يا اهل الباث عندي استفسار ؟؟؟

[سالم محمد]

بسم الله الرحمن الرحيم


السلام عليكم ورحمة الله وبركاته


السالفه ومافيها الله يطول باعماركم معي باث 2005 وفيه تانكي ماء داخلي .
وابغى امد (اللّي) تحت السيارة واحط له( بزبوز) في الاسفل .


السؤال / كيف اقدر اطلع (اللّي) تحت السياره يعني هل فيه فتحه معينة ولا غطاء ولا لازم اني اخرم البودي ولا كيف الطريقة ؟؟؟؟


اللي عنده صور توضح لنا الطريقه او اللي يعرف شي لا يبخل علينا وله منا خالص الدعوات .

[المحترف800]

ابنزل الموضوع قريب بإذن الله اصبر على شوي لاتخرم ولاشى ...

[سالم محمد]

ابنزل الموضوع قريب بإذن الله اصبر على شوي لاتخرم ولاشى ...


اخوي المحترف الله يعطيك العافيه على الرد والتفاعل
والله يجزاك خير
وننتظر موضوعك لاهنت

الشيء الثاني انا مركب يايات استراليه و ودي الموتر يرتفع زياده وقالوا ما فيه حل الا تركب كعكات
هل الكعكات تسبب ضرر للسيارة ولا اركبهن واتوكل على الله
يمكن تقول ليش ترفع زيادة ؟؟ بقولك لاني ناوي اركب جنوط باجيرو الهلل وبركب كفرات دنلوب مضلع حقت الربع بلد وجربت اركبهم قبل كذا فصار الكفرات الاماميه تحك في النسافه والصدام من داخل لكن شي بسيط جدا
فلا تبخل علينا برايك يالذيب .

[سالم محمد]

لازال جاري الانتظار . . . . .

[مواسي الطعوس]

الكعكات ماتؤثر اطلاقا لكن انتبه ترى الرفع زياده يؤثر على رساوة الموتر لازم تصير اكثر حذر من اول مع الملفات .... لكن اذا طلع فيه صوت حره لازم تنزله شوي
** لازم يصير في السياره فتحه صغيره موضوع فيها سده....لكن الراي تصبر حتى يعطيك اخونا تجربته اريح لك ويمكن اذا ماعجبك شي تقدر تعدل عليه وان شاء الله ماتحتاج تغيير

[نمر بن حثلين]

الاخ بسام له موضوع قديم عن التانكي ويوضح بالصور مكان فتحة اللي بالباثفايندر

http://www.mekshat.com/vb/showthread.php?t=23789

[ابوعقل]

لا تركب كعكات احتمال تنكسر لأنه مصنوعه من الألمنيوم

ولا تركب مساعد استرالي قدام لأنه قوي على رفرف الباث

يعني ((يشق البدي))

[المحترف800]

بإذن الله بكره بنزل الموضوع ياخوي محمد ... واعذرنا على التاخير ...
بالنسبه لرفع الموتر اذا كنت مركب ياي استرالي وتبي ترفع زياده عندك كعكات أو بلونات بس البلونات غاليه شوي .. بس ترا على حسب علمي ان رفع الموتر زياده يوثر على الموتر ...

[سالم محمد]

مواسي الطعوس (http://www.mekshat.com/vb/member.php?u=76592) ( الله يعطيك العافيه على التوضيح )

نمر بن حثلين (http://www.mekshat.com/vb/member.php?u=7373) (مشكور على المرور والاخ بسام ماقصر ولكن الموضوع اللي هو كاتبه يتكلم عن التانكي اكثر من عماية خروج اللي للاسفل وبصراحه مافهمت لانه مهوب واضح)

ابوعقل ( مشكور على المشاركة)

المحترف (الله لايهينك وماتقصر ان شاء الله)

[سالم محمد]

اخوي المحترف للاسف لست في الرياض انا من الشرقيه

[سالم محمد]

للرفع

:( :( :( :( :(

[الحنشولي]

أخوي اذا كنت بشرق الرياض فيه هندي جيد في ورشة

اليحيى

وصف الورشة خل مقبرة النسيم على يمينك وجهك شما ل إذا تعديت اشارة الزبير بن العوام

اذا جاك اول مديور ديور معه تلقى الورشه على يمينك فاتحة شرق

هذا رقم الهندي ميمي 0507190704

[Abo Nader]

أخوي..معي نفس سيارتك..رافعها من قدام بكعكات ألمنيوم 3.5سم..ومن ورا بيايات أستراليه+كعكات ربل خاصه أخذتها من الرمايه ترفع 2سم..والحمد لله لي سنتين..الكعكات لونها أصفر..وإذا مالقيت الكعكات بالشرقيه أجبيهن لك..لني الثلاثاء أبصير بالشرقيه بإذن الله..

[عرق جهام1]

اخوي جعل عمرك طويل نفس المشكله الي اعاني منها
معي باث موديل 2005 مركب كعكات في المقدمة مقاس 3 سم ومن الخلف ياي استرالي ومساعدات جبريال المشكله اني اذا عبيت التانكي 118 لتر وركبت العزب والشباب نزل شوي لهاذا مريت الفلبيني الي في ورشة الرماية وشرحت له المشكله قال عبي التانكي وركب العزب وتعالي نركب لك كعكات ربل 2 سم وتشوف الرفع اذا اعجبك ولا نفكها
لأن ياي الباث مقاسة واحد مو مثل التايوتا متعدد المقسات .
اتمنا اني اوصلت معلومة مفيدة واذا ارت مساعدة لكونك من المنطقة الشرقية اتشرف بذلك . وسلام عليكم ،،،،،،

[سالم محمد]

أخوي اذا كنت بشرق الرياض فيه هندي جيد في ورشة




اليحيى


وصف الورشة خل مقبرة النسيم على يمينك وجهك شما ل إذا تعديت اشارة الزبير بن العوام


اذا جاك اول مديور ديور معه تلقى الورشه على يمينك فاتحة شرق



هذا رقم الهندي ميمي 0507190704



اخوي تسلم على المشاركة ولكن انا من الشرقية



اخوي جعل عمرك طويل نفس المشكله الي اعاني منها
معي باث موديل 2005 مركب كعكات في المقدمة مقاس 3 سم ومن الخلف ياي استرالي ومساعدات جبريال المشكله اني اذا عبيت التانكي 118 لتر وركبت العزب والشباب نزل شوي لهاذا مريت الفلبيني الي في ورشة الرماية وشرحت له المشكله قال عبي التانكي وركب العزب وتعالي نركب لك كعكات ربل 2 سم وتشوف الرفع اذا اعجبك ولا نفكها
لأن ياي الباث مقاسة واحد مو مثل التايوتا متعدد المقسات .
اتمنا اني اوصلت معلومة مفيدة واذا ارت مساعدة لكونك من المنطقة الشرقية اتشرف بذلك . وسلام عليكم ،،،،،،

تسلم والله ياعرق جهام بس كعكات ربل هل هي نفس الكعكات الالمونيوم ؟؟؟؟



أخوي..معي نفس سيارتك..رافعها من قدام بكعكات ألمنيوم 3.5سم..ومن ورا بيايات أستراليه+كعكات ربل خاصه أخذتها من الرمايه ترفع 2سم..والحمد لله لي سنتين..الكعكات لونها أصفر..وإذا مالقيت الكعكات بالشرقيه أجبيهن لك..لني الثلاثاء أبصير بالشرقيه بإذن الله..


ابو نادر الله يعطيك العافيه على المشاركة

ولكن نفس السؤال اللي وجهته لاخونا عرق جهام بوجهه لك ؟؟
هل فيه فرق بين كعكات ربل وكعكات الالمونيوم ؟؟
وهل كعكات الربل هذي تركب على الياي الامامي وكم اعلى ارتفاع ؟؟؟
والله يطول لي بعمرك ماتقصر يالنشمي واذا عزّمت اني اركبها فانا لي ربع بالرياض ويقدرون يوصلوها لي ..
لاهنت على المشاركة والفزعه يالذيب

[Abo Nader]

كعكات الألمنيوم الخلفيه تطلع صوت طقطقه مع المطبات واحد من الشباب ركبها على باثفايندر وطلع طقطقه..لكن ميزتها تصممها على الإرتفاع الي تبي..الكعك الربل مايركب إلا ورا..ولا يبنصح بتركيب أكثر من ثلاث قطع لنها يمكن تزلق وينزل الموتر فيصير جنب مرتع والثاني نازل..الكعك الأمامي للباث يبيله شوي شغل لكن يجي مظبوط مافيه صوت..يفكون الياي ويجيبون الكعك يصير مخرم على شان تدخل قي مسامير قاعدة الياي..لكن لاتكثر لأن الموتر رايطلع ونه من الكرونه..بنسبه للمساعد مركب مساعدات فيكسار طبعا ماتركب إلا بترهيم راس..والله ممتازه جدا لكن قاسيه وصار الموتر يتحمل الحمل أكثر..بس ترا المطب براس..

الله ييسر أمورك..ولاتنسا تعرض صور موترك بالجنوط وهو مرفوع:)..

[سالم محمد]

كعكات الألمنيوم الخلفيه تطلع صوت طقطقه مع المطبات واحد من الشباب ركبها على باثفايندر وطلع طقطقه..لكن ميزتها تصممها على الإرتفاع الي تبي..الكعك الربل مايركب إلا ورا..ولا يبنصح بتركيب أكثر من ثلاث قطع لنها يمكن تزلق وينزل الموتر فيصير جنب مرتع والثاني نازل..الكعك الأمامي للباث يبيله شوي شغل لكن يجي مظبوط مافيه صوت..يفكون الياي ويجيبون الكعك يصير مخرم على شان تدخل قي مسامير قاعدة الياي..لكن لاتكثر لأن الموتر رايطلع ونه من الكرونه..بنسبه للمساعد مركب مساعدات فيكسار طبعا ماتركب إلا بترهيم راس..والله ممتازه جدا لكن قاسيه وصار الموتر يتحمل الحمل أكثر..بس ترا المطب براس..

الله ييسر أمورك..ولاتنسا تعرض صور موترك بالجنوط وهو مرفوع:)..

هلا والله يابونادر
انا اهم شي عندي ارفع الموتر من الامام علشان مايحك الكفر . بس ما ادري كم الكعكات اللي امام كم بتكون من سم ؟؟ 2سم او 3سم او اكثر ؟؟
بس بعضهم يقول الارتفاع راح يأثر على سيارتك ويسب مشاكل بالعمود ؟؟
وانت تقول يطلع صوت بالكرونه ؟؟

وبصراحه دام الشغله فيها تأثر على ميكانيكية السيارة اقول لنفسي stop لان شغل البربسه ما ابيه
نبي شيء على ساس وثابت واذا رحت للبر ماتخاف الا من الله .مهوب تروح وانت حاط يدك على قلبك .