Khalid AlGhamdi
23/06/2008, 09:59 AM
السلام عليكم
شريت فورتشنر 2007 من وكالة عبداللطيف جميل من حوالي السنة
ومواظب على الصيانة ، كل 5 الاف وانا صاف سرى مع هالعالم ، يقالي موتري جديد وابي احافظ عليه
طبعا النظام ان صيانة عليهم وصيانة عليك اول 5 الاف مجانية واللي بعدها ماهي مجانية
المجانية تدفع فيها قيمة الزيت والفلتر والغير مجانية تدفع تكلفة الصيانة
وشي الصيانة ؟ تنظيف بخاخات ، تنظيف الفحمات ، وتشييك على السيارة
كم التكلفة للصيانة الغير المجانية ؟ 400 ريال تزيد او تنقص شيء بسيط
قلت والله ياخي يكفي بس تنظيف الباخاخات ، يعطيهم العافية والله سعرهم معقول
طبعا انا احسب انهم يفكون البخاخ وينظفونه ، طلع تنظيف البخاخ يصبون مادة تنظيف بتانكي البنزين !!
مثل اللي يبيعها الدرس بمحطاته حقها 15 او 20 ريال والباقي ؟ شغل اليدر
وفي صيانة الـ 40 الف قالوا لازم تغير بواجي وفلتر هوى ، قلت غيروا !
وطلعت التكلفة اكثر من 1000 ريال !! الف ريال ياجماعة على بواجي وفلتر هوى وتغيير زيت وسيفون ؟
والله لو موتري مايباخ !! طبعا اخوكم بالله يدفع تقل مسحور ويقول ماعليه الوكالة ابخص
حتى صار لي موقف عرفت ان الوكالة كلام فاضي ، صار عندي صوت بقزاز السائق
وديت الموتر ، وطلع معي الفني وشاف السيارة
قال مكينة القزاز خربانة لازم تغيير ، قلت على الضمان ؟ قال نعم
قلت زين متى اخذها ؟ قال بعد ثلاث ايام لان القطعة ماهي موجودة بالرياض وبنطلبها من جدة
قلت تعطوني موتر بديل ؟ قال لا .. تويوتا ماتعطي موتر
ثاني يوم اتصلت سالت عن الموتر قال حنا لقينا فيها عطل بسيط وصلحناه قلت زين اجي اليوم ؟ قال لا
الدوام انتهى ؟ وين انتهى حنا الساعة 5 العصر ! قال ايه بس تسليم السيارات انتهى علماً بان الموظف على بوابة تسليم السيارات يقول حتى اذان المغرب .
ثالث يوم جيت استملت موتري ونفس الصوت بالقزاز ولالمسوها ياجماعة حتى الغبار على الباب من داخل مافكوه اصلا ولا شافوه !!
رحت لمدير الصيانة وتهاوشت معاهم ودخلوا موتري وصلحوه في 10 دقايق بس !
ويقول لي مدير الصيانة لقينا صاموله مرتخية وشديناها !
3 ايام علشان تشدون صامولة ؟ ومرة خربانة المكينة وبنغيرها ومرة بنصحلها واخرتها يصلح في 10 دقايق ؟ وخساير ايجار سيارة ثلاث ايام ! وتردد على الوكالة واتصالات ..
اتصلت بالخط المجاني لاني مافقدت الامل بالوكالة وشرحت لهم المشكلة على الشكاوى
طبعا اول شيء يسالك انت مواظب على الصيانة ؟ وترى ماهو مشكلة الصيانة المجانية لو ماجيت اهم شيء الصيانة الغير مجانية اللي يدفعونك فيها اقل شي 400 ريال على تغيير الزيت
اتصل بي بعدها موظف من جدة وقال حنا نعتذر واصلا لازم يعطونك سيارة بديلة ! قلت ياخي انا سالت اكثر من موظف وكلهم قالوا مانعطي سيارة قال حنا بنحاسب الموظف على التقصير والخ من هالكلام الفاضي اللي لايودي ولايجيب وحنا بنرجع نتصل فيك ، ولاحد اتصل ولامايحزنون ..
يعني لو الواحد يروح لاقرب محل قزاز يفك موترك قدامك وتخلص في عشر دقايق وتمشي
وقدام عينك ، ماهو مثل الوكالة يدخل موترك ولاتدري وش يصير ورى هالجدار
اي وكالة واي كلام فاضي ، حنا نروح للوكالة حتى الواحد يحصل شغل مضمون وهي مجرد ورشة عادية لا اكثر .
شريت فورتشنر 2007 من وكالة عبداللطيف جميل من حوالي السنة
ومواظب على الصيانة ، كل 5 الاف وانا صاف سرى مع هالعالم ، يقالي موتري جديد وابي احافظ عليه
طبعا النظام ان صيانة عليهم وصيانة عليك اول 5 الاف مجانية واللي بعدها ماهي مجانية
المجانية تدفع فيها قيمة الزيت والفلتر والغير مجانية تدفع تكلفة الصيانة
وشي الصيانة ؟ تنظيف بخاخات ، تنظيف الفحمات ، وتشييك على السيارة
كم التكلفة للصيانة الغير المجانية ؟ 400 ريال تزيد او تنقص شيء بسيط
قلت والله ياخي يكفي بس تنظيف الباخاخات ، يعطيهم العافية والله سعرهم معقول
طبعا انا احسب انهم يفكون البخاخ وينظفونه ، طلع تنظيف البخاخ يصبون مادة تنظيف بتانكي البنزين !!
مثل اللي يبيعها الدرس بمحطاته حقها 15 او 20 ريال والباقي ؟ شغل اليدر
وفي صيانة الـ 40 الف قالوا لازم تغير بواجي وفلتر هوى ، قلت غيروا !
وطلعت التكلفة اكثر من 1000 ريال !! الف ريال ياجماعة على بواجي وفلتر هوى وتغيير زيت وسيفون ؟
والله لو موتري مايباخ !! طبعا اخوكم بالله يدفع تقل مسحور ويقول ماعليه الوكالة ابخص
حتى صار لي موقف عرفت ان الوكالة كلام فاضي ، صار عندي صوت بقزاز السائق
وديت الموتر ، وطلع معي الفني وشاف السيارة
قال مكينة القزاز خربانة لازم تغيير ، قلت على الضمان ؟ قال نعم
قلت زين متى اخذها ؟ قال بعد ثلاث ايام لان القطعة ماهي موجودة بالرياض وبنطلبها من جدة
قلت تعطوني موتر بديل ؟ قال لا .. تويوتا ماتعطي موتر
ثاني يوم اتصلت سالت عن الموتر قال حنا لقينا فيها عطل بسيط وصلحناه قلت زين اجي اليوم ؟ قال لا
الدوام انتهى ؟ وين انتهى حنا الساعة 5 العصر ! قال ايه بس تسليم السيارات انتهى علماً بان الموظف على بوابة تسليم السيارات يقول حتى اذان المغرب .
ثالث يوم جيت استملت موتري ونفس الصوت بالقزاز ولالمسوها ياجماعة حتى الغبار على الباب من داخل مافكوه اصلا ولا شافوه !!
رحت لمدير الصيانة وتهاوشت معاهم ودخلوا موتري وصلحوه في 10 دقايق بس !
ويقول لي مدير الصيانة لقينا صاموله مرتخية وشديناها !
3 ايام علشان تشدون صامولة ؟ ومرة خربانة المكينة وبنغيرها ومرة بنصحلها واخرتها يصلح في 10 دقايق ؟ وخساير ايجار سيارة ثلاث ايام ! وتردد على الوكالة واتصالات ..
اتصلت بالخط المجاني لاني مافقدت الامل بالوكالة وشرحت لهم المشكلة على الشكاوى
طبعا اول شيء يسالك انت مواظب على الصيانة ؟ وترى ماهو مشكلة الصيانة المجانية لو ماجيت اهم شيء الصيانة الغير مجانية اللي يدفعونك فيها اقل شي 400 ريال على تغيير الزيت
اتصل بي بعدها موظف من جدة وقال حنا نعتذر واصلا لازم يعطونك سيارة بديلة ! قلت ياخي انا سالت اكثر من موظف وكلهم قالوا مانعطي سيارة قال حنا بنحاسب الموظف على التقصير والخ من هالكلام الفاضي اللي لايودي ولايجيب وحنا بنرجع نتصل فيك ، ولاحد اتصل ولامايحزنون ..
يعني لو الواحد يروح لاقرب محل قزاز يفك موترك قدامك وتخلص في عشر دقايق وتمشي
وقدام عينك ، ماهو مثل الوكالة يدخل موترك ولاتدري وش يصير ورى هالجدار
اي وكالة واي كلام فاضي ، حنا نروح للوكالة حتى الواحد يحصل شغل مضمون وهي مجرد ورشة عادية لا اكثر .