إستفسار يا شباب عن توانك الماء

[احلى شين]

لدي باترول - وأرغب في تركيب تانكي ماء في داخل السيارة والبعض من الزملاء يقترح تركيبة في الخارج لدواعي النضافة وعدم الازعاج.
اما انا لاأدري ماهو الافضل بالنسبه لتركيبه. وماهو الافضل من ناحية الافضل جودة بين الاستيل أو الالمنيوم. وماهو افضل موقع للتفصيل التوانك داخل مدينة الرياض.
شاكر لكم تعاونكم معي,,,,, ودمتم جميعا ً:):) :) :)

[(مواصل)]

الباترول مافيه مكان واسع للتانكي تحت وتركيبه داخل السياره احسن لان الالمنيوم مايبتحمل تحت السياره مو مثل الحديد لو جته ضربه خفيفه ينشق على طول
لكن يركبونه داخل السياره ويلبسونه عازل وتنجيده
وافضلية تركيبيه حسب احتياجك للسياره
الافضل الالمنيوم لان الاستيل ثقيل
راجع الرسائل الخاصه لاهنت

[عاشق السيل]

نفس كلام الإيدعشري الله يعافيه ،،

بالخارج معرض للصدمات أكثر وللحرارة بالصيف والبرودة بالشتاء وللأوساخ ومايشيل أكثر من 35 لتر إلا إذا بغيته يكون بارز تحت السيارة ،،، أما الداخلي صحيح إنه يضيق بالشنطة شوي وأحيانا تسمع له صوت لكنه أفضل وأكبر وأسهل للتعبئة وأسهل للاستخدام وممكن تشيله بأي وقت ويكون دافي بالبرد وبارد بالصيف نسبيا ،،

وأنا ماأشوف فرق بين الألومنيوم والاستيل بالجودة لكني أفضل الألومنيوم لأني مجربه من خمس سنين ولأنه أخف وزن وأرخص سعر ،،،

وإذا بغيت تفصل ألومنيوم عندك ورشة اليحيى بحي السلام فيه هندي فاهم وقديم بالشغلة ويفصل التانكي على مزاجك ،،،

هذا اللي عندي وتقبل مروري يالغالي ......

[احلى شين]

السلام العليكم ورحمة الله وبركاته..
يعطيكم العافيه يا _الايدعشري&عاشق السيل.
المحل الي تقول عليه بحي السلام ياعاشق السيل تقدر تكرم وتوصفه لي لأني نوي امره. بس مدري هو احسن من المواهب, الي في الصناعيه القديمة.
شاكر لكم اهتمامكم.,,,,,:good: :good: :good: :good:

[حرب]

مساك الله بالخير
نصيحه اخويه انك اتركب التاني خلف المراتب ويكون متساوي معهن علشان اذا بغيت تنام تسدح المراتب وتفرش افراشك واللالمنيوم افضل واذا بغيت فيه واحد من الربع بالقصيم يفصل 550 ال90لتر تقريباً وحنا بالخدمه

[مواسي الطعوس]

(حرب)و(عاشق السيل) ماتركو لنا شي لكن اؤكد على راي حرب التانكي خله مفروش بالشنطه وارتفاعه تقريبا 15 سم علشان اذا سدحت المراتب تكون متساويه مع التانكي تقدر تنام مرتاح
والتانكي في الداخل يكون مناسب للشتاء مايبرد مره وكذلك بالصيف مايحتمي
** لانتسى حط في التانكي مخرجين فقط واحد للتنسيم والثاني : للتعبئه والتفريغ سوى علشان ماتنساه والايطبع السياره ( بس لاتنسى تحط معك (لصتك) لو حصلت لي او ماسوره ماتركب على اللي اللي معك تقدر تربطه وتعبي التانكي

[حرب]

ممكن اخوي قصده من ناحية ماصورة اتعبئه واتفريغ مثل ذالي بالصوره ..وتقبلوا تحياتي،،،




http://up5.m5zn.com/photos/00020/ebsf94l0tyxv_th.jpg (http://up5.m5zn.com/photos/00020/ebsf94l0tyxv.jpg)

[ابولولو]

اخوي احلي عندي لك تانكي علي وصف الشباب داخل السياره 85لترتقريبي المنيوم له مخرجين علي جب وثالث فوق ومبلس فرش من اشهرالورش سوافي له عندي 3شهور وعلي الشرط اهم شي السماكه حد650عند ورشه سوافي 800من غيرالفرش علي الصوره قريبا

[لعّاب المنايا]

ليتك تروح للقصيم أخوي ببريده عند عروق الشمال وإختر اللي تبيه ,,

انا بصراحه مركب استيل 100 لتر داخل الموتر ولا أحلى وياليت تقول مكشات لا مقناص يعني طرد وسرعه ومقامز والحمدلله ماوجهت منه اي شي ,,,

[عاشق السيل]

السلام العليكم ورحمة الله وبركاته..
يعطيكم العافيه يا _الايدعشري&عاشق السيل.
المحل الي تقول عليه بحي السلام ياعاشق السيل تقدر تكرم وتوصفه لي لأني نوي امره. بس مدري هو احسن من المواهب, الي في الصناعيه القديمة.
شاكر لكم اهتمامكم.,,,,,:good: :good: :good: :good:

وعليكم السلام ورحمة الله وبركاته ،،

المواهب يفصل استيل وسعره غالي مرة ،، أما ورشة اليحيى يفصلون ألومنيوم بس وأسعارهم معقولة وهذا الوصف :

اطلع مع مخرج 15 الدائري الشرقي باتجاه الشرق أول إشارة سيدا وثاني إشارة برضو سيدا وثالث إشارة لف يسار يصير وجهك شمال ومقبرة النسيم على يمينك ،، أول إشارة تجيك رح سيدا وبعدها يجيك مديور ( يوتيرن ) على يسارك ارجع معاه ويصير وجهك جنوب وبعد ميتين متر تقريبا تجيك الورشة على يمينك بعد المسجد مباشرة ،،،،

والله يوفقك والجميع لكل خير ....

[احلى شين]

السلام عليكم ورحمة الله وبركاته..
يعطيكم العافيه يا الربع وماقصرتو على إهتمامكم في الموضوع وشكرا ياعاشق على الوصف ماقصرت,