المساعد الشخصي الرقمي

مشاهدة النسخة كاملة : أنواع الفركات ياراعي عنيزه لكن ابشر بعزك خذ انت وأخوانا المتحركين


شقران
25/02/2002, 07:38 AM
يا راعي عنيزه الظاهر أنها فركه

لكن أنت تطلب وتأمر أنت والأخوان هذي مجموعه من ارايل كومت موضحه معلوماتها في الصورة ..
واللي كان عندي وبينت لك انه وصل مسافة بعيده هو المحدد بالمستطيل الأسود ..
http://user.netomia.com/shagran/comet.jpg
اسمه كومت
موديله: SBB-7 SBB-7NMO
يعمل على الترددين VHF و UHF
بحيث يعطي قوة كسب على ترددنا 4.5 ديبي ب6/8 الموجه وعلى التردد الثاني 7.2 ديبي على 5/8 الموجه×3 وطول الأريل 58 بوصه وقوة تحمله 70 وات يعني مناسب جداً للياسو والأيكوم وغيره وقد استخدمته بالأمبي 200 وماخالف لكني ماطو لت عليه يا لربع يعني ما انصح باستخدام الأمبي على ها لأريل إلا إذا كان امبي 100 يعني ممكن.
اما من ناحية سعره يالغالي فانا شاريه من عمريكه ب90 دولار وعليك الحساب لكن تحصله هنا اتوقع بعيده!!!! لكن على فكره تقدر تطلبه من قطر والا سنغافوره والأريل صغيرور مهب مخالفين انشاء الله وعساك سالم ان راحت التسعين ابشر بالعوض والا احسبها صدقه ياخوي لا تصير ولد الطريزاوي :D
والمسافه يابا الحبيب اللي وصلها على ايدي يالغالي وبشهادة اكثر من حبه نفر من الثمامه الى ابو بندر والكاتم وحبحب في الشرقيه طبعاً هم ثابتين وانابطعوس الثمامه.
تحياتي وتحت الطلب/ شقران
راعي عنيزة
25/02/2002, 11:43 AM
تسلم لي حبيب البي ولو انك ضيقت صدري يوم علمتني انه مهب موجود بالسعوديه :rolleyes:

ممكن اكلف عليك ؟

قل ايه تكفى :)

رقم تلفون الصعب اشيك عندهم ولا لا

واذا ما عندهم الشكوى لله رقم الي في قطر واغامر بالتسعين دولار ;)

وعلى الدرب اوصيهم على لارسن مثل الي عندك واكسر سوقك يا خلفهم :D
راعي عنيزة
25/02/2002, 12:13 PM
حصلت موقع امريكي يبيع اناتل باسعار اخو البلاش وش رايك يا خلفهم اجزم عليهم ولا بعد ذولا عندهم تجاري :rolleyes:

http://www.universal-radio.com/catalog/hamantm.html

افكر في
Larsen NMO 150C
28 دولار

Comet SBB- 7NMO
65 دولار

ايه رأيك :confused:

والاول نفس الي عندك صح ؟؟

وهل فيه في الصفحه احسن من الانتلين ذولي
شقران
25/02/2002, 08:02 PM
مسيت بالخير..
ترا السعر اللي قدامك مهوب كامل السعر مع الضريبه والشحن ياخلفهم!:D

وبعدين اللي عندي (واحد يحب الدعايه) سواه ماخوذ الحيل لارسن ولد رديال ومات هاهاهاها:D
على العموم يابعدهم محلات الفا للإتصالات في قطر خذ عندك رقمهم:
الهاتف/324447
الفاكس/ 324448
والصعب مهوب عندي رقمهم لكن ببحثه لك انشاء الله...
وتر النوع اللي عندي حامض على بوز الصعب يجيبه ههههههههههههه:p :D ;)
والله ان جابه لروح الحطهم ههههههههههههه:D
امنيتي انك تلقاه عندهم على العموم خذ هالرابط حق الشرتسه الأصليه:
http://www.larsenantennas.com/products/index.html

واذ لقيت ان الأسعار مثل ماقلت خذ ولاتشاور ترا مايجيبون بامريكا الا اصلي والا كان علوم تغفصهم لجنة الإتصالات الفدرالية وتقولهم ارهابيين ههههههههه:D
تحياتي وتمنياتي لك بالتوفيق/ شقران
راعي عنيزة
26/02/2002, 07:35 AM
مشكور كتير كتير حبيب البي اليوم انشالله اعطيهم واحد الووووو واسئلهم عن اللارسن وعناد فيك بشتري درزن وابسط فيهن بالمرسلات ب 15 ريال ومن شرا شرطت عليه يروح حول بيتكم ويلحط ارسالك ;)

بس اخاف اشتري شي ويطلع مهب الي عندك <<<< لعانه ما يبي الا نفس الي عندك لو هو شين :)

ومشتسور على الموقع الحلو يا حلو :)
شقران
26/02/2002, 07:52 PM
بالنسبة للأريل يابعدهم كلهم خذ عندك
VHF 5/8 WAVE -NOM PO 150 radial larsen كروم
وان كانه اللي يقصده هالي..... المصري لعب علي وبلع الباقي الله لا يحلله على العموم خذه ولا تشاور وان ماجاز لك انا اعطيك حقه بالكامل وبدون حيا انا صادقز وباخذه منك وفوقه بوسه على الراس ياخلفهم..
وبالنسبه للتلحيط الله يعين بحط لكم فيروثات الف واط !!!
ياحلو أنت
تامر أمر ماسويت شي كله قص ولزق..

تحياتي لك وتمنايتي لك بالتوفيق /شقران
راعي عنيزة
27/02/2002, 12:49 AM
مشكور يا بعدي وشكله نفس الي عنده والله يعين بكرا انشالله بطق له التحويل وعلى الله هرجه يطلع صدق ويصير اصلي مهب تجاري :S
شقران
27/02/2002, 06:03 PM
وفقك الله لكل خير وتحياتي/اخوك شقران
كشات
28/02/2002, 07:08 PM
شقران وراعي عنيزه

يا شباب ترى ضاعت طاستنا

وغدينا تقل تيل (( مصاقيل )) بصطل

ماغير ادربي راسي

وش الموضوع

انا وصلت الى ان راعي عنيزه بيرسل تحويل !!!

لكن لوين ؟

وبكم ؟

هذا اللي عجزت افهمه

ممكن تنوروننا مشكوريين
شقران
28/02/2002, 09:47 PM
مساكم الله بالخير جميع .. وياكشات .حياك الله يابعدهم ...
ياحبي لك هذا الموضوع مهوب خاص ولاعاش من يضيعكم لكن يمكن انه ماكان واضح بدرجه كافيه.
الحاصل يالغالي انا وراعي عنيزه متقاطين باريل بيشريه الحبيب وبيتصدق فيه علي ان ماجازله(يالله يطلع شين واخذه) ههههههههه:D واحد وده يلطش!

وسالني عن نوع اريلي للسياره وافضل الأرايل اللي موجوده عندي وبعد الفحوصات استقرينا ان واياه على انه ياخذ اريل غير موجود في الديره وهو النوع المذكور انفاً مهوب اللي في الصوره يالغالي اللارسن الأمريكي الأصلي الكروم ابو 650 ريال اللي لعبو علي فيه من ناحية السعر
طبعا اخونا وحبيبنا راعي عنيزه اتصل على المحل في قطر واخذ المواصفات منهم وجزم انه يشري وحولهم وبعد ماكان سعره 250 ريال قمز ابو الحبيب مع اجور الشحن لين الظاهر 550ريال وفرق عني بميه فادعوا له بالتوفيق ويسر له ربي مدخاله يالجماعه تراه موصن شركة لحوج يدخلونه مع لحوح من قطر ههههههههه هذي هي القصه كلها ياخلفهم والا ياراعي عنيزه هههههههه:p :D :p :D / شقران
راعي عنيزة
01/03/2002, 01:44 AM
وشدعوى ابو سليمان تهك على الرجال وتعطيه من الارانب الي عندك ;)

حبيبي القصه وما فيها اني حولت لحساب شقران كم الف يمشي فيها حاله لين يطلع الراتب :cool:
ابوخالد
02/03/2002, 12:43 AM
وش الانتل الى يعطك طول في الاشارة الارسال والاستقبال ابي زبدة الاكلام تخوك متوهق وكم بيوصل مداها يعني الى 70 او 90او 100كم




شاكرا لك ذلك ياشقران
شقران
02/03/2002, 11:10 AM
يابعدي يابوخالد مساك الله بالخير وابشر بسعدك لا عدمناك..

عشان ماطول عليك ولا غثك بكثر التفصيل عندك ثلاثة اناتل في السوق اذا حصلتها بشرط تكون اصليه بإذن الله رح تجد مايسرك من افعالها وهذا رأيي المتواضع قد يختلف معي الكثير فيه ولكنه رأيي وان بغيتو لاحد يلتزم به ياخوان .

نمره واحد..
اسمه كومت
موديله: SBB-7 SBB-7NMO

نمره ثنين..
اسمه لارسن وهذا موديله:
VHF 5/8 WAVE -NOM PO 150 radial larsen كروم

نمره ثلاثه..
كوش كرافت
CS147A NMO mount required 144-148
وهذا موقعهم
http://www.cushcraft.com/amateur/details.asp?catid=83

هذا من ناحية الأناتل
عندك اشياء اخرى يجب انك تأكد منها وهي:
قوة الطاقه بالأمبير التي ياخذها الجهاز وهل هي في حدود المطلوب.
قوة الطاقة الصادرة من الجهازبالواط وهل هي كامله بدون اي نقصان.
فحص الكونيكترات وان يكون سلك الأريل من النوع الممتاز وبقيمة 50 اوم.
والتركيب السليم لقاعدة الأريل في السياره بحيث تنعكس الإشاره للأريل بشكل واسع.
ومن ثم النقطه المهمه التي يجب انك تتأكد منها دائماً مهما كان اريلك او جهازك وهي انتقاء المكان المرتفع بشكل يبعد عن اي عوائق وبإذن المولى ستسر من اداء جهازك واريلك.

اسف على الإطاله مع أني حاولت اختصر بس ياخي ماينفع الإختصار في مثل هالأمور.

تحياتي لك وبالتوفيق/شقران
ابوخالد
03/03/2002, 12:59 AM
يعطيك العافيه والله يخليك ياشقران وجعل ولديك في جنات النعيم انا شاء الله
شقران
03/03/2002, 06:25 AM
يجزيك كل خير ويبارك فيك على دعاءك..

اخوك/شقران
فرد حمزة
18/10/2002, 02:13 AM
شقران ...
إلا والله اللي ضربت شوط فيوز مختي ... :D

أفطن لهن هالأريال هالمزيونات ;)

ما شاء الله بحر ... الله ينفعنا وينفعك بعلمك ويجعله في ميزان حسناتك
شقران
20/10/2002, 10:22 PM
بارك الله فيك ورفع من قدرك ........وابشر بعزك
ياخلفهم من باتسر انشاء الله بنقص السوق لك ياخلفهم.


تحياتي
ابو عايد
21/10/2002, 03:13 PM
مساك الله بالخير أخوي شقران و راعي عنيزة واخواني في مكشات
من ناحيت الموضوع لم أفهمه جداً ولا كن ابشر برقم محل الصعب

الرقم
4532707
4532708
فاكس
4532709

وتقبلوا تحياتي ــــــــــــــــــــــــت ابو عايد