افضل زيت قير ؟

[راعي الخطوط]

السلام عليكم ورحمة الله وبركاته
عطوني الله لا يهينكم أفضل نوع زيت قير علما ان السيارة قير عادي وكم رقم علبة الزيت 140 ولا 90 ولا يخلط بينهم ؟

لا تبخلون بأرائكم ودمتم سالمين

[بدوي جنوبي]

عليكم السلام ورحمة الله وبركاته

تقريبا اغلب السيارات تستخدم زيت عيار 90 وهو الافضل للقير
140 ثقيل علي القير
بالتوفيق

[مواسي الطعوس]

الافضل كما ذكر اخونا المشرف ..... لكن احيانا الدبل يقولك بعضهم استخدم 140 اذا كان عندك تهريب ومزعجك تعليلهم( ان المناطق حاره عندنا مره يا لله يتحملها هذا الزيت) خاصه نجد والشرقيه

[باثفايندر03]

عليكم السلام ورحمة الله وبركاته

تقريبا اغلب السيارات تستخدم زيت عيار 90 وهو الافضل للقير
140 ثقيل علي القير
بالتوفيق



ما نتعدى على مشرفنا...

[بيبسي]

ال140 للمعدات الثقيله ...

[راعي الخطوط]

في البداية أشكرك جميع من كتب لي رد
المشرف بدوي جنوبي
العضو مواسي الطعوس
العضو باثفندر 03
العضو بيبسي
ولا هنتو والله يعطيكم العافية
لكن وش هو نوع الزيت اللي تنصحوني فيه؟؟؟
هل أخذ فوكس والاأخذ نوع ثاني تنصحوني فيه؟؟؟

[فارس مكشات]

السلام عليكم
هلا اخوي راعي الخطوط
ان كانك تبي نصيحتي لا تعدى زيت الكزس ومجرب على جميع السيارات انا معي ياباني وامريكي وما ابدل غيره لانه هو الزيت الوحيد اللي يتحمل ( لعن المواتر ) وشكرا

[راعي الخطوط]

الله يعطيك العافيه يا فارس مكشات على هالمعلومه القيمه

[سلطان ال حسيان]

اخي لجميع انواع السيارات نوع 90
وكل 50 الف كيلو غيرة افضل للقير

ولاتنسى تغليق او تغيير زيت الدفرنس الكثير من اصحاب السيارات يهمل زيت الدفرنس

وايظا التشحيم الامامي مهم جدا للسيارة

[راعي الخطوط]

أخي الحبيب تولاين ممشاي عليه 82000كلم وشاورت ربعي واللي حولي وقالوا لي سيارات القير عادي يزاد له الزيت إذا هو ناقص والا ما يحتاج تغيره
وش رااايك

[سلطان ال حسيان]

اخي راعي الخطوط
التغليق مافية مشكلة كلام من نصحوك صحيح نوعا ما 0000ولاكن كلش ولا القير والمكينة مافية تهاون
بما انك ماشي 82000كيلو الافضل انك تغيرة وتنساة فترة طويلة التجديد افضل دائما خصوصا للقير والمكينة لان القير والمكينة هن السيارة وكل شيء من دونهن يهون

[بيبسي]

والله شف وانا اخوك القير عادي انا دايم اعايره بس ولا قد غيرته ... مع ان فيه سياره عندنا مشت 400 الف كيلو لا غيرنا قير ولا دفرنس وبعناها مااشتكت شي ... لكن مايضر ان غيرته واذا هي تويوتا فيه زيت تويوتا ينباع وفيه زيت لكزس لكن اللي ابي اعرفه هل زيت القير الاتوماتيك والعادي واحد ... انا اتوقع انهم سوا واذا هم سوا غير حق لكزس خذه من الوكاله الظاهر الجالون بــ 90 او 120 بهالحدود لاني ماخذه قبل فتره مع فلتر لسياره اتوماتيك

[ناوي نيه]

خذها نصييييييحه ابعد عن 140 يفقع الصووف
ونصيحه ثانيه لا تبدل الزيت فقط زيد لان بعض الاحيان تبدل زيت الدفرنس تطلع ونه

[ابوحماد]

زد الزيت و لا تغيره جديد

[6670]

بالنسبه لزيت القير يتغير كل 40 الف مكتوب على الكتلوج في السيارات مع العلم انه لايتغير الا اذا ذهبت اللزوجه وعلى حسب الفجر للسياره وافضل شى جربته الفوكس 90 وهويصلح لجميع السيارات الجديده واما 140 فهوللسيارات القديمه اوفي حدوث صوت في القير او الدفرنس