تخبل عصى عفربت يوكن + مفتاح عجل بـ 750 ريال

[ابو باسل]

شريت يوكن 2001 دورت عصى العفريتة ولم اجده وذهبت الى التشليح ولم اجده :no2: وبحثت عن تجاري ولم اجده وأخيراً ذهبت إلى الجميح وكانت الصدمة حيث قال سعره بحدود 750 ريال أربع قطع فقط:eek: وخرجت زعلان قالي موظف قطع الغيار اذا تبي معها العفريته نطلبها من امريكا تطلع عليك بحدود 1100ريال:mad: :mad: :mad:

وصلحت عصى عفرية ازين من الأمريكان وكلفت علي 50 ريال فقط + جرح بالاصبع بسبب الصاروخ ;)
وسوف -ان شاء الله -انزل الصور عن قريب

[برق النماص]

في انتظار عصى العفريتة
وفرت على نفسك 700 ريال شي طيب
سلامه اصابعك تحياتي

[ابوعقل]

ننتظر الصور

<<<<<<<<< تعجبني الأختراعات

[winchester]

وااااو 1100 عصى مع عفريته آجل المكينه بكم

بأنتظااار العفريته اللي سويـت

وصورة أصبعك مع طريقة التعامل مع الجرح خخخخخخخ

دمـت بود

[Magellan]

سلامات إن شاء الله وماتشوف شر...
لكن أخوي مارحت تشوفها في بالبيد بالصناعيه القديمة أو محل السيف إن كانك في الرياض...
وبالنسبة للعفريتة والعصا أتوقع إنها موجودة بالغرابي
وبإنتظار الصور يالغالي

[بيبسي]

هذا الكلام الله يعطيك العافيه ... وسلامة اصبعك

[أبو مسفر]

بيض الله وجهك
وش هالتقنية اللي بعصاء العفريتة حتى تجي بـ 750 ريال <<<<<<< يالجميح ؟؟؟؟؟
كلها حديدة وتواسيها عند الحداد وان كثرت ومع غلاء الحديد هاذي الايام ما تاصل 50 ريال
والحمد لله ان شبابنا يفكر ويبتكر

مشكلة بعض الناس مخدوعين بكلمة وخدعة كبيرة اسمها << وكالة >>

[شامخ ألهيلا]

ابو باااااااااسل وين صورة العصاء

ربي يعطيك العافيه والله على انك تركتهم ورحت سويت لنفسك عصى

انا كنت ناوي اركب ونش مع القاعده والمصدات للكفر الاحتياطي لللاند الاسبير السفلي
رحت الشليح قالوا 1200 ريال والوكاله يقولون 980 وطلبيه
المهم اخوك فكر مثلك ورحت شرين السلسله مع بكرتها لحالهم فقط بي 140 ريال ورحت لحداد في الصناعيه ورهمها لي احسن من الوكاله وشغل يده وكل شي عليه بي 250 ريال
طلع المجموع 390 ريال بدل 900 ريال وطلبيه وغير شغل اليد

[أبو LAMeS]

سلامات وإن شاء الله أخر الجروح

هي جت على الجميح السوق مليان عفريتات وعفاريت ؟؟؟!! أقرب محل زينة سيارات تلقى عندهم أنواع وأشكال من العفريتات

بأنتظار الصور... وأهم شيء صورة الاصبع المقطوع

[فني الشروكيات]

الله يرجهم حقين الوكالات 750، جعلنا ما غيرنا كفرات أبد :d :d


تقدر تاخذ لك عفريته كاملة جديدة وب70 ريال فقط، ولا أروع ..

[الضاري]

بيض الله وجهك
وش هالتقنية اللي بعصاء العفريتة حتى تجي بـ 750 ريال <<<<<<< يالجميح ؟؟؟؟؟
كلها حديدة وتواسيها عند الحداد وان كثرت ومع غلاء الحديد هاذي الايام ما تاصل 50 ريال
والحمد لله ان شبابنا يفكر ويبتكر

مشكلة بعض الناس مخدوعين بكلمة وخدعة كبيرة اسمها << وكالة >>

والله صادق أخوي :good:

وأزين ما سويت أخوي والحمدلله على السلامه

[سطام vip]

حسبنا الله ونعم الوكيل

وفي انتظار الصور

والف سلامه لك ما تشوف شر

وكل طقه بتعليمه

[ابرق العزاف]

ماحك جلدك مثل ظفرك فتول انت جميع امرك

[ابولولو]

سلامات والله صارلي مثلك شريت يوكن امريكي مافيه عصا وسئلت بمحلات الزينه+التشليح قلت ماليه الا الوكاله يوم الطامه الكبره السعر الغالي وانتظر نطلبه من امريكا دبرت حالي مع قريبي عنده جمس مع السواق ونفس العفريته يومها فكرت بتوليفه عند الحداد لكن بعت الموتر

[humod]

أنا ما فهمت منك
هل تريد عفريته نفس عفريتة اليوكن عشان تركب في موقعها ومكانها الصحيح في السيارة قصدك
ولا أنواع العفاريت واجد وهناك ما هو أفضل مما هو في السيارة وخاصة إلي تشتغل على الكهرب
وحطها تحت الكرسي الأوسط

[ابو باسل]

اشكر الجميع على التفاعل
واليكم صور عصى العفريته المحترمة
أهم شي بالعصاء هو تنزيل الأستبنة اما العفريته بدالة عفريته ثانية كما تفضل بعض الأخوان
http://www.awlup.com/up3/get-6-2008-q1apt4fr.jpg (http://www.awlup.com/)

http://www.awlup.com/up3/get-6-2008-nf7ainly.jpg (http://www.awlup.com/)

http://www.awlup.com/up3/get-6-2008-nm5di10f.jpg (http://www.awlup.com/)

[باثفايندر03]

نعوذ بالله من الغلا

[ابو باسل]

نعوذ بالله من الغلا

اشكر مرورك
شين وقوي عين الأمريكي

[ملاحق السيول]

السلام عليكم سلامت يدك الله يعافيك

[ابو باسل]

السلام عليكم سلامت يدك الله يعافيك

اشكر تفضلك بالمرور
الله يسلمك

[بن داود]

كود انها مصنوعه من ذهب وراسها الماس

[خيال الغلبا]

تعجبني .. واسأل الله ان يعاقب هؤلاء الجشعين المجرمين

[مكثور الخير]

عزيزى /
مر على حراج ابن قاسم وجمع لك
( عفريته ام تمساح ومفك عجل وشنطه عده تنزانى )
كل هذا ب 110 ريال ولو تكاسره اخذته بتسعين

[ابو باسل]

كود انها مصنوعه من ذهب وراسها الماس

والله العظيم انه قهر لاحسيب ولارقيب اخذين راحتهم

[ابو باسل]

تعجبني .. واسأل الله ان يعاقب هؤلاء الجشعين المجرمين

هلا فيك اخوي

والله انهم امنيين العقاب لان المسئولين نايمين بالعسل
تخيل عصى العفريتة مفرغة مايجي وزنه نصف كيلوجرام بـ750 ريال

[ابو باسل]

عزيزى /



مر على حراج ابن قاسم وجمع لك
( عفريته ام تمساح ومفك عجل وشنطه عده تنزانى )


كل هذا ب 110 ريال ولو تكاسره اخذته بتسعين


الله يكثر خيرك وكل المسلمين
بس المشكلة في الأستبنة لو أنه عفريته كان سهلة
والمشكلة ليس في الحل الحلول كثيرة الله لايخلينا منك والا من الأعضاء في المنتدى المبارك
بس الأستغلال الغير مبرر من قبل الوكالات - ثلاث قطع مواصير خفيفة من الحديد بفقط لاغير بـ 750 ريال ياليت اعرف وينه فيه المبلغ هل هو في قيمة الحديد الخام او في القطع الالكترونية التي في داخل الماصورة هههههههههههههههههههههه

[Magellan]

التقوى يورد القطع الاصلية Gm بنص السعر تقريبا
والعمري يجيب لك قطع أمريكية تجارية
والوكالة غاليين خصوصا الجميح ،،أسعاره نار
لكن أتوقع لو بحثت في الغرابي تبي تحصلها ..
والقطعه ماهي مستاهلة 100 ريال أصلي

[speed 557]

الله يعطيك العافية