أمر محيرني في السيارة ، ومن يفيدني ويساعني أكون له الشاكرين .

[بن نويشر]

السلام عليكم ورحمة الله .

عندي سيارة هونداي فان 2003 ، دائماً مفاتيح التكييف (الدرجات) الأمامية والخلفية تسخن وتميع وتسبب ألتماس ، وكل ما غيرتها ترجع المشكلة ، والحقيقة أحترت في معرفة السبب ، حتى الوكالة ما عرفة السبب .

أرجو من لدية علم يفيدني وجزاكم الله خير ،،

[إبن فيصل]

أخوي عندك زيادة في أحمال الكهرباء في السيارة وهذا يخلي الاسلاك تحتر وتزيد من حرارة المفاتيح ...يعني شكل السيارة مشتغل فيها كهربائي عليمي وقالب لك بعض الاسلاك وهذا الشي مخليها تحتر وتميع ..نصيحة خل عنك الوكالة ورح للصناعية القديمة تحصل فيها كهربائيين كثار وأسئل لين تحصل واحد مارة عليه الشغلة هذه ويحلها لك وعلى فكرة أتوقع إن المشكلة بسيطة جداً وإن شاء الله بتزين.

[بيبسي]

يمكن عندك شي اضافي بكهرباء السياره

[السفير2006]

يمكن اخوي كتاوت المكيف ترى إذا تعبانه تحرق الاسلاك



وشكراا

وعلى كل
اخذ براى اخوي ابن فيصل ورح الصناعيه

[بن نويشر]

شكراً لمروركم وجزاكم الله كل خير ، بس وين الفني المختص الماهر الحذق الذي يحل هالمشكلة ؟ يا أخوان ما ودي أطب من جرف لدحديره !! كما تعلمون في الصناعية فيه الصالح والطالح ، والسيارة فيه هالمشكلة من بداية شرائي لها ، علماً بأنه لم يتم إدخال عليها أي تعديلات أو وصلات كهربائية .

من يخبر لي كهربائي شقردي يالربع جزاه الله خير ،،،،

[ابولولو]

اخوي فيه بشارع 24الغربي بالصناعيه القديمه بجب محل السيف للقطع بالزاويه يماني شاطر وفيه سعودي خبير وانت نازل مع مخرج17غرب اول اشاره شفه علي يدك اليمين فوق طلعه ومسجد صغير واضح

[بن نويشر]

جزاك الله خير ابولولو وما قصرت يالذيب .