طالبكم الفزعه !!! [الأرشيف]

كاكتور123

19/06/2008, 02:47 AM

السلام عليكم ورحمة الله وبركاته
كيف حالكم
الموضوع باختصار إني شريت لي همر h3 موديل 2006 وله تقريبا معي
سنة ونص وكل شئ 100%
المهم قبل فترة رحت للصيد بسيارتي وللأسف ركبت عقم تقريبا بارتفاع نص متر
المهم من بعدها وأنا أسمع أصوات من جهت الكفرات الخلفية عند [شرائح التعليق]
ومن بعدها بديت في رحلة النكد مع السيارة اللي بصراحة بديت أكرهها بشدة
تصور كل ما تتحرك السيارة يطلع صوت غبي زي العطعطة زي ما قلتلكم
طبعا أنا ما قصرت حاولت أحل المشكلة بشتى الطرق ومنها :-
1- غسلت السيارة بالبستم وهذه بغت توديني ورا الشمس لأنه خرب جهاز مانع الانزلاق ومثبت السرعة ولكن الحمدلله بعد إسبوعين رجع اشتغل طبيعي!!!!!!
2- أعدت ترتيب الشرائح حقت التعليق .
3- نصحني واحد ميكانيكي إني أغسل السيارة بالقاز بين الشرائح عشان احتمال إن الشحم يكون ماسك تراب وهو سبب الصوت , وطبعا أنا ما قصرت رحت على طول سويتها وللأسف مكانك سر .
للأسف كل الأشياء اللي كنت أسويها كانت زي المسكن يختفي الصوت يومين ويرجع .

أسئلتي اللي أتمنى من الله عز وجل إني ألاقي أجوبتها عندكم هي :-
1- قد مرت عليك أوسمعت عن مشكلة مثل هذي ؟
2- كيف تتوقع الحل لها ؟
3- هل في مشاحم تحت السيارة ( زي الجيوب القديمة )؟

آخيرا أتمنى من الله إنك ترد علي بسرعة لأني أبنزل السيارة للصيانة إذا ما إنحلت المشكلة الله يعينني على الوكالة العلة
وشكرا

ناوي نيه

19/06/2008, 03:34 AM

انا اقول الصوت 90% من السست والسست انشاءلله تلاقي حل
ياعلى الضمان او محلات الي مختصين في السست

الخادم

19/06/2008, 03:37 AM

اخوي
ياليت عندي خبرة بهالشئ

Magellan

19/06/2008, 03:42 AM

أخوي ترى غسيل البستم مضر
إن كان ولابد تغسل المكينة بالصابون وتحط قفيز على مانع الإنزلاغ
بالنسبه للصوت شيك على عمود التوازن عند الدفرنس أو شيك علي الشكمان ومواصيره

ابولولو

19/06/2008, 03:45 AM

اتمنا من الله وقت اذان الفجر ان تنحل المشكله وترتاح ولا ترويح للاوكاله والله اني مثلك اكره الوكلات الا لارقيب ولاحسيب

المميـز

19/06/2008, 05:09 AM

NISSAN 94

19/06/2008, 09:53 AM

يالله هذي السيارات الجديده ومايجي منها ماعليك الا بالشحم تعبي السست وتربطها زين

محمول

19/06/2008, 10:39 AM

معليش الله يوفقك .. دام انها فقعت قلبك ونكدتك
يا اخي رح لوكالة ابو جميل لطفي ( تويوتا وبس )
صدقني ما تخرج من عندهم إلا بحلها
يا صايبه يا خايبه
وإن شاء الله تكون صايبه
لأن لفلفتك ودورانك على المهندسيك وخسايرك
عبداللطيف بيريحونك من ذا البهذلة
ولاحظ انها همر جديد
والله يعينك

Magellan

19/06/2008, 12:06 PM

إضافة لكلامي
أعتقد إنك مابحثت عن الحل جيدا ، وبالصراحة المفروض تروح لواحد يركب معك الموتر ويجربه وينزل تحت في الحفرة ويخليك تمشي بالموتر عشان يكتشف الصوت من وين..
وأدلك على واحد يقاله محمد لبناني بس شقردي في ورشة النجوم ، وانت جاي للصناعيه القديمة مع شارع الأمير سلمان ،متجه غرب جتك أول إشاره بعد النفق خش يسار ثم أول تقاطع كبير (شارع الجمعيه) خش يمين ثم بعد 100 متر إلتفت يسارك تشوف الورشة ..
وخله يركب معك ويجرب وإن شاء الله تحلها..

وبالنسبه Nissan 94 فمو معناة السيارة جديدة ماتخرب ، الرجال أكله عقم محترم وبالتالي يندرج تحت سوء الإستخدام، وأنا أعرف واحد مطلع كامري جديدة أكله مطب إنكسر العكس عنده ، فلاتحكم بهذه السهولة...

الربذي

19/06/2008, 05:26 PM

بن داود

19/06/2008, 05:31 PM

هلابك والله

نفس المشكله جتني على الشروكي موديل 2001
الصوت يطلع اذا لفيتا يمين ولا بسار

غيرت زيت الدفرنش الخلفي وراح الصوت

ياليت اني افدتك

الركبي

19/06/2008, 05:35 PM

نصيحتي لك ياكاكتور انك لاتضيع وقت السيارة لازالت جديدة والمشكلة شكلها بسيطة

انصحك تروح للوكالة وخذ رايهم ما انت خسران هم الوحيدون اللي يستقبلون مشاكل الهمر واللي يشتري الهمر ما ينشد عن الفلوس

اتمنى انك ماتترك سيارتك للتجارب وتذكر ان القليل عندهم همر واللي عنهم همر 90% ماهم راعين بر

اسأل الله ان يعينك على حل المشكله بدون خساير

مع التحية

الركبي

ملاحق السيول

19/06/2008, 05:41 PM

رح للوكاله الله يوفقك

بيبسي

19/06/2008, 09:49 PM

رح للوكاله وشف وش الخراب وصلحه برا واذا عليها ضمان يصلحونه ... لا تتعبث فيها سياره جديده

كاكتور123

20/06/2008, 02:39 AM

انا اقول الصوت 90% من السست والسست انشاءلله تلاقي حل
ياعلى الضمان او محلات الي مختصين في السست
مشكور ياأخي على تجاوبك
المشكلة إني تبهذلت وما لقيت مصدر الصوت

كاكتور123

20/06/2008, 02:40 AM

اخوي
ياليت عندي خبرة بهالشئ

تجاوبك معاي يكفي ....... مشكور

كاكتور123

20/06/2008, 02:43 AM

أخوي ترى غسيل البستم مضر
إن كان ولابد تغسل المكينة بالصابون وتحط قفيز على مانع الإنزلاغ
بالنسبه للصوت شيك على عمود التوازن عند الدفرنس أو شيك علي الشكمان ومواصيره بصراحة أنا ندمت لما غسلتها ولكن الحمدلله عدت على خير
أما عن عمود التوازن فبإذن الله بشيك عليه لأني ما قد شيكت عليه
مشكور على تفاعلك الرائع

كاكتور123

20/06/2008, 02:44 AM

اتمنا من الله وقت اذان الفجر ان تنحل المشكله وترتاح ولا ترويح للاوكاله والله اني مثلك اكره الوكلات الا لارقيب ولاحسيب آآآآآآآآآآآآمين يارب العالمين

كاكتور123

20/06/2008, 02:46 AM

ثلاث ارباع السيارات فيها مشاحم من تحت

رح شحمها وان شاء الله تنحل مشكلتك وخاصه انك غسلتها بستم تحتاج الى شحم حتى لو كانت المشكله غير متعلقه بموضوع الشحم

فلذلك لابد من التشحيم دااااائما للسيارات
والله أنا دورت على المشاحم ذي وما لقيتها , ورحت كذا مغسلة سيارات يقولون لي إنه مافي .
مشكور على الرد يا غالي

كاكتور123

20/06/2008, 02:48 AM

يالله هذي السيارات الجديده ومايجي منها ماعليك الا بالشحم تعبي السست وتربطها زين
صادق والله سيارات كأنها مصنوعة من الورق مو من الحديد .
واليوم رحت عبيت شرائح التعليق بالشحم لعل وعسا .
شكرا على تجاوبك .

كاكتور123

20/06/2008, 02:49 AM

كاكتور123

20/06/2008, 02:52 AM

طيب شيك على نهاية السست يمكن مسمار السست الاخير الي يمسك اطول وحده صار فيه خلل او ربلته راحت
من المطب امحق سيارهمن اول عقم سلملي على التويوتا 0

اخي وش صار على موضوعك بشر عسى لقيت السبب
اخوك الربذي
المسمار اللي تقول عليه شيكت عليه وللاسف العيب مهو منه .
وللأسف ما صار شي على موضوعي مكانك سر .
مشكور على تفاعلك .

كاكتور123

20/06/2008, 02:54 AM

هلابك والله

نفس المشكله جتني على الشروكي موديل 2001
الصوت يطلع اذا لفيتا يمين ولا بسار

غيرت زيت الدفرنش الخلفي وراح الصوت

ياليت اني افدتك
يبغالي والله أجرب أغيره إن شاء الله لعل وعسى يكون السبب .
مشكور على تفاعلك.

Magellan

20/06/2008, 02:57 AM

وراك طمرت ردي الثاني الله يهديك:mad:
رح لواحد يفحصها زين ويركب معك وينزل للحفرة ،،
ثمين ماله داعي تكره الهمر H3 تراني أعزه:good:

كاكتور123

20/06/2008, 03:09 AM

هلا والله أخوي Magellan (http://www.mekshat.com/vb/member.php?u=11979) لكن يعلم الله إني
قد أيش أعز السيارة لكن القهر إني دافع فيها المبلغ الفلاني وآخر شئ يطلع الصوت كذا بكل بلاهة مع أول موسم قمري .
واقتراحك يعلم الله إني حطيته في البال وبإذن الله أول ما أخلص اختبارات راح أسويه .
مشكور يالغالي على التجاوب معي .

Magellan

20/06/2008, 03:15 AM

يارجال وسع صدرك وماتسوى الدنيا كل هالضيقه ..
أنا كان معي كابرس صابونة 95 وكان يطلع فيها صوت (جيك جيك أو زي تلامس الحديد)
ضاق صدري بالفعل وديتها واحد قال أربطها وتصلح وب150 ريال ، تركته ورحت لثاني المصادفة طلع هندي أجودي ، قال حط السيارة فوق الحفرة وثواني إلا هو مطلع اللي الخراب ، أثره مساعد منطلق وصلحته ب50 ريال والقطعه 120 ريال ،،
وترى الدعوه سهالات يمكن فيه صامولة منحلة وإلا مساعد منكسر أو شيء بسيط ، بس الأهم ماتوسوس ولا يضيق صدرك ولاتململ...
بالتوفيق في الإختبارات يالغالي والله الله بالقمري...
شكلك من الغربية وأنا موصف لك محل بالرياض
ههههههههه

ضغط سحاب

20/06/2008, 03:44 AM

مرحبا..

انا مع اغلب الاخوان رح للوكالة وخل عنك البربسة...

لكن انا عندي جي اكس ار وضربت فيه اكثر من مطب اصطناعي متتابعة بسرعة 140 والموتر محمل يعني امحمل وبعد تقريبا 150 كم سمعت صوت عرعرة وخاصة اذا كنت مهدي......الخ

المشكلة طلعت من رمان الهوب...اسف ع الاطالة لكن ارجو اني افدتك......

محمول

20/06/2008, 05:38 AM

ههههههههههههههههههه
قسم بالله اني كنت اتوقع انك تتكلم عن الهمر المقلد حق لطفي اف جي كروزر
لذلك قلت لك رح لابو لطفي ....... :)
لكني ما زلت عند كلامي
رح للوكالة واشتر راسك
السيارة جديدة وقليل من المكنيكيين يعرفون لها
والله يعينك ويبارك لك

محمول

20/06/2008, 05:40 AM

ههههههههه
كنت احسب تتكلم عن ال اف كروزر
عموما ما زلت اقول رح للوكالة واشتر راسك
والله يعينك

لن أمل من العطاء

20/06/2008, 01:46 PM

عليك بالوكالة

بدوي جنوبي

20/06/2008, 02:48 PM

المشكله وكالاتنا ما فيها ذاك الثقه

اخاف تروح لهم ويطلعون الف عيب بالسياره
والمشكله قد تكون بسيطه ،،

اذا نويت تروح للوكاله كن حذر
اكشف علي السيارة عندهم واذا اقتنعت بالخراب توكل علي الله وصلحه

بالتوفيق

Mohammad

26/06/2008, 11:17 AM

اخى سجلت الدخول للرد على الموضوع

اما من ناحية الفزعه فابشر بالفزعه وهى نسأل الله ربنا رب السموات والارض وما بينهما ان يحل مشكلتك ومشكلة كل مسلم عاجل غير اجل

اخى العزيز اطمنك دام المشكله ليست فى المكينه ولا القير فهى سهله واذكر احد الاقارب حدث له صوت وتعب تعب كبير ووسوس كثير وراح للوكاله وطلع له المهندس الحرامى نحسبه والله حسيبه الف مشكله!

الزبده فى الاخير طلبت منه الذهاب الى الوكاله فى مدينه اخرى وبحكم معرفتى البسيطه بالمهدس المسؤول اكتشف المشكله وكانت تافهه جدا!...كان هوز منحل ومع كل مطب يظرب فى الحديد ويطلع صوت!

ما ازيد على على كلام الرجال الا تاكيد بان تذهب للوكاله وتخليهم يفحصون لك السياره! اذا التكلف بسيطه توكل على الله وصلحها واذا كبروها فاذهب لفرع اخر للوكاله وخذ رايهم! ثم اذهب الى مهندس ثقه وخله يتأكد من كلام الوكاله!

اخيرا انصح الجميع بعدم الغسيل بالديزل والقاز ومشتاقته وعدم غسل المكينه بالماء الا باليد بدون ضخ الماء والرش! اذا هناك حاجه ماسه!

اتوقع المشكله بسيطه ان شاء الله واصبر قد تكون مساعد او شىء من هالقبيل او عكس او ذراع او قد يكون جلده او كرسى! وكلها بسيطه !

اذا استطعت ان تشرط على الوكاله او اى ورشه ان الاصلاح مقبول فقط اذا ازال الصوت فلا تتردد!

والله اعلى واعلم

قرموع

26/06/2008, 03:07 PM

اخوي تأكد من الكفرات الخلفيه فكها وشوف الهوب واعتقد والله اعلم ان العله في الكفرات مع عدتها