اي واحد عنده سيارة تريل بليزر يدخل

[2580]

السلام عليكم

افكر اني اشتري سيارة شيفروليه تريل بليزرو اريد ان اعرف2005 ام 2006 او 2007 او 2008 افضل؟
ما هي الاسعار الحالية عند الوكالة او المعارض ؟

الى جميع من جرب السيارة هل لاحظت عليها عيب سواء من السيارة او من الوكالة ؟ و هل تتضرر اذا دخلت فيها بالبر اهم شي ؟؟
س- هل تتطعس بالبر ومريحة ؟؟
وقطع غيارها هل متوفرة ورخيصة؟؟
الدفع رباعي قوي ؟؟
وايهم الافضل بالسيارة القير العادي ام التوموتيك
صرفية البنزين؟

اعذروني على الاسئلة الكثيرة
اخواني انا في حاجة لنصائحكم
وشكرا

[علي101]

وعليكم السلام ورحمة الله وبركاته
يتضح لي من أسئلتك أنك لا تعرف شيئا عن السيارة
ولذلك أنصحك بأمرين :
الأول : أن تذهب للشركة وتسأل وتشتري موديل 2008 ومع الخيل يا شقراء
الثاني : أن تبحث عن سيارة تعرفها من شركة تعرفها كتويوتا
وأعذرني على التقصير

[Magellan]

أنا معي تريل بليزر 2006 .. بس آمرني
مواصفات سعوديه ، الموتر مريح بعد ماغيرت كفراته الدنلوب:d
وقبلي أبطنج فيها على سنع وركاده ولله الحمد موتر ماعليه ولايطلب قطع
بس اسعار القطع ماعندي خلفية بالحيل
أخبر البواجي طقمها بـ120 بس تتغير بعد فوق 120 الف أو ماشئت
والكويل الواحد بـ180 ريال بس مايستدعي تغييره مع البواجي إلين يخرب وإذا خرب تغير بس الكويل الواحد بلحاله..
والسعر مغري الدبل تحصله بين 82 الف إلى 84 الف ريال
وفيه سيدي ومثبت سرعه وقير توماتيك ومساحات خلفية ونظام التحكم تراكشن كنترول وستابيلتي تراك عشان ماتزحف السيارة...
واللهم لك الحمد وسبق إني أعطيت بعض الأخوان رأيي وبإمكانك تتصفح المنتدى عشان تشوف ردي

[Magellan]

اوووووووه تذكرت ..سبق إنك إستفسرت ورديت عليك..وأعذرني لأني ماعدت أفارق مكشات الله يحفظهم إخواني...

بس يبدولي إنك من النوع المتردد ولا ألومك فقلة في هذا المنتدى يمتلكونه أو أنهم من قليلي الدخول في المنتدى
عموما أنا أنصحك بتجربة الموتر وفيه منتديات أخرى ونادي السيارات الأمريكية ، تجد الكثير من المجربين له فبمكانك الإستفسار عنه

[أبو LAMeS]

وعليكم السلام ورحمة الله وبركاته
يتضح لي من أسئلتك أنك لا تعرف شيئا عن السيارة
ولذلك أنصحك بأمرين :
الأول : أن تذهب للشركة وتسأل وتشتري موديل 2008 ومع الخيل يا شقراء
الثاني : أن تبحث عن سيارة تعرفها من شركة تعرفها كتويوتا
وأعذرني على التقصير

البليزر من شركة معروفة هي شركة جنرال موترز اللي صنعت الجمس واليوكن والكابرس

وأتوقع اللي يبي يفيدك عن البليزر هم أهل الكويت لأنهم يقدرون هاذي السيارة

الله يكتب لك الصالح

[المقيم ج م]

انا معي تريل بليزر 2005 دبل
رجاءا انصحك انك ما تشتريه اذا كنت راعي بر لانه طامن جدا والكفرات متباعده وبسرعه يتعلق اذا غرز
ولذلك اذا كان داخل المدينه احسن

[سيف الظفير]

نصيحة ابتعد عنه من واااااااااااااقع تجربة 8 اياااااااااام بالبر والخطووووووووووط الطووووووويلة

[2580]

اشكركم اخواني على ارائكم القيمة ماعني متردد بالسيارة بس في تمدح وناس تسبها والحس راسي شكلي بشيلها من راسي

[ساقان]

اسأل عن قطع الغيار يبدو ان اسعاره خرافيه

[Magellan]

اشكركم اخواني على ارائكم القيمة ماعني متردد بالسيارة بس في تمدح وناس تسبها والحس راسي شكلي بشيلها من راسي


أخوي مافي في الدنيا رأسين يتفقون على رأي واحد ...لازم فيه إختلافات ،،
البعض قد يكون له تجربة سيئة مع السيارة والبعض ناجحة ،،
والسؤال : هل السيارة عملية؟
طيب نجي حبه حبه اللي مدحوها ليش مدحوها واللي سبوها ليش سبوها؟
أنا أقول لك: أنا إنسان قنوع والسيارة سعرها مناسب ولادفعت فيها فلوس واجد فما راح أقارنها بسيارات أعلى منها فئة ، يعني لاراح أقارنها لا بلاندكروزر ولا بباترول ولا رنج روفر ولا ...الخ
طيب بعضهم يقول طامنه أنا عندي حل وأنا أعرف إنها طامنه وهي الكعكات اللي تشيل السيارة بالإضافة لليايات ممكن تكون حل رخيص..
والبعض يسبها لأنها ماعجبها مكينتها .. تدري ليه 6 سلندر 4200 ، يمكن على موتر يفجره ويعطيه إلى ماشاء الله ، والسيارة ثقيلة ..
أقول خلاصة الكلام لاتتحير ولا تدوخ نفسك اللي براسك سوه وعليك بالإستخارة والتجربة ...المعارض مليانه مواتر من كل شكل ولون وطراز وصناعه ، ولايردك إلا مافي جيبك من فلوس بقدر ماتدفع بقدر ماتجيب موتر صح ..

[escape_man]

س- هل تتطعس بالبر ومريحة ؟؟

مريحة جداً والامريكي معروف اصلاً براحته مقارنة بالياباني

وقطع غيارها هل متوفرة ورخيصة؟؟

متوفرة عند الوكيل وعند باقادر والسبيعي والتوفيق وبالبيد.. وعلى العموم الـ 8 سلندر دمااار بالحرارة وكثرة المشاكل الي تنتج بالاصل من الاحتباس الحراري داخل كبوت السيارة.. مكينة وشكبرها والمكان ضيق وكل شيء يندمر بسبة الشغله.. ايضاً صيانته متعبة حتى لو تبي تغير بواجي لازم توديه ورشة ولا تقطع يديك وينقص ظهرك واسئل مجرب آثار الجروح والحروق على يدية للآن.

الدفع رباعي قوي ؟؟

قوي .. لكن الموتر طامن ويتعلق بادنى شيء واذا دخلت البر تسمع انواع القربعة بالاثاث الداخلي.. ينفع لكشتات عائلية خفافية وماينفع ابداً ابداً لراعي البر الي يطلع بعيد شوي.

وايهم الافضل بالسيارة القير العادي ام التوموتيك

مافيه الا تماتيك لموديلات الحديثة

صرفية البنزين؟

عادية جداً ونصيحة اخوية اخيرة... لا تشتري استعمال امريكي ترى بعض من قطعه غير موجودة حتى عند الجميح.

[Magellan]

ماشاء الله عليك أخوي بن غييثات ..
8 سلندر مو طيب ال6 سلندر إقتصادي وبنزين 91..
والسعودي أفضل من الإستعمال الأمريكي لأن الإستخدام السعودي مايجي فيه حساسات واجد
وبالنسبة للقطع أشوف التقوى يجيب القطع أصليه بنص السعر مثل النهدي مع تويوتا ...
على العموم أنا ماجربت القطع بالحيل وكل اللي غيرته بطارية وطقم كفرات وفلاتر هواء وزيت وسيفون...
لكن حتى الخيارات الأخرى من السيارات غاليه فيها القطع..
وإن كانك متحير فخذ فورتشنر من تيوتا بـ102 قير عايدي او 109 فل جلد قير توماتيك

[االجباب]

انا عندي 2007 وكالة بالطريق ماشاء الله خذ سيارة مريحة جدا ومن ناحية التجاوز على الطرق السريعة جدا رائعة عزم قوي جدا سعرها معقول ومواصفاتها رائعة جدا وخاصة lt

[بدوي جنوبي]

وعشان تكون في الصورة اكثر

شيل من راسك قطع الغيار انها غاليه انت يهمك قطع الغيار الاستهلاكيه
-بواجي
-فلاتر
-فحمات
-اقمشه
-هوبات
هذه اهم القطع اللي تستهلك خلال عام او اقل (حسب استخدامك )
ذكرت هالكلام لان 90% من قطع السيارات غاليه ،،،لاغلب السيارات

حلو الكلام حلو

طيب نجي لكلام اخونا ماجلان الله يعطيه العافيه ما قصر سرد
لك مواصفات ال6 سلندر وهو في نظري افضل من ال8 لعدة اسباب:
-صيانته اخف واسهل
-تكلفه اقل
-اقتصادي في الوقود والزيت
-اقل حرارة

الاخ الغالي بن غييثات وضح مشاكل ال8 سلندر
-من حراره
-حجم المحرك
-حيز ضيق لعمل الصيانه البسيطه
-استهلاك زيت اكثر ووقود ،،،،

وذكر انه ينفع لكشتات بسيطه فقط،،

السيارة ال6 سلندر جربتها قويه وتسارع ممتاز خفه في الخط
مع مواصفات كامله سبق ذكرها الاخ ماجلان
نظام الدي في دي رائع ،،، ويوجد بها تسخين للمراتب
الشنطه الخلفيه فيها حيز كبير ،،،
السيارة منتشره بكثره ،،
نصيحتي لك اذا نويت تشتري استخدام امريكي لابد ان يكون الفحص دقيق جدا وعند ورشة معروفه ابتعد عن الورش المتواجده حول المعارض
حبذا لو تاخذ ضمان من علي المحرك والقير والدفرنس لمدة 6 شهور كافيه

مع تمنياتي لك بالتوفيق :good: