صرف البانزين فى الشاص 2008

[بيت طين]

السلام عليكم ورحمة الله وبركاته
وفقكم الله لطاعته عندي اخوى شاص 2008 يشرب البانزين شرب فوق العاده وش الحل لا تبخلون علينا برايكم وش الحل مع هالمشكله مع ان الشاص ماعليه شد وهل هالمشكله بس فى 2008 ولا كانت موجوده فى الموديلات السابقه.اسال الله ان يوفقنا واياكم لما يحبه ويرضاه وان يهدينا لما يحبه ...اخوكم بيـــــــــت طين..

[الستانس]

ياليت أقدر أفيدك

ولاكن الشباب فيهم البركه

[بيت طين]

ياليت أقدر أفيدك

ولاكن الشباب فيهم البركه

شاكر لك اخوي مرورك العطر بارك الله فبك ..

[ابوعقل]

خويي عنده شاص 2006

يصرف بنزين

هذا طبيعي

الله يعين اخوك على البنزين

[B.A]

ماله اي حل معروف الشاص يلهم بنزين بشكل رهيب انا كان معي من موديل 2002 الي 2005 نسم بعقلي بالبنزين بس الحمدلله بعته وارتحت

[بيت طين]

اخوى ابو عقل
اخوى f.s

مشكورين علي تواصلكم الكريم نبي احد يعلمنا طريقه ممكن انا نسويها لتخفيف الصرف بارك الله فيكم غير توقيف الموتر هههههههههههه تقبلوا تحياتي القلبيه ومشكورين مره ثانيه .

[سوبر VTC]

اخوى ابو عقل
اخوى f.s

مشكورين علي تواصلكم الكريم نبي احد يعلمنا طريقه ممكن انا نسويها لتخفيف الصرف بارك الله فيكم غير توقيف الموتر هههههههههههه تقبلوا تحياتي القلبيه ومشكورين مره ثانيه .

اسمع و انا اخوك انا كان معي شاص 2005 و امشي عليه طبيعي مشي شيبان:D :D
و لا اتعدا 140 يمشي معي بالتانكي 450 كيلو طبعا اذا كنت تفزفز الموتر عند اشارة او تعدا 160 اكيد يبي يصرف و هذا طبيعي لان الشاص وزنه ثقيل و مرتفع و الغمارة و خشة الموتر تنطح الهواء و عندك المكينة 6سلندر فاكيد يبي يصرف و الحل باعتقادي مروحة كهرب اضافة لهدرز يمكن تخف الصرفية
و انا اذكر واحد حط مكينة فكسار 8سلندر يعني المكينة مريحة بالخط و اقل صرفية من 6سلندر
الله يعينك
تحياتي:)

[بيت طين]

اخوى سوبر Vtc
بارك الله فيك ومشكور علي المعلومات الوافيه الله يستر علي الموتر لا يركب له راعيه مكينة كورلا من صرفية البنزين ...الله يرحم والدينك ومن يقرا من النار ومن عذاب القبر...

[سوبر VTC]

اخوى سوبر Vtc
بارك الله فيك ومشكور علي المعلومات الوافيه الله يستر علي الموتر لا يركب له راعيه مكينة كورلا من صرفية البنزين ...الله يرحم والدينك ومن يقرا من النار ومن عذاب القبر...


و اياك و كل مسلم


شكله يبي يركب مكينة دنبر :D :D :D


جزاك الله خير

[بر الوالدين]

من جانا تصنيف البانزين وحنا في مشاكل مع مواترنا

ولكن 91 لا يهمك ماء مهب بانزين

أما 95 هو اللي يعتبر فيه ريحة بانزين

[بيت طين]

ياهلا فيك اخوي ابو حطبه والله ضاعت الطاسه وانا اخوك ماعاد نعرف وش نسوي بهالسيارات كل يوم ضاهر علينا شي جديد والله يكفينا من الدنيا ومشاكلها شاكرلك مرورك الكريم .نبي اهل الخبره اللي يتعبثون بالمواتر ويعرفون يعالجون مشاكلها ويلقون لها حل...

[سوبر VTC]

من جانا تصنيف البانزين وحنا في مشاكل مع مواترنا



ولكن 91 لا يهمك ماء مهب بانزين



أما 95 هو اللي يعتبر فيه ريحة بانزين



بالعكس البنزين الاخضر اقل صرفية
لو تلاحظ حط بنزين اخضر بصحن و خله مكشوف الى بكرا تلاحظ ان البنزين ما تبخر و هذا عكس الاحمر

[مواسي الطعوس]

ياخوي شي طبيعي الصرفيه في الحوض انت شفت قزازة قدام وش رفعها عاديه صرفيته اذا شفت ارتفاع قزازته مقارنه بالسيارات
ولا حطو فيه تانكيين بهذا الحجم عبث لكن اللي يحتاج الموتر ويشيل عليه يتحمل صرفيته

[بيت طين]

ياخوي شي طبيعي الصرفيه في الحوض انت شفت قزازة قدام وش رفعها عاديه صرفيته اذا شفت ارتفاع قزازته مقارنه بالسيارات
ولا حطو فيه تانكيين بهذا الحجم عبث لكن اللي يحتاج الموتر ويشيل عليه يتحمل صرفيته

صدقت وانا اخوك موتر يستاهل قيمته بس نبي حل لان فيه شباب لهم طريقه فى تقليل استهلاك صرف البانزين وفيه ايضا شباب يغيرون مكينة ال 6 سلندرات الي مكينة كابرس بعد فيه طرق متعارف عليها عند الشباب نبي احد يفيدنا فى هالشي وشاكر لك مرورك الكريم وتقبل تحياتي.

[أبو فهد العيد]

الزين مايكمل وانا اخوك..
كل شي له ضريبه....وضريبة الشاص ..صرفه للبنزين..
والحل كالاتي,:
1-مراوح :good:
2- عدم السرعه والمزاعق عند الاشارات.:no2:
3- التقليل من الدوران والوجوجه...
وفي الختام لايسعني الا ان ..... (صارت محاظره):D :D
الله يطعم اخوك من خيره ويكفيه شره
وان شاء الله تخف الصرفيه.

[بيت طين]

جزاك الله خير اخوي ولد حنيظل ومشكور علي المشاركه الطيبه والله الرجال يروح يومي لابله حوالي 150 رايح و150 رجعه ويبي يخفف من الصرفيه وهو والله يسرع يسجه 160 اغلب وقته بس نحاول نلقاله طريقه ومنها يستفيدون باقي الاخوان فى المنتدي وبارك الله فيك وتقبل تحياتي..

[أبو فهد العيد]

جزاك الله خير اخوي ولد حنيظل ومشكور علي المشاركه الطيبه والله الرجال يروح يومي لابله حوالي 150 رايح و150 رجعه ويبي يخفف من الصرفيه وهو والله يسرع يسجه 160 اغلب وقته بس نحاول نلقاله طريقه ومنها يستفيدون باقي الاخوان فى المنتدي وبارك الله فيك وتقبل تحياتي..

ابشر والله باللي يسرك انت واخوك..
ومدام الدعوى فيها ابل ..ابشر,انا اعرف واحد معه حوض ومركب فيه اشياء وبجيب لك علمه باذن الله..
تخبر الوقت متاخر الحين...
بكرا بدق عله واعلمك بالتفصيل الممل..
كلش ولا عطايا الله ..الابل.

[قسوره2006]

خف رجلك


تخف صرفية الوقود


والسلام

[ماجد الهلالي]

السلام عليكم

انا اقول ركب مراوح كهرب وهدرز وركب اهم شي فرارات الدبل ( فلنجات ) واذا حصل بواجي والسلاك بواجي الترهيم وان شاء الله بيتغير معك الموتر

[صقر الحراملة]

يا خوي عبي بنزين احمر 95 وخف رجلك على الموتر
صحيح بتزيد التكلفة في البنزين ....ولكن بتريح راسك
تراها نصيحة واحد مجرب في موتر 2006
وبالتوفيق

[بيت طين]

ابشر والله باللي يسرك انت واخوك..
ومدام الدعوى فيها ابل ..ابشر,انا اعرف واحد معه حوض ومركب فيه اشياء وبجيب لك علمه باذن الله..
تخبر الوقت متاخر الحين...
بكرا بدق عله واعلمك بالتفصيل الممل..
كلش ولا عطايا الله ..الابل.



الله يجعل من جابك ووالدينهم ووالدين كل المسلمين باعلي منازل الجنه انتظرك لا هنت وانا اخوك

[بيت طين]

خف رجلك


تخف صرفية الوقود


والسلام

ابشر طال عمرك ابقوله ومشكور علي تفضلك بالمشاركه الكريمه ولو انه ماهوب مخفف تقبل تحياتي ...

[بيت طين]

السلام عليكم




انا اقول ركب مراوح كهرب وهدرز وركب اهم شي فرارات الدبل ( فلنجات ) واذا حصل بواجي والسلاك بواجي الترهيم وان شاء الله بيتغير معك الموتر

هلا بالغالي حياك الله انا انتظر هالعلوم الزينه ابي واحد خبير يعلمني من الالف الي اليا فى هالموضوع حتى انا معاي جي هدد اذا الموضوع يضبط سويته له بعد ونبي الاخوان يستفيدون من هالمعلومات الله يجعل شيبانك فى الفردوس الاعلي من الجنه نبي شخص يشرح لنا واذا امكن بالصور بعد التغيير الكامل وتقبل تحياتي...

[بيت طين]

يا خوي عبي بنزين احمر 95 وخف رجلك على الموتر
صحيح بتزيد التكلفة في البنزين ....ولكن بتريح راسك
تراها نصيحة واحد مجرب في موتر 2006
وبالتوفيق

ابشر طال عمرك نصيحتك فى محلها وكلامك فى محله الله يوفقك ومن تحب لخير الدنيا والاخره وشكرا لمرورك الكريم..

[ممتر البران]

مرحبا حسب التجربه تمشييك التانكيين اذا عبيتهن فل
من 600-1100
حسب دعسك وحسب جورك عليه وهذي مجربها بنفسي
مشى حول 1100 ما كنت اتعدى ال 120
ولا يحن بالنمره
وال 600 خط ويمشي طبلونه
تحيتي لكم
ابو سعد

[بيت طين]

مرحبا حسب التجربه تمشييك التانكيين اذا عبيتهن فل
من 600-1100
حسب دعسك وحسب جورك عليه وهذي مجربها بنفسي
مشى حول 1100 ما كنت اتعدى ال 120
ولا يحن بالنمره
وال 600 خط ويمشي طبلونه
تحيتي لكم
ابو سعد
مشكور وفقك الله لخير الدارين .