الشيروكي عطشان عطوووووووووووووووه مـــــــــــــويـــــــــــــــه

[الرادار الاسود]

السلام عليكم ورحمة الله وبركاته

عندي شيروكي موديل 2001 :D
في مشكله في نقص الموية في الاديتر كل اربع او خمسة ايام ( خمسة لتر ) مويه تقريبا تضاف الى الاديتر:mad:

مع العلم بأن :ـ

1- ليس هناك تهريب في الاديتر :(
2- ليس هناك تهريب في الثلاجه الداخلية :eek:
3- ليس هنك خلط في الزيت مع الماء لا في الاديتر او في المكينة :confused:
4- لا يوجد اثر خلط في غطى الزيت :no2:
5- تم تغير الغطاء حق الاديتر مرتين اصلي :no:
ارجو منكم الافادة :j
او ذكر اسم محل متخصص ويلحق العلم :good:

وتقبلوا تحياتي;)

[مكشات عنيزه]

السلام عليكم

اخوي شيك على طبات المكينة وعددهن على ما اعتقد 6 طبات

او

طرمبة الماء

او

كوع الماء
او الخراطيش

[شامخ ألهيلا]

اخوي اذا عطشان مويه شربه باايسن :d :d :d

اخوي طال عمرك شف الطبات ممكن فيها تنسيم ماء وتهرب ويتبخر الماء بسرعه

او الخطرطوووش ياليت تغيرها وترتاح اذا كانت قديمه

او الوجيه حقت المكينه تاكد منها عدل

اخوك شامخ

[بواسامه]

اتوقع طبه تبخر على طول
لان النقص بسيط
نصيحه وقف الموتر يومين عن البيت وياليت بالحوش ويبين لك وين ينقط فيه ولو بسيط
موفق

[واطي الجمرة]

اخوي وين موقعك؟؟ اذا كنت بالرياض ممكن افيدك

[واطي الجمرة]

احتمال التهريب عندك من القربه(الزايد)

[عاشق الغميس]

وانا اخوك شيك على ثلاجة المكيف الداخليه الي تحت درج الطبلون

[ملاحق السيول]

ياأخوي شيك على الطبات

[الرادار الاسود]

السلام عليكم

اخوي شيك على طبات المكينة وعددهن على ما اعتقد 6 طبات

او

طرمبة الماء

او

كوع الماء
او الخراطيش
الله يعطيك العافية يا مكشات عنيزة
توني مطلعه من الورشة ومغير ( الله لا يخسر )
1- طرمبة
2- خراطيش
3- غطاء اديتر
بالنسبة لكوع الماء مافيه حتي التنديه
وتقبل تحياتي

[الرادار الاسود]

اخوي اذا عطشان مويه شربه باايسن :d :d :d

اخوي طال عمرك شف الطبات ممكن فيها تنسيم ماء وتهرب ويتبخر الماء بسرعه

او الخطرطوووش ياليت تغيرها وترتاح اذا كانت قديمه

او الوجيه حقت المكينه تاكد منها عدل

اخوك شامخ
اخوي شامخ بيض الله وجهك
باايسن يبيله دراهم وانا مليت من الدفع
بالنسبة لطبات مافيها اي مشكلة لا تهريب ولا ندى
الخراطيش جديدة
اما بالنسبة للوجه حق المكينة قصدك الراس وشلون اتأكد ومافيه في المكينة خلط ماء
الله يعطيك العافية

[الرادار الاسود]

اتوقع طبه تبخر على طول
لان النقص بسيط
نصيحه وقف الموتر يومين عن البيت وياليت بالحوش ويبين لك وين ينقط فيه ولو بسيط
موفق
ابواسامة الله يعطيك العافية
هل هذا النقص بسيط وانا كل اربعه ايام اعبيه خمسة لتر تقريبا
بواسامه
بالنسبة لتوقيف الموتر تعرف مر علينا هذه الايام غبار وخدمني في فحص الموتر
بالحوش بس بدون فائدة ( اشوف اذا كان هناك اي علامة لنقطة ماء على البلاط مع الغبار )
بغدين الموتر فيه حرار لو نقطه تطيح على اي حديدهفي الموتر كنه ماصار شى
وتقبل تحياتي

[الرادار الاسود]

اخوي وين موقعك؟؟ اذا كنت بالرياض ممكن افيدك

الله يعطيك العافيه اخوي واطي الجمرة

موقعي الرياض

بالنسبة لسؤال الثاني

كان اسمعه يفور اذا وقفت من القربه

وتقبل تحياتي

[الرادار الاسود]

وانا اخوك شيك على ثلاجة المكيف الداخليه الي تحت درج الطبلون

اخوي عاشق الغميس بيض الله وجهك

شيكت عليها بس مافيه مويه ولا ريحت موية مع المكيف ولا اثر للماء عند الدعسات

ممكن اقفل لي الحار واجرب لعله منه

وتقبل تحياتي

[الرادار الاسود]

ياأخوي شيك على الطبات

اخوي درتي الفرعه بيض الله وجهك

تم التشيك عليها

وتقبل تحياتي

[سوبر VTC]

الله يعينك ونا اخوك

احنمال تهريب الطبة او الرقعة اللي بين القير و المكينة لانه يمكن اذا هربت تبخر الماء من شدة الحرارة
ايضا احتمال ان ان طبات الاديتر الجانبية يهرب اذا احتمى يعني بهن شعر بسيط و هذه صارت لواحد من الربع
تحياتي

[امير الشمال]

انا حصلت معي نفس المشكله وبعد تعب وتغيير كل ماذكر اعلاه وجدت السبب
بسيط جداً وهو خرطوش الماء الزايد اللي يروح للقربه مسدد شيك عليه وان شاء الله يكون منه

[باثفايندر03]

السلام عليكم

ي اخي الكريم

شيك على اللديتر الصغير >>>حق المكيف الحار

[الرادار الاسود]

[quote=سوبر VTC;1682734]
الله يعينك ونا اخوك



احنمال تهريب الطبة او الرقعة اللي بين القير و المكينة لانه يمكن اذا هربت تبخر الماء من شدة الحرارة
ايضا احتمال ان ان طبات الاديتر الجانبية يهرب اذا احتمى يعني بهن شعر بسيط و هذه صارت لواحد من الربع

تحياتي
[/quote
الله يعطيك العافية
تم التشيك عليها
بس فيه واحد من الشباب يقول امسك خط ثم وقف وخل السيارة شغالة واذا طلع من الشكمان موية
يكون سبب وجه الثلاجة

الله يعين الجميع

[الرادار الاسود]

انا حصلت معي نفس المشكله وبعد تعب وتغيير كل ماذكر اعلاه وجدت السبب


بسيط جداً وهو خرطوش الماء الزايد اللي يروح للقربه مسدد شيك عليه وان شاء الله يكون منه


اخوي امير الشمال
بيض الله وجهك
انا اعبي الاديتر مع القربه بس بعد المده المذكوره تكون القربه مافيها شي يعني ان الخرطوش مافيه مشكلة
وماقصرت

[الرادار الاسود]

السلام عليكم

ي اخي الكريم

شيك على اللديتر الصغير >>>حق المكيف الحار
اخوي باثفايندر3
تم تقفيل الماسوره نهائي حقه الحار الي داخل البودي عند الثلاجه الداخليه

وتقبل تحياتي

[سوبر VTC]

[quote=سوبر VTC;1682734]
الله يعينك ونا اخوك




احنمال تهريب الطبة او الرقعة اللي بين القير و المكينة لانه يمكن اذا هربت تبخر الماء من شدة الحرارة
ايضا احتمال ان ان طبات الاديتر الجانبية يهرب اذا احتمى يعني بهن شعر بسيط و هذه صارت لواحد من الربع


تحياتي
[/quote
الله يعطيك العافية
تم التشيك عليها
بس فيه واحد من الشباب يقول امسك خط ثم وقف وخل السيارة شغالة واذا طلع من الشكمان موية
يكون سبب وجه الثلاجة

الله يعين الجميع

باعتقادي ان عندك تهريب براس المكينة
ياليت تسال فني الشيروكيات تراه عنده خبره بهن
تحياتي لك عسى الله يعينك و يسهل امرك

[almamdoh]

السلام عليكم
ياخوي جرب ماء اديتر اصلي مخلوط 50/50 مع ماء مقطر

[المميـز]

بما انك شيكة على كل شيء يخص الراديتر وماء الراديتر

باقي عليك شي واحد وهو فك راس المكينه والتشييك عليه

اذا كان فيه تهريب والا لا

لانك ماتقدر تشيك عليه الا بعد فكه

احد الاقارب معه فتك وعنده نفس الحاله كل 10 ايام يعبي جالون راديتر

والى الحين مايدري التهريب من وين !!!!!!!!!!!

الشيء الوحيد باقي هو راس المكينه يمكن التهريب يكون من وجه الراس

وعلاجه ان شاء الله بسيط وهو مسح الراس عند المخرطه

بالنسبه للشروكي في ورشة بعنيـــزه متخصصه بالشروكيات

وراعيها سعودي محترم وهو يشتغل بنفسه بالورشه

موتر خويي جراند شروكي راح عليه الراس بعد ما ارتفعت عليه الحراره

وطقطق الراس ومحد عالجه الا هذي الورشه اللي بعنيزه ماشاء الله عليهم

اسم الورشه / صحاري
لصاحبها / ابو علي الثويني
العامل الهندي / رشيد

رقم الورشه / اتصلت على خويي اباخذه منه ولكن جواله مقفل

اول مايرد علي ابعطيك رقمهم

[عاشق سمر]

اخوي الشروكي2

انا كنت اعاني من نقص ماء الاديتر و وجود صدأ، و اتضح انه من المويه الخضراء اللي عند محلات تنظيف الاديتر لانها تعبانه و تتبخر مع الحراره لكن يوم حطيت موية AC Delco الحمراء ارتحت من الحراره شوي و لقيت اماكن تسرب الماء بكمية بسيطه جدا و السبب اللون الاحمر يبينها لك بكل وضوح

[س10]

بدل طرنبة الماء وما جاك عندي وانا اخوك

[صحن قلابة]

ياليت توافينا بالحل إذا لقيته ,, والله يسهل أمرنا وأمرك

[عاشق الغضا]

الاحتمالات 100%وهي :
1/ المشكلة واتوقع 80 بالمائة انه راس المكينة فيه شطب متى تدري اجلد الموتر لمدة 3 دقائق لمين تحس ان الموتر انجلد ثم وقف الموتر وطفة ثم افتح علبة زيت المكينة وشف اذاكان فيه شي مثل الحليب ابيض وفهو من الرأس علماَ ان لاتحكم على الموتر وهو طافي منذ ساعة او اكثر وتعايره وتناظر وتشوف مافيه شي علماً انه حصلت معي نفس مشكلك
2/ يكون من الثلاجة وكيف تعرف انه من الثلاجة يكون فيه رطوبة داخل السيارة تحت الرجلين
3/ يكون من طرنبة الماء يكون فيه تنسيم خفيف ومع الحرارة يتبخر عن طريق القزوز

ولا تنسى ان تجرب التجربة الاولى قبل كل شي

[gxواردقطر]

طيب بما انك غيرت الخراطيش وغيره
هل غيرت القفيز اللي يزنط الخراطيش
لان نفس المشكله صارت لي وفي الاخير>>>>قفيز وكله ب20 ريال
الله يعينك

[الرئيس الكاسر]

هل الحرارة ترتفع اكثر من النصف بدون تشغيل المكيف ؟
هل تاكدت بانه لايوجد خلط ماء وزيت عن طريق فك غطاء زيت المحرك وملاحظة لون الزيت يميل الى اللون الحليبي؟
هل سقت السيارة لفترة طويله وبعد تشيكك على ماء الرديتر اكتشفت ان لايوجد ماء ؟

يا خوفي ان مشكلتك داخل المحرك وهو الاحتمال الاكبر بعد قولك ان شيكت على كل شئ خارجي يخص نظام التبريد بالماء .
1. لابد من فك رأس المحرك وهنا توضح المشكله !!

[فني الشروكيات]

ما شاء الله الشباب ما قصروا،، ردود كافية

ووافية،، لكن اذا تبي تقطع الشك باليقين

مرني بالورشة عشان اشوف الموتر على

الطبيعة واعطيك الحل الاكيد..

[واطي الجمرة]

اخوي شيك على بريدك الخاص وان شاء الله تسستفيد
ورد لي خبر

[أبو حطب 2008]

امكن الموتر يمزح معك هههههههههه (عارف نكته بايخه


الله يعينك وتلقى له حل

[Magellan]

الله يعينك
والحل إنك تقرشه بالكراج إذا جاء الصيف وتطلع تقضي مشاويرك بموتر ثاني وإذا جاء الشتاء أطلعه خله يشم هواء وأكشت فيه
حرارة الشيروكي وأنا أخوك عله ، الله يصبرك عليه

[KREEM9]

عندك تقويس بالرس المكينه ولكنه بسيط ولذلك ينقس الماء وشكرآ