تكميلات الجيب الربع؟؟ الفزعة يالاجاويد

[Abu-Sulaiman]

السلام عليكم،،

مثل ما انتم عارفين الجيب الربع ضيق و لا يشيل للي دواليشه واجد.

فانا افكر بتركيب سلة (شبك فوق التندة) علشان احط الاغراض الزائدة .

من اهم الاشياء عندي الحطب واخاف انه يوسخ السيارة ولا يكسر او يشقق الديكور.

وايضا للي عنده فكرة بتركيب تانكي للربع وكم يشيل.

الله لا يهينكم كثرت عليكم الاسئلة بس عارفين انكم منتب مقصرين.

[صقر]

فكرة السلة فكرة حلوة وممكن تركب سلة ومعها تانكي ماء

انا شفت ناس في الشمال مسوين هالطريقة بس مركبينها على ربع باترول واعتقد انهن حول بعض.

[الحاتمي]

وعليكم السلام ورحمة الله وبركاته
الجيب الربع انا اشوف ان تندته صغيره وهو رفيع ومايبي زود رفع والسله تبي ترفعه زياده اذا حطيت عفشك وحطبك وباقي اغراضك...
وكلنا نعرف ان الربع اكثر سياره معرضه للانقلاب لاقدر الله.
وارتفاعه زياده يزيد من احتمال الانقلاب خصوصا في النفود واثنا المنحدرات المائله..
وارتفاعه من الارض الى اعلى شي من الاغراض اللي بالسله وبمباركة قصر الشاسي( المسافه بين الكفر الامامي والخلفي) سوف يكون بشكل غير طبيعي.
رايي ان القلص افضل بكثيرمن السله بالاضافه الى سعته وتمكنه من حمل اغراض اكثر.
ولكم تحياتي
الحااااااااااااااااتمي

[خشم الحصان]

الاخ ابو سليمان
السلام عليكم
من الممكن ان تضع سله من اول التنده الين اخرها والرفع في حدود 10سم وتشيل من العفش
الكثير ومجربه وتقدر انتضع قاعدة الارسال وقاعدة ال جي بي اس وكشفات في مقدمة السله و
علي امتداد السله تقدر ان تضع محل للفاس و المسحات ومعلق الذبيحه و في خلف السله تقدر ان تضع لمبه تور عليك في اتلبر
السله لزم تكون الفتحات ضيقه علشان ان التنده فيبر حتي لايخفس الحطب التنده وتشيل معك استبنه احتياط
علي السله.
ام التنكي هنالك مجال
1- نقل الكندسه تحت رجل السواق ووضع تانكي محلها
2- تفصيل تانكي ورا تحت المرتب والمرتب ترتكي علي التانكي اي بمقدار الحوض الي ورا
3- تشيل المرتب وتفصل محلهم تانكين
ارجو ان اكون ساعتك
اخوك
خشم الحصان

[Abu-Sulaiman]

السلام عليكم،،،

شكرا للشباب اللي مروا وعلقوا واللي ما مروا ولا علقوا.

أخوي الحاتمي. شكرا لك على حرصك على السلامة بس فكرة القلص مع الربع تقل ثقيلة .

أخوي خشم الحصان . شكرا على اقتراحاتك. لكن بعض الشباب يقولون انه بعد فك الشبك ومشيك بسرعة بخط .التندة تبى تهفهف عليك . ولا ادري فيه علم وكاد عن هالامور او لا.

[خشم الحصان]

الاخ العزيز ابو سليمان
السلام عليكم
اخوي انا قلت مجربه و الي مجرب هو الي ابخص بالعلم واخي لديه جيب ربع ومفصل عليه سله من 6 سنوات
ونزلها ونركبها ولا عمرنا شفنا التنده ترفرف هي شراع
اخوك
خشم الحصان:D :good:

[Abu-Sulaiman]

شكرا اخوي خشم الحصان

وتخبر الواحد يكثر الاسئلة من زود الحرص.