وين الميكانيكيه اللي يحبون يشتغلون بيديهم ... Arb قفل الدفرنس

[الشقردي]

قبل فترة طرح موضوع عن قفل الدفرنس اللي بالهواء. ARB Air Locker
كان فيه الفديو هذا
http://www.arb.com.au/arb-air-locker-video.php

وأنا أبحث في النت لقيت خطوات مفصله لتركيبه على أحد السيارات.
http://www.4x4wire.com/isuzu/projects/roundtrooper/ARB/

السؤال اللي يسدح نفسه كم قيمته هذا وهل أحد قد جربه؟؟

ووين يركب؟

أفيدونا بتجاربكم ...

[ابوعقل]

الأكيد انه فى الامارات يركبونه

فيه هناك محل متخصص

ابي احاول اجيب اسمه

[بيت طين]

ماكنه يقوم بنفس عمل الدف لوك ولا انا غلطان ؟

[(مواصل)]

اذا لقيت خبر علمن لاهنت ملينا من تفحيط الكفرات بالنفود والطين

[الشقردي]

يا مال الشحم واللحم يا أبو عقل

بيت الطين: كلامك صحيح لكن أغلب السيارات يجي دف لوك للدفرنس الخلفي, ونادرا يجي في الأمامي.

الأيدعشري:

أبشركم مريت أمس ورشة الرماية اللي بالرياض-التخصصي وأول ما دخلت وألقى ملصق دعاية عن نفس الموضوع. وقمت أسأل الفلبيني اللي عندهم

قال لي الخلفي لحاله في بحر 3000 ريال
والأمامي مثل تقريبا,
قلت له أنا أبي بس أمامي بحكم ان عندي خلفي شد بلد قالي ما يخالف نطلبه طلبية بعد حول الشهر يجي
غير طبعا تحتاج تركب ماطور هواء قوي زي الاسترالي أبو 900 ريال

وفي النهايه قالي انه فيه نوع جديد من الأقفال يجي كهربائي يعني تشغله وتطفيه بالكرب بدون ماطور هواء.

بس يوم سألته تركب هالأنواع على Vxr98 وقلت له انه من قدام فريويل مهوب دفرنس زي الباترول تردد وقال بأسألك أو مر المعرض وقالي تر ما أعرف وظيفتها أعرف أركب وبس !!!!

[sameer_1798]

أخوي الشقردي نعم موجود قفل دفرنس يعمل عن طريق الهواء يسمى Airlocker يحتاج ترهيم بسيط في الدفرنس
الزبدة أنه بهواحد من الشباب معرفة الخل الوفي مركبة على فورتشنير 2006 ستة سلندر في الدفرنس الامامي أما الخلفي موجود فيه شد بلد . تم التركيب في العالمية للسيارات بجدة
http://www.assayyarat.com/myimages/Jul07/iniazy_DSCN0946.JPG

[gsb]

يا مال الشحم واللحم يا أبو عقل

بيت الطين: كلامك صحيح لكن أغلب السيارات يجي دف لوك للدفرنس الخلفي, ونادرا يجي في الأمامي.

الأيدعشري:

أبشركم مريت أمس ورشة الرماية اللي بالرياض-التخصصي وأول ما دخلت وألقى ملصق دعاية عن نفس الموضوع. وقمت أسأل الفلبيني اللي عندهم

قال لي الخلفي لحاله في بحر 3000 ريال
والأمامي مثل تقريبا,
قلت له أنا أبي بس أمامي بحكم ان عندي خلفي شد بلد قالي ما يخالف نطلبه طلبية بعد حول الشهر يجي
غير طبعا تحتاج تركب ماطور هواء قوي زي الاسترالي أبو 900 ريال

وفي النهايه قالي انه فيه نوع جديد من الأقفال يجي كهربائي يعني تشغله وتطفيه بالكرب بدون ماطور هواء.

بس يوم سألته تركب هالأنواع على Vxr98 وقلت له انه من قدام فريويل مهوب دفرنس زي الباترول تردد وقال بأسألك أو مر المعرض وقالي تر ما أعرف وظيفتها أعرف أركب وبس !!!!

أخوي الشقردي معلومات قيمة وطيبة

بس لوتسألنا ثاني مرة عن شركة الدف لوك الكهربائي أو تجيبلنا موقعهم على الإنتر نت نكون لك من الشاكرين.

لأنه حسب علمي ما يجي كهربائي الا شد البلد .

[باترول03]

شباب Arb من افضل الشركات الي تصنع قفل المحور وحتى انه افضل من مصنع السيارة مثل الباترول ولكن الحاجة للأمامي ضعيفة جدا

[الشقردي]

sameer_1798 (http://www.mekshat.com/vb/member.php?u=30962): الله يعطيك العافية, ولا عليك أمر كم كلفه وهل هو اللي طلبه من أمريكا أو الورشة هي اللي جابته.

GSB أنا مثلك أدور , الرماية في الرياض يقولون نطلبه لك من شركة ARB
لكن موقعهم هذا هو
http://www.arb.com.au/

[الساهر2003]

هلا بالشباب بصراحة الموضوع خطير جدا
سمعة كلام قديم جدا ان قفل الدفرنس الهواء مكلف لكن اكثر عملية من الكهربائي ويستخدم في السيارات العسكرية لقوة تحمله وقلت اعطاله
وننتظر المزيد بشان هذا الموضوع
الف شكر للجميع

[راعي المقانيص]

عمليته نفس عملية شرك الدفرنس يا أخوان والا انا غلطان ؟ ؟ ؟

[ابوعقل]

عمليته نفس عملية شرك الدفرنس يا أخوان والا انا غلطان ؟ ؟ ؟



صح عليك

بس ما تستعمله على طول

لا زم تصير السياره متعلقه بالرمل

او مثولثه

اما تستعمله على طول

يكسر العكوس اللي داخل الدفرنس

[(مواصل)]

مبلغ 3000 مبلغ خيالي

[الساهر2003]

بثلاثة الاف اركب ونش وابرك منه الف مره

[sameer_1798]

sameer_1798 (http://www.mekshat.com/vb/member.php?u=30962): الله يعطيك العافية, ولا عليك أمر كم كلفه وهل هو اللي طلبه من أمريكا أو الورشة هي اللي جابته.



يعافيك ربي التكلفة الاجمالية للقطعة مع شغل اليد 5500 ريال , علما أنه طلب القطعة من النت .
أدخل على الرابط لتعرف التفاصيل : http://www.assayyarat.com/forums/showthread.php?t=106934

[gsb]

كم سعر القطعة ف النت يمكن المواقع تختلف.

[الشقردي]

يعطيكم العافية على الإضافات القيّمة للموضوع.