استفسار عن بوية السيارة من تحت

[أبوخطاب]

بسم الله الرحمن الرحيم



السلام عليكم ورحمة الله وبركاته



أخواني الكشاتة عندي مشكلة بسيطة وهي أني أروح للنفدود دايم ولاحظت أن بوية السيارة من تحت حتت من النفود


فما الحل المناسب؟ علما أني رشيته من تحت ببخاخ عادي ولانفع
وسمعت أنه يباع بخاخ معه نسبه من القار فهل هذا صحيح؟ وين ألقاه؟ وشو أفضل شي حسب التجربة؟


ولكم جزيل الشكر

[ابوعقل]

صحيح كلامك فيه بخاخ معه قار

واحد من اخوياي عنده جيب حتت البويه من قدام

المقصات وغطا الكارتير

ورشه من قدام بس

بورشه بالدمام

[العاااازف]

هل يوجد ورشة بالرياض؟؟

[أبوخطاب]

أشكرك أخوي أبو عقل على الرد
لكن ماتدري وين يباع لأني رحت لم ساسكو مالقيت عندهم شي ولا أدري وين يباع

[ظلال الشمس]

فيه بخاخ قار شفه ينباع عند محلات السباكة الكبيرة أو محلات قطع الغيار والزينة
أتمنى اني أفدتك والله يعينك

[خالدعبدالعزيز]

شف وانا اخوك رح لم الصناعيه بتلقا محلات البويه ومنهم افران الغامدي بتلقا الي عندك
وانا اشير عليك انك ترشه من تحت باسود لماع بعد مايصنفر الدهان بقيمة 200 الى 400 ريال ويرجع الموتر من تحت وكاله وهذا الافضل والاحسن لان البويه المعه بعد كم يوم تطفي وتصير حلوه على السياره واكيد اهل الجيوب مجربين اما القار صدقني بيطيح وترا سعر الحبه 20 ريال

[أبوخطاب]

يا أهل الفزعات فريت الريل وبعض محلات الصناعية مالقيت البخاخ

ما تدرون وش أسمه بالضبط؟ أو محل يبيعة؟

ولكم مني جزيل الشكر

أخوي خالد سيارتي جديدة ماله داعي أرشه كامل من تحت أنا عندي الأذرعة فقط طايحة بويتهن

[سفير نجد]

الاخ ابو حطاب اولا السلام عليكم
بخصوص طلبك فيه محل للتلميع متخصص بهاالشئ يرش لك بطن الموتر من الى يسمونه طبقة حمايه
عن الحلى ولا يلحس الرمل بطن الموتر تقول قار وهو اسمه(زيبارت ) بالدمام وتوه فاتح له فرع بالرياض
الظاهر على طريق خريص جهة معارض النسيم

وسلامتك ولايهون من يقرا

[Black VTC]

شف اخوي ابوحطاب اذا انت بالرياض رح للتلميع الساطع يرشونه من تحت للحماية من الصداء و للحماية من الترميل و المبلغ تقريباً 300 ريال وعليك بالمكاسر ...

[بن داود]

هلابك والله

رح لااي ورشه وقلهم بارشه قار من تحت يرشونه ب 200 ريال

[ظلال الشمس]

المعذرة ابو خطاب على التأخير في الرد
ولكن هذا البخاخ

http://file6.9q9q.net/img/68455424/0000000000.jpg (http://file6.9q9q.net/preview/68455424/0000000000.jpg.html)

واذكر اني شريته من الرويبخ حي السلام على طريق المية

وكان سعره 10 ريال

[خوي عليان]

والله لوانه سيكل مايصلح هاذافيه احسن شئ سنفره بـــ150 ريال

وتبي اتحصله عند التلميع يسنفرونه ثم يحطون ماده تلببن ثم يلمعونها هاذي احسن طريقه

[العمدة ابو صالح]

انا ماعندي علم وانا ادور مثلك وأرجوا ان تلقاء طلبك في اقرب وقت لكي تفيدني وجزاك الله خير

[أبوخطاب]

الله يعطيكم العافية ياشباب بيض الله وجيهكم وخصوصا ظلال الشمس

ولا يهون الباقين

[ظلال الشمس]

الله يعافيك ولا تهون
وان شاء الله انك تحصل طلبك