المساعد الشخصي الرقمي

مشاهدة النسخة كاملة : حراره الجيب


روافد
22/06/2008, 01:05 AM
مرحبا

حي الله الربع

كيف حالكم عسى اموركم زينة ؟

يا جماعة انا عندي جيب نيسان موديل 1999 عندي مشكلة في الحراره اذا وقفت السياره تحتر مدري وش فيها

الاديتر سيخته ومواسيره تمام

البلف جديد

المروحة وتماتيك المروحه جديده

المراوح الكهرب شغاله

اليات جديده

والى الان المشكلة موجوده

نبي الفزعه تكفون بالربع

فمان الله
اكليل الجبل
22/06/2008, 01:33 AM
ان شاء الله يفيدونك الاخوان
شامخ ألهيلا
22/06/2008, 02:39 AM
اخوي اذا انت مسوي هذي كله افحص على راس المكينه

راس المكينه فقط
الضامي 2007
22/06/2008, 02:42 AM
لا يكون راس المكينه يبيله جلخ

الموتر قد احتر مره عليك
عشه83
22/06/2008, 02:53 AM
أخوي الضامي2007 ممكن توضح أكثر لوحصل وارتفعت الحراره للاخير مره واحده والان رجعت طبيعي هل لابد من (جلخ)الراس.....علما أن المويه ماتنقص والحراره طبيعيه جدا......
شامخ ألهيلا
22/06/2008, 02:59 AM
اخوي عشه مو شرط اذا ارتفعت مره لفتره قصيره المهم لاترتفع وتطول ويمشي على الموتر وربك يستر الراس حضوض ناس مايجي فيه شي وناس لو ترتفع النص انشعر او انعوج

ويفضل في حالة انعواج الراس او انشعاره تغييره
لان في حالته مسحه او جلخه راح يفقده من متانته وهو له حجم معين من بلاده لتحمل الحرااره
بعض الورش يقول لك امسحه وادبل عليه الوجيه ورااح تطلع اوكيه
بس في حالة السرعه الزايده راح تشوف انبير الحرااره يرتفع معك وينخفظ مع انخفاظ السرعه
وفي حالة وقوف السياره لفتره طويله في الجو الحار راح تشوف الحراره مرتفعه
بحكم خبرتي في التخبيط والحراره
اقول يشتري راس من الوكاله جديد ويرتاح مرره او مكينه من سياره من التشليح غير مفكوكه
الوفد000
22/06/2008, 03:03 AM
اسمع وانا اخوك اذا شفت حرارة السيارة ترتفع وهي واقفه في اي زمان ومكان فاعرف ان بلاك من المروحه لانها تفتقر الى التهويه ومتى مامشت زادت التهويه ونزلت الحرارة نصيحتي لك شيك على المراوح اما راس المكينه اذا كان عدمان ترتفع الحراره مع زيادة الدعسة.
أبوعمران
22/06/2008, 05:02 AM
حبيب قلبي والله نصيحه ..

ركب مراوح كهرب .. ماتكلفك 600 ريال وانس شيء اسمه حراره , وكذالك بتنسى صوت حنة المروحة المزعجة ,وبيقوى عزم الموتر


جرب وراح تدعي لي
دفي الوقت
22/06/2008, 09:43 AM
هلا بك اخوي


اولا مع ارتفاع الحراره افتح الكبوت واضغط على لي الاديتر ان انضغط معك معناته السياره مافيها حراره اذا كان قاسي معناته الحراره اكيده

المهم كان تحس ان الخرطوش ينضغط معك فالمسأله اخي العزيز هي تغيير الحساس لان الحساس احيانا يعطي قراءه غلط


وهذا ماصار معي في الباترول حقي
ذيب صعافيق
22/06/2008, 10:12 AM
اذا كانت الحرارة ترتفع ولكن تقف عند حد ولا تزيد_ ولو وصلت الى الثلثين_ فلا تخاف طبيعي فعمر السيارة ونوعه له تاثير
روافد
22/06/2008, 01:23 PM
شكرا للجميع على التواصل والافاده

ما قصرتوا يالربع