يالربع تكفون أشتري إكستيرا ولا لا

[راعي بيشة]

بالله قلو لي


ابي سيارة قنص وبر وجبال آخذ الإكستير والا لا


أنا مقتنع بها نظرياً


بس ما ادري عن وسعها لوها ضيقه


عطوني رايكم


صورتها


http://www.mekshat.com/pix/upload02/images73/mk38363_b65173.jpg

[بواسامه]

اتوقع حتى عملي بتقنعك وبزياده
بس شكلها لك عليه
ولا منها عادي حسب علمي
واذا انتي ممن يغير كل فتره فلا تشتريها الا مستعمله فيما لولم تعجبك ماتخسرك كثير

[جميل الفعايل]

اولا مساكم الله بالخير
السيارة لاتشتريها حتى تسال عنها واحد مجربها
بس شكلها لك عليه
وترى يمدحون الباجيرو اللي هو المتسوبيشي
واستخر الله والله يكتب اللي فيه الخير
وشكـــــــــــــــــــــــــــــــــــــــــــــرا

[شامخ ألهيلا]

اخوي حط فلوسك في شي يستاهل يعني استعمال ومعروف لدى العالم
لاند او باترول اوددسن او هاليلكس الكل يعرف لها وصيانتها ماتبحل فيها وقطعها بعد

[البحرى2]

السلام عليكم خذلك باث فندر فهو مجرب

واهم شي الاستخارة

[ABO AL-HESH]

والله ياخوي الاكستيرا مع واحد من العيال والسياره ممتازه جدا ومتماسكه مره وراسيه بالخط مع انه سست ورا لكن السياره خيال ونشيط نشاط مهب صاحي وغير كذا بالخط تمشي 180 ولا تحس ابد لا تنسيم ولا صوت مكينه ولا شي طبعا الجيب ماشي معه هالحين 15000 ولا اشتكا من شي مع ان رجله ثقيله مرهـ .. انصحك فيه وبقوهـ واذا كنت ماكد سقته استاجرلك واحد وجربه عشان تقتنع فيه والي يقول سعره غالي هذا الربع التايوتا وصل 112000 ولا احد قال شي.. واصلا مافيه مقارنه بينهم ابد

[.أبوعبدالرحمن]

اخوي الغالي


فيه سيارة انصحك انك تشتريها وارى انها افضل من الاكستيرا


وان شاء الله راح انزل عنها تقرير متكامل


اللي باجيرو وكذلك هناك نوع منه يسمى هدد ومكينته كبيرة 3.8 و 270 حصان ما فيه اي مميزات

الا انه ترا انه سيارة بر ومهمات صعبة كقطع الوديان وطلوع الجبال وسعره ارى انه مناسب بحكم منافسيه



وفي الاخير لا تنسى الاستخارة

[ابوعقل]

والله اليوم انا كنت بوكالة مستوبيشي

شفت الباجيرو

الفل كامل ب 135000 تقريبا

وهو سياره يابانيه اصليه

وكل القطع يابانيه

واذا انت راعي بر خذ باجيرو عادي

وسعره مناسب جدا جدا

والرأي الأول والأخير لك انت

[عسلوف]

السلام عليكم اخواني الاعزاء انا منذ شهرين وانا اطوف الوكالات واشوف الجيوب الجديدة واسعارها واستقر بي الراي على الاكستيرا من واقع تجربتها سياره خياليه من جميع النواحي فهي ذات قوة خرافيه ومتانه ومرونه وخاصة الاتماتيك انصح بها القير العادي الظاهر فيه مشاكل كون المكينه اقوى منه الصراحة عليها قوة خياليه ثم لاتنسون ان عليها عرض - 7500 وهذه السيارة سوف يكون لها نجاح والدليل لايوجد منها اي سيارة مستعمله معروضه للبيع بس مسالة وقت على شان الناس تتعود عليها واما نزول قيمتها ما اتوقع تنزل كثير لانها عمليه ولن يبقى سعرها كما هو الان وسوف يكون لها شان في موسم الشتاء القادم باذن الله هذا من واقع تجربتي وبحثي لعدة شهور وكل له رايه اما الباجيرو لاانصح به لانه بينزل بقيمته عشرات الالاف وانصح شراءه مستعمل واحب اوضح ان هذه السيارة يغلب عليها الروح الرياضيه واي استفسار لامانع لدي على الخاص وشكرا

[gsb]

اخوي راعي بيشة
السيارة معروفة ومكينتها معروفة مكينة الباث الجديد من 2006
4 لتر بقوة 270 حصان صافي يعني ماهي ضعيفة تقريبا نفس قوة الفكسار الجديد 2008 ونفس العزم بس كم قيمة الفكسار؟!!! وكم قيمة باقي الجيوب اعتقد االإكستيرا فارق سعر ما هو سهل لصالح الإكستيرا لتحطيم الأسعار في الدفع الرباعي وسيارة 4 ابواب ماهي ربع بابين فوق الميه علشان يضاهي مواصفات الإكستيرا

بختصار جيب بهذه القوة وهذا السعر أغسل يدك غير الإكستيرا مافيه.

[أبوالمثنى]

توكل على الله واشتره

ولا تنسى الاستخاره

[راس المال]

الفورتشنر تراه موب بسيط

تويوتا
عزم خرافي
متانه
شكله ازين من الاكستيرا
رفيع اكثر من الاكستيرا


سعره الفل بــ 103 قير عايدي

اعتقد سعره مناسب بهذا المواصفات


وبالتوفيق في الدارين

[المميـز]

عليك بالاستخاره بعد الاستشاره

انا والله ما اعرف شي عن السياره

ولا شفتها منتشره بالشارع

بس اللي اعرفه ان سعر السياحي منها 85 الف

وخوفك تبيعه بعد سنه 35 الف والله اعلم

لان السياره على ما اعتقد امريكي مثل الارمادا والباثفندر والنافارا

اذا تبي تاخذ فل كامل خذ باجيرو

الله يكتب لك اللي فيه الخير

[السنع كله]

انارايي تصبر للموديل الجاي وماباقي عليه الا بحدود ثلاث شهور ان شريته كسبت موديل وان اخذت 2008واذ به انزل سعر والله يكتب لك مافيه الخير والسعادة

[عابد]

أخي الكريم أتمنى أن تزور هذا الموضوع
http://www.mekshat.com/vb/showthread.php?t=130466

[راعي بيشة]

بيض الله وجيهكم جميع ما بقيتوا شي

[خيام الندم]

لا

لا لا لاتشتري نيسان لاتربح الحمراني النكبه لاتقرب النيسان جديد وقديم أشتر حمار بس عليه علامة تويوتا
نصيحة تويوتا وبس
خايب النيسان خايب وخايب وكيله
هج من النسيان انحش
واكستيرا بعد !! لاشكل ولا جاه ولا وجاه
طلبتك يالطيب عز نفسك عن موتر وكيله الحمراني
تراه محقور بالبر وبالديره وبالخط كنك س**** ولا مقاول
اضافة الى الوكاله اللي تكيد في زبائنها .. ترى بينادونك جماعتك وربعك ابوش****
وبتحرج عليه ب 25



تم تحرير الرد بواسطة المشرف

[gsb]

لا

لا لا لاتشتري نيسان لاتربح الحمراني النكبه لاتقرب النيسان جديد وقديم أشتر حمار بس عليه علامة تويوتا
نصيحة تويوتا وبس
خايب النيسان خايب وخايب وكيله
النيسان ماهو خايب الا موتر بر( نمرة )1
هج من النسيان انحش
ليه لايصير النيسان كلب مسعور !!!
واكستيرا بعد !! لاشكل ولا جاه ولا وجاه
تبي شكل وجاة أشتر رنج روفر ولا فكسار أمريكي5.7 ولا جيب لكزس 2008 وارد بازرعة .
طلبتك يالطيب عز نفسك عن موتر وكيله الحمراني
تراه محقور بالبر وبالديره وبالخط كنك سوري ولا مقاول
والله ها الس**** ولا المقاول تراه بزنس مااان يعني شيخ مادياً وعلى فكرة تراه موتر الناس كلهم ! حتى الاستراليين يموتون خصوصا بالباتروا لنيسان موت
اضافة الى الوكاله اللي تكيد في زبائنها .. ترى بينادونك جماعتك وربعك ابوشكيم
ماشاء الله صار النيسان صناعة سورية وحنا ماندري أكيد مصنوع بسوق الحميدية
وبتحرج عليه ب 25

والله حتى الاكسنت مستعمل ما حصلنا بها القيمة لمديلات الجديدة المستعملة

ماهو جيب سيارة دفع رباعي حقيقية وعلامة النيسان عليها ملكة الدفع الرباعي .


تم تحرير الرد بواسطة المشرف

[خيام الندم]

يالطيب من واقع تجربه
اخوي خرب عليه التوب ترونك فتك 2004 وراح للوكاله قالو حساس القير خربان
قال ركبو حساس قير ... قال الحمراني مانبيعك حساس ابد نبيعك قير كامل ب25 الف ؟؟؟؟؟
هل هذا معقووووووووووووووول ..؟؟ وراح اخوي وجلس اسبوعين لين صلحة عن طريق واحد تركي وخذا 4000 الاف وماصلح وباعه بيعة كلب بالمعارض ... هل هذا وكيل يااللي تحب النيسان ؟
صديقي خرب معه حساس بالمكينه للبثفايندر راح الحمراني وانا معه .. قالو غير متوفر وبنطلبه احتمال يجي واحتمال مايجي وطلع ورقه قال شوف هذي كلها طلبيات بس اذاجانا نصفها بركه ؟
هل هذا وكيل ؟
مع صديقي التيما 2005 مسروقه ولقاها وراح يصلحها ونقص عليه بلووووف قال الحمراني ماعندي وطلبها وجلست الالتيما بالورشه 9 شهور .. هل هذا وكيل ياللي تموت بنيسان .. نيساان ترووووع مهيب كلب مسعور اللب المسعور انا اروضه .. بس الحمراني مايجيب لك قطعة الغيار المطلووووووبه ؟
غرب الرياض كله مافتح صيانه ولا قطع غيار ؟ هل هذا وكيل وشف تويوتا فتح صاله وصيانه ضخمه غرب الرياض ويوجد فروع اخرى لع غرب الرياض ؟
اســـــــــــــــــــــــتراليا ... انا مانيب في استراليا انا باريااااض عند الحمراني استراليا ماعندهم حمراني عندهم وكيل صح .. اذا كنت بأستراليا راح اكون من محبي نيسان بالتأكيد ...
أنحش من الحمراني .. أنحش من نيسان . وكاله دمار وقطع غيار غير متوفر . والسوريين والاجانب لهم سيارات يحبونها . ويحبون الاشكال هذي ..
جالس ادور قطعة غيار ادوور بالرياض كني مهبول اسبوعين واتصالات واخرتها ماحصلنا والله ؟؟عشان قطعة غيار ؟ ليش يلعب علي الحمراني ؟ غلطه ماراح تتكرر

[ملاحق السيول]

توكل عاى الله واشتر الله يوفقك

[العبقري 1]

يالطيب من واقع تجربه
اخوي خرب عليه التوب ترونك فتك 2004 وراح للوكاله قالو حساس القير خربان
قال ركبو حساس قير ... قال الحمراني مانبيعك حساس ابد نبيعك قير كامل ب25 الف ؟؟؟؟؟
هل هذا معقووووووووووووووول ..؟؟ وراح اخوي وجلس اسبوعين لين صلحة عن طريق واحد تركي وخذا 4000 الاف وماصلح وباعه بيعة كلب بالمعارض ... هل هذا وكيل يااللي تحب النيسان ؟
صديقي خرب معه حساس بالمكينه للبثفايندر راح الحمراني وانا معه .. قالو غير متوفر وبنطلبه احتمال يجي واحتمال مايجي وطلع ورقه قال شوف هذي كلها طلبيات بس اذاجانا نصفها بركه ؟
هل هذا وكيل ؟
مع صديقي التيما 2005 مسروقه ولقاها وراح يصلحها ونقص عليه بلووووف قال الحمراني ماعندي وطلبها وجلست الالتيما بالورشه 9 شهور .. هل هذا وكيل ياللي تموت بنيسان .. نيساان ترووووع مهيب كلب مسعور اللب المسعور انا اروضه .. بس الحمراني مايجيب لك قطعة الغيار المطلووووووبه ؟
غرب الرياض كله مافتح صيانه ولا قطع غيار ؟ هل هذا وكيل وشف تويوتا فتح صاله وصيانه ضخمه غرب الرياض ويوجد فروع اخرى لع غرب الرياض ؟
اســـــــــــــــــــــــتراليا ... انا مانيب في استراليا انا باريااااض عند الحمراني استراليا ماعندهم حمراني عندهم وكيل صح .. اذا كنت بأستراليا راح اكون من محبي نيسان بالتأكيد ...
أنحش من الحمراني .. أنحش من نيسان . وكاله دمار وقطع غيار غير متوفر . والسوريين والاجانب لهم سيارات يحبونها . ويحبون الاشكال هذي ..
جالس ادور قطعة غيار ادوور بالرياض كني مهبول اسبوعين واتصالات واخرتها ماحصلنا والله ؟؟عشان قطعة غيار ؟ ليش يلعب علي الحمراني ؟ غلطه ماراح تتكرر

هذا الكلام إن سلم من المبالغة فهو كافي أن يسقط وكالة نيسان في السعودية إلى الحظيظ .

[شامخ ألهيلا]

مع نيسان انت خسران لم ينجح من النيسان سو الباترول والددسن فقط اما الباقي فالكوري افضل منه بكثير

[بيبسي]

اخوي اذا بـتأخذ خذ شي معرووووف ومجرب وانا انصحك بالبرادو او الفونشير وهذي معروفه وتويوتا وثلاث مراتب ولو بغيت تبيع تلقى زبونها

[بيبسي]

انصحك خذ شي معروف مثل البرادو والفورتشينر سيارات وسيعه ثلاث مراتب وتويوتا واذا بغيت تبيع تلقى زبونها ...

[sal7]

حي الله راعي بيشه

أخوي انا اليوم جالس مع واحد من راعين البر وله خبره في الجيوب الرجال ماشاء الله عليه
الظاهر ما خلا شيء ما جربه (شريطي) فكان النقاش عن الربع التايوتا هل فيه موتر يطلع عليه
في البر. كان في أعتقادي مافيه موتر يطلع على شيء أسمه ربع تايوتا لان عليه مكينه جباره و خف
لكن الرجال قالي فيه قلت الكايين طلع عليه الربع قدام عيوني وش اللي بيطلع على الربع إذا الكايين عجز
قال الاكستيرا الصحيح أني ضحكت ضحك ما ضحكه أدمي أكستيرا حرام عليك شايف شكله قالي لا شايف قومته
على الربع الصحيح الرجال ثقه ما قويت أكذبه لكن هو فطين دق على راعي الربع وقاله وش الموتر اللي طلع عليك
قال الاكستيرا صحيح ان الاشياء ما تحكم عليها من مظهرها و لا تحقرها لهذا السبب لكن تحكم على المكينه
اللي تهدر داخله

نصيحتي أخوي لا تشتري موتر ألا و مقتنع فيه 100% و أسأل عن قطع الغيار الاستهلاكيه و الغير استهلاكيه
و قارنها بمنافسيه من الماركات أو الشركات الاخرى و كذالك السعر و المميزات و خصوص عند البيع
أذا انت من راعين البيع و الشراء

أنا ما اقتنعت فيه كشكل لكن بعد كلام الرجال اليوم أقتنعت في محركه و قوته خصوص أنه يجي دفرنس خلفي
لانه يأخذ الناحيه العمليه أكثر من ناحية الترفيه

موفق

:)

[راعي بيشة]

بيض الله وجيهكم جميعاً

sla7 وين الناس من زمان ما شفناك يا شيخ

ودي إنه مريح للسفر بالعائله بس

[رغوه]

لالالا تشتريها

[كاشت شمال]

لاتشرية إلا انت مجربة ياخوي .. رح للوكالة واطلب تجربة السياراة وبعدها تقرر بنفسك وان جربتة صدقني تبي تجزم تشرية (من واقع تجربة شخصية)

[راعي بيشة]

بيض الله وجيهكم

[بدوي جنوبي]

لاتشرية إلا انت مجربة ياخوي .. رح للوكالة واطلب تجربة السياراة وبعدها تقرر بنفسك وان جربتة صدقني تبي تجزم تشرية (من واقع تجربة شخصية)



نعم هذا كلام المضبوط جربه حتي لو تستاجر لمدة يوم كامل
وانا اتوقع انه راح يعجبك :good:

الله يوفقك

[راعي بيشة]

جمل الله حالكم ياعيال مكشات 00000 يا هل الجود ياعيال الاصيل

[اسهيل]

ياخي مشاكل انسان كثيره بكره يطيح المسمار في المكينه ثم شذب او يخرب حساس الهوء او حساس الكهرب هم عاد يالله خذ تايوتا وانت ماتعرف الورشات مته قالو طالح مسمار في المكينه

[أبو LAMeS]

توكل على الله بعد الاستخارة ويكفي أن السيارة من نيسان أفضل صانع سيارات دفع رباعي في العالم ويكفي أن السيارة تفوقت وبجدارة على جميع المنافسين في أختبارات في أمريكا أهم شيء تكون أنت مقتنع بالسيارة وبمواصفاتها .

الصراحة في بعض الردود ما يقبلها عقل!!! والمفروض ما تصدر من إنسان عاقل.... الله يخارجنا بس

[راعي بيشة]

بيض الله وجيهكم

[واحة العصر]

<p>أنا اقول توكل على الله واشتره..</p>
<p>والموتر ما شاء الله له معي الآن أكثرر من 6 شهور ولا شفت منه الا كل خير.</p>

[راعي بيشة]

أشكرك واحة العصر

[Under_net]

توكل على الله أنا كنت سآخذها وقدر الله أخذت باترول لاعتبارات عائلية بسبب الحجم

اكستيرا سيارة جبارة وقوية كانت موجودة من فترة وأثبتت قوتها بالاختبارات العالمية وأخذت لقب أفضل سيارة لعام 2006 ضمن فئتها .. وفي الاختبار الذي جمع الشيروكي والاف جيه والهمر تفوقت اكستيرا

صل استخارة وتوكل على الله

[راعي بيشة]

أشكر الجميع ولا هنتوا

[سيف الظفير]

رح يا الذيب المسعود او لدولة قطر وخذلك Sgl-v وركب له جنوط فتك 2008 احسن لك

[مواسي الطعوس]

رح يا الذيب المسعود او لدولة قطر وخذلك Sgl-v وركب له جنوط فتك 2008 احسن لك

** اخوي سيف مايحتاج يروح للخليج... انا شايفه بنفسي في وكالة القصيم(طريق بريده عنيزه) بس ترى مكتوب عليه (جي ال) وسعره 115000 الف

** لكن انا مجرب الفتك سوبر سفاري ومشيت عليهاكثرمن 300 الف واعرف الموتر كله لا (مواصفاته ولاعيوبه)

** ولان جربت الاكستيرا... اللي يبي موتر نشييييييييييط ولايصرف بنزين وقيادته مثل السياره الصغيره ولا عنه عائله كبيره (لايتعدى الاكستيرا)شف كثر اللي يشترون الهايلكس والددسن الغماره... وايظا شف اللي يشترون الربع والحوض لاتقول لهم السياره ضيقه بعد....مع ان كل السيارات الصالون الباترول اللاند وغيره ركابها واحد(اثنين قدام/ثلاثه وراء)

[عسلوف]

http://www.9o9i.com/download/363448648c95f1b53.jpg


هذه صورة 2009 بامريكا كشافات وصدام مفصول