وينكم ياخبرااء السفاري..؟

[شاعرالاحساس]

السلام عليكم ورحمة الله وبركاته

الصراحه انا توني شاري سفاري ومافي احد طلع من بطن امه عبقري الا من طلب العلم


وانا محتاج هالاجابات اللي تخص الطعوس على سفاري موديل 98 توماتيك ابي الاستمتاع من غيرالاهانه


كيف الطريقه مع الدبل ؟؟

وماهي غيارات الدبل الازمه للطلعات ؟؟؟

ولمن احط الدبل الخفيف كم امشي والثقيل كم سرعته ؟؟

والدبل كم غيار ؟؟ خفيف وثقيل وشنو بعد انا سمعت انه نقازي وشو النقازي وماهي استخداماته ؟؟


واسف على الاطاله

واتمنى ردود تطيب الخاطر

[مواسي الطعوس]

السلام عليكم ورحمة الله وبركاته



الصراحه انا توني شاري سفاري ومافي احد طلع من بطن امه عبقري الا من طلب العلم



وانا محتاج هالاجابات اللي تخص الطعوس على سفاري موديل 98 توماتيك ابي الاستمتاع من غيرالاهانه



كيف الطريقه مع الدبل ؟؟


وماهي غيارات الدبل الازمه للطلعات ؟؟؟


ولمن احط الدبل الخفيف كم امشي والثقيل كم سرعته ؟؟


والدبل كم غيار ؟؟ خفيف وثقيل وشنو بعد انا سمعت انه نقازي وشو النقازي وماهي استخداماته ؟؟



واسف على الاطاله



واتمنى ردود تطيب الخاطر



**والله احرجتنا انت تقول من غير اهانه وشلون نجاوبك (والله اني مت من الضحك يوم قريت النقازي... اللي عندي يقول وش جاك)

** اولا 1000 مبروك الموتر الله يطعمك خيره ويكفيك شره
**الموتر للخط ممتاز جدا اهدا موتر لكنه تبي سرعه ايس
**مشكلة الموتر نمره طوووووووووويله مره يعني ب2 يجيب 140 سرعه والفتك على نشاطه يجيب ب 2 (100) فقط انا خابره اول مانزل جربته
**يعني بالطعوس مالك الاالثقيل ونمرة 1 والا2*
** يحتاج مساعدات قدام قويه علشان... تقدر تاخذ عزم ولا يهابد الموتر ولايضيع عزمه
**الهواء لايتعدى 15 ... لازم تشغل الدفلك اذا غرز الموتر
وذا بغيت زاده اشر بسعدك مولود بالنفود

[Black VTC]

يمكن اخوي تقصد ( بالنقازي ) هو الهزاز او الدفلوك ... وهو نظام الغلق الالي للتروس ... عشان اذا ثولث الموتر او تعلق يتحكم الياً بالكفرات فالكفر المغرز يتحرك و اللي يدور بوش يقفل عنه ويكون جهد السياراة كله للكفر المغرز ..

اما بخصوص النفود فاخوي مواسي الطعوس ما قصر وهنالك فنيات تجدها في المنتدى .....

[عاشق السيل]

وعليكم السلام ورحمة اله وبركاته ،،

الدبل الخفيف إذا بغيت تتمشى على النفود وعلى السيوف وتتطاعس بشكل طبيعي ،، وممكن تشبكه وأنت تمشي وتفصله وأنت تمشي أيضا ،،

الدبل الثقيل استخدامه للضرورة فقط إما تكون مغرز بشكل صعب أو ناوي تسحب سيارة مغرزة ،، ولازم تكون السيارة واقفة تماما والقير على الفاضي إذا بغيت تشبكه أو تفصله ،،

أما على قولك النقازي اللي هو الدفلك زي ماقال أخوي بلاك فتك إذا غرزت وصار كفر يدور والكفر الثاني ثابت اشبك الدفلك مع الدبل الثقيل وأمورك تتيسر إن شاء الله ،،

أما الطلعات الطويلة هذي يبيلها مهارة وخبرة وطبعا مع الدبل الخفيف وتنسيم للكفرات وتحكم للقير بشكل سليم ،،

أما غيارات الدبل فيه h2 هذا عادي للاستخدام في الشوارع أو الطرق الصلبة ،، وفيه h4 هذا الدبل الخفيف وبعدها n هذا الفاضي اللي يفصل القير عن الدفرنسات نهائيا وفيه الثقيل اللي هو L4 ،،

هذا اللي عندي وتقبل مروري يالغالي .....

[الحاتمي1]

نفس كلام اخواني واحب ازيد انتبه على الحراره لاني خابر السفري التوماتيك دبلة تسبد بالنفود والحراره توصل للنص مع الدبل
والله يوفقك