لمن يهمه الامر/ بخصوص عداد الزيت للباترول

[قصيمي تسحت]

السلام عليكم ورحمه الله وبركاته
عندي عداد الباترول حق الزيت وانت تمشي يحسب لك الكيلو مهما قطعت من مسافه لكن المشكله انه اذا طفيت السياره وشغلتها مره ثانيه القى عداد الزيت مصفر من جديد
وبرضوه الساعه نفس المشكله كل ما اضبط الساعه القاها مصفره من جديد
وماادري من وش السبب
فما ادري من وش المشكله
وموديل السياره 2006
ولكم جزيل الشكر
وانتظر حل لهذه المشكله

[ربع2003]

مساء الخير
والله ياخوي انا كان عندي 2000 ربع و2006 وفيهم نفس المشكلة مريت واحد قال يمكن مع الفك يصفر العداد
قلت مابي العب بالموتر وننتظر اصحاب الخبره
تقبل مروري

[دواس الضلماء]

السلام عليك اخوي المشكله بسييييييييييييييطه جدااا عندك فيوووز خربان تلقاه مع الفيوزات الي تحت يسار عند رجليك تبي تلقا واحد خربان الضاهر بعد انه نفس حق الطفايه

[قصيمي تسحت]

الله يعافيك يادواس الضلماء
لقيت الفيوز في العامود الاول من اليسار قبل الاخير مقاسه 7.5
ركبت الفيوز وضبط معي عداد الزيت +الساعه لكن ولعت لمبه فوق الطبلون حمراء اللون اول ماركبت الفيوز ومشيت ولعت على طول اللمبه وطفيت السياره وشغلتها مره ثانيه ومير تطفي واذا طفيت السياره تبدا اللمبه تشر باللون الاحمر
اللمبه هاذي حقت وش
*ومكتوب على غطاء الفيوزات الخاص بالعداد حق الزيت والساعه Bat 7,5 Elec Parts
وياليت اللي يعرف معنا هذه العباره يعلمنا او يفيدنا
وانتظر من الاعضاء اللي لهم خبره بهذه الامور
واكون لكم من الشاكرين

[عاشق السيل]

معلومة جديدة تشكر على طرحها والله يعافي أخوي دواس الظلماء على الحل السريع !!

[خشيمان]

والله من قريت دريت انه فيوز بس دواس الظلماء سبقنا
وشف مر لك كهربائي اخاف ان مقاس الفيوز يختلف ؟؟

[Black VTC]

الله يعافيك يادواس الضلماء
لقيت الفيوز في العامود الاول من اليسار قبل الاخير مقاسه 7.5
ركبت الفيوز وضبط معي عداد الزيت +الساعه لكن ولعت لمبه فوق الطبلون حمراء اللون اول ماركبت الفيوز ومشيت ولعت على طول اللمبه وطفيت السياره وشغلتها مره ثانيه ومير تطفي واذا طفيت السياره تبدا اللمبه تشر باللون الاحمر
اللمبه هاذي حقت وش
*ومكتوب على غطاء الفيوزات الخاص بالعداد حق الزيت والساعه Bat 7,5 Elec Parts
وياليت اللي يعرف معنا هذه العباره يعلمنا او يفيدنا
وانتظر من الاعضاء اللي لهم خبره بهذه الامور
واكون لكم من الشاكرين


اذا كنت تقصد اللمبة اللي فوق الطبلون تحت القزازة الامامية قدام السائق مباشرة هذي الله يسلمك لمبة تبين ان الموتر مؤمن ضد السرقة اللي هو السيكورتي حق المفتاح السويتش وهي تشر كل ثلاث ثواني تقريباً ....

يعني بالمختصر اذا جاء حرامي الله يكفينا الشر ويحفظ لنا ولك الحلال يشوف اللمبة تشر يعني مش خشك تشبك السيارة :) وموجود ملصق على باب السائق والراكب انه السيارة مؤمنة ضد السرقة والتشبيك ... وزود حرص اذا وقفت في مكان تخاف من تنقيز السيارة فعليك بقفل الدركسون بعد اطفاء محرك السيارة وبعد اخراج مفتاح السيارة من السويتش لف بالطارة اللين تقفل - تسمع صوت طقة- وبعدها ما يتحرك الدركسون وكذا تزيد من حماية السيارة ...

وتنويهاً لحرص اخوي خشيمان عشان مقاس الفيوز ترا غطاء الفيوزات موجود فيه جميع المقاسات مقابل كل فيوز مقاسه وبكذا اعتمد على نفسك وما عليك من الكهربائيين :):)

[قصيمي تسحت]

الله يعافيك ياخوي الفتك الاسود
ولايهونون الشباب
ونشكركم لااهتمامك بنا

[عاشق السيل]

بلاك فتك ،،،

الله يكفينا شرك وش هالتوقيع الجديد ؟!!!!!!!

[Black VTC]

اخوي قصيمي تسحت ما سوينا شي وترا اللمبة طبيعية و شكلها مرعب بالبر :)

....
اخوي عاشق السيل ولا يهون الاخوان .. آآآآمين :) .. اكاليوم جالسن اتفرج على اليوتيوب على الفتكات ودام المقطع يجهز كامل جلست اتصفح منتدى مكشات و شفت اكثر الشباب يشتكون من حرارة الفتك ... عاد رجعت لليوتيوب و شفت اللقطة و ثبتها وصورت الشاشة و خليتها توقيع عشان اعلمهم ان حرارة الفتك طبيعية و هي من حرارة الجو الله يكفينا شر جهنم ..... عاد تخيل حرارة الجو تقترب من 50 والشمس تصهر و السيارات متراكمات وكلهن يبثن حراااارة و يجي احدن ويقول سيارتي ترتفع حراراته ؟؟... اكيد تبي ترتفع ..

اخوي عاشق السيل ما قلت لي وش رايك بالتوقيع .

[عاشق السيل]

أخوي بلاك فتك ،،

ماشاء الله عليك والله تعرف تطلع توقيع حتى من اليوتيوب !!!!!

أما توقيعك قسم بالله جنااااااان بس لو البيبان مسكرة تكون أحلى لأن الصورة تدل على إن السيارة محترقة والركاب هاجين !!!!

وبالنسبة للحر اليوم عندي بالسيارة وصلت 48 وهذا شي طبيعي من اليوم حتى بداية شهر 9 ،، وأذكر العام وبأواخر شهر 7 وصلت بالسيارة 51 وأنا فوق كبري الخليج العصر تصدق !!!!!

والله يكفينا سموم جهنم ويجيرنا منها ووالدينا والمسلمين أجمعين ،،، آمين