هذا ما حصل معي في معارض النسيم

[الحاتمي1]

السلام عليكم ورحمة الله وبركاته
قبل شهر تقريبا ذهبت الى الرياض لشراء جيب سفاري
وبعد عناء طويل بالبحث عن السياره من معارض النسيم الى معارض الشفا
وبعد عناء دام يومين واذا بجيب سوبر سفاري 98 نظيف جدا وماشي 150الف كم
وذهبت الى صاحب السياره واذا به شاب المتوقع عمره مابين 25 الى 30 سنه وبعد السلام سالته عن احوال السياره واذا به قائلا والله العظيم والله العظيم الموتر مافيه شي ولا جايه صدمات ولا سمكره وهو من الوكاله مع صاحبه الي هو قريبه
وبصراحه شكل الجيب مغري وجذاب ومبين نظافته
وبعد المفاصله عن سعره اتفقنا على 51الف ريال وبصراحه غالي شوي لكن السياره تستاهل
وبعد الفحص عند مراكز الفحص ولم يوحد بالموتر سوا شغلات بسيطه
واتم اخذ الموتر الى معارض الزيد في النسيم وتم ايقاف الموتر لديهم لانقال الملكيه
وتم استغراق نقل الملكيه يوم ونصف
وفي اليوم الثالث مساء ذهبت لاستلم السياره من المعرض
واذا بفرش الارضيات مسروقه ويوجد اشرطه مسجل وسي دي في الموتر مع انني متاكد انني فحصت كل شي باليساره
واذا بشمعات النوز الزنون مسروقه وكلبسان الديكور الخلفي مكسره يعني الموتر عليه العوض
وعندما استدعيت صاحب المعرض السعودي قائلا انا لدي سيارات قيمتها نصف مليون
وانت جاي تناقشني على سيارتك هذي؟؟؟؟؟؟؟؟؟؟؟؟؟؟؟؟
المهم اني شكيت امري الى الله وذهبت لاقرب كهربائي وركبت شمعتين ب 1140 ريال
والطامه الكبرا اتضح لي ان الباب الحلفي الايسر مسمكر مع ان صاحب السياره يحلف بالله ان السياره لم تسمكر وانه يعرف السياره وصاحبها من الوكاله
حسبي الله ونعم الوكيل

هذا ما حصل معي في معارض النسيم _ معرض ال**** _ وصاحب السياره اسمه _تواب ال*****

اخوكم الحاتمي من الجوف



تم تحرير الرد بواسطة المشرف

[النحيف]

أكتب على الامانة السلام :mad: :mad: :mad:

[هارون97]

ناس ماتخاف الله أدع عليه بالخسارة بالعمر والمال الغشاش والحرامي

[خلفهم]

إنا لله وإنا إليه راجعون ..

الله يعوضك ما خسرت .. وإن كان راعي المعرض مسوي شئ الله يحاسبه ..

مع العلم إذا السياره طلعت من المعرض بدون نقل الملكيه عليها غرامه 10 ألف .. يتحملها راعي المعرض ..





*

[ردن]

يعوضك الله خير اخوي

لاحول ولا قوة الا بالله

[بواسامه]

اشكي حالك الى عالم الغيب والسموات
وادع على من ظلمك
وان صبرت واحتسبت فاجرك على الله
((ولمن صبر وغفر0000 الايه))
ومعوض خير

[لعّاب المنايا]

لاحول ولا قوة إلا بالله إلى هالدرجه الله يكفينا الشر واناأخوك ,,

وعموما السياره غاليه لو مزود عشر الاف ريال بس تآخذ 2002 او 2003 سفاري 2 ,,

الله يعوضك أخوي

[جنتل1]

ياجماعه اما سرقة الموتر بعد توقيفه فهاذا امر عارض والمعرض اصلن غير امن لان العامل في المعرض ماتجرا وسرق الاانه يرى صاحبه والعامل سواء سعودي ولااجنبي ومن امن العقوبه اساء الادب واما السمكره في الباب الخلفي فنقول لصاحبنا انا القانون لايحمي المغفلين فلو حلف لك وقال الموتر غيرمسمكر والموتر نظيف ولايوجد فيه اي عارض فناخذ كلامه مبدئي لكي نذهب لنفحصه عند ميكانيكي اوصاحب خبره يكون ممن تثق به والشاهد من كلامي لك او لغيرك ((ان الطيب لابكتب على جبينه طيب ))فل نحترس ولانكون طعم لهلحراميه والنصابين واقول لك كل صفقه بتعلميمه ياعلي واقل لمن يقراء هذا الكلام قول الرسول صلى الله عليه وسلم (السعيد من وعض بغيره)او كما قال المصطفى عليه افضل الصلاة والسلام:confused:

[ابوعقل]

انا ماأبي اتكلم عن السياره ونظافته

لأن فيه محلات تفحص كل شي حتى البدي

اذا فيه سمكره عطوك خبر ((لأن الذمه وسيعه عند بعض الناس))

((اسمحلي هذي غلطتك انت))

والمعرض فيه عمال اجانب اكيد هم اللي سارقين أغراض الموتر

والسعودي ((ردد يليل مطولك))

ما يدري وش السالفه ((الله يخلف عليه))

[يحيي بن حمد]

الله يخلف عليك ولا يوفقهم

[نجد 2007]

حسبي الله ونعم الوكيل
والله إن 99%
من الشريطيه نصابين ويحلفون على الكذب وينجشون ويغشون
ومع ذلك لاتجد من ينصفك منهم
ولن تنفعهم تلك الاموال التي يجمعونها بالغش والتدليس والله ليبين أثرها عليهم وعلى اولادهم في الدنيا والآخرة
الله يعوض عليك أخي الحاتمي
سلام عليكم

[ابوتركي666]

حسبنا الله ونعم الوكيل
يا الحاتمي لا يضيق صدرك انت يوفقك الله بالسيارة تكده اسنين عديده ما يطلب منك مسمار
لاكن المسكين هذا مايوفقه الله تلقاه ديون وامراض وحالته حاله
المشكلة و الطامة الكبرى ( الحساب يوم الحساب) يوم القيامة يأخذ الله حقك منه ويرفع حسناتك منه ويحط من سيئا تك عليه
والله يعوضك في الدنيا والأخرة
وقبل ذلك احسن النية

[الربذي]

حسبي الله ونعم الوكيل

والله إن 99%
من الشريطيه نصابين ويحلفون على الكذب وينجشون ويغشون
ومع ذلك لاتجد من ينصفك منهم
ولن تنفعهم تلك الاموال التي يجمعونها بالغش والتدليس والله ليبين أثرها عليهم وعلى اولادهم في الدنيا والآخرة
الله يعوض عليك أخي الحاتمي
سلام عليكم
وانا ازودك واحد يعني كل الشريطيه نصابين بصراحه لاني اعرفهم زين والي عنده ذمه مايعلمك يقول على الفحص وقصده واضح ويوهمك بالكلمه ذي وتصدقه وهو قصده انت وشطارتك اذا شفتها قال مادري عنها وذا ماشفتها قام يحالف !!!!!
وكلهم نصابين
واحد راع كابرس يحلف ان مابه شي وعلى الفحص ومن ذا الكلام والسيارة قدامك وبالاخير يوم داس طلع دخاخين الدنيا 0
لكن لامانع انك تستعين بشريطي تعرفه عشان يسوي سونار على السيارة عيونهم ماتخطي السمكره وحتى لو العداد مفصول او سبق ان افصل يدري والي مستعجل يضرب بوري ويعرف اذا مسمكرة ولا لا

اخوي ابو حاتم 10 بالميه الحين من الناس صادقة والبقيه ذممهم وسع الدهنا
لاتصدق الا شوف عيونك ماعليك من كلامه
وراعي المعرض النصاب الخبيث اكيد عندة خبر لو منك اجيب الشرطة
بدل الاهتمام بموضوعك يقول عندي سيارات بكذ وكذا ونت مبلشنا باهلكسرة ودامه ماعبرك ولاااستحى حتى انا اصير مثله النذل كش وجه
المفروض عند واحد تعرفه مو اي معرض معوض الحاتمي الله يعوضك 0وهذا درس لك ولكل من قراء موضوعك
اخوك

[سيف الظفير]

بلا ابوك ياعقاب من هالنصااابين اللي في المعارض


ليت من يطردهم !!!!!!


وبخصوص السمكرة انت تتحملها


والمفرووووض تشتكي على اللي صار بموترك !!

يمكن اللي سرق راعي المعرض او العامل

[ملاحق السيول]

الله يزقك خير والله إنك ضيقة صدري (وبشر الصابرين الذين إذا أصابتهم مصيبه قالوا إنا لله وإن إليه راجعون)

[مقلع الرمث]

اخوي انا زيك معي سياره شريتها من الامارات باترول فتك بعد ماشريته تبين ان الموتر جنبه مرشوش بلكر

[جول قميري]

قسم بالله قهر ما عندنا احد يحمينا من الحرامية والغشاشين والنصابين.
كل يوم رادى من اللي قبله ..

والله لو انا منك ما استلم السيارة اروح اقدم بلاغ للشرطة يرجعون فلوسي والا يصلحون السيارة ...

والله يعوضك خير

[القناص-sniper]

انا ماأبي اتكلم عن السياره ونظافته

لأن فيه محلات تفحص كل شي حتى البدي

اذا فيه سمكره عطوك خبر ((لأن الذمه وسيعه عند بعض الناس))

((اسمحلي هذي غلطتك انت))

والمعرض فيه عمال اجانب اكيد هم اللي سارقين أغراض الموتر

والسعودي ((ردد يليل مطولك))

ما يدري وش السالفه ((الله يخلف عليه))

كلامك سليم :good2: :good2: :good2: :good2: 100%

وتبقى الحياة مستمرة والترديد ياليل ما اطولك مستمر

تحياتي للجميع

[أقلط]

حسبنا الله ونعم الوكيل

[مواسي الطعوس]

بشرهم والله بالمشاكل والفقر................. واقول لك مايضيع شييييييييي

وهذه كثير تحصل بالمعارض والورش يبدلون قطع دائم والشخص مايدري.... واللي حصل معك حاصل كثير مع غيرك لكن مايدرون الناس وهذا سبب تماديهم

على وقت 91م في الرياض حصلت لي .... ابشتري سياره وممشاها 90000 الف وكانو يكتبون الكيلو في ورقة الفحص وذا هي ماشيه قبل 5 اشهر 150000 الف

وحصلت مع واحد من الشباب باع كراون 98م على وقتها ماشيه فوق 20000 الف وبعد فتره حصلها موقفه في معرض وممشاها 200 كيلو واللوحات على الطبلون (في معارض الشفاء) والاالشقاء

( من امن العقوبه )

[سيف الظفير]

للأماااااااانة ضيقت صدورنا عليك يا اخوووووي !!!!!!


وازداد حذرنا من هالنصاااااااااااابين

[واقعي وعقلاني]

الي يشتري من الشريطيه أو يتعامل معاهم غلطان ..
واحد من اخوياي اخوه شريطي يقول ماأضمنه وأكبر دليل شف معارضهم وش كبرها ومليانه سيارات وداقهم الفقر لأن مابني على حرام فالسحت اولى به وأنا عني شخصياً مستحيل اشتري سياره من عندهم والله يعوض عليك وانا خوك ...

[xahmaedx]

المشكله وانا اخوك ان وسعين الذمه على قول بعض الاخوان
خربوا على الناس المحترمين وصرنا ماعاد نوثق بأحد
هذا والله اعلم

[سوبر VTC]

الانذال اهل الوجيه الغشاشي:::::الكل منهم سلم الغدر يرقاه
النذل لو شفته بشاشي :::::::::تراه جدار هش ساسه و مبناه

[بندر الكبيري]

صدقني انه مايربح ولايتهنى في عيشته

كل ماعيك الدعاء عليه وعلى اشكاله

على العموم الموتر يستاهل اذا كان نظيف

[سيف الظفير]

الي يشتري من الشريطيه أو يتعامل معاهم غلطان ..
واحد من اخوياي اخوه شريطي يقول ماأضمنه وأكبر دليل شف معارضهم وش كبرها ومليانه سيارات وداقهم الفقر لأن مابني على حرام فالسحت اولى به وأنا عني شخصياً مستحيل اشتري سياره من عندهم والله يعوض عليك وانا خوك ...





ما بعد قووووولك قووووول يا حيي

[أبوخطاب]

هذا ما حصل معي في معارض النسيم _ معرض الز**** _ وصاحب السياره اسمه _تواب ال*****

اخوكم الحاتمي من الجوف



السلام عليكم


على طاري ال***** بمعارض النسيم فيه شلة شيبان ****** مافيه أنتصب منهم أشترى أخوي سيار هايلكس 2004 وكانت شوي غالية بحكم نضافته والصراحة السيارة نضيفة من ناحبة البدي والمحركات فحصنى السيارة طلع كلشي تمام


وبعد مدة من شراء السيارة تبين أن طبلون السارة مهب صحيح مرجع أكثر من مئة ألف


السيارة ما بين أنه ماشية هالكثر فأستغلة الشايب الله يهديه ورجع العداد


وإلى الله نشكيه يوم القيامة يوم لا ينفع مال ولا بنون


طبعا الشايب *****


تم تحرير الرد بواسطة مشرف القسم

[سيف الظفير]

حسبنا الله ونعم والوكيـــــــــــــــــــــــــــــــــــل

[بدوي جنوبي]

كان المفروض اخي الكريم قبل ان تستلم اوراق السيارة

تتصل بالشرطة وتشرح لهم الوضع اللي حصل

اما ان تسترد فلوسك او يتم دفع قيمة قطع الغيار المسروقه

والله يعوض خير اخوي الحاتمي
وان شاء الله حقك ما يضيع عند رب العالمين



تم تعديل ردك الرجاء عدم ذكر اسماء اشخاص
بالتوفيق

[بدوي جنوبي]

الاخ ابو خطاب

ارجوا منك عدم ذكر اسماء بالمنتدي


بالتوفيق

[أبو LAMeS]

قل " اللهم أني مظلوم فأنتصر "



مشكلتنا أننا ما نبي مشاكل ولا مطالب ....
وإذا كان عنده سيارات على نص مليون شرعا وقانونا يضمن كل سيارة موجودة في معرضه حتى لو كانت السيارة بألف ريال.
مشكلتنا أننا ننسى شيء في البيع أسمه خيار الشرط وهو أن المشتري يشترط على البائع أن البضاعة تكون سليمة وقت التسليم وإلا البيع باطل وتلغى الصفقة

الله يعوضك في الدارين

[كروزيا وبس]

على السمكره اكيد رعي الباترل متفق مع الفحص برشوه
ادع عليه لان دعات المضلوم مستجابه