أمس الاثنين 19/6/1429 كنت في صالة بالبيد وأعجبتني هذه السيارة .. صور .

[العبقري 1]

نوع السيارة GMC قصير دبل مع فتحة سقف مقاعد جلد وقلي السعر 146 ألف ريال سعودي ... وش رايكم في السيارة وترون مابيها للبر إلا خفيف جداً .... وهذي الصور ..

http://www.tarooti.net/upfiles/4LV59291.jpg (http://www.tarooti.net/)

http://www.tarooti.net/upfiles/xL159326.jpg (http://www.tarooti.net/)

http://www.tarooti.net/upfiles/zIc59372.jpg (http://www.tarooti.net/)

http://www.tarooti.net/upfiles/3Ju59411.jpg (http://www.tarooti.net/)

http://www.tarooti.net/upfiles/iql59439.jpg (http://www.tarooti.net/)

http://www.tarooti.net/upfiles/REM59473.jpg (http://www.tarooti.net/)

http://www.tarooti.net/upfiles/OYa59518.jpg (http://www.tarooti.net/)

وهذي البنية مشنبة ماتروح إلا والسيارة معها ...

http://www.tarooti.net/upfiles/FwH59546.jpg (http://www.tarooti.net/)

مع أجمل تحياتي وننتظر التعليقات المعهودة .

[بيبسي]

والله رخيص سعره مقارنه يالتويوتا والنيسان والمتسوبيشي ... يوكون دفع رباعي وفتحة سقف ومراتب جلد بالسعر هذا بصراحه مناسب جدا جدا ,,,

[وقيان]

اليــــوكن وحش في البر.. و اسأل مجرب...الموتر حلو..لكن يا الغالي مالك بالجلد..تعرف جونا أغلبه صيف وحار....و ان شاء الله نكون أول من يبارك لك...

[وقيان]

حبيت أضيف...عليك بالجميح فهو أرخصهم..قارن وشف الأصلح لك...

[فارس تميم]

والله الموتر ما عليه خلاف

بس يقولون ان قيره فيه مشاكل

والله اعلم

[العبقري 1]

الأخ بيبسي ..
رأيك قريب من رأيي يكاد يكون نفسه .. شكري الجزيل أخي .
الأخ وقيان ..
أشكر المرور الرائع والرد السريع .. لكن .. قرأت ذات مرة كلام واحد يقول عن اليوكن الدبل ، يقول ( لا تروحبه الرمال القوية إذا انت راعي بر وطعوس خذ الياباني ) وش رايك أخي وقيان ؟ وعن نصيحتك حول الجلد فعلا منطقية وستبقى في ذهني دائماً .

[Magellan]

الأخ بيبسي ..
رأيك قريب من رأيي يكاد يكون نفسه .. شكري الجزيل أخي .
الأخ وقيان ..
أشكر المرور الرائع والرد السريع .. لكن .. قرأت ذات مرة كلام واحد يقول عن اليوكن الدبل ، يقول ( لا تروحبه الرمال القوية إذا انت راعي بر وطعوس خذ الياباني ) وش رايك أخي وقيان ؟ وعن نصيحتك حول الجلد فعلا منطقية وستبقى في ذهني دائماً .


واحد من ربعي شراه 2007 والله ياطاعسنا فيه مطاعس مهوب طبيعي
مكينة تعطيك قوة بس مشكلته وجهيته نازله
وماشاء الله ملك في الطريق تمشي 180 ماتحس بالخط
وبالنسبة للقير كانت المشكلة في الدفعات الجديدة منه 2007 ودليل على رغبة الناس إنتشاره ..

[مواسي الطعوس]

الموتر فيه عيوب منها :
1/ مريح مره
2/ رخيص مقارنه بغيره من السيارات
3/ قوي قوي ......
4/مواصفات كثيره....قمة الرفاهيه
5/ اقتصادي في الوقود
6/ مراتب حلوه ومريحه.....وسعه
7/ مرغوب عند البيع بحكم رخص مشتراه

[حمدبن ناصر]

الله الله وش خليت اختيار موفق الف مبروك مقدم

[سطام vip]

ما شاء الله تبارك الرحمن

صراحه السياره رااائعه بكل ما تعنيه الكلمه

وابعلق على المراتب الجلد لاني جربت المخمل والجلد

عيب الجلد

حار في الصيف وبارد في الشتاء وبعد فتره بسيطه يبدا يتقطع ويتشقق

احسن ما في الجلد انه يتنظف بسهوله وهذا النقطه الوحيده الي تحسب له

والصراحه يعطي السياره فخامه


بالنسبه للمخمل طبعا يكد في السياره ويتحمل جونا سواء البروده او الحراره

بس عيبه اذا توصخ يكون متعب في التنظيف

بس انا من ناحتي اعشق الجلد حتى ولو فيه عيوبه

الله يبارك لك اخوي ويوفقك ويكتب لك الي فيه الخيرء

[وقيان]

الأخ بيبسي ..
رأيك قريب من رأيي يكاد يكون نفسه .. شكري الجزيل أخي .
الأخ وقيان ..
أشكر المرور الرائع والرد السريع .. لكن .. قرأت ذات مرة كلام واحد يقول عن اليوكن الدبل ، يقول ( لا تروحبه الرمال القوية إذا انت راعي بر وطعوس خذ الياباني ) وش رايك أخي وقيان ؟ وعن نصيحتك حول الجلد فعلا منطقية وستبقى في ذهني دائماً .

مافيه رمل مايوصله اليوكن...اتكلم لك من تجـــربة...ماهو نقل حكي وبس...عزمه جبـــار..

[سليمان911]

اخوي مافكرت في التاهو Ltz
احسن مواصفات من اليوكن اللي في الصوره
ولا تاهوz71

[شامخ ألهيلا]

رووعه اخوي لايفوتك ويعتبر افضل في البيع عن المستوبيشي وسياره للمدينه والبر والسفر

بس انتبه من الجلد ترااه مو لجونا الربيعي والغايم

الجلد حلو انه يتمسح ومايمسك الوسخ بس عيبه حاااااار وباارد وبعد سنتين راح تشوف الشطووب عليه

خذ مخمل فل كامل وكل فتره اغسله عن ورش التلميع

ونقول ان شريت الله يطعمك خيرها ويكفيك شرها

[مرسال الوسطى]

عليك بوارد اليابان وبس لاتبعد وإذا جيت بتبع يمسك سعره
تحياتي ...........

[راعي الفورت]

ممتاز والسعر قريب من سعر التاهو

والتاهو أكشخ وأجمل فكر به زين ترا بيعجبك

وأبعد عن الفتحة ... السبب تستطيع تركب dvd بالراحة

وهو من متطلبات السيارات في هالزمن


وإن كان ما تبي المراتب الجلد أنا أبادلك المراتب اللي عندي في سيارتي التاهو 2008 مراتب مخمل لون بيج جديد وأزيدك فوقها 1000 ريال

[بيت طين]

استخر والله يدلك على صالح الاعمال والله يخليك للصغيره ويحفظها ويصلحها.

[بواسامه]

صدقني مانقص هالموتر الا ركبتك فيه
توكل على الله واشتر
خوش موتر

[سيف الظفير]

الجمس اليوكن والتاهو قوي جداً

ويمتلك تسارع رهيب

ويعتبر من السيارات الرياضية
والشاحنات الصغيرة

ويمتلك قوة سحب جبارة وكذلك التحميل

ومن ناحية الجلد والنقاش حوله

بخصوص الجلد توكل على الله وخذه ولا تتردد لأنه الجلد وكالة وجلد طبيعي ماهوب صناعي من الغرابي ابو 400 ريال .

وفي الصيف فيه حرارة بس معقولة وخفيفة من واقع تجربة لأني امتلك سوبربان فل 2500/2006


المهم والأهم وخذها من أخوك الصغير
لوجه الله تعالى

انا مريت صيانة العيسى لأمر من الامور بخصوص سيارتي الساعة 6 صباحاً الى 8

وكل السيارات اللي عند الصيانة فيها مشاكل واصوات في القير وهي من عام 2007

انتظر واصبر ولا تستعجل بالشراء

وان كنت بتدفع هالقيمة تلقى لك

لاندكروزر 2008

او سفاري 2008

جديد وانصحك في الاثنين

لأنهم الافضل والاقوى والاجدر

والاحسن للسعودية

[بن داود]

ممتاز والسعر قريب من سعر التاهو



والتاهو أكشخ وأجمل فكر به زين ترا بيعجبك


وأبعد عن الفتحة ... السبب تستطيع تركب dvd بالراحة


وهو من متطلبات السيارات في هالزمن



وإن كان ما تبي المراتب الجلد أنا أبادلك المراتب اللي عندي في سيارتي التاهو 2008 مراتب مخمل لون بيج جديد وأزيدك فوقها 1000 ريال


هلابك والله الرجال بيزيد 5 الاف وزود على مراتب الجلد وانت تبي تعطيه مراتب مخمل وتزوده 1000

عسى ماشر

[نمر بن حثلين]

اليوكون مافيه كلام ويكفيك انتشاره الرهيب يدلك انه عملي

لكن انا اقترح تاخذ استاندرد Sle
ترا فرق المواصفات قليل والسعر بحدود 130 الف

[عاشق السيل]

ماشاء الله عليك ،، اختيارك موفق ،،

بس عندي لك كم نصيحة :
1 ـ الجميح رخيص بس العيسى أفصل صيانة والفرق شااااااااسع ،،
2 ـ احرص على المخمل وابتعد عن الجلد وإذا مالقيت طقها تلبيسة ،،
3 ـ احرص على اللون الفاتح لأنه الأنسب لأجواء المملكة ،،
4 ـ الفتحة ميزة ممتازة بس لازم تستخدمها بكثرة علشان ماتخرب عليك والأفضل بدون فتحة ،،
5 ـ إذا كانت العائلة صغيرة اشتر جيب ياباني أفضلك والفرق يبان بعد سنوات ،،
6 ـ أي سؤال أنا جاهز ولايهون باقي الشباب يعطيهم العافية ،،

وألف مبروك مقدما وتقبل مروري يالغالي .....

[سيف الظفير]

مثل ماقال عاشق السيل اذا العائلة عددها قليل عليك بالياباني من لاندكروزر او باترول

[العرمه]

نصيحة اخو خذ تايوتا لاندكروزر

موديل 2004 وطالع 8 سرندل تماتيك

[راعي الفورت]

هلابك والله الرجال بيزيد 5 الاف وزود على مراتب الجلد وانت تبي تعطيه مراتب مخمل وتزوده 1000

عسى ماشر

ما شاء الله عليك يا ايكو أنت محامي والا قاضي ههههه

أنا أشاور الرجال وهذي مبادلة يعني أبعطيه اللي يطلب ولكن لا تظلمون ولا تظلمون

وإذا وافق نترك الحكم لمشايخنا في مكشات ونطرح الموضوع للمزايدة

بيني وبينك أنا ناوي أركب جلد بإذن الله

[سم العقرب]

انا معي نفس السيارة موديل 2008 اسود
مركب عازل على القزاز والحمدلله الحرارة عادية هذا وانا في مكة الحر فيها دبل يعني 40 درجه تضربها في 2 عندنا
جربته في البر وفي السفر والحمدلله ما شتكيت من اي مشاكل بعكس مريح ونزلت به الجنوب ابها والباحه وبالجرشي والنماص وتنومة
والرياض الدمام والحمدالله يازين الموتر الجديد
توكل على الله وستخير ربك




((العـــــقــرب ))

[يحيي بن حمد]

لا تاخذ راي الاخرين تدوخ

انت اخوي وش بخاطرك خذه

ولولا اختلاف الاراء لبارت السلع

[hightech]

توكل على الله واخذه مواصفات ممتازة
وسعر ممتاز
وايضا ممتاز لعائلة صغير الى متوسطة وبالتوفيق

[برق النماص]

قررت اشتري يوكن فورااااااااااااااا

[مقلع الرمث]

اخوي خذه ولا تشاااور والله موتر وانا معي باترول فتك وافكر اطقلي واحد اريح وفخامه ورخص ياسلام بس قبل كل شي استخر والله يوفقك وعلمنا وش يصير عليك بموضوع جديد عشاان نكون اول المباركين لك

[العبقري 1]

الأخ ماجلان :
والله طمنتني من جهة الرمال مشكور أخي .
الأخ مواسي الطعوس :
فهمت عليك عيوبه إيجابيات .
الأخ حمد بن ناصر :
الله يبارك فيك وأعتز في رأيك
الأخ سطام vip :
وضحت موضوع الجلد والمخمل بشكل يقنع أي شخص
الأخ وقيان :
كلامك عن اليوكن في الرمل يكفيني عن أي سؤال من هذه الناحية .
الأخ سليمان 911 :
والله وانا اخوك التاهو من الداخل ماعجبني ولا أستغني عن شورك .
الأخ شامخ الهيلا :
رايك أقدره وأكدت فكرتي عن الجلد الله يعطيك العافية
الأخ مرسال الوسطى :
الياباني تجدها سيارات ضيقة ومكاينها ماهي ما تقوم بالسيارة زي الأمريكي وتجدها تجميع وشغلتها شغلة وانا أخوك ماعاد هي زي أول .
الأخ راعي الفورت :
ياليتني اشتريته بس مابقي غير المبادل والعلوم هذي .
الأخ بيت الطين :
ربي يوفقك ويرزقك البنين والبنات ويصلحهم .
الأخ بو أسامة :
كلماتك ما تصدر غير من شخص أصله طيب .
الأخ سيف الظفير :
جميع نصائحك ووجهات نظرك قرأتها بتركيز وسآخذها بعين الاعتبار الله يكون في عونك زي ما كنت في عوني .
الأخ نمر بن حثلين :
رأيك أعتز فيه وسأفكر به جيداً بس كيف شكل الاستاندرد ؟
الأخ عاشق السيل :
لقد كتبت عصارة تجربتك والله لا أعلم كيف أشكرك على هذه النصائح الثمينة .
الأخ سيف الظفير :
شكراً على التأكيد والياباني وانا اخوك ماعندي ميل له .
الأخ العرمة :
فعلاً هذي سيارات عملية بس والله الرغبة جهتها ماهي قوية .
الأخ طيبت قلبي سبب :
كلامك مفاصل ماشاء الله عليك زي النقاط على الحروف وناتج عن تجربة الله يجزيك كل خير .
الأخ يحى بن حمد :
رأيك سليم لكن الاخوان هنا يعطون الواحد خلاصة تجاربهم وآراءهم بكل مصداقية الله يعطيهم الصحة والعافية وياك ومشكور تراني فهمت قصدك التشتت مو طيب .
الأخ hightech :
كلامك حاسم ويقطع الطريق على الحيرة مشكوووور على نصيحتك .
الأخ برق النماص :
أنا وياك على الخير والقلوب شواهد .
الأخ مقلع الرمث :
مشكور على الرأي وابشر والله إذا اشتريت لأرد لكم الجميل بتفاصيل كل صغيرة وكبيرة عن اليوكن وتقرير كاااامل ..

[kk999]

اخي العزيز انا بصراحه انصحك بالتاهو ltz رائع ووحش من جد ومن الداخل افخم من اليوكن ويوجد به نظام ملاحه مع العلم ان المواصفات الميكانيكيه نفسها بالضبط ايضا النور الامامي اقوى من اليوكن يمكن علشان الواطي شمعه والعالي شمعه لوحدها اما اليوكن نفس الشمعه وتقريبا سعره نفس السعر الي انت حاطه واسئل الله لك الطيب

[سليمان911]

الأخ سليمان 911 :
والله وانا اخوك التاهو من الداخل ماعجبني ولا أستغني عن شورك .

http://www.mekshat.com/vb/%5Burl=http://www.0zz0.com%5D%5Bimg%5Dhttp://www6.0zz0.com/2008/06/26/17/949259505.jpg%5B/img%5D%5B/url%5Dhttp://%5Burl=http://file7.9q9q.net/preview/33195895/dash.jpg.html%5D%5Bimg%5Dhttp://file7.9q9q.net/img/33195895/dash.jpg%5B/img%5D%5B/url%5Dhttp://www.mekshat.com/vb/%5Burl=http://file7.9q9q.net/preview/33195895/dash.jpg.html%5D%5Bimg%5Dhttp://file7.9q9q.net/img/33195895/dash.jpg%5B/img%5D%5B/url%5Dhttp://www.mekshat.com/vb/%3Ca%20href=%22http://file7.9q9q.net/preview/33195895/dash.jpg.html%22%20%20target=%22_blank%22%3E%3Cimg %20src=%22http://file7.9q9q.net/img/33195895/dash.jpg%22%20%20alt=%22dash.jpg%20Hosted%20by%20: %20%C3%99%C2%85%C3%98%C2%B1%C3%99%C2%83%C3%98%C2%B 2%20%C3%98%C2%AA%C3%98%C2%AD%C3%99%C2%85%C3%99%C2% 8A%C3%99%C2%84%20%C3%98%C2%B7%C3%99%C2%82%20%C3%98 %C2%B7%C3%99%C2%82%22%20border=0%3E%3C/a%3Ehttp://%3Ca%20href=%22http://file7.9q9q.net/preview/33195895/dash.jpg.html%22%20%20target=%22_blank%22%3E%3Cimg %20src=%22http://file7.9q9q.net/img/33195895/dash.jpg%22%20%20alt=%22dash.jpg%20Hosted%20by%20: %20%C3%99%C2%85%C3%98%C2%B1%C3%99%C2%83%C3%98%C2%B 2%20%C3%98%C2%AA%C3%98%C2%AD%C3%99%C2%85%C3%99%C2% 8A%C3%99%C2%84%20%C3%98%C2%B7%C3%99%C2%82%20%C3%98 %C2%B7%C3%99%C2%82%22%20border=0%3E%3C/a%3Eاخوي التاهو واليوكن مافيهم فرق في الدخليه :D
http://file7.9q9q.net/preview/33195895/dash.jpg.htmlhttp://http://file7.9q9q.net/preview/33195895/dash.jpg.htmlهذي داخلية التاهوLtz ويمكن قيمتة ماتوصل 160 ارخص من اليوكن
http://www.mekshat.com/pix/upload02/images73/mk67960_dash.jpg
http://www.mekshat.com/vb/%5Burl=http://www.0zz0.com%5D%5Bimg%5Dhttp://www6.0zz0.com/2008/06/26/17/949259505.jpg%5B/img%5D%5B/url%5D

[خوي عليان]

الفلوس بدال مشتري جمس يوكون 2008 اشتر لانكلوزر 2006 جكس ار فل كامل 142 الف واريح بعد السعر هاذا ينسمى غالي ال4 الاف الباقي ادلع السياره فيها وسلام سلام

[كاشخ 24 ساعه]

قرار سليم وممتاز

اليوكن أفضل لك ولعائلتك من اللاند الجديد

واقول الكلام من واقع تجربه


عيوب اليوكن

1- القير العلاقي وكان المفروض يكون أرضي
2-صف المراتب الثالث ضيق نوعا ما
3-الوكيل سي السمعه


ولكن ماهي المميزات
1-اداء جبار 355 حصان
2-ناقل حركه اوتو ب4 سرعات مع نظام الافر رايد للقطر
3-حساس الانقلاب لا سمح الله
4-ريموت قراج
5-نظام التحكم بالثبات ستابيلي تراك
6-تشغيل السياره وفتح الباب الخلفي بالريموت وهناك جهاز تحسس يوقف حركة الباب عند وجود عائق أمامه
7-ميزه الانتقال الى وضع 4 اسظانات في السرعات المنخفضه لتقليل استهلاك الوقود
8- نظام انذار متطور


وغيره الكثير

[أبو أسامة]

شوف الأرمادا

[القضاع]

مساكم الله بالخير عندي اضافه بسيطه على ماقالوا الاخوان عيبه في صدامه الامامي اذا طقه الرمل بالطلوع والنزول ينطعج ويبان عليه الطعجه لانه من قطعه واحده ومن فيبر وشكرا

[ابو نوره]

سعره عند الجميح فل 155 الف الي يجي جنط 20 ودواسه كهرب بدون ديفي دي
والتاهو مشكلته ان طبلونه اسود في كل الالوان بس اكثر تخشيب وحول السعر
ولا تعداه تراه ابرك من غيره الا ان شريت لك سفاري فتك يكون لك وللزمن
وبالنسبه للمراتب يجي مخمل شاموه زي الجلد تقريباً ماتفرقه الا بالملمس
والله يوفقك

[ابوريناد1979]

ماشالله تبارك
مع اني كاره الأمريكي ومشاكله بس هالموتر يوقف شعرك اذا شفته (سكككككككككككبه) وهو افضل الامريكي
الله يوفقك

[طارق الحربي]

حلو


بس ابعد عن هالوكيل مايمدحونه

لك تحياتي

[مخاوي الكشات]

ممتاز بس لاتأخذ من الجميح سياراتهم يطلع فيها بلاوي وإن بغيت علمتك وش في مواترهم وبعدين لاتأخذ جلد خذ شامواه أسأل مجرب ولا تسأل طبيب الوالد الله يحفظه معه يوكون 2007 دبل من العيسى شاريه وترا العيسى أفضل السيء ...

[راعي هوى]

اللي يقول الفتك وقف عند البانزين 6سلندر 4800 يجرح شعووووووورك بالمحطه لا جيت تعبي
بس تعال تاهو او اليوكن 8 سلندر 5300 اقل صرف للبانزين عزم اقوى ومركب شيوخ
واذا جت على الوكيل انا اقول الله يعينكم على مبتلاكم الوكلاء عندكم من حفره لدحديره