فكرة( مثبت سرعة لأصحاب الديزل )

[جاروود]

بسم الله الرحمن الرحيم
السلام عليكم ورحمة الله وبركاته
في فكره ومجربه واحد من عيال عمي معه هايلكس 2001 ديزل تعرفون الفرار الي تفره وأذا شغلت السيارة عشان تحتمي لاحض ولد عمي انك إذ فريتها نزلت دواست البنزين يعني انها بس تخلي الدواسه تبتل نازله فقام الله يجزاه بلخير ويوم مسك خط كرب عليها الا اخر شي المهم انه مبسوط تثبت لك السرعه مع تغير بسيط عند الارتفاعات وتكون السرعه مابين 80 الين 100 هذا في الهايلكس وهو يبحث الحين كيف يرفع الحد حقه وهذا الفكره قابله لنقاش
والسلام

[ابورشيد]

الفكره هذي حلوه لكن لها عواقب خطيره جدا
انا حصلت معي قبل حوالي 15سنه كنت راجع من البر وكنت مودي علف للغنم وكان معي دينا تويوتا وهي كان يجي معها مثل الشفاط نفس الطريقه اللي تتكلم عنها انت
المهم وانا راجع ومبسوط وفريت الفرار حق دوسة البنزين ومستانس ومسرع
المهم يوم اقبلت علي ذيك الزحمه وانا ابي ارجع دعسة البنزين لمحلها
وهي ما ترجع واحاول ولا فيه فايده الضاهر من شدة ماكربت عليها يوم اني اشغلها ابي السياره تسرع اكثر الاسلاك تعقدت تحت بعضها المهم والله وانا احتاس بالمره وش اسوي
اطب من الخط ولا اصدم السيارات اللي قدامي والله يلهمني اني افضي السياره
بعدين وقفت لي شوي وانا اطرافي متجمده من الموقف
وقتها كان عمري حوالي 17 سنه اوحولها
والله وانا اجيب لك الزراديه واقطع اسلاكها
بلا مثبت سرعه وبلا شفاط
ياروح مابعدك روح