ياشباب اللي عنده حل للهوية في اللاندكروزر 2008 لايبخل علينا

[عبدالرحمن ‍]

السلام عليكم ..

المعروف عن الtoyota G 2008 ان فيها هوية من قدام .. يعني لو كنت مسرع في البر وطب الموتر اول مايطب يطب على وجهه .. ياليت اللي يعرف له حد دبل جانبينات للتيوتا G 2008 او سوا حركه وشل الهوية يعطينا الحل .. او طريقة مجربه

اتمنى الصورة وضحت عندكم

وارجوا تزويدي بالمعلومات.. ولاهنتو

[سيف الظفير]

ماعرفنا مطلووووووووووبك يا الطيب

[الطبشي]

والله الي ياخذ لاندكروزر 2008 غلطان ميه في الميه

[مجالس الرجال]

والله ماادري وش تقصد هل اف جي او لاند كروزر جي

[عبدالرحمن ‍]

ماعرفنا مطلووووووووووبك يا الطيب


لاهنت اخوي سيف على سرعة تجاوبك للموضوع ...

أنا بحاول اوصل مطلوبي ان شاء الله..

المعروف عن التيوتا ان مقدمة السيارة اثقل من المؤخره .. بعكس النيسان يكون متساوي في الثقل (كلام عن تجربه).. فإذا طلعت البر وخاصة لاهل الطيور والقنص وطرد على التيوتا وطب في مطب كبير (شين) وهو بسرعه كبيره تحصل السياره تنزل على المقدمة بعكس النيسان تحصله ينزل على ال4 عجلات .. وطبعاً النزله على المقدمه خطيره .. يعني تخيل لو مطبتين ورى بعض او 3 وانت تمشي فوق ال80 .. اول مطبه ممكن تسيطر على السياره بس بعد الثانيه اكيد بتختل توازن السياره وممكن تقلب (الله يبعد الشر)..

التيوتا من 1998 الى 2007 تدبل جانبينات قدام وتغير الجانبينات لجانبينات رالي (جانبينات قاسيه) .. وان شاء الله تروح المشكله .. اما بالنسبه لل2008 فالسياره توها جديده.. وماعرف حد رهم السياره .. فانا ابغي اشوف الشباب اللي عندهم تجربه في ال2008 ويخبرني ...

باختصار (ابغي حركه اخلي السياره متوازنه في البر اذا كانت بسرعه يعني بالضبط مثل ترهيم سيارات الرالي)

اتمنى اني وضحت الصوره لك اخوي :)

تقبل تحياتي

[عبدالرحمن ‍]

والله الي ياخذ لاندكروزر 2008 غلطان ميه في الميه


مرحبا بك اخوي الطبشي ...مشكور على مرورك ..

بس انا اخالفك الراي اخوي .. بالعكس الاندكروزر 2008 ممتاز .. بس عيبه بالنسبه لي هالشي واسال مجرب الموتر ..

واكرر شكري على مرورك اللي يزيد الموضوع شرف

[عبدالرحمن ‍]

والله ماادري وش تقصد هل اف جي او لاند كروزر جي


مرحبا ومسهلا اخوي مجالس الرجال..

انا قصدي TOYOTA Land Creiser 2008 G V6

وشاكر لك مرورك .. ولاهنت

[سراب اللال]

اللاند كروزر الجديد مب سيارة بر ومطامر

[الشقردي]

وش الجانبينات هل تقصد المساعدات؟

اذا كذا صح عليك
لكن رح لأحد الورش المعروفه بالرياض ودبل المساعدات عندهم.

[سيف الظفير]

وضحت الفكرة يا الذيب بس الجديد مثل ماقال سراب اللال يكفي ان الدبل كهررررررررررب !!

هذي مصيبة لأهل البر والمكشات والصقارة

[ملاحق السيول]

أصبر وسوف تجد الحل لان السياره الجديده لايوجد لها حل في البدايه وماأقول إلا الله يوفقك

[عبدالرحمن ‍]

اللاند كروزر الجديد مب سيارة بر ومطامر

سراب اللال .. تسلم على المرور .. وبالفعل السياره مصممه للرفاهيه اكثر من المطامر .. والحال على النوع القديم بعد اتكلم على 1998 - 2007 .. السياره العمليه في البر هي من ال1997 وتحت وخصوصاً الVX ..

ولكن من وجهة نظري الG ستاندر مازال المرتبه الأولى للقانص بين الموديلات اللي نزلت من شركة التويوتا .. يعني الستاندر اكثر سيارة عملية بين فئات التويوتا 2008 .. مع احترامي لعشاق Fj

وبصراحه انا قنصت في ال2008 وكنت متوقع ان عزمه بيكون ردي في الرمله لكن تفاجئت انه ممتاز في الرمل .. وخصوصا الستاندر لانه خفيف ومافيه مميزات واجده

واكرر شكري على المرور..



وش الجانبينات هل تقصد المساعدات؟

اذا كذا صح عليك
لكن رح لأحد الورش المعروفه بالرياض ودبل المساعدات عندهم.

صحيح اخوي الشقردي .. وان شاء الله بمر على الكراجات اللي عندنا في قطر وفيه كراج مختص في ترهيم سيارات الرالي .. وبإذن الله افيدكم بالمعلومات اذا حصلتها

تسلم اخوي على المرور


وضحت الفكرة يا الذيب بس الجديد مثل ماقال سراب اللال يكفي ان الدبل كهررررررررررب !!

هذي مصيبة لأهل البر والمكشات والصقارة

الله يعين.. كلامك صحيح

بس كل الشركات تدور للتكنلوجيا.. ولاهنت اخوي سيف الظفير على مرورك



أصبر وسوف تجد الحل لان السياره الجديده لايوجد لها حل في البدايه وماأقول إلا الله يوفقك

مرحبا بك ديرتي الفرعه..

الله يوفق الجميع .. والحل بإذن الله بنحصله .. واكرر اني بمر على ناس مختصين وبزيدكم بالمعلومات إن الله شاء وقدر

وشكراً على المرور اللي زاد الموضوع نور :)

[بيبسي]

مر الصناعيه وبتلقى عند اهل الترهيم ومنهم ابن مرضاح بالصناعيه عندهم ترهيم مساعدات

[هيثم صفرلي]

موفق انشاء الله

[عبدالرحمن ‍]

مر الصناعيه وبتلقى عند اهل الترهيم ومنهم ابن مرضاح بالصناعيه عندهم ترهيم مساعدات

شاكر لك مرورك.. وابن مرضاح معرووف .. وان شاء الله الى نزلت الرياض بمر عليه ..




موفق انشاء الله

الجميع اخوي هيثم .. ولاهنت على مرورك ..


---------------------------------------------------

شبااب شاكر لكل من مر وضاف اضفائه للموضوع...

أنا امس مريت كراج الرميله (بحكم اني في قطر) وقال لي حل الهوية انك تتدبل جانبين ورى .. وبإذن الله بركب دبل جانبين ورى وبجرب الموتر وببغلكم بالجديد

تقبلوا تحياتي

[أبو أسامة]

سبحان الله نفس المشكلة اللي كانت بالأرمادا اللي كانت معي وهي أنها كانت مطبات راخية بسبب نعومة اليايات والمساعدات وقد علق علي زملائي من أهل التايوتا أنها ما تصلح للبر مره بسبب هذه المشكلة وأنها فقط سيارة خطوط ..... والآن صار الاند كروزر مثلها تماماً حتى بالدبل صار دبله كهرب .... لكن طبعاً فرق الأرمادا أفضل عزم بمراحل كبيرة جداً وصرفيتها للبنزين ممتازه فقد سافرت عليه من لطائف وعبيته من المزاحمية فل ولا عبيت مره ثانية إلا وأنا بالشفا بالطائف ........ علماً بأن تفليلتها كانت بحوالي 70 ريال من بنزين 95 الأحمر ..... وتانكيها حوالي 105 لتر يعني أصغر من الكروزر ....... فهل تتكرم علي أخي الكريم وتخبرني بكم تفلل التانكيين للكروزر وكم يمشيك ..........

[عبدالرحمن ‍]

سبحان الله نفس المشكلة اللي كانت بالأرمادا اللي كانت معي وهي أنها كانت مطبات راخية بسبب نعومة اليايات والمساعدات وقد علق علي زملائي من أهل التايوتا أنها ما تصلح للبر مره بسبب هذه المشكلة وأنها فقط سيارة خطوط ..... والآن صار الاند كروزر مثلها تماماً حتى بالدبل صار دبله كهرب .... لكن طبعاً فرق الأرمادا أفضل عزم بمراحل كبيرة جداً وصرفيتها للبنزين ممتازه فقد سافرت عليه من لطائف وعبيته من المزاحمية فل ولا عبيت مره ثانية إلا وأنا بالشفا بالطائف ........ علماً بأن تفليلتها كانت بحوالي 70 ريال من بنزين 95 الأحمر ..... وتانكيها حوالي 105 لتر يعني أصغر من الكروزر ....... فهل تتكرم علي أخي الكريم وتخبرني بكم تفلل التانكيين للكروزر وكم يمشيك ..........

مرحبا أخوي أبو أسامة,

أسمح لي على الإطالة .. وذلك لظروف خاصه ..

بالنسبه للتعبئة التانكي فل هو (98 ريال قطري) واعبيه في السعودية ب(70 ريال) وللعلم عبيته مره في سلوى وانا رايح لبوظبي ولاعبيته مره ثانيه الا في ابوظبي :)

يعني السيارة ماعليها كلام ..

-----------------------------------------

وابشركم أخيراً حصلت الحل

أمس دخلت السيارة كراج في قطر .. وركبت له دبل جانبين (مساعدات) في الخلف .. ولحم لي الجانبين ورى .. و طلعت من عنده واتولج هالحزوم :) .. والحمدلله الموتر خفت هويته واااجد .. يعني ينزل على الأربع وعاد فيه ثقل قدام بس بنسبه لاااتذكر .. ((وبيني وبينكم ماجربته ذيك التجربه ولكن تجربه بسيطه واذا حصلت اي ملاحظات ببلغكم))...

تقبلوا تحياتي

[أبو أسامة]

مبروك عليك حل المشكله و إن شاء الله إنها آخر المشاكل ........ وتكرف الموتر بالعافيه .........
والله الله بالراكداه في البر بالذات بالليل ما تدري وش قدامك ........

[عبدالرحمن ‍]

مبروك عليك حل المشكله و إن شاء الله إنها آخر المشاكل ........ وتكرف الموتر بالعافيه .........
والله الله بالراكداه في البر بالذات بالليل ما تدري وش قدامك ........

لاهنت على مرورك أخوي..

والله لايهينك على النصيحة.. ولاتوصي حريص مانختلف الا وقت طرد الطير وابشرك التكنلوجيا ساعدتنا بجهاز التتبع اللي في الطيور..

وشاكر لك تشريفك الموضوع

[عسلوف]

اخواني الاعزاء السر في السيارات الي تصلح للمطامر هي وجود دفرنش امامي متصل مثل الباترول او الشاص الخ اما السيارات التي قدام عكوس فهذه مهما سويت فيها فلن ينجح احسن تاخذ ربع تويوتا او باترول وكل سيارة يكون لها ضريبه في تصميمها خل الاند كروزر للطبزة وخاصة 2008 مع اني ما احبها

[شيخ البليزر]

حمل عليه خمس اكياس اسمنت وبيضبط معك

ارخص وبدون لعب في السياره ومتى ما بغيت تنزلها

[عبدالرحمن ‍]

اخواني الاعزاء السر في السيارات الي تصلح للمطامر هي وجود دفرنش امامي متصل مثل الباترول او الشاص الخ اما السيارات التي قدام عكوس فهذه مهما سويت فيها فلن ينجح احسن تاخذ ربع تويوتا او باترول وكل سيارة يكون لها ضريبه في تصميمها خل الاند كروزر للطبزة وخاصة 2008 مع اني ما احبها


كلامك صحيح .. ولكن بغينا سياره من جميع النواحي سواء في بلاد والا في بر .. وشاكر لك تعقيبك

[عبدالرحمن ‍]

حمل عليه خمس اكياس اسمنت وبيضبط معك




ارخص وبدون لعب في السياره ومتى ما بغيت تنزلها



ههههههههه ... شيخ البيلز عز الله انك صادق ... وبالفعل اكثر من مره يكون الموتر محمل ويركد الظاهر لكن البلا لاينشق كيس في الموتر :)

لاهنت على تشريفك الموضوع

[عبدالرحمن ‍]

يالربع ارجع لكم لمتابعة الموضوع ...

الموتر بعد الترهيم طلعت فيه بعض المشاكل وبذكرها لكم ...

طبعاً الكراج اللي انا تعاملت معه للأسف شغله تعبان .. لانه حط لي مساعد بنفس حجم الوكاله ورى ..
والسيارة سارت وعرة (كأني راكب جيب) .. ولين الحين المشكله ماراحت 100% يعني راحت بنسبة 75%
وبعدين من كثر مناقز الموتر تانكي البترول يتعبى هواء ...

وان شاء الله تتم معالجة هالمشكله .. وبروح للرياض عشان ارهم السيارة .. وبيتم تحديث الموضوع بما يستجد

ولاهنتو