تكفون ابي شوركم لاعدمناكم

[برق النماص]

السلام عليكم ورحمة الله وبركاته
باختصار نويت اشرى سياره
موصفات السيارة
1- تكون عائليه واسعة
2- دبل
3- تتحمل الطعوس والمناطق الجبلية
4- الصيانه بعد البيع مهمه بالنسبة لي
5- السعر المناسب
انا محتار بين اليوكن 2008
وبين الاند كروز2008
مع اني اميل الى اليوكن بنسبة 80%

تكفون ابي شوركم لاعدمناكم

[AMAZ]

مع انه معاي لاند كروز لكنه من النوع القديم . لكني اشوف اليوكن افضل لك من حيث السعر وبرضه اغلب الميزات الموجودة في الاند كروزر موجود فيه . وانت تبيه عائلي وتطلع فيه بر تصدق انه الطريق الي يمشية الاند يمشية اليوكن الدبل . يمكن يوجد فرق بسيط . مايستاهل فرق السعر المبالغ فيه .

[برق النماص]

Amazاشكرك ورئيك محل اهتمامي

[بدوي جنوبي]

توكل علي الله وخذ يوكن سيارة اثبتت نفسها علي مدى زمن طويل

اهم شي يكون دبل

ولا تنسي الاستخارة

الله يوفقك

[بيبسي]

انا اشوف اللاند الجديد حلو وفخم وقطعه متوفره ... لكن اليوكون أوسع من داخل وارخص بالسعر

[عم سعيد]

اخوي الغالي انا من عشاق الامريكي
وانصك بالند كروزر صراراحه سيارة
الامريكي دلحين صار مرم

[ابوعقل]

كل السيارتين ممتازات

بس انت وين ساكن ((يعني قطع الغيار عندك متوفره لسيارتين))

((انا اميل للجيب ))بس الراحه بالسفر اكيد اليوكن

يعني توكل على الله وخذ يوكن

[سلطان ال حسيان]

اخي عليك بالاستخارة اولا
ثانيا رايي الخاص عليك بالاند كروزر 000000قلي ليش
السبب يصبر سنوات ورا سنوات ولايطلبك ورشة ولااصلاح الى ان يشاء الله
يحافظ على سعرة اذا بغيت تبيع
اليوكن زينتة دامة جديد فقط وبعد دفترة يدوخك واذا بعت يطيح ثمنة
الله يوفقك بالي فية الصالح

[شامخ ألهيلا]

اخوي اذا تبي سياره وترتاح من الصيانه والوورش وتعيش معك سنين وانت مبسوط وسعرها ماسك نفسه ومركب وثقه والكل يعرف صيانتها

عليك بالاند كروزر

والفرق في المبلغ كبير بين الاند واليوكن
اما اذا العايله كبيره خذ اليوكن xl

[عاشق السيل]

وعليكم السلام ورحمة الله وبركاته ،،

اليوكن : أريح وأوسع وأرخص وأفضل بالخطوط وأرخص قطع غيار وأخف نفس وأقوى عزم ،،

اللاند : أصبر وأرغب عند البيع ويتحمل الجلد بالرحلات بكل أنواع التضاريس ،،

نصيحتي لك : إذا كان ماعندك نية بيع خذ يوكن دبل بس ارفق عليه ويبي يعيش معك تمام لأنه أوسع لك وأريح وأرخص وأضمن لك لأنه مجرب أما اللاند لازال جديد وغير معروف إلا بالاسم !!

وألف مبروك مقدما وعسى الله يوفقك للي فيه الخير ....

[برق النماص]

شكرأ للجميع واتخذت قرارى وبالله التوفيق

يكون 2008 بس انتظر شهر رمضان يقولوفيه عروض ولو ان الدعوه اقصاد في اقصاد لكن نسئل الله العون
اكرر شكري للجميع

[مواسي الطعوس]

شكرأ للجميع واتخذت قرارى وبالله التوفيق

يكون 2008 بس انتظر شهر رمضان يقولوفيه عروض ولو ان الدعوه اقصاد في اقصاد لكن نسئل الله العون
اكرر شكري للجميع


** اختيار موفق .

**لو اللاند نشاطه مثل اليوكن..... ولو راحته مثل اليوكن.......لو اقتصاده بالوقود مثل اليوكن ( كان اقول لك مادام اقساط لاتقرب اللاند.....لو قالو قطع غياره ارخص)....الفرق بينهم (45000) الف لو اللاند ماياكل قطع غيار ولو اكل اجور التكلفه بلاش......متى اليوكن ياكل نصف الفرق بينه وبين اللاند...او يخرب كل شهر مااكل خمس واربعين الف

[مقلع الرمث]

اختار ياخوي لاند كانك على قولك تتحمل الطوعس والمناطق الجبليه خذه ولا تشاور وكانك قليل طلعاتك يعني من الشهر لشهر لشهرين خذلك يوكن وكبر الوساده

[مخطط 2008]

والله الموتر على حسب رجلك وعنايك بالموتر اذكانك من الناس الي يخلي المتر مثل رجلة الي يمشي علية لاتعدى اليوكن واما اذكنت من الي مهمل وهذا يركبة وهذا يسوقة فانصحك بالياباني