تحذير قبل الانفجار

[ابا الأفلح]

بسم الله الحمن الرحيم
السلام عليكم ورحمة الله وبركاته :
يااخوان انتبهو من الحراره هذي الايام اقصد انتبه على الكفرات حتى لو كانت الكفرات ما كملت السنه غيرها افظل خصوصا العوائل المسافر هذه الايام
وانا ما كتبة هذا الكلام الا بسب موقف صارلي اليوم الظهر وانا رايح لم الخرج طبعا الموتر الي معي 2007
ماشي تقريبا21000 الف يعني الموتر جديد والموتر داخل المملكه شهر 5/2007 من الستكر الموجود على القزاز الخلفي لسياره
طبعا انفجر الكفر الخلفي وجت سليمه والحمد لله
فحبيت انبه الاخوان عسى الله يستر عليهم وشكرااا

[بومعطش]

خطاك السو ياغالي
وشاكر لك نصيحتك للأعضاء

[وقيان]

خطاك السو... وعلى فكرة بعضهم ينزل ضغط الكفرات في الصيف..يقول عشان ماتنضغط أكثر و تنفجر... و أحب اقوله ان اللي تسويه غير صحيح...لأنك اذا نزلت ضغط الكفرات تعطي مجال اكثر للهواء انه يتحرك داخل الكفر فتزيد حرارته ويمكن ينفجر.....اتبع تعليمات المصنع فقط...

[بيبسي]

الحمدلله على سلامتك ....كلام في مجله ((أقصد في محله)) .. ماقصرت الله يعطيك العافيه

[عا سبيل بر]

الحمد لله على السلامه

والله أن الكفرات مشكلتها مشكله.... خاصه مع السرعه

[جبل راف]

الله يجزاك خير ويستر عليك

[حق الفيتو]

والله ما قصرت

[سرهيد]

السلام عليكم

اولا الحمد لله على السلامة وعندك من يدعي لك

وبارك الله فيك على التنبيه

تقبل احترامي

اخوك

ابو عبدالله

[ابوعقل]

الحمدلله على السلامه

[طحنون]

الحمد لله على السلامه
وهاذا مثال للي يقول الكفرات جديده ويسرع سرعه جنونيه علشان الكفرات جديده
عندنا الجو حاره يصلخ اللي ماينصلخ
وصدقوني بالذات السيارت المرتفعه الحذر الحذر من السرعه في الخطوط السريعه معك عوائل ومحمل عفش الركاده زينه وكثره الوقوف في محطات البنزين والاستراحه والتشييك على السياره حتى لو كانت جديده والنظر اسفل السياره والتأكد مافيه اي تهريبات او اي شي عالق بالسياره في الاسفل وعدم الاستهانه بالاوراق او الكراتين
اوالبلاستك فهو يسبب حريق في اسفل السياره
والتأكد من السياره بشكل سريع
أسف على الاطاله

[winchester]

الكفرات أكبر خطر بعد الذراع والركبه

وأنـا أتوقع بأن الكفر المشروك بنايلون وسلك حديد أفضل من اللي سلك حديد فقط

دمـت بود

[بيضا القاع]

مشكورررررررر اخوي والحمدالله على السلامه بس ما يحتاج تغير بس سولها ميزانيه هواء

[راعي الفقي]

الحمدلله على السلامه والله يعطيك الصحه والعافيه على التنبيه
شكرا لك

[عاشق سمر]

الحمد لله على السلامه

[مساير الليل]

أكيد موترك يوكن أو جمس


الحمد لله على السلامه

[شورت]

السلام عليكم


اشتريت ارمادا قبل اربعه شهور

بعد شهر من شرائها كانت في رجه لما اصل الى سرعه 90

رحت للشركه وفحصتها طلع الكفرات فيها عيب مصنعي وبل مضاربه خليتهم يغيرولي الاربعه مجانا

بس لطعوني يومين عشان يجيبو موافقه والمدير في اجتماع وكلام فاضي

تحس انك تشحت بعد ماتشتري سياره من الحمراني

[مساير الليل]

بس لطعوني يومين


أخوي صار لنا في الجمس نفس المشكله عيب صناعي في الكفرات ولطعونا سبوع كامل

مثل الحال خل نجيبها من الوكيل خل المدير يوافق ونفس الحال

[شامخ ألهيلا]

حمدلله على سلامتك يالذيب

وحق الله انك صادق الصيفيه جايه والله يستر على العوايل المسافرين
وكل سنه نسمع بمأسي الخطوط والحوادث

ماقول غير الله يستر على المسلمين ويحفظهم

[shaheenshah]

الحمد لله على السلامه
وهاذا مثال للي يقول الكفرات جديده ويسرع سرعه جنونيه علشان الكفرات جديده
عندنا الجو حاره يصلخ اللي ماينصلخ
وصدقوني بالذات السيارت المرتفعه الحذر الحذر من السرعه في الخطوط السريعه معك عوائل ومحمل عفش الركاده زينه وكثره الوقوف في محطات البنزين والاستراحه والتشييك على السياره حتى لو كانت جديده والنظر اسفل السياره والتأكد مافيه اي تهريبات او اي شي عالق بالسياره في الاسفل وعدم الاستهانه بالاوراق او الكراتين
اوالبلاستك فهو يسبب حريق في اسفل السياره
والتأكد من السياره بشكل سريع
أسف على الاطاله

اي والله انك صادق

[السرب القادم]

السلام عليكم ورحمة الله
الله يحفظنا وأياكم وأخواننا المسلمين
الحمد لله على سلامتك أخوي في عندي تنبيهين :
- صنائع المعروف تقي مصارع السوء
قال صلى الله عليه وسلم فيما رواه عنه أبو أمامة ((صنائع المعروف تقي مصارع السوء، وصدقة السر تطفئ غضب الرب)) [رواه الطبراني في معجمه الكبير


- الثاني هناك غاز نيتروجين عند محلات الكفرات الكبار هذا يساعد على برودة الكفرات :
مزايا غاز النيتروجين على الإطارات ........

مزايا فريده ::

* إطارات باره أثناء القياده
* ثبات لضغط الإطار بثلاث مرات أكثر مقارنة بالهواء العادي
* تقليل المساوئ التي يمكن ان يتعرض لها الإطار
* تحكم أكثر على الطريق
* التوفير في استهلاك الوقود حتى 10%
* يستخدم غاز النيتروجين في اطارات الفورمولا 1 واطارات الطائرات
* قدرة لتحمل المسافات الطويله
* يساعد في الحفاظ على برودة المكابح لأداء سلس للإطارات
* غاز النيتروجين صديق البيئه

تحياتي للجميع
:d

[الساهر2003]

السلام عليكم ورحمة الله وبركاته
اخوي صاحب الموضوع خطاك السوء والحمد لله على السلامة والف شكر لك على هذا الموضوع
ومعلومات لعلها تفيد الجميع المعلومات تخص الكفرات ذات الماركات العالمية والتي تصدر لدول المتقدمة
1- تاكد من معيار الهواء انه يعطيك قراءة صحيحة حتى تتجنب مشاكل الكفرات
2- تاكد من ان عمر الكفر الافتراضي 4 سنوات او 80 الف اذا كان استخدام الكفر صحيح
الاستخدام الصحيح للكفرات
اغلب الكفرات يطلب مصنعها ان يكون ظغط الهواء 30 فاكثر
التنسيم مضر بالكفرات ومقلل من عمرها الافتراضي
الطرق البرية والشوك وغيرها كلها مضرة
المتابعة المستمرة للكفر تطيل من عمره
من اسباب انفجار الاطارات
1- تهالك الكفر بسبب الاستخدام السيء او طول الاستخدام
2- ظغط الهواء المنخفض يقلل من عمر الكفر ومن ثم الانفجار حتى لو كان الكفر جديد وسببه الحرارة الزائدة في الكفر اثناء الدوران بسرعة عالية بسبب احتكاك الربل مع نفسه وتثنيه بسرعة عالية
3- سوء التخزين وتحصل لسيارات الجديدة والكفرات الجديدة في الغرابي
4- وقوف السيارة فترة طويلة مثل الحاصل لدي وكالات السيارات
5- التاريخ القديم لتصنيع الكفر
وكثير من الشباب يثبت ظغط هواء الكفر على 25 ويمشي عليه في الصيف في الرياض ولما يسافر يزيد هواء الكفر ويكون الكفر منتهي لا يتحمل اي حمل او سرعة عالية ومن ثم التلف
والف شكر للجميع

[برق المخيل]

في نقطه مهمه الاوهي تحبيل الكفر من الجوانب نتيجة لااحتكاكه بالرصيف وغيره ومع السرعه وارتفاع حرارة الجو يصبح قابل للانفجار لاسمح الله توقيع طحنون : هل ستتوقع ان يأتي يوم ويطير فيه البطريق اقول كل شئ يصير الا الظب مايطير

[مخاوي الذيابه]

الحمد لله على السلامة ...

ويعطيك العافيه على التنبيه ...

[العمدة ابو صالح]

الحمد لله على السلامه ومتشوف شر ولاتكون يااخي ابا الأفلح
من اصحاب الي ينسمون الكفرات للزينه وهذي اخطر شي في المشي

[اول 111]

الحمدالله علي السلامه

[ابا الأفلح]

اشكر جميع الاخوان الاعظاء والمشاهدين على مرورهم وتشريفهم للموظوع
الله يستر على جميع المسلمين
:) :) :) :) :) :)