ياصاحب الفتك التماتيك لاتنسى هذه النمره في النفود

[مواسي الطعوس]

مع مرور الوقت ومع مشاهدتي ناس في النفود(الرمال) تعجز تطلع ومعها هذه السياره مع ان المكان سهل نوعا ما ومع سوالي بعضهم عن النمره التي يقود فيها حصلت اجابتهم (اضعه على الدي) وكثير منهم يكون بالدبل الخفيف قلت ليش ماننبهم على الافضل ومن اخبرته في وقتها يشكر ويكرر الشكر فقلت ننقلها للمنتدى (الكثير يعرفها لكن نذكرها للي مايعرفها) :
هي انك تحول الموتر للدبل الثقيل وتحوله للوضع اليدوي والنمره(2) بحيث مايغير عن 2 (بعضهم قال مايضره الموتر قلت ابد الوتر اذا وصل حده في دوره الماكينه يفصل ماعليك (يحسبه مثل 450 الجمس الاول ذيب نجد يفقع ماكينته ) وهذه النمره لاتهم انها للطلعات الطويله لكنها مناسبه لاكثر الدروب الصعبه

مع شكري للجميع

[باترول للأبد]

بيض الله وجهك أخوي الغالي مواسي الطعس وأن شاء الله أن الكثير راح يستفيدون منك

وأنا بالنسبه لي دايم أسويها واحط الدبل عالثقيل وأحوله عادي واحطه على النمره الثانيه والحمدلله ماشي الوضع معاي

[طحنون]

نفس الطريقه استخدمها
لاكن ياشباب عندي مشكله البارح رجعت من الحسا
وموتري صاير ثقيل مره ماادري وش السالفه
يالله يوصل الـت160 مع ان تبديل القير مضبوط ولا فيه بوادر والماكينه صافيه ولا تقطيع ولا شي كل شي تمام لاكن العزم مافيه مع ام مسوي صيانه قبل شهر تقريبا
وتشييك زيت القيربالوكاله وفلتر البنزين مغير وفلتر الهواء مغير والبواجي مغيره قبل سنه تقريبا لانها ماتتغير ألاكل 100 الف ومتري ماشي 180 الف الى الان
هل المشكله يمكن يبغاله برمجه
طبعا مافيه ملاحظات تذكر او اني استغربت من شي
موديله 2005 الموتر كان يصفق طبلونه وقومته روعه مافيه لاند ألا وطالع عليه لا قومه ولا خط ماادري موتري صار شايب
حتى حرارته طبيعيه
عطونا الحل او عطونا ورشه صح تتعامل مع الفتك اهم شي الفحص يعني شخص يعرف يطلعلك المشكله ولا نبغى احتمالات علشان مانخسر قطعه وشغل يد على الفاضي
موتري اعمله صيانه بااستمرار ولا اهمله

[مواسي الطعوس]

[quote=طحنون;1676967]نفس الطريقه استخدمها
لاكن ياشباب عندي مشكله البارح رجعت من الحسا
وموتري صاير ثقيل مره ماادري وش السالفه
يالله يوصل الـت160 مع ان تبديل القير مضبوط ولا فيه بوادر والماكينه صافيه ولا تقطيع ولا شي كل شي تمام لاكن العزم مافيه مع ام مسوي صيانه قبل شهر تقريبا
وتشييك زيت القيربالوكاله وفلتر البنزين مغير وفلتر الهواء مغير والبواجي مغيره قبل سنه تقريبا لانها ماتتغير ألاكل 100 الف ومتري ماشي 180 الف الى الان
هل المشكله يمكن يبغاله برمجه
طبعا مافيه ملاحظات تذكر او اني استغربت من شي
موديله 2005 الموتر كان يصفق طبلونه وقومته روعه مافيه لاند ألا وطالع عليه لا قومه ولا خط ماادري موتري صار شايب
حتى حرارته طبيعيه
عطونا الحل او عطونا ورشه صح تتعامل مع الفتك اهم شي الفحص يعني شخص يعرف يطلعلك المشكله ولا نبغى احتمالات علشان مانخسر قطعه وشغل يد على الفاضي


** انشاء الله تحصل من يعطيك الاجابه على استفسارك ..... لكن لو انت مغير الفلتر مع الاجواء هذه المفروض كل 300 كيلو تنفخ الفلتر وجرب انت مر على بنشر ونفخه انت

شاكر لك مرورك

[أبوعمران]

نفس الطريقه استخدمها
لاكن ياشباب عندي مشكله البارح رجعت من الحسا
وموتري صاير ثقيل مره ماادري وش السالفه
يالله يوصل الـت160 مع ان تبديل القير مضبوط ولا فيه بوادر والماكينه صافيه ولا تقطيع ولا شي كل شي تمام لاكن العزم مافيه مع ام مسوي صيانه قبل شهر تقريبا
وتشييك زيت القيربالوكاله وفلتر البنزين مغير وفلتر الهواء مغير والبواجي مغيره قبل سنه تقريبا لانها ماتتغير ألاكل 100 الف ومتري ماشي 180 الف الى الان
هل المشكله يمكن يبغاله برمجه
طبعا مافيه ملاحظات تذكر او اني استغربت من شي
موديله 2005 الموتر كان يصفق طبلونه وقومته روعه مافيه لاند ألا وطالع عليه لا قومه ولا خط ماادري موتري صار شايب
حتى حرارته طبيعيه
عطونا الحل او عطونا ورشه صح تتعامل مع الفتك اهم شي الفحص يعني شخص يعرف يطلعلك المشكله ولا نبغى احتمالات علشان مانخسر قطعه وشغل يد على الفاضي
موتري اعمله صيانه بااستمرار ولا اهمله


اتوقع الدبل معلق عندك .. :) انتبه لاتزر عليه

[سنجااار]

يمكن من دبة الكنداسه ترا لها دور تكتم المكينه

[سيف الظفير]

طيب يا الذيب اذا سويت نفس الطريقة اللي قلت عنهااااااااا


وش فايدة الدبل الخفيف !!!!!!!

[مواسي الطعوس]

طيب يا الذيب اذا سويت نفس الطريقة اللي قلت عنهااااااااا


وش فايدة الدبل الخفيف !!!!!!!

ياحبيبي الدبل الخفيف له استخدام والثقيل له استخدام
*بعض الاماكن مالها عزم (يعني لازم تطلعها من قريب) هنا تستخدم الثقيل
*فيم اماكن النفود رفيع لكنه مهب واقف(مهب هيال) فاالموتر ينهان لازم تستخدم الثقيل .... انت تدري الربع التويوتا اكثر تطعيسهم بالثقيل وينهان بالرابع والثقيل وهو اقصى سرعه له 45 والسفاري يمشي ب(2) والثقيل 55 ولا ينهان لكن ينهان(يعني يضعف عزمه) بالخفيف نمرة(1) لانه يجيب 60 بواحد

****** اكثر شي يخرب القير والكلتشات هواستخدام الدبل الخفيف والموتر مغرز او في الاماكن الوعره
وبعض الناس يحسبه احسن يخرب الموتر وهو مايدري

[سيف الظفير]

مشكور على الرد


وبخصوص الثقل انا اعرف انه يجب استخداااااااااامة في الغرز والسحب ومشكور على المعلومات يا الاجوووووودي

[مواسي الطعوس]

قبل مايرد احد آسف اقصى سرعه بالرابع 60 سرعه 45 بالثالث والثقيل ولاينهان فيها لانه مايسرع

[افزعواله]

اخوي مواسي الطعوس شكرا جزيلا........ولايهمك مابين الخيرين حساب
تقبل مروري مع شكري...........

[افزعواله]

اخوي مواسي الطعوس ادعس ولاعليك ماراح نختلف على سرعه.........الاصحيح ليه مشاركتي تختفي بسرعه.تقبل مروري

[برق برقان]

’’أخي العزيز دائماً ينصح أهل الخبرة في البر عدم وضع الدبل الثقيل إلا إذا غرزت’’
...لك خالص شكري علا طرحك هذا الموضوع...
,,أرجو بأن تتقبل مروري,,

[الوافي4482]

الله يعطيك العافيه ما قصرت بس اكيد الثقيل ما يظر الموتر (مجرب)

[وقاااااد]

يعطيك العافيه على النصيحه
ولاكن الثالث والثقيل ماهوب اريح للموتر

[(مواصل)]

جزاك الله خير والله ينفع بها

[aooa]

طحنون

شيك اولا على فلتر الهواء خاصه ان هذه الايام ايام غبار كثيف ويجب تغيير او تنظيف فلتر الهواء كل فتره


صاحب الموضوع /

الفتك اذا كان في يد نصف عليمي ما راح يحتاج الدبل من الاصل واذا احتاج يكون الدبل الخفيف

اما من ناحية ان الدبل الثقيل ما يضر الموتر فهذا الكلام غير صحيح بل يسبب ضرر كبير في حالة ان السرعة تجاوزت 40 كليو في الساعه ولمسافات طويله اما اذا كان القصد بس الطلوع من مشكله ومن ثم الرجوع للدبل الخفيف فهذا قد لا يسبب اشكال ومعروف ان الدبل الثقيل يستخدم في سحب سياره عالقه او تحريل جسم ثقيل من موقعه ولمسافات قصيره فقط

والفتك اقوى من vxr مع ان الاخير ثمان سلندر ولكن الفتك يفوقه قوه ............

[طحنون]

ياجماعه الخير دلونا على ورشه ممتازه يعني يعرف يطلع المشكله مانبي ورشه يقعدون يتعلومن بمواترنا
موقعي الدمام
الفلتر منظفه مرتين بعد الغبار ماراح
والدبل معلق مستحيل لاني لما اشغل الدبل أرجع ريوس شوي علشان يفصل بسرعه وبالنسبه للنبه الدبل مااثق فيها حتى اتأكد انه فصل تماما
الموتر ماتغير فيه شي صاير ثقيل اليوم ارتفعت الحراره الى الثلث ونا ماشي 140 على طريق الجبيل اول مره تحصل معي اليوم مويه الراديتر جديده توها مغيره قبل شهر تقريبا والمويه لم تقص ولا فيه اي تهريبات نهائيا

[مواسي الطعوس]

طحنون

شيك اولا على فلتر الهواء خاصه ان هذه الايام ايام غبار كثيف ويجب تغيير او تنظيف فلتر الهواء كل فتره


صاحب الموضوع /

الفتك اذا كان في يد نصف عليمي ما راح يحتاج الدبل من الاصل واذا احتاج يكون الدبل الخفيف

اما من ناحية ان الدبل الثقيل ما يضر الموتر فهذا الكلام غير صحيح بل يسبب ضرر كبير في حالة ان السرعة تجاوزت 40 كليو في الساعه ولمسافات طويله اما اذا كان القصد بس الطلوع من مشكله ومن ثم الرجوع للدبل الخفيف فهذا قد لا يسبب اشكال ومعروف ان الدبل الثقيل يستخدم في سحب سياره عالقه او تحريل جسم ثقيل من موقعه ولمسافات قصيره فقط

والفتك اقوى من vxr مع ان الاخير ثمان سلندر ولكن الفتك يفوقه قوه ............


اذا حصل منه خراب تعال انا اصلحه لك (تقولها صادق والا قصدك تضحك على اللي يقولون يضر)

** السرعه يمشون على الموتر اللي يجيب اهل الربوع يمشون بالخامس حتى يقطع على(80)

** معلومه يمكن تصير جديده عليك.... البرادو الجديد والفورتنر( كلها تماتيك)ماتعشق الا4 غيار بالثقيل وزعلانين ليش ماتعشق الخامس مع انها 5 غيار

** اهل الساري يمشون كذلك حتى يقطع عند 120 ......وش قلت
** انا من زمان ودي اكتب الموضوع لكني (مستحي) كنت اتوقع كل واحد يعرفه.....لكن اذا شاهدت فعل الناس اقول لا ابكتبه......... وهذا ذكرني بقصه جاءت على القناة الرياضيه السعوديه قبل 8 سنوات تقريبا وهي: كانو مستضيفين (عبد الله باخشب ) واتى بهذه القصه : يقول مره كنت ذاهب لارى الطريق وغرزت السياره مانجحت محاولات اخراجها يقول مشيت 3 كيلو تقريبا قابله واحد كبير من اهل الارض( الديره) فقال له انا مغرز فقال له الشايب الموتر اللي معك دبل.... يقول قلت نعم.... فقال الدبل مايغرز ودليته على الموتر وسوى حركه بسيطه لو اقولها لكم ماتصدقون (الكلام لباخشب) قام ونزل هواء الكفرات وعلى طول طلع الموتر (هذه لو تروح للقصيم والزلفي اللي توه بادي يتكلم رايح يقول : نثم الكفلات(نسم الكفرات)

[حق الفيتو]

(هذه لو تروح للقصيم والزلفي اللي توه بادي يتكلم رايح يقول : نثم الكفلات(نسم الكفرات)

اجل اروح اسأل بزارينا

بس اول مرة اسمع ان الثقيل يمشى على اخبرة للمسافات القصيرة والخفيف للمشى الطويل

ترى حقين الربوع يشبكون الدبل عند المقاوم ع شان ما يفحط بمكانه <<ما طلعت عن الموضوع ابد

وبالنفود يفصلون الدبل ع شان يعطي اداء اقوى


وشكرا

[مواسي الطعوس]

اجل اروح اسأل بزارينا

بس اول مرة اسمع ان الثقيل يمشى على اخبرة للمسافات القصيرة والخفيف للمشى الطويل

ترى حقين الربوع يشبكون الدبل عند المقاوم ع شان ما يفحط بمكانه <<ما طلعت عن الموضوع ابد

وبالنفود يفصلون الدبل ع شان يعطي اداء اقوى


وشكرا

اول مره تسمع وش سمعت انت ؟

الربوع يشبكون الدبل الخفيف وحنا نتكلم عن الثقيل

**يفصلو الدبل علشان ينوفر.... وازيدك تراهم يفكون فرامل ورا علشان هذه الشغله

** كل هالامور اعرفها مثل ماتعرف اسمك..... والبل الثقيل اعرف متى يستخدم كل اللي ذكرنا العزم للطعس مايجي 30 م والاماكن الوعره لو جيتها اذا طالت (2 كيلو)لكن لانك تمشي بسرعه 20 تقريبا تحسبها طويله

[سوبر VTC]

طيب يامواسي
الفتك بالرمل امشي بالخفيف بالثالث و احيانا بالثاني او الاول عند الضرورة
هل طريقتي خطا افتنا ماجورا ؟
تحياتي

[إبن فيصل]

الاخ/طحنون ...الحل عندي ومن تجربة مشكلة سيارتك في البنزين وهي أيضاً وبشكل أدق في صفاية البنزين غيرها وشف الفرق وقل ما قال إبن فيصل.

[إبن فيصل]

على فكرة الموضوع الي عليه الكلام نسيته وهو عن إستخدام القير التماتيك في الرمل ...من تجربه نسم للكفرات الى 15 وحط القير على تعشيقة دي3 والدبل الخفيف وإنس إنك تغرز بالعكس المكينة ترتاح والقير بعد والسيارة يكون ممشاها بالسرعة الحلوه على الرمل.

[مواسي الطعوس]

طيب يامواسي

الفتك بالرمل امشي بالخفيف بالثالث و احيانا بالثاني او الاول عند الضرورة
هل طريقتي خطا افتنا ماجورا ؟

تحياتي


يابن الحلال انا اتكلم عن المناطق الصعبه والا النفود العادي والدكاك يمشي الموتر مرتاح فيه اماكن مايمشي الموتر الا ب1 بس ويمكن ينهان الموتر في هذه الحاله استخدم الثقيل وهو استخدام مايطول معك وانا كتبت وصف المناطق اللي يصلح لها

[سوبر VTC]

مع مرور الوقت ومع مشاهدتي ناس في النفود(الرمال) تعجز تطلع ومعها هذه السياره مع ان المكان سهل نوعا ما ومع سوالي بعضهم عن النمره التي يقود فيها حصلت اجابتهم (اضعه على الدي) وكثير منهم يكون بالدبل الخفيف قلت ليش ماننبهم على الافضل ومن اخبرته في وقتها يشكر ويكرر الشكر فقلت ننقلها للمنتدى (الكثير يعرفها لكن نذكرها للي مايعرفها) :
هي انك تحول الموتر للدبل الثقيل وتحوله للوضع اليدوي والنمره(2) بحيث مايغير عن 2 (بعضهم قال مايضره الموتر قلت ابد الوتر اذا وصل حده في دوره الماكينه يفصل ماعليك (يحسبه مثل 450 الجمس الاول ذيب نجد يفقع ماكينته ) وهذه النمره لاتهم انها للطلعات الطويله لكنها مناسبه لاكثر الدروب الصعبه

مع شكري للجميع


انت تقول سهل نوعا ما
ارجو الا تناقض كلامك ارجو توضيح مقصودك
تحياتي لك

[مواسي الطعوس]

انت تقول سهل نوعا ما

ارجو الا تناقض كلامك ارجو توضيح مقصودك

تحياتي لك


انا اقول اللي يغرزون يغرزون في مكان سهل نوعا ما
** لكن استخدامه هو في الاماكن اللي مايمدي الموتر ياخذ عزم اما: 1/ لقرب العزم 2/ وجود مطبات فلازم تاخذ العزم من قريب (لكن شف بعضهم ازعجنا يقول يضر وانا اقول استخدمت الفتك ومشيت عليه 300000 الف وهذه طريقتي معه) ومرتاح ومريح الموتر واطلع المطالع ثم يسالوني عن النمره اللي تصلح فاخبرهم

(شكلك عفريت بس مستركضني) لكن خله يستفيد اللي مايدري

[سوبر VTC]

انا اقول اللي يغرزون يغرزون في مكان سهل نوعا ما
** لكن استخدامه هو في الاماكن اللي مايمدي الموتر ياخذ عزم اما: 1/ لقرب العزم 2/ وجود مطبات فلازم تاخذ العزم من قريب (لكن شف بعضهم ازعجنا يقول يضر وانا اقول استخدمت الفتك ومشيت عليه 300000 الف وهذه طريقتي معه) ومرتاح ومريح الموتر واطلع المطالع ثم يسالوني عن النمره اللي تصلح فاخبرهم

(شكلك عفريت بس مستركضني) لكن خله يستفيد اللي مايدري

تبي الصراحة قفل مخي :D :D

احس انك تكتب لغة اردو او كيرلا:D :D عجزت افهم كلامك

ياحبيلك منب عفريت و لاجن و لا استركضتك:D

[مواسي الطعوس]

البعض يخاف من استعمال الدبل الثقيل وانا وربعي لنا 16 سنه وكثير استعمالنا للدبل الثقيل ولاعمره حصل معنا الا كل خير .....بالعكس اللي مايستعمله هو اللي يخرب معه القير والا يحرق الكلتش في القير العادي .

[مواسي الطعوس]

الثقيل مايضر ابد ....اللي يضر عدم استعماله .لكن لاتطول الممشى الا بحاجه .

[بدوي جنوبي]

طحنون



صاحب الموضوع /

الفتك اذا كان في يد نصف عليمي ما راح يحتاج الدبل من الاصل واذا احتاج يكون الدبل الخفيف

اما من ناحية ان الدبل الثقيل ما يضر الموتر فهذا الكلام غير صحيح بل يسبب ضرر كبير في حالة ان السرعة تجاوزت 40 كليو في الساعه ولمسافات طويله اما اذا كان القصد بس الطلوع من مشكله ومن ثم الرجوع للدبل الخفيف فهذا قد لا يسبب اشكال ومعروف ان الدبل الثقيل يستخدم في سحب سياره عالقه او تحريل جسم ثقيل من موقعه ولمسافات قصيره فقط

والفتك اقوى من vxr مع ان الاخير ثمان سلندر ولكن الفتك يفوقه قوه ............


أؤيد كلامك
اكبر خطأ استخدام الدبل الثقيل في التطعيس
وليس التغريز ،،

الدبل الثقيل يستخدم للتغريز او طلوع طريق وعر او انحدار شديد

اجل ليه سموه low يعنى عيار او سرعه منخفضه
ما قالوا حط الدبل علي الثقيل وارقي الطعوس

فالافضل استخدام الدبل الخفيف للحفاظ على الدبل والقير :good:

[صقر أمه 506]

اخوي اذا كان قصدك استخدام القير التبترونيك ,,استخدام وضع s
فهذا يضر الموتر .. وكثير من اهل الباترول يخرب قيره بسببه .. واي سياره فيها نفس النظام يتأثر القير مع الوقت
اضف الى ان الثقيل لا يستخدم الا في حالة الغراز او السحب وبسرعه منخفضه

[الخادم]

طريقتك جيدة و لكن لو رجعت للكتلوج يكون احسن

[ابوحمد666]

اخوي طحنون بالنسبه للحراره غير بلف الحراره وسعره 70 ريال ويضبط ان شاء الله لاته حصلت مع اكثر من واحد لان البلف له عمر افتراضي يقفل ولا يفتح بعض الاحيان

[مواسي الطعوس]

اعطوني وش يخرب اذا طعست في الدبل الثقيل ؟؟؟؟؟؟؟؟؟؟؟؟؟؟؟؟


** شي اسويه واشوفه قدامي كل خميس وجمعه من عام 1418م الى الان ....ولا حصل معنا شي وفكينا سيارات جديده ومشينا عليها الى 300 الف ...ماخرب معنا شي ...مايخرب الا مع اللي يقول (لاتعشق الدبل الثقيل )

** اذا فيه شي يخرب (تهريب صوفه) وهذا اهون من شغلكم اللي يخرب القير .