم على فزعتكم ومروركم

رعي كيف اغلب الي قلتة انا مسويه لكن ما فيه فايدة :mad: :mad:


راااااااااااااعي الفزعة افزع الله يرحم ولديك باسم ورقم ووصف الورشه ورقم فنيلة المكنيكي بعد الله لا يخلينا من فزعاااااااااااااتك :( :( :( :(





العنـــــــــــــــــــــــــــــــاء

[الثادقي]

طـــــــيب بتقل صرفية البنزين على كذا ؟

[راعي الفزعه]

:good: الاخ العناء :

اسم الورشة طال عمرك (( مركز الثميري)) الصناعية القديمة - شارع الجمعية - الرياض
فيه شخص اسمه عبدالعزيز اظنه سوري اوفلسطيني ..
اتفق انت وياه .. تراه انسان محترم
وانشاء الله تدعيلي .

ولا تنسى تعلمني بعد الاصلاح وش صار على سيارتك ..

والله يوفقك .....
:D :D

[العناء]

ما قصرت ياراعي الفزعه اسم على مسمى

اكيد بعلمك ان ضبط ابي احب على راسك واشكرك ;) ;) ;)

واذا ماضبط ابي ...................... ولا اقولك خلها لكل حادث حيديث :mad: :mad: :mad:


بيض الله وجهك





العنــــــــــــــــــــــــاء

[الـ ع ـارض]

الحل عندي يا العناء


غير السواق تراه احسن حل .....


متى تمر تاخذ الصور ؟؟؟؟

[عاشق الشروكي]

اخوي العناء بشر عسى الموتر صلح
وتراني ما زلت أقولك قطع غيار الشروكي صدقني أرخص من بنزين الباترول خصوصا مدويل 91ولا تحدني احلف أنا كان عند نفس الموديل ما جلس عندي الا اسبوع وبعته بخساره منحاش من البنزين بس ( الشروكي غير ):good: :good: :good:

[القانوص]

السلام عليكم ورحمة الله وبركاته
الى الاخ العناء
بعد التحية
انصحك بتركيب ابرة كاربريتر التيما على كاربريترك ولكن راح يقل العزم شىء بسيط ولكن ما يصرف بانزين.
اخوك القانوص

[هقاش.]

السلام عليكم ورحمةالله ولا يهونون الربع مالك غير العيون الي تركب في الكربوريترهذا الي احنا نسويه في الكويت وشكرا..........

[راعي الفزعه]

:D الاخ الهقاش : سلام الله عليك
اسئلك عن العيون التي تركب على الكربرتير ماهي تراي ما عرفتها .. اشرح ليه وش هي ؟؟؟؟؟

مع تحياتي ،،،،،،